عودة أمل 💛

الحلقة ٢٩

عودة أمل2
(وعودة إلى الماضي)
بوسي مصطفي
.........................
الحلقة التاسعة والعشرون:-

أمل مستنده للسلم وبتكتم انفاسها من الوجع وفجأة تصرخ
أمل بصراخ/ هشام الحقني انا بولد
هشام يجري ناحيتها
ايه يا حبيبتي ولادة بجد
أمل / هموت مش قادرة استحمل
ترك مراد مها اتجه ناحيه أمل وهشام
مراد / اطلع يا ابني غير هدومك وانا هطلع البس انا كمان
هشام ومسك ايد أمل / تعالي يا حبيبتي تطلعي تغيري هدومك
مريم / اطلع انت البس بسرعة يا هشام
تعالي انتي يا نور ساعدي أمل تلبس

فوق في غرفة هشام
هشام وهو بيلبس / بسرعة يا نور
نورهان/ لا يا هشام تعالي انت ساعد أمل تلبس انا اعصابي تعبت من صوتها
هشام بعصبية / طب وسعي بقي
وبدأ يلبس أمل وهي بتصرخ وتعيط
هشام / متخافيش يا حبيبتي انا معاكي مش هسيبك لحظة

نزلوا تحت
مريم ل مراد / انت رايح معاهم
مراد / مش هسيب بنتي بتولد واقعد هنا
مريم / طب ومها
نظرت مها ل مراد في إشارة إنه يروح معاهم
نورهان / انا لبست وجايه معاكو
وعد / وانا كمان
هشام بعصبية / وانا مش فاضيلكو
مراد / الولد نايم فوق لوحده معلش يا مريم ابقي نزليه تحت معاكو
هشام اخد أمل وركبها العربية
هشام ل والدة / ممكن يابابا حضرتك تسوق
مراد / حاضر يا ابني
وعد نورهان قعدوا في الكرسي الخلفي
هشام / واحده منكو تيجى قدام
نورهان نزلت وقعدت جنب بابها
هشام قاعد جنب أمل اللي كانت همدت من كتر التعب
هشام بيحاول يخفف عنها
هشام مازحا / طب خدي أيدي عضيها علشان تتحملي الألم
وعد / ليك نفس تهزر في الوقت ده
هشام / اعمل ايه منتيش شايفة اللي انا فيه
.............................
ريم ل ماجد بكل عصبية / ساعة عبال ماتيجى وانا ملطوعه في الشارع الوقت دا كله
ماجد / آسف يا حبيبتي
سها رايحه تولد دلوقتي وسيبتها رايحة المستشفي وجتلك علي طول
ريم وهي بتعيط / انا اتبهدلت اوي يا ماجد
ماجد وهو ممسك ايدها تعالي بقي احكيلي ايه اللي حصل
ركبت ريم مع ماجد العربية
وبدأت تحكي اللي حصل
ماجد وهو بيطبطب عليها معلش يا حبيبتي انا السبب
ريم / متقولش كده يا ماجد انت متعرفش انا بحبك قد ايه
ماجد ببسامة وفرحه داخليه / وانتي حبيبتي يا ريم
يلا بقي علشان نروح علي شقتنا
ريم / شقة! !
ماجد / طبعاً شقة بس محندقة كده وانا اللي عامل الديكورات فيها  علي ذوقي  كانت شقة قديمة بس ظبطتها وغيرت فيها كتير
ومرضيش طبعاً يقولها إنها هي الشقة اللي تقتل فيها شادي
............ .....
سها بتدخل المستشفي معاها مديحة وعاصم وعلاء 
دخلوا لدكتور / اللي أكد إن الولادة لازم تكون دلوقتى في الشهر السابع لأسباب صحية
ووضع الجنين كمان في خطر
الدكتور للممرضة / جهزوا غرفة العمليات حالاً
سها وهي خايفة / ماما هي الولادة دي ازاي
بطني هتتفتح يعني
مديحة بتوتر / معرفش يا بنتي مجربتش ولا كان علي أيامنا زي دلوقتي كده 
الدكتور بيطمنها / متقلقيش يا مدام بنعمل تجميل بعد العملية
.... ........
