_
_
#عشق_في_بلاد_حروبها_لا_تنتهي
الحلقة 7
(الياقوت)
في الحلقة السابقه
سفيان:اني ، بديت نخدم مع جمعة الصقر
فارس:عرفت وياريتني ماعرفت اكيد انت مافيكش عقل اكيد دماغك ط.....
وتسكر الخط في وجهه شبح فارس لتليفون ورد عاود بس يعطي فيه الرقم المطلوب خارج نطاق التغظيه ضرب برجله السور وقبل مايزيد يحاول..
.
قراءة ممتعة 💛
#البارت_السابع
.
عاود سفيان لتصل رد فارس علي طول:اسمع نبي نشوفك
سفيان:اي باهي نتلاقو في ### العصر باهي
فارس:تمام
__
سارة:كتري كتري هريسه
فنصت فيها صفاء:قعمزي ورقحي تقول مانوكلوش فيك
نفخت سارة:تي جعانه الزح خليني نفطر زي العالم والناس
قعمزت خديجة وحطت طاجين الدحي في الصفره:اسكتي وخليها تاكل
قعمزت غالية بينهم وهيا تمد يداها لحلا:نيه سمحه عطيهالي
صفاء:لالا كولي تو ماتهنيكش
غالية:تي هتيها وديريلي نص بالدحي
مدتلها صفاء حلا:امتي بتبدي في المدرسه متحاناتكم قريب
نتشت سارة من الخبزة وقالت:اس البنت نفسيتها تعبانها
وزمطت وكملت:رتاحي رتاحي ياغالية السنه هدي باش اللاحق عليك السنه الجايه الله نبدو نقرو مع بعض ونقل منك
ضربتها صفاء علي ظهرها لين سارة قعدت تكح:تحشمي ياهمج ياقليلة الذوق
سارة:اشوه انا ماسويت شي وانت تلبخين فيا
غالية:واااه لسنك مطوله ههههه بعيد سوء عليا بنبدا نمشي من الاحد ان شاءالله
طق الباب عليهم وكيف صفاء بتنوض وقفتها غالية ووقفت وفي حضنها حلا :كملي كملي تو نوض نفتح
فتحت غالية الباب وخشت صفيه:بابا جابلكم بريوش صخين زي لعسل
ضحكت غالية وحست بأجواء عائيليه كانت مستاحشتها وفاقدتها سكرت الباب وخشت ورا صفيه لقعمزت:مافيش مربا
غالية:فيه تو نجيب هي
مشت للمظبخ وطلعت المربا وخدت صونيه بتحط فيها ، رفعت عينها علي الروشن قربت منه وكانت بتسكره بس جت عينها فيه ، متكي علي سيارته بلبسه العسكري ولابس نظارته ويتكلم بتليفون ، قعدت غالية تشبحله ودقق فيه وجسمها كله يرعش وهيا تفكر شن جابه هني شن مازال يبي ، وخطرت في بالها فكره خلت قلبها يدق بسرعه من الخوف منها ومنه لما ركزت انه شبحها سكرت الروشن بسرعه بتقربيع
صفاء:خيرك بسم الله
تلفتتلها غالية بخلعه:اه
صفاء:غالية خيرك
__
وقف السياره قدام باب المقر وهوا يفتح في مرش السياره لمسرفر بلاك نزل المرش وطلع يده أشر للحراس لأول ماعرفوه مني ، فتحو الباب
خش محمد ودرس السياره ونزل واول ماخش نتبه علي الحوسه لصايره دور بعيونه علي زياد لواقف هوا وشاب قدام مكتبه:زياد
تلفتله زياد وعدل من وقفته طول وقال:نعم يافندي
شبح محمد بطرف عينه لشاب لجنبه وقال:الصقر جوا
زياد:اي يافندي الداخل يراجي فيك
تخطا محمد زياد وحط يده علي مسكت الباب وقبل مايفتح تلفت لشاب وقال:انت جديد
هز الشاب راسه:اي يافندي اليوم نقلوني اني وجمعة تانيه
محمد:شني اسمك
الشاب شبح لزياد ورد شبح لمحمد وقال:سفيان
هز محمد راسه وفتح الباب وخش وسكره وره
سفيان شبح لزياد:يخوف ياراجل
ضحك زياد:وسكتت مسمينه الطقه هدا حتي من الصقر يهاب فيه ههه
أنت تقرأ
عشق في بلاد حروبها لا تنتهي ( الفتنه و الثأر)
Actionرواية تحكي علي أحداث واقعية ، تناقش خطورة انتشار الفثنة والتأر ومعانات الأهالي بسبب هدا الشي ، وبين هدي الفثنة والتأر تخلق قصص عشق منها مأساوية ومنها تتوج بتأج العشق 💛
