فراشات تخشى الاحتراق

٤٤

صباح الخير..طبعا كنت بالطبيب ورجعت متأخر وكتبت البارت
وسهرت لهسه يعني ماكدر اسهرلكم لبارت باجر ..اذا مانزلت باجر
تعذروني🥺

فراشات تخشى الاحتراق
الجزء الرابع والاربعون

من سمعت حجي ام اياد انصدمت...
شعنده جياد يطالب الورث..
معقولة يطلع جياد كذاب ومتلون وتزوجني
لهالسبب!!
بس هو مو ماعنده..عنده ورثه ببغداد
وعنده عقارات هنا وظيفته هم والمكتب..
يعني ماعتقد يطمع بفلس يتيم..

ماردت احسس نعيمة انة مادري
لان اذا بينتلها جهلي بهالموضوع
خاف تزيد من يمها وتضيع علي السالفة..
حاجيتها بهدوء ..

وين المشكلة ليش تردين اقنع جياد
يعوف الموضوع؟؟
يعني انت تعرفين؟؟؟
اي اعرف اكيد..وانة واثقة بتصرف
جياد اكيد يريد مصلحتنا..

انة كلت هيج وهي طفرت بوجهي..
وانت شعرفج بت الفكووور..اكيد هو كلج
ماكو غيره..
ساقطة شسويتيله سحرتي وهيج متولع بيج
ويداعي بحقج..

ع صوتها اجو الحهال يركضون للمطبخ..
اخذتهم بسرعة جوا وحاجيتهم بخزرة..
ماريد احد يجي
للمطبخ فاهمين؟؟؟
هزو راسهم ومستغربين وضعي..

بس ماردتهم يشهدون عركتي وي بيبيتهم
والطفل هيج مواقف تنبت بمخيلته وتكون مسؤولة
عن حبه وكرهه للشخص..

رجعت الها ورديت باب المطبخ ع النص..
بس شافتني كامت تلعلع ووكفت..
شنو محتقرتني محاسبتلي حساب ..احاجيج
اخذتي جهالج ودخلتي..
انت ماخليتي لنفسج احترام..ودخلت احفادج
جوا ..حتى ليشوفون جدتهم شلون
هادة ع امهم..

اووي ام الحنية عشتوووو..
مانتظرج تشهديلي ..وموضوعج الجاية بيه
مو يمي..الحجي كله يم جياد..
اذا انت ماتكدرين تواجهي وتخافين منه
لا تذبين حركتج بيه ..

بسيطة بسيطة ولج..الفكر المبهذلة الزعطوطة
الزقجة ..
ههههههههه صدك تحجين ؟؟جهال احنا شنوو..
هي شافتني ضحكت وهي طفرت عليه
ونومتني بالكاع وتمشع بيه
احسها شلعت راسي واقاومها عبالك اقاوم
بصبة كونكريت..
شبعتني فشاير ومسبة وحجي..

وماحسها الا اندفعت من فوكي طارت يم البراد..
واشوف جياد عتها من جتفها
وانة كمت سندت ع الكاونتروشعري انفش واتنفس كوة..
هو عتها ودفعها حيل..
شتريدين؟؟؟؟شعندج داخلة لبيتي وكافشة
مرتي شنو حيوانة انت؟؟؟؟

انة كمت ارجف من صوته ونبرته..اول مرة
اشوف جياد بهالحالة..
هي ردت بارتباك..تتجاوز عليه واني بكد امها..
عاط عليها حيل..
تتجاوز عليج وتسحك راسج..

انت شنو ماعندج زلم تكمشج؟؟لج اذا ولدج
ماردوج اني اسحكج بالقندرة..
ومنو اليحجي لو يطلع لسانه اسحكج وياا..
وبالعشاير الحق الي لان ترجعين علي وعرضي..
اما القانون مااحجيلج بعد..فااااااهمة؟؟؟؟