تيجي الممرضة / عرفة العمليات جاهزة يا دكتور
علاء ممسك بإيد سها ومامتها من الناحية  التانية
تدخل سها غرفة العمليات
وسط ترقب وقلق عاصم ومديحة
وتوتر علاء
اقترب عاصم من  علاء متقلقش يا ابني
إن شاء الله. ...تقوم بالسلامة
وهو اللي كان محتاج حد يطمنه
مديحة واقفة قلقانه وخايفة علي سها
عاصم قرب منها وحس بيها
عاصم / اتمشي شوية يا مديحة ضيعي الوقت
تعدي النص ساعة اللي قال عليها الدكتور
مديحة وهي بتعيط / خايفة اوي علي سها يا عاصم
طبطب عليها
عاصم / خير يا مديحة
إن شاء الله خير
متعمليش كده قدام علاء مش شايفة عامل ازاي
اتمشي شوية متفضليش واقفة  علشان اعصابك متتعبش اكتر من كده
..................
مديحة بتتمشي في المستشفى تلمح هشام ومراد واقفين في مكان قريب من غرفة العمليات
مديحة جايه ناحيتهم لمحت كمان نورهان ووعد اللي كانوا جنب هشام ومراد ومشافتهمش في الأول علشان هشام كان مداري عليهم بطوله
مديحة / ايه يا مراد انتوا كوبسين
نظر مراد وهشام ومردوش
مديحة / أصلي انا وعاصم هنا علشان سها بتولد
ادعولها
قربت وعد منها /لأ  احنا هندعي ل أمل
مديحة / هي أمل بتولد
مردوش عليها
مديحة وهي ماشية / ربنا يقومها بالسلامة
هشام ل والدة/ اتأخرت اوي جوه يا بابا
مراد / متقلقش يا ابني هي الولادة كده بتاخد وقت
دا انت غلبتنا عبال نزلت
مامتك تعبت اوي وهي بتولدك
وعد و نورهان قربوا من والدهم
نورهان / بابا تعالي ننزل تحت انا اعصابي تعبت
مراد / ماشي. .يلا ننزل نشرب حاجة تحت انا بردو مبحبش الإنتظار
نجيبلك حاجة تشربها يا هشام
هشام / لا يا بابا مش قادر اشرب حاجة
مراد / طيب يا ابني لو خرجت رن عليه انا مش هتأخر
هز هشام رأسه بتوتر
..............................
في غرفة سها في المستشفي
مديحة بفرحه/ حمدا لله علي سلامتك 
يا بنتي
سها / ماما فين بنتي
علاء /'في الحضانه ماانتي عارفة من الأول إن البنت هتدخل الحضانه علشان ناقصة شوية في الوزن
عاصم / متفكريش كتير يا بنتي المهم سلامتك بالدنيا كلها
يدخل الدكتور ببتسامة / حمدا لله علي السلامة
ايه دا احنا لسه مقومناش لا لازم نتمشي شوية علشان الجرح
تشربي دلوقتي حاجة سخنه ومفيش أكل دلوقتي مفهوم
سها / انا عايز اشوف بنتي
الدكتور /'هتشوفيها ممكن تتمشي دلوقتي في الأوضة ونخرجك علي كرسي وتروحي تشوفيها
علاء /'مش هيكون خطر عليها يا دكتور
الدكتور / لا مفيهاش حاجة هي اصلا لازم تتمشي شوية علشان الجرح ياخد وضعة وبعدين مش هتمشي بره الأوضة هتقعد علي كرسي
سها / طيب بنتي هتفضل قد ايه في الحضانه
الدكتور / من يومين لأسبوع
إن شاء الله
احنا اطمنا وضعها الصحي كويس. ..الحمد لله
مفيش حاجة تقلق كل الحكاية إن وزنها قليل شوية تتابعي بقي مع دكتور اطفال لانك غالباً هتحتاجي ترضعيها صناعي بجانب الطبيعي علشان نموها يكبر وتوصل ل وزن الأطفال اللي في سنها
عاصم /'متشكرين اوي يا دكتور
الدكتور/ دا شغلي متشكرنيش عليه أهم حاجة ماما وجوزك يسندوكي دلوقتي تنزلي تتمشي كام خطوة كده لغاية الباب وانا هبعتلك كرسي دلوقتي
قرب علاء من سها يمسكها من ايدها وقرب عاصم كمان
عاصم ل مديحة /'انا هسندها سبيها يا مديحة
..........................
