فراشات تخشى الاحتراق

٤٣

مساء الخير

فراشات تخشى الاحتراق
الجزء الثالث والاربعون

عجيب!زين من سنة سنتين مانسو السالفة
وخلوها تعيش حياتها..
لا حتى ذاك اصلا تزوج وخلف..بس
هي جدي واخوانه فرضو عليها
ماتتزوج..
جان ابن خالتها رايدها بس بعد
ماترهم تتزوج..
ورا ما مرت سنين شافوها كبرت..
رادو يزوجوها هيج مجرد زواج..

بس ابوي اخذها يمه وكلهم تبقى عندي
وانة مسؤؤل عنها..
بعد تعرف من يصير هواي جناين بالبيت
واكو بنت مامتزوجة ..محد يتركها
بحالها..يعتبروها فارغة بلا مسؤولية
يصير الشغل والكراب كله عليها..
واذا رفضت تصير مو زينة وعانس
وشادة وياهم..
صح كلامج مجتمع مجتمع متخلف وجاهل ..

اي كلش جهلة..حتى اهل ابوي جانو منغلقين
بس ابوي اكثر واحد يحبها وامي
كلش تحبها..
هي شجعت ابوي يجيبها لبيتنا..ومن وقتها
هي وي امي اخوات ووحدة
تموت ع الثانية..
واضح هالشي من تصرفاتهم..اني اول مشفت
تعاملها توقعت خالتج ..
لا هي وي امي عشرة عمر ويحبن بعض..

زين هسه اذا احد تقدملها متوافق؟
تكول بعد شبقى بعمري..والمرض ماخذ
حيلي..
للأسف هيج جوهرة تنهمل وتعاني هالمعاناة..
بعد نصيبها هذا..
اكيد كلشي مقرر ومقدر ..

باوعتله وحركت نظراتي..تكمل كلامك
عن الماضي لو..
ههه وين وصلنا..؟
لحد ما..يعني راجعتو ..
اها اي..راجعنا ثنينا..هي كانت التهابات
بسيطة وانتهت..
بس اني جان املي قليل..
اخذت علاج هواي ووصفات هواي طبقتها..
بس ماصار..

هي بدت تتملل..حتى مو مثل قبل تعتني بهندامها
وتكشخ..
صارت عبالك عايشة كوة..اسلوبها وي امي
ابدا مو حلو..
جنت اسكت واكول نفسيتها تعبانة..
بس من اشوفها كل شهر يخيب ظنها..اتضايق
وانقهر..
كامت متتحمل الكلمة كلش ..
اخر شي كعدت وياها وكتلها اني املي ضعيف
ويمكن اطول بالخلفة او يمكن ابد ميصير
عندي..
لتربطين نفسج وياي..

بقت تبجي وكالت ماعوفك بس نفسيتي
تعبانة..حاولت وياها هواي بس مصرة
ابقى وياك وانتظر وبعدنا هسه مصارلنا هواي..
بس ورا مرور السنة لا..صارت اسوأ وصار تعاملها
ناشف..
سكنت بيت اختها..
كل يوم والثاني تروح الهم..
يابه كافي تروحين كل يوم اني زوجج مدا اشبع
منج ..
خليني اروح اتونس وي اختي وجهالها وضايجة
ومحبوسة..

خليتها تروحوصبرت وسكتت..واني
الاحظها كامت متهتم بيه لو لوجودي..
تعاملها نتر..بين كل حجاية وجابت سيرة
الطفل..
هم حاجيتها وخيرتها..كالت انتظر بس هالسنة..
اني من كالت هيج كتلها روحي لاهلج
وحقج يوصلج كامل..
ممجبورة تتحملين وتحددين وقت بعد..

هي حست روحها خربطت بالحجي..بقت
تعتذر وتتاسف ..بس اني ضجت
منها هالفترة لان صارت تمثل هواي..
احسها ع اعصابها تتصرف..
خليتها براحتها وكلت اعاملها بالحسنى..
رغم بساعة موقفها وياي وماوكفتلي
بهيج محنة..بس ماظلمتها..لان عقلياً اكول
حقها تريد طفل..
بس من ارجع لعلاقتنا وشلون ردنا بعض ..
احسها تافهة وعديمة وفاء..