بطلتنا اسمها حنين كانت شايفة نفسها شوية ومكنش بيعجبها العجب ولا كان حد بيملى عينيها ولا عمرها مرت بتجربة حب زى باقى البنات فى سنها بالرغم من كل اللى يشوفها كان بيبقي معجب بيها وبيتشدلها بسرعة لكن منعا لإحراج اى حد كانت بتخلق اى حاجة ولو بالكلام عشان تهرب منهم وتحسسهم أنهم زى اخواتها عشان متخسرش حد أو تجرح حد وكان كل هدفها تبقي سيدة أعمال ومعروفة وكان دايما عندها ذكاء كان الكل بيعمل حسابة وعندها قدرة تحبب الناس فيها.. وف يوم وقبل ما تخلص دراستها الجامعية وبالصدفة وكان اخر شهرين بدراستها فى الجامعة ،، لفت نظرها شاب وسيم جدا جدا طول وبعرض ببشرة بيضاء وعيون عسلى وشعر اسود حرير ودقن خفيفة كان لابس بنطلون اسود على شيميز لبنى مفتوح وتحتة تيشرت ابيض وكان ماسك جورنال ومش مركز مع حد خالص وقاعد على جنب وبيقرا الجورنال بدقة وانتباة غير طبيعى ،، حنين لفت نظرها الموقف لان اول واحد فى الجامعة تلاقية ماسك جورنال ومش مهتم باى بنت تعدى من قدامة وفضلت حنين تراقبة من بعيد لبعيد وهو مش واخد بالة ولما أصحابها قربوا منها وسألوها فى أية ؟
حنين : مين دة 👈
داليا : دة اياد
حنين : يعنى مين هو ، انا اول مرة اشوفة !!
داليا : سيبك منة عشان دة شايف نفسة اوى ومافيش واحدة حاولت تتكلم معاة واداها وش ودايما بيهرب وياخد جنب ..
حنين : لية بقي
بوسى : شاغلين نفسكوا لية هو احنا ناقصين رخامة يا حنين وبعدين من امتى وانتى بتسألى على حد
داليا : هههههههه شكلها كدة من النوع اللى بيحب الغلاسة والمطبات الصعبة وهتتعب عالفاضى
بوسى : سيبك يا حنين ويالا
حنين : بالعكس هو مش ف دماغى بس لفت نظرى لما لقيتة بيقرا الجورنال ولما شيرى عدت من قدامة ورجعت وقفت تانى مرفعش وشة عليها بالرغم أن صوتها وضحكتها عالية وملفتة وطبيعى اى حد يبص عليها
بوسى : قصدك يعنى عشان شعرها الطويل ولبسها الضيق
حنين : لاة عشان هى موزة فعلا
داليا : دة شكلة معقد يا حنين هههههههه
حنين : يعنى دة معانا ف الدفعة
بوسى : لاة دة من تجارة واتخرج من سنتين بس مزاج عندة يجى يوم ف الاسبوع يشوف اصحابة ويتقابلوا دة غير أنة تقريبا بياخد كورس أو بيحضر حاجة معرفش بالضبط
حنين : ممممم فهمت
بوسى : هو الواد عسل وقمور بس مغرور جدا واتم
حنين : طب استنوا كدة هجرب حاجة
داليا : بلاش يا حنين عشان ميحرجكيش وتحصل مشكلة
حنين : يحرجنى انااا !!!
بوسى : خلاص اتفضلى وجربى
..............
