During my second day of vacation, nakahiga lang ako sa sofa at tahimik na nagi-scroll sa Facebook habang tinitingnan ang mga posts ng mga barkada ko sa Canada.
Dahil hatinggabi na at siguradong tulog na sila, walang nangungulit sa akin sa Messenger.
Mabuti na rin kasi wala ako sa mood na makipagkuwentuhan.
Ngayon ko lang naramdaman ang full effect ng jetlag at gusto ko lang magrelax.
Ako lang mag-isa sa bahay dahil pumasok sa call center si Kuya Hugo at si Ate naman, may meeting sa bangko na pinagtatrabahuhan niya.
May biyahe si Tatay dahil meron siyang ihahatid sa airport at si Nanay, nag-iwan ng pinilas na notebook sa ibabaw ng dining table para sabihin na pupunta siya sa SM para magpagupit.
Solo ko ang bahay kaya ang lakas ng patugtog ko ng stereo.
Sinaksak ko ang iPod sa USB port at pinatugtog ang mga playlist ko.
Dumadagundong sa loob ng bahay habang pinakikinggan ko ang kanta ng Fall Out Boy na My Songs Know What You Did In The Dark.
Kung nandito si Ate, siguradong hihinaan niya ang volume dahil halos matanggal daw ang tutuli niya sa lakas ng patugtog ko.
Yun ang isa sa malimit naming pag-awayan dahil bingi daw ako bukod sa mahilig sa pop-rock songs na maiingay.
Ang trip niya kasi yung mga makalumang kanta.
Not that there's anything wrong with it pero how many times can you listen to Diana Ross' Baby Love or Ain't No Mountain High Enough na sinasabayan niya pa ng kanta at dance moves?
Si Kuya Hugo naman, hiphop ang gusto.
Magkasundo kami kasi pareho kaming malakas makinig ng music.
Kung hindi pa tumunog ang doorbell, hindi ako babangon sa sofa.
Napabalikwas nga ako kasi wala naman akong ine-expect na bisita.
Wala ding nabanggit si Nanay kung may darating na kaibigan niya.
Pinindot ulit ng kung sinumang nasa pintuan ang doorbell at nairita na ako kasi hindi makahintay kung sino man ang nasa labas.
"Sandali!" Inis na sigaw ko at nagmamadaling sinuot ang leather sandals.
Halos hablutin ko ang pinto para buksan ito at natulala ng makita kung sino ang nasa labas.
"Lise?" Nagtatakang tanong ko.
Nakaparada sa tapat ng bahay namin ang asul na Toyota RAV4 at mukhang wala siyang kasama.
"Can I come in?"
"Yeah..su..sure." Tumayo ako sa gilid para papasukin siya.
She looked very casual in a denim jacket, gray cotton shirt at skintight jeans na pinaresan ng baby blue Toms shoes.
"What are you doing here?" Mataray na tanong ko.
"Hindi mo ba ako pauupuin?"
Kahit naguguluhan sa biglaan niyang pagdating, napilitan akong ituro ang sofa.
"Would you like something to drink?"
Pupunta na sana ako sa kusina ng bigla niyang hilahin ang kamay ko.
I looked at it, suddenly feeling the familiar warmth of her hands.
"Pwede ba tayong mag-usap?"
"You still haven't answered my question about what you're doing here." Umupo ako sa tabi niya.
BINABASA MO ANG
6ix Days (Lesbian Story)
RomanceSix Days. That's all it took for the past to catch up with Chanel. But unlike her nineteen-year-old gullible self, she knew she had to turn her back on the past if she wanted a better future. Along came Maricar--a newcomer to Canada whose presence i...
