6ix Days (Lesbian Story)

Chapter 39: Monster-In-Law

Habang lumilipas ang mga araw, hindi ko maitago ang excitement na nararamdaman dahil sa pagdating ni Nel.

Kahit pagod sa work, masaya akong gumigising.

Kahit sobrang busy sa trabaho, ganado pa din ako.

Everyday brings me closer to her and it gives me the fuel I need to keep going.

Pati si Liezl, nahalata na parang may kakaiba daw sa akin.

"What do you mean?" Tumigil ako sa pagtatype at nilingon ko siya.

"You have a nervous energy and I see it bouncing off of you."

Ngumiti lang ako.

Mahigit tatlong buwan na din kaming magkakilala pero hindi pa din ako nagcoconfide sa kanya tungkol kay Nel.

Ewan ko ba pero I'm always holding back.

Hindi lang talaga ako ready na magshare sa kanya tungkol sa personal life ko.

Ramdam ko naman na pwede ko siyang pagkatiwalaan pero I'm waiting for the right moment.

Nahalata ni Liezl ang apprehension ko.

"Sorry at hindi ko mapigil na mapansin. Whatever it is, I'm happy for you."

Naguguilty man ako dahil I'm so secretive, I told myself that it's my prerogative if I want to keep things private.

Naiintindihan din naman niya iyon dahil she went through the same thing dati when Shirley and her started dating.

But my happiness was short-lived dahil pagdating ko sa bahay, napansin ko na may puting van na nakaparada sa tapat ng gate namin.

I recognized the license plate at bigla akong kinabahan.

Pumarada ako sa likod ng van at nagmamadaling bumaba.

Hindi nga ako nagkamali sa hinala ko dahil naabutan ko sa sala si Mama at ang biyenan ko.

Lumapit ako kay Mama at humalik sa pisngi niya.

Magmamano sana ako sa biyenan ko pero pinalis niya ang kamay ko.

"Hindi na kailangan." Masungit na sabi niya.

"Balae," Nagsalita si Mama, "hindi mo naman kailangang bastusin ang anak ko."

"Balae," Hinarap niya si Mama, "hindi ko ugaling makipagplastikan at alam ko na ganun din ang anak mo."

"Bakit po kayo napasugod dito?" Nagsalita ako ulit bago pa magkainitan ang dalawa.

"Hindi alam ni Dan na pumunta ako dito pero nasabi niya na dinaan mo na sa abogado ang lahat."

"This is between Dan and I." Sabi ko, "hindi na kayo dapat pumunta dito."

"Wala naman talaga akong balak pumunta dito pero nag-aalala ako sa anak ko. Bakit kailangan mo siyang pasakitan ng ganito?"

"Hindi ko po siya pinapasakitan. Sinabi ko sa kanya ang gusto ko pero siya itong ayaw pumayag."

"Kasal kayo, Lise. Buti pa ang anak ko at pinaninindigan ang salitang binitawan niya sa harap ng Diyos pero ikaw na babae, ganun na lang kung talikuran ang pangakong ginawa ninyo."

Napatingin sa akin si Mama.

Alam ko na gusto niyang magsalita pero umiling ako.

"Wala na pong saysay kahit magpaliwanag ako sa inyo. Si Dan lang naman ang pakikinggan ninyo eh."

"Natural." Tumaas ang boses niya.

"Nasa tama ang anak ko. Kahit hindi ko maintindihan kung bakit pinagsisiksikan niya ang sarili niya sa'yo, ayaw niyang makipaghiwalay. Ako na nga mismo ang nagsabi na ibigay niya na ang gusto mo para matahimik na ang lahat."