البارت (٤٦) حدوتة حنين
.....................................
بعد كلام داليا الجارح لحنين فى الشركة نزلت حنين الشارع وهى منهارة من العياط وحاسة أن الدنيا اسودت وكان نفسها تسافر وتسيب البلد وتهرب من كل الاماكن اللى ليها ذكرى مع اياد وداليا ..
😢😢😢😢😢😢😢
سما : مالك يا حنين رجعتى بدرى لية
حنين : 😭😭😭 انا مخنوقة اوى يا سما وحاسة انى غلط فى كل حاجة
سما : لية بس هو فى حاجة حصلت النهاردة
حنين : تخيلى داليا النهاردة جرحتنى بكلام زى السم قدام باسم وهو اتخانق معاها بسببى ونزلت وانا مش شايفة قدامى 😭😭
سما : معقولة داليا طب ليييية
حنين : تخيلى انا اللى يوم ما جيت الشركة كانت هى أول واحدة فكرت فيها تيجى معايا وانا اللى حاولت أقربها من باسم وفضلت معاها لحد لما اتجوزوا وبعد كدة قلبت عليا وبقيت بتخاف على باسم منى وخصوصا لما فسخت خطوبتى 😭😭😭 افتكرت انى بلبس وبحط ميك اب عشان اخد باسم منها وقالتلى الكلام دة قدامة النهاردة تخيلى 😭😭😭
سما : اييية دة... دى اتجننت ولا أية ،،هى نسيت أن انتى رفضتية من الاول ولو كنتى عاوزاة كنتى اتجوزتية ونسيت اد أية انتى كنتى متمسكة باياد
حنين : مش طايقة اسمع اسمة وياريتنى ما شوفتة ولا عرفتة
سما : ربنا اكيد لية حكمة فى اللى حصل بس المهم دلوقتى يا حنين سيبى الشغل عند باسم دة واقطعى علاقتك بالزفتة داليا دى
حنين : انا فعلا قطعت علاقتى بيها وقولتلها انا عمرى ما هكلمك تانى 😭😭 بس عارفة اكتر حاجة واجعانى أية
سما : أية
حنين : أن انا معملتش حاجة وحشة مع حد وكنت بفكر فى اللى حواليا اكتر من نفسى ولما احتاجتهم كلهم اتخلوا عنى مرة واحدة وحسيت انى غريبة وسط الناس
سما : لية يا حنين بتقولى كدة مدام احنا حواليكى
يوسف : انا جيت يا مجانين
سما : يوسف انت فين
يوسف : بتعيطى لية يا حنين
حنين : 😭😭 انا موجوعة اوى يا يوسف اوووى وقلبى واجعنى من كل ناحية
يوسف : سمعت كلامك مع سما على داليا صاحبتك
حنين : عمرك تتخيل أن انا ممكن اخطف واحد من مراتة اللى هى صاحبتى واتعاملت معايا بقسوة وقلة ذوق فى وقت انا كنت محتاجاها فيه جنبى
يوسف : انا عايز اقولك على حاجه ،،، احنا عايشين عشان نتعلم ولازم تعرفى أن مافيش انسان هيخاف عليكى ولا هيحبك اكتر من نفسة غير اهلك وبسسس ولو اهلك مش واثقة فيهم يبقى اوعى تثقى فى حد ..
سما : بس ممكن اصحاب يبقوا اقرب للواحد من الأهل
يوسف : استحالة مهما طال الوقت ..اذا كان دمك ولحمك مش مهمة عندهم يبقى الغريب هيهمة مصلحتك
حنين : صح يا يوسف انا فهمت كدة بس بعد تجارب صعبة عليا اوى وكلها فى وقت واحد
يوسف : عارفة انا لو حبيت واحدة وسيبتها هبقى عايز اعرف من بعيد اخبارها أو أشوفها عشان اعرف هى منهارة بسببى وانا مأثر عليها ولا لاة
سما : قصدك أية يا يوسف
يوسف : قصدى ان البنت لما تبقى قوية وبعد ما تتخبط تقوم بقوة أكبر دة هيخلى اللى خسرها يندم اشد الندم عليها
حنين : قصدك أن اياد هيحاول يعرف اخبارى
يوسف : اكييييد حتى لو على سبيل الفضول ولازم لما توصلة معلومة تبقى شديدة وفى قمة انوثتك وجمالك ولياقتك ووشك مبتسم ومرتاح عشان يعرف انك عديتى المرحلة وقدرتى تقفى على رجلك مش وقعتى ومستنياة يوقفك
حنين : عندك حق يا يوسف انا لازم اعاند نفسى وأخرج الاحساس اللى جوايا بس عايزة اعمل اى حاجة غلط عايزة انتقم
يوسف : حاجة غلط ازاى
حنين : اشرب سجائر أو شيشة أو بيرة اى حاجة كدة
يوسف : دة كدة نجح الباشا فى تحطيمك لان هو مش هيخسر حاجة وانتى اللى هتخسرى
سما : ايوة طبعا انتى اللى هتضرى وهو سليم عادى
يوسف : بطلى عياط وقومى اغسلى وشك وجهزوا نفسكوا عشان طالعين مارينا وفى حفلة لعمرو دياب هناك
سما : واووووو بس بابا
يوسف : ظبط مع بابا وهنطلع ونقضيها ونعمل كل اللى عايزينة
حنين : انا محتاجة اغير جو فعلا
سما : احنا عايزين ننزل نجيب مايوهات بقى
حنين : خلاص ننزل بكرة
سما : اووووو انا هعمل شعرى كيرلى
حنين : ......