حنين قربت لحد ما وصلت ووقفت قدام اياد 😬
حنين : من فضلك
اياد : انااا
حنين ابتسمت : اة ممكن
اياد : اتفضلى
حنين : انا مستغربة أن اخيرا لقيت حد معاة جورنال عشان كنت عايزة اشوف حاجة لو ممكن
اياد : حاجة أية
حنين : انا خدت بالى انك بتقرا الاهرام
اياد : اة لية
حنين : اصل انا من اشد المعجبين وقراء بريد الجمعة لعبد الوهاب مطاوع وهو بقالة فترة مش بيكتب ومحدش بيقول اى خبر عنة فقولت يمكن تكون فى حاجة نزلت النهاردة
اياد : انتى من قراء عبد الوهاب مطاوع
حنين : اة جداا
اياد : أية اللى بيعجبك فى بريدة
حنين : شعورة واحساسة وهو بيكتب والمشكلة اللى بيعرضها وبيقول حلها بكل سهولة ومن غير تجريح
اياد : فعلا عندك حق
حنين : طب قولى بقي
اياد ابتسم لحنين : عايزانى اقولك أية
حنين : فى خبر عنة
اياد : اعتقد أنة واخد إجازة لانة مسافر لمدة شهر وعشان كدة بريد الجمعة واقف لان محدش هيعوض مكانة
حنين : ميرسي جدا طمنتنى
اياد بابتسامة : للدرجادى
حنين : اة وعارفة هتقول عليا أية
اياد : كمااان قريتى دماغى
حنين : طبعا ... انا بفهم واعرف اقرا ملامح اللى بيكلمنى كويس
اياد : اووو طب وفهمتى أية منى بقي
حنين : فهمت انك مستغرب انى بقرا بريد الجمعة
اياد : هههههههه تصدقى فعلا هو كدة
حنين : شوفت بقي 😉 بلاش تستهون بيا
اياد : انتى بتدرسى أية
حنين : شوفت بدأت اهو
اياد : بدأت أية !!؟؟
حنين : تسأل عن تخصصى عشان تشوف ينفع مع قراتى لعبد الوهاب مطاوع ولا لاة وتأثيرة عليا أية
اياد : هههههههه انتى مالكيش حل وهخاف منك كدة
حنين : انا حذرتك بس شكلك بتحب تجرب بنفسك عشان تحكم
اياد : ايوة فعلا دى عندى وفيا بزيادة واحب امشى بدماغى ،، معقولة دى كمان عرفتيها
حنين : اكيييد .. عالعموم انا طولت عليك وقطعت عليك وقتك
اياد : بالعكس أنا سعيد بالحوار معاكى
حنين : ميرسى كتير عن اذنك
اياد : انتى غريبة اوى
حنين : اناااا لييية !!
اياد : يعنى اتكلمتى مع واحد ولا تعرفى هو فى سنة كام ولا كلية أية ولا حاولتى حتى تعرفى سنى كام ولا اى حاجة.. مش دى حاجة غريبة
حنين : لاة طبعا
اياد باستغراب : لاة طبعا ازاى !!
حنين : ماهو انا لية أسألك أسئلة شخصية ممكن تكون رافض تجاوبنى عليها وانا طبعا هتحرج وابقى كدة انا اللى غلطانة لانى فرضت نفسي ولا أية ؟
اياد : ويمكن اوافق وارد على اسئلتك
حنين : ف الحالة دى يبقى انا فتحت الباب والمحال انك تسألنى عن اى حاجة شخصية خاصة بيا وكدة ممكن انت اللى تتحرج لان ممكن مجاوبش ويبقى لية بقي السؤال من الاول بلاها احسن
اياد بذهول : انتى صح يا ...
حنين : شوفت ودى البداية ومضطرة استأذن فورا قبل الحوار ما يتطور عن اذنك
اياد : فرصة سعيدة اتفضلى
🤗🤗🤗🤗🤗🤗🤗🤗🤗🤗
حنين راحت عند داليا وبوسى ،،
داليا : يخربيت عقلك دة كان بيضحك معاكى
بوسى : كل دة كلام
حنين : وهو اللى هيجى يسأل عليا مخصوص
داليا ضربت حنين على كتفها : ونبى بلاش الثقة دى دة مبيعبرش حد
حنين : هنشوف ونتراهن
بوسى : حلو الرهان دة
حنين : وانا موافقة على أية الرهان
داليا : لو جة سأل عليكى يبقى احنا هنعزمك علي بيتزا هت وامرنا لله ولو طنشك ودة متوقع يبقى انتى يا حلوة اللى هتعزمينا
حنين : موافقة هههههههه
..........................................
