عشق في بلاد حروبها لا تنتهي ( الفتنه و الثأر)

البارت 4

_
_
#عشق_في_بلاد_حروبها_لا_تنتهي
   الحلقة 4
(الياقوت)
في الحلقة السابقه
تنهد محمد وقال بسرعه قبل ماتزيد رقيه تنوح:نموت نا يمه وجدي مايموتش ولا حصان ترواطه ماشاءالله
كتمت عائشه ضحكتها وهيا تشبح في رقيه اللي تنهدت وهيا تمسح علي قلبها وتشبح لمحمد بعثب:عيب عليك جدك هضا
هز محمد راسها:اها جدي لقريب تبرا مني وهججني من الشرق عندك حق
وقبل ماتتكلم رقيه كمل محمد وقال:..
.
قراءة ممتعة💛
#البارت_الرابع
.
محمد:بنشيلكم لعزا واحد صاحبي بوه ميت من زمان وامه توا توفت وهوا محبوس عنده اخته بروحها نبيكن تشوفنها كان تبي حاجه وتعزوها
اضايقت عائشه وقالت بشفقه:ياناري قعدت يتيمه
رقيه:ربي يرحمها اكيد ماتت حسره علي ولدها المحبوس ربي يطلق سراحه لخيته
شبحلها محمد وقبل بقول حاجه بس سكت وهوا يفرك في يديه ويضغظ علي سنونه
__
#غالية
فتحت عيوني بشويه وحاسه جسمي كله مدقدق وكأني مش راقده بكل ، شبحت ليديا لمتغمرا بيهم قفظان ماما لتحب تلبسه رحتها قعده فيه قعد وراها وسيباته وسيبتني لحقت بابا وخلتني بروحي نسو اني قعده طفله قعده صغيره محتاجه لحنانهم الموت رفعتهم والحياة رفعت خوتي وخلتني انا في نقطة الصفر محجوزه ، اه ياماما اه يابابا فراقكم نار ياما ناس زيني الحرب دمرتهم ياما ناس تيتمت بس لقت خوال عمام ولا خوت بس انا وينهم خوتي وينهم .
تعوذة من الشيطان وشهد العقل ردلي بعد تلات يام غايب لا صليت لا قريت فيهم قرأن حتي المدرسه ماعاد مشتلها ، نضت من مكاني وأول ماوقفت جت عيني علي دولاب ماما وبابا قربت منه وقعدت نشبح فيه ، قعدت نمس في حوايج ماما لقعدات مرتبات كيف مارتبتهم الله علي الوقت قد ماهربنا وسيبنا حوشنا مسكر بس بعد تشنطيت ولودانا من حوش لا حوش هاربين من التهديدات لتجينا انهم بيقتلو احمد ردينا لحوشنا في الاخير الحوش لمات فيه بابا توا ماتت فيه ماما وان شاءالله نموت فيه انا ، تلفتت وخشيت الحمام توضيت وطلعت لصاله كان الحوش مظموم ومرتب بارك الله فيهم ماخلونيش بروحي بكل بعد ماتأكدة انه ماعاش فيه الخير بس بموتت ماما أكدولي جرانا فيه الخير هما لدفنو ماما دارو كل شي كأن خوتي موجودين جابو التمويل ودارو الخيمه ونحاها صح ماشفت من لجي ولا ماجاش بس بارك الله في كل حد جي وساعدني ، طرحت الصلاية وكبرة باش نبدا في صلاة كل الصلاوات لفتوني
__
خشت نادين لجنان حوشهم وهيا مخلوعه:بابا
