البارت (٢٥) حدوتة حنين
.....................................
حنين : يالا استعدوا خلينا نمشى
داليا : يالا
بوسى : انا هلف شوية فى وسط البلد عشان اشترى حاجات
حنين : ماشى انا هروح عشان تعبانة
البنات : خلاص ماشى
حنين : باى
البنات : باى
باسم : حنين حنين
البنات : 🙄🤔🤔
حنين : نعم يا بشمهندس
باسم : كنتى ممتازة النهاردة انتى والبنات طبعا
حنين : ميرسى لحضرتك
باسم: ينفع نقعد نتكلم شوية
حنين : خير فى حاجة
باسم : لالا عادى بس خلينا نتكلم لو ميدايقكيش
حنين : طب ينفع بكرة عشان مصدعة جدا ونفسى انام
باسم : مافيش مشكلة طبعا والف سلامة عليكى
حنين : الله يسلمك عن اذنك
باسم : أية يا بنات
البنات : تحت امرك
باسم : شغلكوا ممتاز
البنات : شكرا
🤔🤔🤔🤔🤔🤔🤔
بوسى : هو فى أية
داليا : هفهمك
بوسى : طب اتكلمى
داليا : تعالى نمشى ونتكلم
بوسى : يالا
👭👭👭👭👭👭👭
بوسى : أية بقي فهمينى
داليا : عايزة تفهمى أية
بوسى : كل حاجة ولية باسم بيكلم حنين كدة ولو هو معجب بيها مش بيتقدم لية وكل الظروف لصالحة
داليا : عارفة واحنا قاعدين الصبح مين كلمنى ؟
بوسى : مين ؟
داليا : سما اخت حنين
بوسى : طب وآية المشكلة
داليا : اول لما قولت الو ،قالتلى لو حنين جمبك ابعدى عشان اعرف اتكلم معاكى
بوسى : لية
داليا : حنين متماسكة قدامنا لكن بينها وبين نفسهامنهارة طبعا بعد اللى اياد عملة وحنين حبتة جامد واول حب في حياتها ..
بوسى : طب سما عايزة أية
داليا : جابت رقم اياد من موبايل حنين و طلعت مسجلاة عالموبيل باسم wrong
بوسى : 🤔
داليا : المهم انتى شايفة باسم بيحاول يقرب من حنين مش كدة ؟
بوسى : اة وشكلة معجب بيها
داليا : سما سمعت ابو حنين ومامتهم وهما بيتكلموا عن الموضوع دة وطبعا مش هينفع تقول لحنين اللى سمعتة منهم عشان نفسية حنين ...
بوسى : سمعت أية
داليا : يوم ما حنين اغمى عليها طبعا كلهم قلقوا لكن بعد ما اطمنوا عليها باباها كان مصمم متروحش تانى لكن اللواء إبراهيم صمم وكلمة فى الموضوع بصراحة وقالة أن باسم مش هينفع يتقدم الا لو حس أن حنين موافقة منعا للاحراج وطبعا ابو حنين رفض الشكل دة وفى الاخر مامتها قالتلة مينفعش بعد ما نقولها روحى الشغل نرجع نقولها اقعدى وبعدين خليها يمكن ربنا يسهل عشان منفرضش عليها حاجة ..
بوسى : يعنى هما كانوا عارفين الموضوع من الاول
داليا : اة طبعا وابو حنين وأبو باسم قالوا الشغل هيساعد على دة
بوسى : ولية كل اللفة دى ما كان راح واتقدم على طول زى اى حد
داليا ::اللى فهمتة من بوسى أن قبل حوار الشغل حصل كلام بين مامت حنين وسما اختها ف حاجة زى كدة وسما كانت عارفة علاقة اياد وحنين وقالت لمامتها استحالة حنين هتوافق على ارتباط بالشكل دة وهربت منها فى الكلام أن حنين عايزة تشتغل واللى ترتبط بية لازم تكون اتعاملت معاة الاول وطبعا مامتها صدقت ونقلت الكلام لابوهم وعشان كدة حصل اللى احنا فية دة ..
