فراشات تخشى الاحتراق

٢٥

السلام عليكم
هذا البارت صدع قلبي ..........

فراشات تخشى الاحتراق
الجزء الخامس والعشرون

حطيت الصينية بابدهخزرته
وحجيت بصوت ناصي خفت احد يجي..
طلعني من موضوعكم القذر رجاءاً..
ودخلت جوا استغفر ..يعني هالبشر
شكد اخلاق كدام الناس
وحتى من دخلت الهم ماشفت منه شي حقير
شبي وي عرضه..

بس شنو قصده اخاف وبشار تزوج هذا الظاهر
اكوشي بين غدير
وبشار من حذرني فد مرة
يمكن شاك بيها وراد يتاكذ مني!
مدري شنو تاليتهم ذولة الله يبعدني عن
مصايبهم..

نظفت السنك وخلصت ودخلت جوا
الجهال يم اياد بالديوانية برا
كعدت يم البنات واحس رجليه ورمت
من الركضة والتعب
مددتهم وكعدت بالكاع لان ماكو مكان ع القنفات
وهم الاغلب كاعدين بالكاع..

بقت بت خالته تسولف وياي ع دوام عبالها
بعدني اداوم
كتلها تركت من جبت ادم لان ماكدر اعوفه
واحنا نسولف اجت رغد كعدت
وي كعدتها سمعنا صوت الصعاديات
ذولة الولد جانو محضرين العاب نارية
ومتفقين وي بشار يكلهم خلص
حتى يضربوها..

هم ضربو واحنا كلنا اخترشنا من الصوت
اشو ماشوفهم الا طفرو للحديقة
انة بقيت بمكاني استحي اطلع ورغد انتجت
ع القنفة وتحرك بيديها..
يمه منج طويبه يمه البرعة مستعجلة..
ههه ولج هسه الا تاخذين غيبة ماترتاحين..
يا غيبة سكتي رحمة لاهلج
شايفتلج عروس تكل لرجلها اخذلك
حباية منشط..

انة شرگت بريگي وبقيت اكح..وهي
انطتني بطل من يمها اشرب وكوة جريت
النفس وهي بقت دموعها تصب
من الضحك عليه..
تالي جريت نفس وبقيت اسب بطيبة..
ولج صدك تحجين؟
اي عيني اليوم تريده يوصل للمريخ ههههه...

جاي نضحك ودخلو النسوان الكبار كالو
ليش ماطلعتو باوعتو
رغد كلتلهم يرادلي عكازات حتى اكوم
وهن بقن يضحكن كالو حقكم شلتو
العرس كله..

شوية ودخل اياد شايل ادم نايم ..
كمت اريد اخذته منه وصعدت بدلتله
ووديته لفراشه
اريد انزل وجاب عبدالله هم نايم
سويتله ممه شرب وبدلتله ورجع نام..

خليتهم بفراشهم ووانداريت اريد احاجي..
لكيته لازم صفحته وواكف يشرب ماي..
تقربت منه وسالته بخوف..
خو ماتعبان؟
ك ك كلش..ت ت تعبان..
ب ب بس..لخ اااطر..ب ب بشار..
ما ماردت..ا ا ابين..
سودة عليه اخذ علاجك وتمدد ..
ا ا اخذته..

خوش تمدد ارتاح وانة يمك بعد ماعندي شي
جوا..
بدلت واجيت تمددت هو حط راسه ع صدري
شوي وغفى
وانة من التعب هم ما حسيت ..
وحتى الجهال بيومها تعبانين ماكعدولي
بالليل
وي الاذان كعدت وصليت
كعدت اياد يصلي بالكوة كام..