تلفتت علي يمينها شافت بوها الحاج فتحي ومعاذ وامها لمقعمزه تمسح لفارس في جبهته لمفتوحه ، شهقت وقربت منهم تجري ووراها خالة فارس ناجيه
نزلو دموع نادين لقعمزة جنب فارس وهيا تمسله في الجرح:كسر يديه
الحاج فتحي:اسمع ياولدي هدو مش ناويين الخير بدات بعد لسمعوه علي سفيان يتم اليوم علي خير وغدوه من صبح ربي توكلو لتركيا
مسحت نادين دموعها وخدت من امها القطنه وقعدت تمسحله في جبهته من الدم وهيا ترشف في دموعها ، شبحلها فارس وشد يدها لتمسح بيها ونزلها:لا يعمي مش ماشي لين نشوف سفيان
تنهد معاذ بتعصيب: تي كيف بتشوفه ياراجل ولا بتمشي لصقر وتقوله واللهي خوي كان محبوس بجريمة قتل وتوا ولا يخدم عندك وجاي نبي نشوفه مصدق روحك هلبا ره دير زي ماقالك الحاج
شهقت خالة فارس ناجيه وحطت يدها علي صدرها:شن جيب سفيان لصقر
شبحت ام نادين حنان لبنتها وتبادلو نظرات عدم فهم ، نفخت نادين وهيا تشبح لفارس لتنهد وطبس راسه وهوا يشفشف في شعره:مانعرفش مانعرفش بس بالله خلوني شوي ماتضغظوش عليا مهما يكون مانبيش نمشي لين ندبر ونشوفه
معاذ:خوك قااتل روح ره
قال فارس بتنرفيز:معاذ ره خوي هدا وانت قلتها ان شاءالله قاتل عشره يقعد اسمه مربوط في اسمي
سكت معاذ لتلفت بتعصيب ومشي وخلا الحاج فتحي يقرب من فارس وطبطب علي ظهره:توا رتاح خش داخل وبعدين نهدرزو
ورفع عينه علي حنان واقفه جنب ناجيه:المغرب قريب يأذن وتو لعشي
حنان:ان شاءالله اهو ماشيين
مشو ناجيه وحنان والحاج فتحي طلع وخلا فارس ونادين بروحهم في جنان
رفعت نادين يدها وقعدت تمسح في جرحه:توجع فيك
هز فارس راسه بمعني لا ، وقام راسه شبحلها قعد شوي ساكت وهوا يشبحلها وبعدين قال:ياسر بكي ونظفيلي جرحي
بتسمت نادين ونفخت:متنمر حشيشتك تتأمر عليا
شد فارس راسه وقرب منها:ديري وفمك ساكت يادودة
ضيقت نادين عيونها وبتسمت وقعدت تنظفله في الجرح وهيا تشبح لصندوق الاسعفات الاوليه لجباته امها مبكري:عطيني الصندوق
مدلها فارس الصندوق:بشويه يادراه حار
زادت نادين ضغظت علي جرحه لين فارس عيط وبعد براسه منها:احي ياكلبه راسي
ضحكت نادين وشدت راسه بداها وقرباته منها:هههه تستاهل سكر كروجك باه وتحمل من غير تسهويك عليا
ضربها فارس براسه علي جبهتها بشويه:ماتخلينيش ننطحك نطحه حماره ونكمل عقاب جبهتي فيك يادوده
فتحت نادين فمها وسكتت من غير ماترد عليه وكملتله جرحه بفم ساكت بعد فارس وهوا يمسد علي جرحه لدارتله عليه نادين لصقة جرح
لمت نادين الحاجات وشبحت لفارس:عفواً ولو مادرت شي
ضحك فارس وماباش يعدل عليها.
