عشق في بلاد حروبها لا تنتهي ( الفتنه و الثأر)

البارت 30

_
_
#عشق_في_بلاد_حروبها_لا_تنتهي
الحلقة 30
(الياقوت)
في الحلقة السابقة
حسام تنهد وبتسم بهزوه:كيف بنفكها من لهموم لعلي ظهري امالا
احمد:شن هيا همومك احكي الادان صاغية احكي ورتاح
حسام اتكه علي الكرسي بظهره وقال:بوي مريض ومحتاج عملية علي القلب ، واني حتي ربع حق العمليه مانكسابه قعد ننحرق كل يوم علي حالته ، صح يمشي ويتحرك بس لما ينكس ويمرض نقعد شاد قلبي ونجري بيه بين المستشفيات لمعفنه خايف يوم يلعبو فيه ويرزوني في السند لعايش علي خاطره.....
.
قراءة ممتعة 💛
#البارت_التلاتون
لا وجود لنهايات ، فكما لكل بدايه نهايه ، لكل نهاية بداية جديده 💛🌻
.
.
طبطب احمد علي كتف حسام لطبس وهوا يشد في راسه بين يديه:حاس راسي بيتفجر من التفكير والهم ياصاحبي
طلع احمد شريط لحبوب من جيبه وقال وهوا يمد فيه لحسام:ربي يفرج خود من هدو تو تحس روحك كويس
شبح حسام للشريط وقال:حبوب راس
احمد:لا لكن يهدوك هلبااااا ويخلو جوك حلو
حسام ضيق عيونه:مخدرات وله
احمد هز براسه بمعني اي ، ومش مهتم لنظرات حسام:انت تتعطي فيهم
احمد:اي
سكت حسام وماعاش عرف شن يقول ووقف وقال:لا شكرا تصبح علي خير
وخش وخلا احمد يرفع في كتافة ويرجع يتكه علي الكرسي وهوا يمسح علي شعرة ويفكر في غالية وامه ، لين خداه النوم علي الكرسي برا ورقد من غير مايضايق او يحس بروحه .
.
أليس غريب ان يكون القلب ينبض ، والروح تائها ، والنفس غائبه ، والعقل لا وعي به 😕🎈
#Rayan_Nouri(الياقوت)
.
فتح أحمد عيونه تاني يوم علي اشعة الشمس وحرارة الجو المرتفعة وهوا يمسح في رقبته المتعرقه وحاس بجسمه متشنج بالكامل ، وقعد يشبح لروحه وين راقد .
تنهد ومسح علي وجهه وحاس بنبضات قلبه تزيد وجسمه يرعش وحرارته مرتفعه هلباااا وكل خليه في جسمه تنادي وتناجي فيه يعطيها جرعتها من المخدر .
حس احمد بضيق حس بالغلط لغرقوه فيه حس انه يبي امه يبي اخته يبي بوه يبي حياته الاولي يبي خوه اللي تاه ومش عارف كان هوا حي او ميت ، وقف علي حيله وهوا يمشي بصعوبه وخش لدار بشويه وكانو الجمعة راقدين كلهم لانه مش توكتهم.
قرب علي شنطه وطلع الجرعة وحطها في جيبه وطلع وهوا في باله مكان واحد بيمشيله وهم واحد انه كيف ح يوصل في محمد تاني .
خش للمقبرة وهوا يشبح للقبور كلهم ويمشي بشويه يشبحلهم وكانه اول مره يخش للمقبرة كان يشبح لكل قبر بروحه وفي باله ، زعما مرتاحين ، ولا تتعدبو زيني ، زعما حياتي الموحشه ، حياتي الزباله لظلمتني ودلتني ، احسن من حالكم ، لا والله عداب ربي وعقابه علي دنوب ارتكبتها ، ولا قسوة الحياة وظلم ناسها علي دنوب هما يركبولي فيها .