بوسى : بس حنين مش عارفة تخرج اياد من قلبها وباسم بيتعامل معاها بكل ذوق
داليا : دى المشكلة وخدى بالك باسم لافف وبتاع بنات واكيد فاهم أن حنين فى قصة فى حياتها ..
بوسى : بس حنين كدة لازم تعرف الحاجات دى
داليا : حنين فاهمة بس مش عاوزة تركز لأنها لو ركزت مش قدامها غير حاجتين
بوسى : أية هما
داليا : يا اما تسيب الشغل وساعتها هتتخنق اكتر لانها لقت حاجة تشغلها شوية وهما هنا مريحنها ويااما تقبل بارتباطها بباسم وساعتها هتبقى ظلمتة وظلمت نفسها وعشان كدة حنين مش عاوزة تركز ..
بوسى : طب هتكلموا اياد فعلا بعد اللى عملة
داليا : انا قولتلها هكلمها بالليل اخد الرقم منها واكلمة بس قالتلى لاة هى هتكلمة وأنها هتكلمة عشان تفهم لية الموقف دة وعشان لو هو ندل فعلا سما هتحاول تعمل اى حاجة عشان باسم ينجح فى تقربة من حنين..
بوسى : داليا حنين لازم تعرف اللى بنقولة دة كلة دلوقتى
داليا : مش دلوقتى لما الدنيا تستقر ونقولها كل حاجة بس نشوف الموقف هيبقى مع اياد ولا باسم ...
بوسى : كدة سما كانت بتتأكد اذا كان باسم بيحاول يقرب ولا لاة عشان لو لأة كانت تستنا ومتكلمش اياد ولو اة تكلمة عشان هى خايفة حنين توافق كنوع من العند فى نفسها وفي اياد
داليا : بالضبط كدة
بوسى : فهمت كدة
داليا : يالا شوفى هتشترى أية خلينا نرجع البيت واكلم سما اشوفها عملت أية
بوسى : ماشى وانا كمان هتكلم مع حنين بحجة انى شوفتها بتعيط النهاردة
داليا : ماشى
🤔🤔🤔🤔🤔🤔🤔
حنين رجعت البيت ونامت وكانت سما عايزاها تفضل نايمة عشان تعرف تكلم اياد براحتها وقعدت تفكر تكلمة من موبايلها ولا من موبايل حنين.. وف الاخر خافت ميردش على رقم حنين وتبقى كدة أحرجت اختها وحطتها فى موقف وحش ...
🤔🤔🤔🤔🤔🤔🤔
سما : ماما انا هطلع فوق اذاكر ومش عاوزة اتعشا عشان شبعانة يعنى محدش ينادينى عشان عاوزة اركز عشان المذاكرة كتير اوى
الام : اطلعى ربنا معاكى
سما : يارب ادعيلى يا ماما كتير
الام : ربنا هيوفقك عشان عندك ضمير على مصلحتك
سما : ضمير 🙄 صح يا ماما
😊😊😊😊😊😊😊
حنين كانت سامعة حوار سما مع مامتها ومن جواها كانت بتدعى من كل قلبها أن اختها متقعش ف نفس الموقف اللى هي فية مع اياد ..
طلعت سما وكانت متوترة جدا وبتترعش وكأنها هتقتل مش هتعمل مكالمة ... وبعد خمس دقائق سما اتجرأت واتصلت
📲📲📲📲📲📲📲
اياد : الو
سما : ......
اياد بتركيز : الو
سما بتوتر : .........
اياد : .............
سما : الو
اياد : الو ،،ايوة مين ؟
سما : احممم
اياد : براحة براحة انتى مين
سما : انا سما اخت حنين
اياد 😳: بجدددد
سما : هو أية اللى بجد
اياد : انتى سما فعلا
سما : اة
اياد : ازيك عاملة أية والدراسة عاملة أية معاكى ؟
سما : انا الحمدلله
اياد : الحمدلله انتى دكتورة شاطرة ودة كان باين عليكى
سما : مين اعز حد عندك فى حياتك اللى لو حلفت بية يبقى هتوفى بحلفانك عشانة
اياد : ربنا احسن من اى حد
سما : طب قول ورايا
اياد: اقول أية
سما : قول اقسم بالله العظيم أقسم بالله العظيم ان المكالمة دى ما فى بنى هيعرف عنها حاجة مهما حصل..
