عودة أمل 💛

الحلقة الرابعة

عودة أمل2
(وعودة إلي الماضي )
    بوسي
♡♡♡♡♡♡♡♡♡♡

الحلقة الرابعة:-
*****************

أمل ممسكه بيد هشام
" هشام استني غير هدومك الأول "
رجع هشام للغرفة مرة تانية

أمل علي عتبات الدرج تجد وعد ونورهان وهما بيبكوا
أمل / في ايه ..... بتعيطوا ليه؟!
أخذت أمل صغيرها من بين أحضان نورهان
لتهبط الي أسفل

مها / جايه ليه يا مديحة؟
فرحانه علشان ابنك خارج بعد كام شهر
بعد ما طلعتوا من القضية بخمس سنين 
خمس سنين كأنه دبح فرخة مش بني آدم عيشت اكتر من عشرين سنه اربيه واشوفوا قدام عينيه بيكبر
😭😭😭

بكت أمل بحرقة وهي تحتضن صغيرها
تابعت مها وهي تشاور علي الصغير
ذنبه ايه دا اللي مشافش أبوه ولا يعرف ليه أب غير هشام ابنى
ذنبه ايه اللي كان عمره أيام يعيش يتيم
مديحة وهي تمسد علي رأس مها
"حقك عليه يا مها " موت شادي مكانش سهل علينا كلنا
بس ابني لو حصله حاجة هتستفادوا ايه هيرجع اللي راح ؟!

نزل هشام مقاطعاً مديحة / هشفي غليلي علي الأقل اخد بتار شادي
نظرت له أمل بدهشة وهي تحاول جذبة نحوها بعيون باكية
تجاهلها هشام وأبعد يدها عنه

متابع / ايه رأيك بقي لما اقتل ابنك وادخل السجن وماما تروح تستسمحك علشان أعيش بحريتي أكل واشرب وانام وأعيش حياتي كأني معملتش حاجة

مديحة / ماجد أخد جزاءة خمس سنين من عمره في السجن
ياهشام
هشام بسخرية / خمس سنين قصاد حياة بني آدم ياسلام!
مهما اوصفلك عمرك ما هتحسي بالنار اللي جوانا
وهو يشير لصدره
بعد ما طبختو القضية وتحولت لقتل خطأ لأ ومكفكوش كمان واطلعنا احنا اللي بلطجيه واتعدينا علي ابنك في شقته
وكمان طعنتونا في شرفنا وقولتوا إنه مخطفهاش وهي راحتله برجلها للأسف كل حاجة كانت في صفكوا
مكالمة التليفون بين الهانم وابنك
ونظر ل وعد اللي كانت واقفة علي السلم بحده
ثم تابع / لو ابنك مامتش في السجن اعتبريه بردو ميت

أمل تصرخ /هشام
تابع هشام بانفعال/ اتفضلي اخرجي من هنا
مديحة / علشان خاطري يا هشام بلاش ماجد اقتلني انا

أمل تبكي وهي واضعه يدها علي فمها يهتز جسدها بقوة
هشام بيزعق / براااا
خرجت مديحة
هشام بصوت عالي / داداااااااااا
جلست أمل علي الكرسي ومازالت محتضنه طفلها
سعاد / نعم يا ابني
هشام بحده / الست اللي خرجت دي متعتبش هنا قولي الكلام دا ل عم عبده
سعاد / حاضر يا ابني

هشام ل أمل / كفاية عياط يا أمل
ثم اتجه لوالدته
"ماما أهدي علشان خاطري. ..انا مش هرتاح إلا ما اقتله زي ما أقتل اخويا اطمني حق شادي مش هيضيع"
أمل صارخة
"وأنا بقي استفدت ايه غير حزن وألم من تاني انتوا ايه مشبعتوش تعذيب فيه ؟!"
انتفض الصغير وهو يبكي من صراخ أمل 
هشام بانفعال / نور خدي هشام واطلعي اوضتك وخدي اللي جنبك دي مش طايق اشوفها
في إشارة ل وعد
أخذت نورهان الصغير وصعدت لأعلي تابعتها وعد