وقف علي قبر امه وهوا يتأمل فيه ودموعه نزلو :مكاني جنبك يمه طول عمري ماسيبتك علاش سيبتيني ومارفعتيني معاك يمه باللهي عليك تعاليلي ارفعيني معاك تعبت اني تعبت
غمط عيونه وطاح علي ركابه وحط يديه الزوز علي وجهه وسجد علي القبر وهوا يبكي .
مسح وجهه ورفع راسه وهوا يشبح للقبر اللي بعد دقايق ركز علي الرشاده اللي تحتها ورقه.
ضيق احمد عيونه وخدها وهوا يمسح في عيونه لمغبشات من الدموع المحبوسات فيهم وشبح لمحتوي الورقه (092####### محمد) .
هدا لكان مكتوب في الورقه ولخلا احمد يتفرج عليها وهوا شاد راسه ليوجع فيه هلباااا مع ألم جسمه .
قعمز علي التراب وهوا يمد في رجليه قدامه وطلع تليفونه والجرعة من جيبه.
حط تليفونه علي الارض وعبه اليبرة بالجرعة وهوا عرق يصب منه بغزارة وحاس بحرارة وكانها نسمة جايه من جهنم ، وجسمه حاسه بيتشنج اكتر لو ماخداهاش توا .
ضرب الجرعة وهوا يلوح في اليبرة قدامه وشد يده وهوا يغمظ في عيونه وياخد في النفس ويطلع فيه بسرعة وكانه كان يجري ، ....:لنقنك طحت وطيحتك واعرة
فتح احمد عيونه طول وهوا يقيم في راسه ويشبح لمحمد لواقف قدامه
وفي عز تفكير احمد وسرحانه سمع صوته:وقعد مصر معاهم الحق
ضحك أحمد ورجع غمظ عيونه:زعما كان فكرة في مجدي يطلعلي
وزادت ضحكته:كل مانفكر فيك نلقاك قدام وجهي
محمد قدم وقعمز قدامه علي رجليه وشبك يديه في بعضهم وضيق عيونه:خلوك مدمن
احمد قعد يشبح لمحمد شوي وقال:لا خلوني ميت بقلب ينبض
ضيق محمد عيونه وهوا يشبح لمنظر احمد كان متشرد في لبسه وباين عليه التعب تحت عيونه اسود من الارهاق وعيونه طايحات وفمه ابيض ووجهه اصفررر.
محمد:تعالا معايا ورد عيش
هز أحمد راسه وبتسم ببرود وكانه قلبه تحجر:لا لا لا بعتها الدنيا ماعاش نبيها
محمد:ماتقدرش تبيعها واختك فيها
احمد:غالية
قالها وقعد سارح شوي وبعدها ساوا روحة ووقف بدعديع وبتعب لين محمد بعد عليه ووقف يشبحله كيف يحاول يوقف بصعوبه.
وقف احمد وقرب وقف قدام محمد وقال:ما ، ماعمري تخيلت انه بنعيش هدي اللحظه ، ول .ا انه بنقول لكلام هدا
وسكت شوي وكمل:لك.ن اختي امانه في رقبتك ليوم الدين اختي عندك وفي وصي...تك
هز محمد راسه وهوا يشبح حولينه للقبور:ونا مش ملزوم ب أمانة من عدوي
سكت احمد فترة ، وبعدها تنهد وهوا يحط في يده علي جبهته وينزل في راسه وقال ودمعة من عينه خاناته ونزلت وبرغم من مشاعرة المتبلده وعدم احساسه الا انه عارف انه غلط لبقوله:ح..طها في دار الأيتام ع.لي الاقل
ورفع راسه شبح لمحمد لقعد يشبحله ونظرة الخيبه في عيونه وبعد صمت طويل وخر محمد خطوتين وقال:لا واللهي ماناخد امانه منك ياأحمد وهيا في الاصل أمنه
وضرب علي رقبته:في رقبتي
واشر بصبعة لسماء:من لخالقني ، عدي مربوحة واختك انساها من اليوم محسوبة علي نا
أحمد بتسم:راجل وربي
شبحله محمد وتلفت وقبل مايمشي قال احمد:نبي منك حاجه قبل ماتمشي بالله نبي نكلمها
وقف محمد وتلفتله وهز راسه بخفه وقال:لا
ورجع محمد تلفت ومشي وهوا حاس بكمية وجع كبيرة وجع اول مرة يحس بيه وجع انسان تاني مش وجعه هوا بس حاسه وكأنه الوجع ليه هوا وكأنه هوا لنخدل من خوه كانه هوا لسيبه خوه  .
