فراشات تخشى الاحتراق

٤٢

مساء الخير

فراشات تخشى الاحتراق
الجزء الثاني والاربعون

عدلت نومتي وسالته باهتمام..
يعني سبب شكك بيه هي ؟؟
تنهد وكعد اخذله جكارة ..رجع تمدد ع النص
ونفخ الدخان وحجى..
اني مو معقد ولا شخصيتي ضعيفة والسوته
يكسرني..
بس الشي الكان بينا كبير..ماتوقعت تضيعه
بسهولة..

لا تعقدين حاجبج وتضوجين..
انت ماتوصل لشخصج مرة..
انت تركبية نادرة ومميزة..صح..قبل
ماكنت اعرف هالشي..
وكلت تبيع مثاليات حالها حال غيرها..
اذا ذيج علاقة وذبحت نفسها بالحب حسب
زعمها..
تخلت من اول زواجنا..

واني ابو لسان وماينوكل حقي..
مو بعد انت غريبة وتزوجتي اياد تقليدي..
وهو فقير اكيد تستغلي..
اي اي هذا جان تفكيري..
بس انت غيرتي بنفسج وبلا ماتتعبين او تتعبيني..
طبيعتج التصرفتي بيها كشفت معدنج..
ماتصنعتي..ما تلونتي..
واني هذا اليعجبني..

ابتسمت وانة صافنة عليه..اكدر اعرف
شنو سوت؟؟
طفى الجكارة بطفاية اليمه وكال..
اكيد تعرفين وشنو تحبين سألي..
بس اكوم اجيب ماعون حلويات..
لا يا انة اكوم..
حجيتها كمت وكعدت والتفيت بالفراش..

هو ضحك ت موقفي لان نسسيت نفسي
مالابسة شي..
اول مرة اذب ملابسي كلها..
بقيت منحرجة بس هو طلع بسرعة..
جريت الثوب لبسته ولو مايستر بس اسمه
ملابس..

هو رجع شايل صينية جابها يم
الجرباية وكعد..
غطيت عيوني بيدي وابتسمت..مشكووور
شكد عيب ردت انة اكوم.،
عيب من شنو..اني اصلا متعود اخدم
نفسي صارلي هواي..
تعاي اكلي..وباجر اطبخلج برياني
ابد مماكلة مثله..
ههه لا صدك!
وعيونج الحلوة..

تقربت يمه اخذت بقلاوة جاي اكل..
جرني لحضنه نمت ع رجله..
استحيت درت خليت راسي ع رجله
صار وجهي كدامه ..دنك وابتسم..
خجلانة من كلشي!!
ههه كافي عاد لتحرجني..اصلا احس
هسه غير وحدة وياك..
اي صح مساع رافعة علي جام وتحجين
برسمية..
بس هسه لا وكعت الكلفة..حجاها وغمز..

مو وكعتها الكلفة ليش رجعتيها..
يحجي ويباوع لملابسي..
احسن اخجل..يلا لا تنسيني احجيلي..
يعني حتى لو مختصر عن..
..الفات..حجيتها بتنهد..

هو شال راسي وهو بحضنه ورجع انتجى
ع الجرباية
ووكف رجليه وصار راسي ع بطنه واباوعله..
ابتسم كال هيج اريح..وحتى ماتنزعجين..
عدلت راسي وابتسمت..

هو بدا يحجي..ونظراته تباوعلي بحنية..
مثل ماكتلج تعرفت عليها بالجامعة..
صارت بينا علاقة..اني مو نوع علاقاتي
كثيرة بالبنات او العب..
بس كنت مرغوب ..والتتقرب مني مااكسر خاطرها..
بس من تشوف ممتفاهمين هي
التنسحب..

الى ان تعرفت ع الاكس..
صارت علاقة وطلعات ولقاءات..
دللتها بكل معاني الدلال..مو تباهي
بس اني احب اتعامل وي المرأة بكل احساس..
امممم..
هههه لا تنزعجين..مكانتج عظيمة جداً عندي..
كمل..