أنت تقرأ

فراشات تخشى الاحتراق

ChickLit

المرأة فراشة رقيقة..والمجتمع نيران..تحاول احراق كل رقيق .. فهل تسلم الفراشة منه ام يلفحها لهيبة وتحترق اجنحتها!؟ قصة اجتماعية عاطفية وووو...انتظروني قريباً

#اجبار #اجتماعية #ادب #العراق #حزن #زوجة #عاطفية #نسائي

6

51.6K 3.8K 2.6K 
                                    

                                              
السلام عليكم 

                          
فراشات تخشى الاحتراق
الجزء السادس

                          
حاجيته بهدوء ..الله بالخير والكرامة..
والنعم منج ..طبعا ردت افاتحج بموضوع واخذ رايج 
يلا اتصرف 
اريد تسمعيني للاخير وبعد انت وقرارج 
وشماكان راح احترمه ..

                          
اي تفضل خير انشالله..
شوفي ست انة رجل ارمل من تسع سنوات 
عندي اولاد ثنين 
الجبير متزوج ومستقر لوحده والثاني تعرفو
اكيد اجه كم مرة ع مايا 
هذا رايد بت عمه بس تخلص ثالث ياخذها 
يعني بعد ماافكر او احمل مسؤولية احد 
اكون رجال حر...

                          
طبعا انة من كال هيج كلت بكلبي مايا جنها 
طفاري تاخذ زياد برجي
وينج خية هنادي تعاي لطمي...

                          
كمل كلامه ويحجي عن نفسه ..
طبعا سبق وحجيتلج سبب تركي للوظيفة
وتقريبا تعرفين عني هواي امور...
وانة بصراحة اعتبرج امرأة فريدة ونادرة
فاتمنى تشاركيني حياتي كزوجة...

                          
عدلت حجابي وبلعت ريك بتوتر ابد ماتوقعت 
منه هالشي عبالي ينظرلي كبنته 
حاولت اكتم توتري وجاوبته..
حضرة القاضي كل الاحترام الك واكيد شخص
مثل حضرتة اي بنت تتشرف يتقدملها 
بس انخطبت وهالايام العقد مالتي...

                          
باوعلي متفاجأ وعقد حواجبه بس تلاحك نفسه
وعدل ملامحه..
اها اذا هيج للاسف انة اجيت متاخر ومابيدي
غير اباركلج واتمنالج التوفيق..
شكراً جزيلاً لحضرتك ..حجيتها بابتسامة خجولة..
كام وكف وسد دكمة السترة وكال..تتهنين 
ومبارك الج..
شكرا ..
مع السلامة انة اترخص..

                          
طلع من يمي وانة حرارتي ارتفعت اكثر من 
ماحجيت وي هذا الخطبني 
هذا اله رهبة وواحد يحس بي هيبة..
بس صدمني بخطبته الي انوب لزمتني الضحكة 
طلع راسم للبعيد..

                          
طلعت من الادارة رحت لغرفة المدرسات وحطيت
دفاتري وكعدت ادقق 
مابقى شي باجر اخير امتحان ولازم اخلص كلشي
جانو بس فاطمة ومها مخلصة مرقبتها وكاعدة تصحح
والحلو محد يدري بالقاضي هو الطالبني
مو المدير...

                          
بلشت اشتغل وشوية ودخلت نازك واليوم الوجبة
عليها 
كالت يلا حبيباتي تجمعو حتى ناكل..
احنا طبعا نعرفها ونعرف طينتها 
وحتى ماشركناها بجدول الوجبات
بس هي تهوبزت واحنا خليناها براحتها..

                          
كعدت ع الميز وطلعت علاكة سودة
وفتحتها 
طبعا احنا محد تقربت 
اشو من فتحتها طلع بيها جدر شوربة 
صغير كلش حجمه حجم طاسة 
حطت ورقة ع الميز وحطته فوكها 
وطلعت خاشوكتين..
يلا بنات شوربة تفوتكم تعالو ..

                          
بقينا وحدة تباوع بوجه الثانية شسالفة
حتى خبز ماحاطة ويا!
الكل كلها بالعافية شبعانين
هي كالت يا تفوتكم كيفكم وضحكت باستهزاء
احنا لبسناها محد حجت 
بس خوفنا لا تدخل هنادي غير تسبحها 
بشوربتها..
فراشات تخشى الاحتراقحيث تعيش القصص. اكتشف الآن