اياد : حاضر ..اقسم بالله العظيم أقسم بالله العظيم مافى مخلوق هيعرف حاجة عن المكالمة دى مهما حصل غير لو انتى سمحتيلى
سما : اة كدة تمام
اياد : حنين عاملة أية؟
سما : عايزها تبقى عاملة أية؟
اياد : انا فارق معاها ولا نسيتنى وقالت انى ندل وغدار
سما : انا عايزة افهم معقولة انت اياد اللى شوفتة ف الجامعة وكان قافل علينا واحنا معاة ومعقولة قدرت بالسهولة دى تتنازل عن حنين
اياد بحزن : مين قالك انى اتنازلت عن حنين
سما : موقفك الأخير معاها
اياد : انا عملت كدة عشان مصلحتنا احنا الاتنين وغصب عنى
سما : انا مش هصدق الكلام دة
اياد : لو فهمتك تقفى معايا
سما : عايزنى اقف معاك ضد اختى !!
اياد : لاة طبعا ،،هو انتى فاكرة انى مرتاح باللى حصل ،،انتى متعرفيش كام مرة كنت هضعف واتصل بيها واكلمها وكام مرة فكرت اكلم حد من دفعتها عشان اوصل لرقم حد من البنات أصحابها واطمن عليها ..
سما : ومعملتش كدة لية
اياد : اقفلى وهتصل بيكى انا عشان هيبقى كتير عليكى فى الموبايل
سما : كمل مش مهم انا عاملة حسابى
اياد: كلامكوا معايا عن بابا قدرت افهم هو بيفكر ازاى وكل دة كان عادى عندى وقولت يمكن لما يشوفنى ونتكلم اقدر أقنعة انى هبقي امين على حنين لكن حنين فضلت تأخرنى ومخلتنيش اقابلة واول لما قالتلى على حوار الشغل انا قلقت بس قولت خلينى معاكوا للآخر يمكن اكون غلط ..
سما : أية اللى خلاك تقلق من الشغل
اياد : الطريقة كلها زى حنين ما قالتهالى مكنتش منطقية أن حد يصدقها وف نفس الوقت مكنش ينفع اقولها متسمعيش كلام بابا عشان فى حاجة فى دماغة تخصك ..واللى توقعتة لقيتة
سما : توقعت أية ؟
اياد : ابن اللوا اللى باباكى عاوزة وبعت حنين عشان يبقى كدة مغصبش عليها توافق على واحد متعرفهوش وتبقى شافتة من الشغل وواضح ان اللواء وابنة شافوها قبل كدة والموافقة كانت متوقفة على حنين واكبر دليل أن اللواء بيقولها انا ضغطت وسلط ناس عشان باباكى يوافق تيجى الشغل .. تفتكرى لو مكانوش شافوا حنين وعرفوها كانوا هيعملوا كدة ويصمموا وهما ميعرفوش شكلها أية حتى ؟ ويحرجوا نفسهم قدام باباكى لو معجبتهمش ...اكيد لاة ؟ دة غير أن البية كان بيعرفها بنفسة وكأنة بيتقدم بشكل غير مباشر وانا كل دة كنت شاكك فية ولما اتصلت وقفلت عليا اتجننت عليها وحسيت انها مبقتش حنين بتاعتى وانا متخيل انها فى اللحظة دى كانت قاعدة مع واحد بيتخيل بينة وبين نفسة عالاقل انها تخصة كأنها مراتة ،،، كل دة ومش عايزانى اولع ؟
سما : فقولت تسيبها وكأنها السبب فى كل دة
اياد : لاة انا كنت من جوايا متدمر بس خلاص الموضوع أتفهم من ناحية باباكى وقولت ابعد شوية عشان مكنش انانى واخليها تشوف العريس اللى باباها عايزة وهى تخير قلبها وعقلها
سما : انا مش عارفة اقولك ايه
