عودة أمل 💛

الحلقة الثامنة

عودة أمل2
(وعودة إلي الماضي )
      بوسي
---------------------

الحلقة الثامنة:-

------------------------------
مراد يجلس علي السفرة يتناول فطوره المعتاد كوب من اللبن ومعلقة عسل نحل وجبن
جالس وحيداً ف الجميع نائم

سعاد / حضرت الفطار وطلعتوا ل مها هانم
مراد / ابقي خدي بالك من أكلها معلقة واحده سكر علي الشاي أو اللبن مفيش مربي لو هتعملي شاي أو قهوة مع الفطار
نص رغيف عيش بس
سعاد / حاضر يا بيه في حاجة تاني
مراد / لسه مخلصتش كلامي
سعاد / اتفضل انا آسفة
مراد / في الغداء رز أو عيش ممنوع الاتنين مع بعض
كمية بسيطه رز أو مكرونه حوالي خمس معالق واعملي طبق سلطة كبير وربع فرخة أو قطعه لحم صغيرة
العشاء بقي نص رغيف عيش قطعة جبنه وكوب لبن وثمرة فاكهة
سعاد / حاضر كله هيتنفذ
مراد / حفظتي اللي قولتلك عليه
سعاد / حفظته بس ياريت حضرتك تكتبه في ورقة
مراد / هكتبلك ورقة وعلقيها علي التلاجة

---------------------
نورهان / صباح الخير
مراد  / صباح الخير
نورهان / بتكتب ايه يا بابا
مراد / دا كمية ونوعية الأكل اللي مامتك هتمشي عليه زي ما قال الدكتور
نورهان / بتحبها يا بابا
مراد ب دهشة / بلاش الأسئلة دي. ..أنا بس بصون العشرة اللي بينا
نورهان / ماما بتحبك يا بابا. ..دي طول الليل تعيط علشان اللي حصل
مراد / واللي حصل مين السبب فيه؟ !...أنا ولا هي.
نورهان / كانت وقت غضب يا بابا
مراد / انتي شايفه كده يا نور
علي العموم براحتها وقت ما تهدي هنبقي نتكلم
هتيجي معايا ؟
نورهان / آسفة يا بابا مش هقدر انزل الشغل واسيب ماما لوحدها
مراد / زي ما تحبي
نورهان / هشام مش جاي معاك
مراد / لا هشام أجازة النهاردة
فكرتيني. ..ونادي علي سعاد
جهزي نفسك علشان هتروحي شقة هشام ترويقها
سعاد / حاضر يا بيه
نورهان بدهشة/ ايه دا! !!
هو هشام هيعيش في شقته
مراد / مينفعش يعيش هنا خلي بقي مامتك تتبسط
نورهان بعين دامعه / لأ هشام مش هيسيبنا
وركضت نورهان علي الدرج
مراد/ هيوحشني بردو هشام. .بس اعمل ايه لازم يبعد شوية

----------------------------------
نورهان تطرق الباب بقوة
أمل تفزع من نومها. ..تنفض الفراش
حاضر مين. ..استني بقي يانور
  نورهان / بتعملي ايه كل ده ؟!
أمل / استني بلبس هدومي
وفتحت أمل الباب
ايه بقي في ايه؟ ..ايه اللي جايبك علي الصبح كده؟!
نورهان وهي تنظر للغرفة وزقت أمل / وسعي بقي كده
وقربت من هشام وهو نايم مسكت أيده
هشام اصحي عايزة أتكلم معاك

هشام وهو بيفتح عينيه / نور!!..في حاجة ماما كويسه
نورهان / آه كويسة
هشام انت فعلاً هتعيش في شقتك
هشام / مش وقتو يا نور انا عايز انام
نورهان / لا مش هتنام وقوم بقي كلمني زي ما بكلمك
هشام / ابعديها عني يا أمل انا عايز انام
نورهان / عايز تسيبنا وتمشي مش كفاية شادي سابنا خلاص
وبكت نورهان
أمل رتبت علي كتفها
امل/اهدي يا نور احنا لازم نمشي انا مش هقدر أعيش هنا
نورهان بغضب واستدارت ل أمل
"يعني انتي اللي طالبتي من هشام انكو تمشوا"
هشام / لازم تعرفي يا نور إننا كان لازم نعيش لوحدنا من الأول
نورهان / تعيش ازاي بعيد عن ماما أنت عارف أنها بقت ضعيف بعد موت شادي متسبناش يا هشام