في غرفة أمل في المستشفي
نورهان وهي مقربة ل البيبى / يا خلاثي علي العسل يا ناس
شوف كده يا هشام ملامحك صغيرة اوي شوف صوابعه زيك بالظبط
مراد /'ههه آه يا بكاشة هو لسه بانله صوابع
وعد / لا يا بابا بجد شبه هشام اوي
انتي ايه عيالك بيطلعوا نسخة من ابهاتهم
تغير وجه أمل
شعرت وعد بالحرج وحاولت تغير الموضوع / هااا هتسمي البيبى ايه يا هشام
هشام وهو ممسك بإيد أمل /الأسم اللي أمل تختاره
ابتسمت أمل / اختار انت يا حبيبي الأسم اللي يعجبك
مراد  وهو ممسك بيد الصغير بحنان/ انا بقول نسميه شادي
أمل تغيرت ملامحها / الاسم اللي تحبوه
هشام / خلاص يبقى شادي
وعد وهي بتاخد الطفل من والدها / شادي بقي هيكون حبيبي انا مش هسيبه لحظة اعملوا حسابكم يعني هينام معايا انا
هشام ببتسامة / يبقي عملتي طيب
أمل وهي بتعتدل هشام استني
ووضع وسادة ورا ظهرها
مراد / هخرج للدكتور اشوف هيسمح بخروجك دلوقتى ولا هنستني شوية
امل ل هشام / انا جعانه اوي
نورهان / هههههه اصبري لما نروح ايه هتاكلينا
هشام / هسأل الدكتور ينفع تاكلي دلوقتي ولا ايه
الدكتور يدخل ومعاه مراد
الدكتور ببتسامة /'لا احنا بقينا عال اوي دلوقتي
الحمد لله
بس بردو غلبتينا جوه مبتسمعيش الكلام
هشام /'هي ممكن تاكل يا دكتور
الدكتور / اه طبعاً تاكل عادي بس دلوقتي تشرب حاجة دافيه وهكتبلها أهو علي خروج وأول ما توصل بقي
تكونوا مجهزين ليها فرخة مسلوقة وشوربة دافيه
وبالهنا والشفا بقي
هشام ببتسامة / شكراً لحضرتك
الدكتور / الطفل كويس. ..الحمد لله
يشرب  بيبي درنك علشان معدته وأهم حاجة يرضع طبيعي طبعاً دا اللي مفروض يقوله دكتور الأطفال بس انا حبيت اقولكو
وكمان مره. ..حمدا لله علي السلامة
مراد / متشكر يا دكتور
الدكتور / العفو بس معلش في السؤال لأنه محيرني شوية
حضرتك والدها ولا حماها بس علشان انا اتلخبطت
أمل ببتسامة / الاتنين
الدكتور / نعم
مراد / هي بنتي ومرات ابني الاتنين واحد
الدكتور / آه فهمت بس استغربت شوية لانك كنت قلقان عليها اوي وافتكرتها بنت حضرتك
بعد اذنكو
وعد / انا هتصل بالبيت علشان اطمن ماما
..................
بعد فترة
في الفيلا ....في غرفة هشام 
هشام / كده مستريحة يا حبيبتي
هزت أمل رأسها ..
هشام / هنزل اشوف داده خلصت الأكل علشان تاكلي
سعاد بتخبط علي الباب ببتسامة
هشام / ادخلي يا داده
سعاد / انا بقى كنت مجهزه الأكل ليكي من بدري عارفة يا حبة عيني إنك هتيجي جعانه
أمل / هو فين هشام يا داده
سعاد / لسه مجاش
وقبل ما تكمل الكلمة كان الصغير جاي جري علي السرير
هشام وهو بيلحقة قبل ما يجي ناحية مامته.
