فراشات تخشى الاحتراق

١٨

مساء الورد

فراشات تخشى الاحتراق
الجزء الثامن عشر

باوعتله بأسف..هو دار وجهه وكعد بالكاع
اجيت كعدت يمه ..
رفع راسه ليفوك وتنهد..
كوومي دخلي اريد ابقى وحدي..
لا ماادخل ولا تبقى وحدك الا تدخل
جوا هسه وتسبح وتخلص
من هذا السم...

دار وجهه عليه وحجه بقهر..شعليج
بيه خليني ارتاح انسى كلشي..
شنو التريد تنساه؟؟ومن شنو ترتاح؟؟
شنو ناقصك بلة ؟؟صحة وشهادة وسمعة
وعائلة وفلوس وبنية تحبك..
ابنك نايم حوعان؟؟مرتك مريضة وماعندك
تعالجها؟؟
شبيك مسويلك حزن من لا شيء؟؟

ضحك ودمعت عيونه..
شنو كلتي؟؟عائلة؟؟ولج هي وينها العائلة
اني من فتحت عيني للدنيا
ماكو عائلة..
صفن عليه وغوركت عيونه..
جمانة اني عمري ماحسيت عندي ام
خلصنا عمرنا متربين عد الخدم
عمرها ماوكفت ع راس واحد تمرض
ماسهرتله ماحسسته بكنانها..

منار من كبرت هي بقت ترعانه
تحن علينا وتوكفلنا لو ردنا شي
ولان زينة حاربتها حرب لحد مازوجتها
تشوفيها تجينا كل كم شهر مرة
مثل الغريبة وتروح..
كله بسبب امي...

وابوي مثل اياد بالضبط ..هش وضعيف
او يمكن طيب زيادة عن اللزوم..
اياد انت لزمتي وحطيتيله قيمة بين الناس
بس امي لا لغت مكانة ابوي وقيمتها
كلش..
وهو استسلم وعاش طول عمره سلبي..

صح حجيك مالومك بس ع الاقل كدام
الناس السمعة الزينة
يعني من سالو اهلي عنكم الكل مدحكم
وكالو تنطوهم وماتخسرون
بعمري ماتوقعت السمعته من مديح
عنكم نفسه هسه من دخلت الكم...

هو ضحك وزمخ بيه..اسكتي لج شبينا احنا؟
مابيكم اي شي ينمدح ..
والدليل كعدتك هنا بتالي الليل
الناس تالي الليل تتعبد تصلي
انت حاط هذا المنكر وكاعد..
بربك من شفتني خجلت وشصار بيك..
جا ربك الجاي يشوفك هسه شلون ماستحيت منه؟

ركز بوجهي وتالي حجه..
انت شجابج علينا؟؟انت شدخلج بحياتنا
معقولة هذا اياد هلكد محظوظ؟
ليش دخولي بحياتكم خربها؟؟؟

هه بالعكس بالعكس ..انت طوق نجاة
يلوح لكل شخص غركان ببيتنا ..
جمانة انت بنية ماملوثتج الدنيا واهلج
ربوج بتعب
تدرين من تزوجتي اياد وتعرفت عليج
كرهت طيبة..
ليش؟؟؟

لان ردت انسانة تشبه صفاتج ..نفس وفائج
لخطيب تغير بين يوم وليلة ٣٦٠ درجة
وتحملتي وتزوجتي وتعاملينه
معاملة امي ماعاملتني بيها..
قبل لا تدخلين حياتنا ماحنت ادري اكو
وحدة مثلج..
رغد شكد زينة بس مو بصفاتج ولا كدرت
تاثر بنفس احد بينا..

امو عبالج جاي امدح بيج كدامج لا لا
ابد
بس انت طاهرة وصدك فرحت لاياد من
حصل هيج مرة
لا تكولين يحسد حياتنا وعينه علينا
ترى مو هذا قصدي واتمنى سعادة
اخوي..