6ix Days (Lesbian Story)

Chapter 48: Invite

Biyernes ng tanghali at naghahanda si Nanay ng hapunan sa kusina ng bigla niya akong tinawag.

Nasa sala ako at busy sa pakikipag-text kay Lise.

Si Tatay naman, nasa labas ng bahay at nakikipagkuwentuhan sa may-ari ng dating inuupahan nina Lise.

Pinapapinturahan kasi ang bahay dahil luma na ito.

"Chanel, bakit di mo imbitahin si Lise sa outing natin?"

Inalis ko ang tingin sa screen.

"Po?"

"Eh lagi mo naman siyang pinupuntahan sa Maynila. Bakit di mo na rin yayain na sumama satin sa Batangas?"

"Ah eh..."

"Anong ah eh?" Tinutok niya sakin ang kutsilyo.

Kahit ang layo niya sakin, iniwas ko ang ulo ko.

"Text mo na. Alam ko naman na gustong-gusto mo siya kasama. Mula ng dumating ka eh lagi mo siyang pinupuntahan."

Hindi ko masabi kay Nanay na inimbita ko na si Lise.

Kaso, hindi siya pumayag dahil nahihiya daw siya.

Sabi niya, yung outing was my time with my family.

Ayaw niya daw makisingit.

Pinilit ko pa din siya kahit valid ang reason niya.

But when she said that she doesn't have any good memories of Batangas, hindi na ako nangulit.

Sinabi din niya na kahit malaki ang Batangas, baka daw may makakita sa kanya doon dahil maraming kamag-anak si Dan.

"Busy po siya, Nay." Palusot ko.

"Busy eh Sabado iyon?" Ayaw niya talaga tumigil.

Bumukas ang pinto ng kuwarto ni Ate Estee.

Kagigising lang nito at nakasimangot.

Gulo-gulo pa ang buhok at mukhang may natuyong laway sa gilid ng bibig.

"Ano bang pinagtatalunan ninyo, Nay? Natutulog ang tao ang ingay-ingay ninyong dalawa?"

Lumapit siya sa kusina at tiningnan ang mga hinihiwang gulay ni Nanay para sa lulutuing pinakbet.

"Ikaw na nga, Estee."

"Ako po ang ano?" Aburidong tanong niya.

"Imbitahin mo si Lise na sumama satin. Ewan ko ba dito sa kapatid mo at ayaw."

"Hindi naman sa ayaw ko, Nay. Kaso busy nga iyong tao."

"Busy naman pala eh."

"Para mas masaya tayo. Isa pa, para naman malibang siya. Eh di ba nga problema yun kay Dan?"

Tumigil ako sa pagtitext.

Sinabi ko na kay Lise ang binabalak ni Nanay.

"Sige. I will try para tumigil na kayo sa kakatalak."

Bago pa man kunin ni Ate Estee ang phone niya, alam na ni Lise na magtitext ito.

Hindi ko alam kung anong sinabi ni Ate pero nang magtext si Lise, sasama daw siya.

We were supposed to meet that night pero mababago ang plano.

Ate Estee volunteered, no, voluntold me to pick her up later as part of the deal para sumama lang siya.

"Don't be mad, babe. Hindi ko lang talaga matanggihan ang kapatid mo."

I typed a quick reply.

"It's okay. Gusto din naman kitang isama eh."