هشام / حاسب يا هشام ماما تعبانه
الصغير / عايز اشوف البيبى
هشام / طيب أنزل وانا هنزله تشوفه
أمل ممسكه بيد الصغير / أكلت يا حبيبي
هشام / تعالي بقي شوفه بس بالراحة ماشي علشان هو لسه صغير
الصغير نظر بدهشة / دا صغير اوي
هشام وأمل مبتسمين
هشام / امال كنت عايزة ينزل قدك
الصغير / انا هروح اشتري واحد من السوبر ماركت بس يكون كبير
هشام / هههههه لا يا شيخ مكنش حد غلب
داده خديه معاكي اكليه
الصغير / لا انا هاكل مع ماما
أمل / سيبه يا هشام داده هتاكله معايا وروح انت استريح
هشام / ماشي بس يا داده خدي بالك من هشام علشان ميطلعش علي السرير
سعاد / انا قاعدة هنا لما البنات يصحو علشان عايزة أنزل أخلص الغدا
هشام / انا هروح انام شوية يا حبيبتي
كلي كويس ولو في حاجة التليفون جنبك اتصلي بيه
أمل / ماشي يا حبيبي
سعاد / يلا بقى علشان تاكلي لازم تخلصي الفرحة دي كلها
..............................
في السجن
وفي إحدى زيارات عادل وسامي ل والدهم
رفعت / هااا الشغل أخباره ايه
عادل / تمام يا باشا بس انت عارف خسرنا كتير بسبب الصفقة الأخيرة اللي مكملتش
سامي بصوت هامس / كويس إنها جات علي قد كده ومتقفلش المصنع وإلا كانت الخساير اكتر
عادل / يا مين بحكمني علي رقبة الواد دا وانا اطيرها بأيدي
سامي / اسكت بقي كفاية اللي حصل
رفعت / الشغل يمشي كويس مش عايز تقصير
عادل / انت متأكد يا باشا من المحامي ده ولا هياخد فلوس علي الفاضي
دا مبيبطلش اخد لحد دلوقتي مبلغ كبير اوي
رفعت / هو المبلغ كبير علي براءتي
سامي / لا يا باشا منقصدش بس انا بقول لو كنا اتفاهمنا مع بنت نادية وكانت اخدت حقها مش كان احسن من السجن والفضايح دي
نهض رفعت مستند علي عكازة / انا راجع الزنزانه ومش عايز واحد فيكو يزورني تاني وانا بقي لما اطلع هعرف شغلي معاكو
عادل / يا باشا احنا بنتكلم من خوفنا عليك منقصدش حاجة وفعلاً سامي عنده حق دا المحامي هياخد تقريباً نص اللي كانت هتاخده بنت نادية وبجانب بقي الفضايح وتفتيش الشركة والمصنع وسمعتنا في السوق اللي اتهزت
سامي / وكمان سجنك يا باشا دا بقي كوم تاني
رفعت بصوت غليظ ينادي   ويطرق علي الباب بعكازة
رجعوني للزنزانة تاني
عادل / طب اسمع مننا بس يا باشا
جه الضابط
رفعت / عايز ارجع الزنزانه
الضابط ينادي علي الشاويش / رجعوا زنزانته
خارج السجن
سامي ل عادل / انا فكرت ارجع ل بنت نادية حقها
عادل / ياريتنا عاملنا كده من الأول
على فكره أبوك عارف إن كلامنا صح بس مش عايز يعترف إننا انهزمنا والمحامي دا بيضحك علينا علشان ياخد فلوس وبس وهو عارف إن القضية خسرانه خسرانه
سامي / والحل
عادل / مندفعلوش ولا مليم إلا لما نشوف نتيجة
احنا ميضحكش علينا علي آخر الزمن
........................................