نادين:حقا شن قصة سفيان بالصقر مش سفيان محبوس في الجديده شن وصله لصقر
تنهد فارس:الصقر هدا متحكم في طرابلس كلها مش صعب عليه يوصل لجديده ولا لأي حبس تاني في طرابلس
نادين:باه وشن خص سفيان
فارس:مش عارف والله ماعرف اليوم الصبح مشينا اني ومعاذ علي اساس بنحطوله تمويل مشي قالونا انه جمعة الصقر طلعاته هوا ومجموعة شباب غيره وظمهم معاه وولو من رجالته
نادين:كيف ياخدهم مش قاتلين هدو مش المفروض يحاكموهم ويعاقبوهم علاش محبوسين امالا
ضحك فارس بهزوه:هداكا في تركيا ولا بلاد تانيه مش عندنا في ليبيا
__
فتح محمد باب سيارته ونزل وهوا يطلع في تليفونه لشرين ، شافه من ورده لجيبه بألامبالا ولاد علي السياره وهوا يفتح في صندوق السياره ويطلع في الكرسي المتحرك وفتحه وحطه قريب من باب السياره لجنب كرسي السواق وفتح الباب وهوا يشبح لوجه امه وقال لعائشه لمقعمزه التالي:انزلي
فتحت عائشه الباب ونزلت وهيا ادور بعيونها في المكان لين علقت عيونها علي محمد لنزل امه من السياره وساعدها تقعمز علي الكرسي المتحرك وسكر الباب وتلفت لأمه لقعده تساوي في روحها وتشبح قدامها:بتقعد مصبي هنا
محمد:لا معدي عندي مشوار
وشبح لعائشه:لما تكملن دزيلي رساله
هزة عائشه راسها ودفت الكرسي المتحرك برقيه وهيا تقرب من الحوش وخلت محمد اللي ركب سيارته ورد علي تليفونه:الو
زياد:الو ياافندي الصقر متكنطي جاياته صفار عليك من مبكري وهوا يخبط ويعيط يبيك
بتسم محمد وشبح الساعه وقال:نا جاي
__
سلمت غاليه من الصلاة وهيا تسمع في صوت دقات الباب ، وقفت وهيا اطبق في الصلاية وتحط فيها علي الكرسي وقالت في نفسها وهيا ماشيه جيهت الباب"اكيد خديجه روحت من موعدها" ، واول مافتحت الباب رفعت حواجبها وهيا تشبح لعائشه لواقفه جنب رقيه لمقعمزه علي كرسيها المتحرك وتشبحلها ببتسامه ، قالت غاليه وهيا تبعد من قدام الباب:تفضلو
دفت عائشه كرسي رقيه وخشت الداخل وتلفتت لغاليه لسكرت الباب وتلفتتلهم:عظم الله اجرك
تعبو عيون غاليه بدموع حستها انها كبيره الكلمه هدي عليها الكلمه اللي مااتعرف كبير ولا صغير ، قربت عائشه وحضنت غاليه وسلمت عليها بحراره واول مابعدت عليها عائشه نزلت غاليه لرقيه وسلمت عليها:شكر الله سعيكم
مسحت غاليه دموعها ومدت يدها لداخال:تفضو خشو
خشت عائشه ورا غاليه وهيا ادف برقيه لين خشو لصاله
رقيه:سامحينا يابنيتي هضا وين سخر ربي وجينا ولدي هضا وين قالنا
بتسمت غاليه وهيا تسمع في دق الباب:لا عادي نستأدن نفتح الباب
مشت تجري فتحت الباب:جيتي
خشت خديجه وهيا تشبح في لكنادر:من في
رفعت غاليه كتافها:مانعرفهمش
خشت خديجه ووراها غاليه لوقفت قدام الصاله تشبح لخديجه لتسلم عليهم:شكر الله سعيكم
رقيه:سامحونا هضا وين سمعنا
قعمزة خديجه وبتسمت:عادي ياميمتي تتشرفي في اي وقت
بتسمت رقيه وشبحت لغاليه:انتي بنية المرحومه
هزة غاليه راسه وقربت قعمزة جنب خديجه مقابلتهم
