_
_
#عشق_في_بلاد_حروبها_لا_تنتهي
الحلقة 13
(الياقوت)
في الحلقة السابقة
فارس:من كل عقلك صدقتي
نادين رفعت كتافها وهيا تشبح فيه كيف قعمز وتكه علي الحيط وهوا يتلفت يشبح لي زيد:وعلاش مانصدقش يعني في النهايه كلنا نعرفو انك تبيها
شبحلها فارسها ورفع حواجبه زي مامدايره هيا...
.
قراءة ممتعة 💛
#البارت_التالت_عشر
.
لعاودت قالت باش تتأكد:تبيها ؟؟
شدها فارس من يدها وجرها لعنده وخلاها تقعمز في حضنه ولف يديه علي خصرها:امتي بتبطلي الوسواس هدا
نادين حضنت بطنها:انت مريض ولا ابصر شن فيك مش طبيعي نحس فيك
ضحك فارس وقبها براسه علي راسها بشويه:ههههه انتي لمش طبيعيه
نادين بتسمت وتحمحمت وهيا تدكر في حملها:انت فرحان
فارس زاد قربها ليه وضحك:محلاك
نادين:شكرا
فارس دخل راسه في شعرها:ههههه عفوا
وبعد عليها وقال:انتي بالحق حامل
نادين:لا لا بالكدب
فارس:شكلك متحبينيش رايق وتبي جو التهزيب
رفعت نادين كتافها:واااك امالا شن حامل اي
وأشرت بيدها ✌:وليا سبوعين
شد فارس وجها بين يديه:نبي بنت المرة هدي
نادين:اي ياحنه وبالك تبيها تشبه لبنت خالتك بكل
تنهد فارس لباسها من خدها وحضنها:ايح علي السيرة اللي ماعاش بت تفضه لا نبيها تشبهلك باش اطلعولي الشيب انتي وياها
ضحكت نادين وزادت حضناته:حاضر هههه
__
روان طلعت لجنان وهيا تساوي في الطاوله مع ايلاف لتجري بين الكوجينه وبين الجنان
روان:توا مش عيب تقعمزيهم في الجنان ومعاها بنت برانيه
ايلاف:تي يجو يخشو لصالة وبعدين نطلعو لجنان صفاء تحبه ديما لما تجيني نقعمزو هني عارفتينا
روان:حسه الباب يدق زودي
مشت ايلاف تجري لباب اللي اول مافتحاته وشافت صفاء وغالية بتسمت وقالت:خشو تفضلو
خشت صفاء لتغمرت ايلاف طول وغالية وراها
سلمو علي بعضهم وخشو لصالة
صفاء:ستاحشتك ياقرده
ايلاف:والله حتي اني من تسكيرت الجامعات ماعاش شفنا بعض
صفاء:اي اشبح امتي يفتحو والله مليت من تقعميزت الحوش
هزت ايلاف راسها:اي والله مارابحينها غير متعين المدارس
غالية نطت:لا يوخيتي لا رابحين لا مودنين ههه
ضحكت ايلاف لقعدت تهدرز معهم شوي..
ايلاف وقفت:شوي ونجيكم
مشت للكوجينه وهيا تشبح لروان لقالت:تعالي صبي لحليب لنسكافي وانتي قعمزتي ماعاش جيتي
ايلاف:باه بري سلمي تو نصب اني
مشت روان وايلاف قعدت توتي.
خش رؤوف عليها:اوفي بالله قهوي ولا نسكافي صاحبي بجيني
ايلاف:العفو كيف قلت بسم الله وروحت مسرع الصحاب بدو يجو
ضحك رؤوف:حياة المشهير صعبه
ايلاف:غير خف علينا واسمع ماتجيش جيهت الجنان الوراني بنقعمز اني وصاحباتي
ضيق رؤوف عيونه:صاحباتك
ضحكت ايلاف وهيا توتيله في الصفرة:اها لكبيده عندنا
شبحلها رؤوف علي الجنب وهوا يطلع في تليفونه لشرين من جيبه:تحشمي
ايلاف:ههههه
وطلع وخلاها وهوا يرد:شن وصلت ، تمام هي انزل
وطلع رؤوف بسرعه وهوا يفتح في باب الجنان واول ماشافه اضبطه:والله ليك وحشه ياشرقاوي
وخر محمد وضحك:ليك اكتر
رؤوف مد يده لداخل:خش خش
خش محمد مع رؤوف لحاط كراسي في الجنان القدامي ، قعمز محمد و رؤوف وقعدو يهدرزو
طلعت ايلاف صفرة النسكافي والكيكه والحلويات علي الطاوله برا وخشت للبنات:تعالو نطلعو في الجنان يابنات
طلعو لبنات برا وقعمزو قعدو يهدرزو
شهقت ايلاف:حي نسيت خوي غر نمشي نتصل بيه يرفع القهوي جايه صاحبه
صفاء:مدهوبت الشيرة
خشت تجري وهيا تتصل برؤوف لشبح لتليفونه وقال:والله قداش ليا ندور في حد يطلعهملي ياراجل
محمد:كلا جيبلي صورة علي كتيب العائله وماعليك تو نطلعهنلك
رؤوف وقف:تمام نستأذن شوي بس
محمد:خود راحتك
خش رؤوف ومحمد جاته مكالمه رد عليها ووقف وهوا يتمشه في جنان. لفتت انتباهه الشجره لمعبيه ورد قرب منها وهوا يسكر في المكالمه قعد يمس في الورد واول ماتلفت يبي يولي شبحها مقعمزه علي الكرسي وشعرها اللي يطير العقل مطروح عليها ولونه زي خيوط الشمس عسلي ولابسه جاسكار اسود عليه سوريه بيضه قصيره وكانت تدوي وتشرح بداها وهيا تضحك ، بتسم محمد وحط يديه في جيوبه:لنقنها اسمح من وصف امي
أنت تقرأ
عشق في بلاد حروبها لا تنتهي ( الفتنه و الثأر)
Actionرواية تحكي علي أحداث واقعية ، تناقش خطورة انتشار الفثنة والتأر ومعانات الأهالي بسبب هدا الشي ، وبين هدي الفثنة والتأر تخلق قصص عشق منها مأساوية ومنها تتوج بتأج العشق 💛