اياد : لو كنت جيت واتقدمت فى الوقت دة كنت هترفض للابد عشان كان فى حد من طرف باباكى وابوة يبقى صاحب باباكى واكيد مش هيوافق على واحد ميعرفوش ودة قدامة
سما : وافرض دلوقتى حنين وافقت على باسم وخصوصا أنة بيحاول يقرب منها وواضح أنة معجب بيها فعلا ؟
اياد : انتى هنا بقي تساعدينى
سما : اساعدك ازاى
📲📲📲📲📲📲
سما : معلش الرصيد خلص
اياد.: ولا يهمك ..المهم هتساعدينى
سما : اعمل اية يعنى ؟
اياد : اتكلمى معاها واوعى تخليها توافق علية غصب عنها أو تكون بتعند فى نفسها أو فيا
سما : وانت بقي هتعمل أية لحد انا ما اعمل كدة
اياد : عايز عنوان الشغل ممكن
سما : لية لالا بتفكر تروح
اياد : هشوفها بس من بعيد لحد انتى ما تقوليلى أن الموضوع باظ
سما : وعايزنى اكلمك واطمنك وانت تبقى هادى من جواك وانا اختى قدامى بتتعذب وقلبها موجوع ،،انا استحالة اعمل كدة ؟
اياد بعد ثوانى : وحشتنى ونفسى اشوفها
سما : كلمها يا اياد وفكروا مع بعض عالاقل لما يحصل حاجة من ناحية باسم تتضمن انها تيجى تقولك وتقولها تعمل أية ؟
اياد : صعب وانا مش هستحمل... عالاقل دلوقتى بقول لنفسى اننا نهينا الموضوع
سما : انا زعلانة منك جدا
اياد : متزعليش بس صدقينى اللى بيحب من قلبة بجد ممكن يجى على نفسة بزيادة عشان خاطر حبيبة وعشان لو ربنا كتب لينا نصيب فى بعض ميحصلش فى يوم واسمع إن كان فى حد ورفضتة عشانى ،،عشان استحالة هقبل بالكلمة دى ولكن لما ترفضة دلوقتى ابقى انا مش موجود احسن ..
سما : ممم بس دى أنانية
اياد : عارف ان كل اللى يهمك حنين دلوقتى وانا كمان عشان بحبها تهمنى وهستنى شوية وهفضل اقوول حنين مراتى وبكرة تشوفى ...
سما : طبعا لما باسم يفكر يتقدم ويلاقى الباب مسدود بكل امكانياتة دى هيمشى ويشوف نصيبة مع حد تانى وانت بعدها تيجى وهى توافق فبابا يوافق لان اللى كان عاوزة منفعش وكدة مش محتاج تدخل فى اشتباكات مع بابا ؟؟
اياد : قصدك كدة هبعد حنين عن اشتباكات مع ابوها بسببى وهمنع أنها تقف قدامة ..
سما : بس باسم بيقرب وهو كويس معاها
اياد : بلاش تولعينى اكتر
سما : ما انا اختى مولعة من جواها وعندها احساس انك غدار ولعبت بيها ..
اياد.: انا فهمتك بصراحة رأيى وانتى بردوا مصممة تغلطينى
سما : انا كان يهمنى اختى فى كل دة وكان يهمنى اريحها بس ماشى خلينى معاك للاخر وهتكلم مع حنين ومن غير ما انت تطلب انا لو لقيت اختى هتوافق على باسم غصب عنها انا هبلغك وعايزة اشوف هتعمل أية
اياد : وانا موافق بس ممكن نتكلم من وقت للتانى واطمن عليها
سما : انت اطمن بطريقتك
اياد : مصممة بردوا
سما : معلش هقفل
اياد : دة رقمك
سما : ممم
اياد : ماشى وشكرا عالمكالمة دى وعمرى ما هنساها لأنها فرقت معايا
سما : انا كمان فرقت معايا ..مع السلامة
اياد : مع السلامة
😊😊😊😊😊😊😊😊😊😊
لااااايك وكومنت لمتابعة حدوتة حنين
ياترى باسم هيكلم حنين فى اية؟و
تفتكروا حنين هتوافق على باسم لو اتقدم ؟؟
تحياتى حنين الماضى 🤗