رقيه رق قلبها لمنظر غاليه كيف وجها اصفر وكيف لابسه متع الصلاة تبان كميشه وضعيفه:هضا حال الدنيا يابنتي كلنا ليها ربي يرحمها ويجعل متواها الجنه
عائشه:ربي يرحمها
مسحت غاليه دموعها اللي بدو ينزلو بروحهم:ان شاءالله
رقيه: حسيتكن مستغربين فينا عليش هضا وين جايين سامحونا بالله نا متحشمه ولدي صاحب وخيك ان شاءالله ربي يفك اسره وهضا وين سخر ربي وقالي
خديجه وقفت:النيه وصاله ياحاجه بارك الله فيكم
شدة غاليه يد خديجه وقالت:خليك تو اني نمشي
عائشه:باللهي كان بتجيبن حاجه مانبو قمعزن نحنا شوي وطالعين
وقفت غاليه:لالا شوي وجايه
رقيه:غير قمعزي يابنتي مانبو شي كأنه خدينا والله
بتسمت غاليه وخشت وخلت خديجه تقعمز وقالت ببتسامه:سامحوني بالله في السؤال انتم شراقه ولا مصاريت
ضحكت عائشه:انتي شن تقولي
تحشمت خديجه:والله اني مانفرقش بيناتكم هههه الحق برغم يقولو اللهجه تفترق مش زي بعضكم
رقيه:لا نحنا من بنغازي يابنتي
خديجه:بجوده بيك
رقيه:بيك اكتر انتي خالتها
خديجه:لا غاليه ماعندهاش لا خلات لا عمات ياناري بروحيتها عندها زوز خوت شباب بس اني جارتهم السور في السور
رقيه:ياكبادي عليها ربي يصبرها قزيزينه
خشت غاليه بصفرة البن والثمر وضيفتهم وقعمزة
رقيه:تعبناك معانا
غاليه:تعبكم راحه
خديجه:متجوزه انتي
بتسمت عائشه بتسامه مكبوته وردة رقيه:كنتي مرت ولدي
خديجه:نحسابها بنتك ماشاءالله
__
حطت صفرة القهوة وقعمزة علي المندار:لالا ماقربوشي بابا حلفلهم خلاص قالو
شبحت روان لإيلاف لصبت فنجان القهوه ومداته لأمها لقالت:حسبت ربي فيه وربي ياخد حق ولدي منه مانبيش حد من ولادي يلتخ يديه في الدم
روان:حسبي الله ونعم الوكيل فيه واللي طلعه وفي الصقر
تنهدت امها""نجيه"":شن تحسبيه بعيش هلبا هدو ملشيات تو مره في المرات تجيه رصاصه طايشه ترفعه ربي ماينسى حد
روان:اي والله ربي كبير
ساوت إيلاف تقعمزتها وحست قلبها انقبض وقالت لتغير الموضوع:غدوه مرات مش ماشيه الجامعه
شبحتلها نجيه:علاش بوك مش فاضي تو نقول لواحد من خوتك يرفعك
إيلاف:لالا هما عطونا عطله اسبوع جايهم تحذير قالو علي خاطر مختلطه ولا شن
روان:جامعه اكيد مختلطه يعني اكيد من الدواعش التحذير هدا يرزينا فيهم ماخلو مكان مقوم مافجروه
إيلاف:والله حق اني من تفجير لدروه في بنغازي بديت نخاف
نجيه:ربي يسلم لبلاد ويهدي لعباد
سمعو صوت باب الجنان انفتح شبحت نجيه لروان:نوضي شوفي من كان خوتك ارفعيلهم قهوه
ضيقت روان عيونها وشبحت لإيلاف لتشرب في القهوه برواق:اني لكبيره ره يمه علاش ماتقوليلهاش هيا
نجيه:تي نوضي
وقفت روان وزادت ضيقت عيونها لإيلاف لترقصلها في حواجبها بستفزاز مع بتسامه بارده هههه.
طلعت من الدار وهيا اتمتم ومتغايضه وأول ماوصلت في الباب المردود وقبل ماتفتحه سمعت كلام جمدها في مكانها:الكلب هدا نخطفوله ولده ولا مرته...
.
.
.
#يتبع_للبارت_لبعده
____________________________________
بداء كتابة الرواية في 2019 / أبـــ4ٰـــريل / 7
تم وضع قَفلة لـ الرواية في 2019 / سبتــ9ٰـــمبر / 25