عودة أمل 💛

الحلقة ٢٢

عودة أمل2
(وعودة إلى الماضي)
   بوسي
-----------------------
الحلقة الثانية والعشرون:-

نورهان ل أمل / اصحى يا أمل ايه اللى منيمك الوقت دا كله
أمل / ايه يا نور في ايه
نورهان / بابا وهشام لسه مرجعوش
نهضت أمل من السرير بفزع / ليه هي الساعة كام دلوقتي
نورهان / اتناشر ونص
أمل بقلق / دول اتأخروا اوي
نورهان / بتصل محدش بيرد
أمل قعدت علي طرف السرير بتبكي
نورهان / هو انا جايلك علشان تعيطي خدي التليفون واتصلي ب هشام يمكن يرد عليكي
اخدت أمل الهاتف وهي تمسح دموعها
نورهان / هااا رد عليكي؟
أمل وهزت رأسها بالنفي
نورهان / معرفش ايه اللي اخرهم كده وكمان مبيردوش علي التليفون
أمل / هو عمر جه ؟
نورهان / اه من بدري بس نايم
أمل / تعالي ننزل طنط تصحيه يروحلهم الشركة يشوف ايه اللي اخرهم
نورهان / المشكلة أنهم مبيردوش

------------------------
مريم / اصحى يا عمر
عمر / في حاجة يا ماما
مريم / هشام وجوز خالتك لسه مرجعوش
عمر / وفيها ايه ممكن يكون عندهم شغل كتير
مريم / بس يا ابني البنات اتصلوا عل تليفوناتهم مبيردوش
عمر نفض الفراش ونهض من السرير

مها / اتصل يا عمر طمينا يمكن حد منهم يرد عليك
عمر / حاضر يا طنط. ..إن شاء الله. ..
خير متقلقيش
أمل و نورهان قاعدين مترقبين عمر
ريم ووعد نازلين من فوق
مها ومريم واقفين جنب عمر

عمر / ايوه يا هشام مبتردوش ليه علي التليفون
هشام /'في حد جنبك
عمر ابتعد قليلاً هامساً في الهاتف / ليه في حاجة
هشام / بابا اتعور واحنا راجعين في الطريق
عمر / يا خبر
هشام / متقولش لحد هي إصابة بسيطة
رصاصة في الكتف
عمر/ ايه رصاصة
هشام / وطي صوتك علشان ماما
الموضوع بسيط بس هنقعد ساعة كمان علشان الشرطة بتحقق
وهنرجع متقلقوش
ومتقولش لحد
عمر/ يعني اقولهم ايه
هشام / قولهم لسه في الشركة في شغل كتير بيخلصوه
عمر / تمام بس خلي بالك من نفسك انت كمان
انت كويس
هشام / الحمد لله
مع السلامة بقي علشان اشوف بابا
قفل عمر الهاتف
مها / رد قالك ايه
مريم / بترغي في ايه كل ده
عمر / متقلقوش يا جماعة هما لسه في الشركة
تنهدت نورهان ووعد وريم بارتياح
جلست مريم ومها
أمل مازالت قلقه
أمل / طيب هشام مبيردش علي التليفون ليه
عمر /'كان مشغول وعامله سايلنت
أمل / مش عارفة ليه مش مطمنه

--------------------
في المستشفي
الضابط ل مراد/ يعني ملكش أعداء
مراد / لأ
الضابط /'مبتشكش في حد خالص يكون في خصومه ما بينكو
مراد / أبداً
الضابط / طب احنا عرفنا إن العربية اللي كنت راكبها عربية ابنك هشام تفتكر هو اللي كان مقصود
مراد / هشام ابني ملوش أعداء ولا عمره اتخانق أبداً
نظر هشام ل والده بدهشة
الضابط تابع حديثة / لكن كان في مشكلة حصلت من حوالى أربع سنين تقريباً بين هشام ابنك وماجد عاصم
وانت عارف باقي الحكاية
مراد / دا كان موضوع وعدي عليه سنين زي ما حضرتك قولت
هشام ل الضابط/ حضرتك والدي تعبان ومفروض تراعوا صحته
الضابط / احنا ادري بشغلنا ومش انت اللي هتعرفنا نعمل ايه
هشام / طب في أسئلة تانية ولا نروح
الضابط / لأ مفيش. .الدكتور بقي اللي يحدد يخرج امتى