<Unicode>
ချူရှန်းထန်ချူရှန်းကိုခေါင်းညိတ်ပြလိုက်သည်။အားလုံးထင်မှတ်ထားတာနဲ့မတူတာကသူ့အမူအရာကချူယွီ့ကိုဆက်ဆံတုန်းကလိုကြင်နာမှုမရှိဘဲလေးနက်နေသည်။
ချူရှန်းစိတ်တည်ငြိမ်သွားတဲ့အထိသူ့မျက်နှာကိုစိုက်ကြည့်နေကာပြုံးပြီးပြောလိုက်သည်။"အဖေ.."
သူချူရှန်းထန်နားကပ်သွားလိုက်ပြီးကျန်းမာရေးအခြေအနေကိုမေးမြန်းလိုက်သည်။ခဏကြာတဲ့အခါအနည်းငယ်ဖြူဖြော့နေတဲ့မျက်နှာနဲ့လုချင်းအန်းဘက်လှည့်ကာပြောလိုက်သည်။"အစ်ကိုကြီး...ချူမိသားစုရဲ့သစ္စာဖောက်ကိုကျွန်တော့်အဖေသတ်ပြီးအမေ့အတွက်ဂလဲ့စားချေပြီးသွားပြီ။အခုကျွန်တော်တို့ပြန်ထွက်ဖို့လမ်းရှာသင့်တယ်ထင်တယ်"
လုချင်းအန်းလည်းသူ့ခါးကဓားကိုပုတ်ကာသူ့ရဲ့အေးစက်တဲ့အမူအရာလည်းလျော့ကျသွားပြီးယန်ရွှယ်ကိုဓားအိမ်ထဲပြန်ထည့်လိုက်သည်။
ချူယွီလည်းလုချင်းအန်းရဲ့အမူအရာကိုသတိထားမိသွားပြီးသူ့ကိုကြည့်လိုက်တဲ့အခါလုချင်းအန်းခါးမှာနောက်ဓားတစ်ချောင်းချိတ်ဆွဲထားတာတွေ့လိုက်ရသည်။
သူထင်တာမမှားဘူးဆိုရင်အဲ့ဓားကသူတို့ဒီနေရာကိုရောက်မလာခင်တွေ့လိုက်ရတဲ့ဓားဖြစ်သည်။
လုချင်းအန်းရဲ့အမူအရာကိုကြည့်ပြီးသူနဲ့ထိုဓားပိုင်ရှင်ကြားမှာကိစ္စတစ်ခုခုရှိလိမ့်မယ်ဆိုတာသိနိုင်သည်။
ချူယွီထိုကိစ္စကိုခဏစဥ်စားလိုက်သည်။မူလဝတ္ထုထဲမှာထိုဓားအကြောင်းဖော်ပြထားခြင်းမရှိတာကြောင့်ထိုကိစ္စကိုနောက်ပို့ထားလိုက်သည်။ချူရှန်းကချူရှန်းထန်ကိုလှည့်ကြည့်ရင်းလုချင်းအန်းနဲ့စကားပြောနေတာကိုကြည့်ပြီးချူယွီအနည်းငယ်ပျင်းလာသည်။သူချူရှန်းထန်ကိုလှည့်ကြည့်လိုက်တဲ့အခါသူ့မျက်နှာပေါ်မှာအဆိပ်ပြင်းတဲ့မြွေတစ်ကောင်လိုအေးစက်ပြီးကြောက်မက်ဖွယ်အပြုံးတစ်ခုကိုတွေ့လိုက်ရသည်။ထိုအပြုံးကချူရှန်းထန်ရဲ့မူလကြင်နာပြီးနွေးထွေးတဲ့အမူအရာနဲ့ဆန်ကျင့်ပြီးပိုးချည်မြှင်တွေကြားကအပ်လိုရက်စက်ပြီးကြမ်းကြုတ်ပုံပေါ်သည်။
VOCÊ ESTÁ LENDO
ကံကြမ္မာစေရာ(On Hold Myanmar Translation)
FantasiaAuthor(s):青端(Qing Duan) Title:Every Day The Protagonist Wants To Capture Me Original Title:主角每天都想攻略我 Genre:Action,Comedy,Fantasy,Romance,Xianxia,BL Eng Translator:Reika,BC Novels Link:https://www.novelupdates.com/series/every-day-the-protagonist-w...
