فراشات تخشى الاحتراق

٢٩

مساء الورد

فراشات تخشى الاحتراق
الجزء التاسع والعشرون

انصدمت من سمعت حجي طيبة وصريخها
والفشاير الي ماواردات بقاموس
اريد اجمع حروف وانطقها ماعرف..
اخذتني رزالة وها ولج ام الزلم مسوية
روحج متدينة
الله يستر منج وهيج منج وهيج منج
باعي رجلي شيلي من راسج لا ابليج
مستعدة اكتلج وادخل سجن بس رجلي ماتاخذينه..

احجي احجي***** ليش ساكتة احجييي..
هزيت راسي وجاوبتها بهدوء مصطنع
لان بصراحة تجاه منطقها الحجت بي انة فقدت
حتى مخارج الحروف..

باعي طيبة خليتج تغلطين براحتج وماتجاوزت
بس اذا عدتيها تندمين..
رجلج يمج ولزمي عدل حتى لا يدور غيرج..
اذا انت سيئة وطفش منج ..انة ما
مسؤولة عن تصرفاته..

هو يحبني يموت عليه بس انت *** ولزكتي
روحج بي ولج ماتخافين ربج
مرته ويحبني وحامل هيج تفرفحيني..
لا وتحجين بهدوء لانج مرتااحة طبعا
مرتااااحة ضامنته الج ..
ااخ كون الزمج

ولج العوبة لا جسم لا رسم جنج لعابة نايلون..
بيش غريتي وشلون جريتي وانت جنج صبع
رجلي الصغير..
بس يجوز ضايك منج ومتخبل طبعااااا ارملة
وماعدج رجل..

صرخت بيها حيل..سدي حلكج ادبسيزز..
اذا انت واطية ..انة تاج راسج واذا جبتي
شرفي بكلمة ..اجي وبنص بيتكم امسح
بيج الكاع ..

سديت التلفون بوجهها وشمرته..
يعني جان ناقصني ضيم وبلاوي وتطلع
ست طيبة المحترمة تحجي بشرفي..
شكول عليك بشار شكد احتقرتك ..جنت اكول
هو راح يوكف وياي لو عمتي
اذتني..
ماتوقعت يسوي التريده واكثر..

اذن الموذن وخلصت تبديل وطلعت
ابوي مخلي السجادة بالهول يصلي..
وعمة شايلة عبدالله جاي تشربه ممه..

باوعتلهم طكت الدمعة بعيني ..بس ماريد
ابجي كدام ابوي..
رجت توضيت واخذت عبدالله من عمة..
شكله نعسان..
كملتله الممه وبقيت مخليته بحضني
واتأمل ملامحه..
هو واخو يشبهون ابوهم كلش ..

غفى وحطيته بفراشة وكمت صليت..
طلعت لكيت امي جاية..
حضرت الغدا وصبيت وكعدنا ناكل..
بيت معين مانزلو وريان بالدوام..
بس احنا والجهال..بس جان سكوت
كلمن يحجي وي نفسه كد حيرته..

لحد المغرب خابرتني عمتي وسالت نفس
السؤال..
كتلها يحرم علي حرمة اخوي..
وهي انجنت وبقت تصيح ومن باجر
اروح اشتكي واخذهم..
اشتكي براحتج ..اول وتالي حضانتهم
الي ..
نشوووف نشوف بس صبري..عيطت و
سدت الخط بوجهي ..

بقيت افتر بالغرفة مثل المعسرة ..شسوي وشلون
اتصرف
انة ادري الحضانة حقي وهذا القانون
بس المتأكدة منه هو كلشي صار بالحرام يمشي
والرشاوي تطلع القائل بريء..
ياربي ساعدني دخيلك انت ملجأي..
خل اصلي صلاة الحاجي وادعي..