فراشات تخشى الاحتراق

19

مساء الخير

فراشات تخشى الاحتراق
الجزء التاسع عشر

اباوع لرجليها انترست دم..احس رجفت
من منظرها..حاجيتها بخوف..
احجي ولج بس لا اخذج؟؟
هي باوعت لروحها وجرت ثوبها وخنزرت
عليه ..
هاي الشهرية واذا فتحتي حلكج اسحك شرفج
برجليه..

وي ماكملت جملتها ضربتها راشدي بكل
قوتي..
امشي ولي يطبج مرض قذرة.....
عفتها ودخلت للغرفة ارجف..شكد وقحة
وصلفة
انوب تنزف مدري شبيها وتجذب
مشكلتها عد اهل هم ينجازون وياها ..
بس شلون خاف صدك ماخذها وينفضحون
استغفر الله هسه شسوي..
احسن شي احاجي ايهم ..

رجعت لفراشي اريد انام ماكو نومتي طارت
لحد ماكعد اياد وريكته هو وعمي
والولد وراحو..
جاي انظف ودك تلفوني عمة حنة تخابر..
نشفت ايدي وجاوبتها..

صباح الخير حنة شلونج..
بعد كلبي الحمدلله زوينة..ابنج ورجلج شلونهم..
نعمة حمدلله صوتج بي شي؟
هه لا ماكو شي..بس اريدج تحاجين ابوج
خل يروح للطبيب..
بعده ماراح؟؟
اي وصارله يومين كوة يتحرك لا حيل ولا قوة
مغورب واصفر..

بعدين اجي واحاجي طبعا شكيت من صوته..
اي بس منج ياخذ الحجاية امج ملت والولد
ماياخذ حجايتنا
ونخاف السكر يضرب بي شي وياذي..
اسم الله ع اسمه سودة عليه اليوم قبل لا يرجع العصر
اياد للشغل اخلي يجيبني..
هلا بيج حبيبة عذريني قلقتج..
شتحجين غير كلبي انمرد هسه..
اسم الله عليج حبيبة..

سديته ورجعت اريد ايدي تاخذ شغل ماكو
ابوي عنده سكر من زمان ومسيطر عليه
جان بالعلاج
بس اخر سنة كلش اذاه بالذات ورا زواجي
واعرف من قهره عليه..
ماصدكت اجه اياد وارتاحله شوية وقبل
لا يروح اخذني الهم..

من وصلت الهم لكيته متمدد بالهول
وجهه اصفر وحيله يرجف..
حسيت نفسي خيمة واوتادها رخت
بس ماردت ابينله قهرتي
كعدت يمه وسولفنا كتله جبتلك ادم مو تكول
اشتاقيتله هذا الزعطوط اخذ معزتي..
باوعلي بملامح تعبانة..
مفتاحي للجنة انت وماكو اغلى منج..
بعد عمري انت..

اجت امي جابت دارسين مسوية حطت الصينية
وكعدت..
عاشت ايدج اممم طيبة ريحة الدارسين شكد
صارلي ماشاربة..
تنهدت وكالت..بالعافية يمه شربي سويته
لابوج الصاير حاله بالويل
ومايقبل لا يروح للدكتور ولا ينظم علاجه..

باوعت لابوي وحجيت بقهر..
ليش بابا ومن اسالك تاخذ علاجك تكول اي
وصحتي زينة
ويوها زينة وانت حيلك يرجف ووجهك اصفر ؟
ههه لا يابابا امج تبالغ ماتدرين بيها ..

بس وضعك واضح مايحتاج مبالغة
انت ليش هامل صحتك هلكد؟
التفت لامي وسال بعتب..نهلة جايبة
البنية من بيتها حتى تحاجيني؟؟
لا ابد ولله ولا كتلها ولا حجيت ..