قعد أحمد يشبح لمحمد لين طلع من المقبرة بكل ونزل خدي الورقة لي فيها رقم محمد وحطها في جيبه.
__
.
لم أظن يوما ان ألام أجسادنا ، اهون بأضعاف من ألام قلوبنا ✋🌙
(الياقوت)
.
زغرطة هيام اللي طلعت من الدار وخلت صفاة لدموعها نزلو.
خشت صفية هيا وسارة عليها وقعمزو جنبها وهما حايرين في دموعها و في حزنها .
صفية:صفو حبي كان ماتبيشي قولي لا ره بابا مستحيل يعطيك كان ماتبيش
سارة:وعلاش وفقتي كان ماتبيشي وبتبكي هكي بناقص منه ومن زوله
مسحت صفاء دموعها وهزت راسها:اني خايفه شوي بس مافيا شي وغير هكي ستاحشة غالية
ثوترة صفيه وتحمحمت وقالت:حقا نبي نقولك حاجة
صفاء قالت من غير اهتمام:بعدين مش توا خلوني بروحي توا
صفيه:حاجه مهمه قبل بنقولك من امس بس مابيتش نقول لين اتم حوسة امس
سارة تحمست:قولي شني
صفية:تدكري في الراجل اللي خدي غالية للمستشفي وقال انه ولد خالتها
رفعت صفاء راسها في صفيه وهزة ب راسها بمعني اي ادكرة.
صفيه:امس جي للمدرسه ودار عركة مع أستاذ عمـار قعد يقول علي غاليه كلام مايصلحش
سارة:حي علي الكلب اللي مايتحشم مش هدا ساعدها وحاطها عند عيلته
صفاء:مافهمتش شن جيبه للمدرسه وعلاش يقول علي غاليه هكي
صفية:تي لا لا مافهمتونيش أستاذ عمار هوا لقعد يقول علي غالية في كلام مايصلحش وقعد يقول انها هربت مع صاحبها وانه تجيب في الولاد لحوشها وابصر شني مشي الراجل هدا قريب قتله تعرفي خلاه دم كله مع بعضه
شهقت سارة:احلفي ..حي علي عمار الكلب يستاااهل اكتر
صفاء:باه وشن دار استاذ عمار
صفية:شني بدير قعد يرعش مع بعضه والراجل بعد ماعطاه الطريحة وقف وقال انه غالية اشرف من الشرف وانه لو حد اطاول عليها وسمع بيه لما يقتله وانه هيا مرته ويقدر يرفعها معاه وين مايبي
فتحت صفاء عيونها وسارة شهقت ونقزة قعمزت علي سرير علي ركابها
سارة تلفتت لصفاء:مش كلماتك علاش ماقتلكش تزوجة
صفاء هزة راسها:مانعرفش ماجبتش سيرة انها تزوجة بكل
صفيه:هدا لسمعته والله قريب جتني الجلطه اني
وقفت صفاء وخدت تليفونها وهيا تتصل بغالية:ياربي شن المفجأة هدي اني مش ناقصني والله
سارة:بتتصلي بيها
هزة صفاء راسها وطلعت برا وخلتهم وهيا تستني في رد غالية.