في المساء في فيلا مراد
كمال في غرفة أمل هو ونجلاء
كمال / انا زعلان بجد يعني تتعبي وتروحي المستشفي ومحدش يتصل يقولي
نجلاء / وانا كمان زعلانه يا أمل هو انا مش قولتلك قبل كده لما تتعبي تتصلي بيه علي طول وانا اجيلك لو حتي نص الليل
أمل / متزعلوش مني غصب عني صدقوني التعب مخلنيش أفكر خالص
نجلاء ببتسامة / لا مش زعلانيين أهم حاجة إنك قومتي بالسلامة يدخل مراد ببتسامة بعد أن يطرق الباب
يقوم كمال يسلم عليه
مراد / أيه يا أمل عامله ايه دلوقتي
أمل / الحمد لله
نجلاء ل مراد / حمدا لله. ...علي سلامة أمل
مراد / الله يسلمك
تشربوا ايه
كمال/ لسه القهوة أهه مشربنهاش
امال هشام الصغير فين
مراد / هشام ابني اخده معاه ونايمين جوه
نجلاء / تلاقيه تعبان ومنامش طول الليل
نجلاء / انا بقول ناخد هشام معانا الكام يوم دول لحد ما أمل تقوم بالسلامة انا عارفة إن البنات في امتحانات
أمل / لا يا ماما اصلا مش هتقدري عليه هيتعبك
وكمان علشان المدرسة
مراد ل أمل /"هاخد شادي ل جدته تحت نفسها تشوفة
أمل / طبعاً يابابا اتفضل
وقربت أمل تمد ايدها تاخد الصغير
نجلاء / خليكي يا بنتي انا هشيله
اخدته نجلاء واعطته ل مراد
مراد / بعد اذنك يا أستاذ كمال خمس دقايق وجاي
كمال/ لا براحتك بس انا كنت عايزك في كلمتين هنزل معاك نتكلم تحت
مراد / اتفضل هتقعد في المكتب لما ادخل الولد ل جدته تشوفه
ونزلوا تحت
نجلاء ل أمل / هي حماتك عامله ايه دلوقتي
أمل / الحمد لله
اتحسنت شوية عن الأول بتسند علي العكاز دلوقتي ومبقتش تقعد علي الكرسي
نجلاء / فرحتيني يا بنتي. ..ربنا يشفيها يارب
أمل / آمين
...................................
في غرفة مها اللي تحت
مريم / يا اختي عليك قمر شوفي كده يا مها
وقربته من مها اللي ابتسمت ولمست أيده بحنان ودموع نازله من عنيها
مراد / هنكتبة شادي زي ما كنتي عايزة يا مها
مها ببتسامة ملأت وجهها تداعب الصغير وتحرك يدها بين خصلات شعر الصغير الخفيفة الناعمة
مراد / انا هدخل اقعد مع خال أمل في المكتب ابقي طلعي الولد ل أمل يا مريم
مريم / حاضر
...............................
في المكتب
مراد ل كمال /'انت بتتكلم جد
كمال / هو دا اللي حصل
مراد / يعني وافقوا يرجعولها حقها كده من غير قواضي ولا محاكم
كمال / سامي ابن عمي هو اللي اتصل معرفش بقي دا رأيهم كلهم ولا سامى بس
مراد / آه لو فعلاً كلامه حقيقي يبقي وفر علينا كتير
كمال / هروح اقابله بكرة واشوف لو فعلاً كان بيتكلم جد ولا في حاجة في الموضوع
مراد / لازم تحرص منهم اللي عملوه بردو مش شوية
مراد وكمال يسمعوا صوت عالي بره
........................
نورهان/ انت ايه اللي جايبك هنا بعد عملت اختك السودة
مريم /'ميصحش كده يا نور دا يبقي جوزك
نورهان / جوزي دا علي ورق انا اصلا مش عايزاه
مراد يخرج بحرج من كمال
عيب يا اللي انتي بتقوليه ده
نورهان / بابا انا مش عايزاه خليه يخرج بره
مراد وقرب من نورهان رافع أيده
عمر جري ناحية مراد ومسك أيده / عمي لو سمحت انا ونور هنتفاهم مع بعض بهدوء
نورهان / مفيش تفاهم بيني وبينك خلاص اللي اختك عملته مخلاش في حاجة نتفاهم عليها
كمال ل سعاد/ لو سمحتي اطلعي للمدام قوليلها إني منتظرها في الجنينه
كمال  / بعد اذنكو
واتجه ناحية الجنينه
مراد ونهض يلحق كمال / استني بس ياراجل رايح فين
ونظر ل نورهان / عاجبك الفضايح دي اتفاهمي بقي انتي وخطيبك وانسي موضوع الطلاق دا نهائي معنديش بنت تقولها مهما حصل سامعه.
.....................................
عودة أمل2
(وعودة إلي الماضي)
📖✏بقلمى
بوسي مصطفي