فراشات تخشى الاحتراق

٢٤

مساء الورد حبايبي وكل عام وانتو بخير وربي يحفظ
كل احبابكم ..

فراشات تخشى الاحتراق
الجزء الرابع والعشرون

من كال اياد هيجي طكيتها ضحكة بوجهه
مادري ليش صرت سفيهة
وارجع اضحك..
هو بس صافن بوجهي ومبتسم..

سكتت من ضحكي وجريت نفس..
يعني اياد صدك تحجي ههه يعني انة اسويها؟
هههه..ل ل لا..ب ب بس..
اشو و وفج..ت ت تلبسين..م م مال نووووم..
ي ي يعني..اك يييد..ت ت تريدين..

ههه لا يعني انة يومية البس ملابس نوم
مو معناها اريدك تتقربلي
بس احب بالغرفة البس واتأنق وترى العين
هم تحب تتمتع مو صح..
ه ه هه..لو ت ت تية..

لا جاي احجي الصح..بس انت لا تسمع لاي
واحد
وجياد شمدري انت متتقربلي معقولة تحجي
اسرارنا الزوجة لاحد؟
ما ما ما ..ح جججيتله...س سمعني..
م م من..ال ال دكتتتتور..س س سالني..
و و واني..ك ت ت تله..
ص ص ارلي..ش ششهور..
ل ل لان..ما ما..ع ن ن ندي..ط ط طاقة..
ات ت تعب...

اي حبيبي انت حانت صحتك تعبانة ومتالم
يعني مو وكت تقارب
هسه اني تطكني فلاونزا اكره كلشي وماريد
تتقرب مو بعد هيج وجع قوي..
هسه نام وذب تعب السفر والطريق
ولا تخاف مااكتلك وانت نايم هههه..
هو تقرب وحضني حيل وباسني بخدي..

يوم ثاني العصر خابرتني امي كالت
راح يجون يشوفون اياد
فرحت بجيتهم لان صارلي هواي ماشايفتهم
سبحت الجهال وبدلتلهم
وكلت لاياد اخذهم وروحو بالحديقة
حضرت كيك ع السريع وجاي لان ثنينهم
مايشربون العصير..

صعدت للغرفة حتى الحك اسبح وابدل وانزل
بصعدتي تصادمت بغدير تريد تنزل
عديتها بلا مااهتملها ودخلت
للغرفة
جاي احضرلي ملابس واندك الباب..
صح منو؟
سمعت صوتها كالت اني..
كلت الله يستر شعدها من سالفة ..

كتلها دخلي ودخلت انة بيدي الخاولي
اريد ادخل للحمام..
هي وكفت بالباب ..ها تريد تسبحين عود ردت
احاجيج..
ع شنو؟
موضوع ردتج بي بس يلا من تخلصين..
اي خليها بعدين لان هسه اهلي ع جية..

ها اوكي اني طالعة..
عفتها ودخلت للحمام سبحت ع السريع
وطلعت
بدلت واخذت تلفوني ونزلت جوا
فتحت الديوانية البرة
كعدنا انة واياد والجهال ننتظر اهلي
شوية واجو ..

سودة عليه ابوي تعبان وصاير يجر النفس
كوة
وادم كلش يحبه طول الكعدة هو بحضنه
بس ماطولو بسرعة راحو
من طلعو كالت امي سلمي ع ام ايثار
اياد انحرج لان مااجت سلمت
بس رغد طلعت
وعمي والولد بالشغل..

ورا ماراحو اياد كال خاف زعلو لان
ماطلعت امي
كتله لا ماعدهم هيج شي ..