يوسف : وانتى يا حنين هتعملى أية
حنين : اقلع الحجاب يعنى
يوسف : انتى حرة انا قصدى لازم تعملى حاجة جديدة في نفسك عشان تبقى مبسوطة
حنين : هشوف وهروح الكوافير مع سما اغير لون شعرى
سما : اوووو انا هجيب مايوة برمودا
حنين : ماشى ،،انتوا عارفين انا نفسى اكل أية
يوسف : أية لحسن انا جعان
حنين : عايزة اكل سمك وجمبرى مقلى جداااا
يوسف : تيجوا ننزل فى محل فى مكرم عبيد وهم تعالوا ناكل فية
حنين : يالا
سما : هقوم البس
يوسف : طب يالا وناخد ماما معانا ونخلى بابا يحصلنا
حنين : ماشى يالا
🏃♀🏃♀🏃♀🏃♀🏃♀🏃♀🏃♀
فى المطعم
...............
يوسف : هااا يا بنات هتاخدوا أية
حنين : ناخد شوربة سى فود الاول
الام : وانا كمان وهات جمبرى مقلى ومعاة سمك مشوى ورز صيادية وسلطات
سما : انا عاوزة طاجن سى فود مش عاوزة سمك
يوسف : ماشى
🍽🍽🍤🍤🍤🍤🍤
حنين : الجمبرى فظيييع
الام : والشوربة حلوة كمان
سما : انا محتارة ابتدى منين
كلهم : هههههههه
حنين خرجت تاكل مع اخواتها وحسيت انها فاقت شوية لما غيرت جو ولما حسيت ان اخواتها واقفين معاها واتحسنت اكتر سافرت
فى مارينا 👇
سما : يوسف شوف حنين
يوسف : واخد بالى سيبيها
سما : حنين مبطلتش رقص كأنها بتنتقم من نفسها
يوسف : خليها تفوق انا مش هقولها حاجة
الدى جى: فى مسابقة معانا هنا واحدة للشباب وواحدة للبنات واللى هيكسب معانا هياخد دعوة للغداء فى افخم مطاعم مارينا لعدد اربع أفراد
والمسابقة الاولى للبنات ونشوف مين احسن ليدى هتغنى لايف ونشوف النتيجة من خلال تشجعيكم
حنين : انااااا
سما : حنين
يوسف : يالا يالا واحنا هنشجع خلينا ناكل ببلاش
كلهم : هههههههه
سما : هتغنى أية ههههه
حنين : هههههههه هفكر
يوسف : بس اغنية فيها فرفشة كدة
حنين : فكروا معايا طيب
حنين : هغنى اغنية تقلب الدنيا
يوسف : طب يالا اطلعى اقفى فى دورك
الدى جى: يالا يا جماعة هنبدأ
وكل واحدة طلعت تغنى وتجرب حظها لحد لما جة الدور على حنين
الدى جى: اسمك وسنك
حنين : أسمى حنين الشاذلى وعندى ٢٣ سنة
الدى جى : اتفضلى معاكى المايك
حنين : غنت اغنية قولى قولى لشاهيناز والدى جى لما لقى التشجيع جامد معاها جابوا طبلة ومشيوا معاها وكانت سما بترقص ويوسف بيصفر بصوت عالى وبعد ما خلصت الكل سقف جامد ويوسف وسما قعدوا يقولوا حنين حنين حنين والكل يقول وراهم
الدى جى: فى نهاية مسابقتنا احب اشكر كل الليدىز اللى شاركوا معانا لكن من خلال تشجعيكم مافيش غير بنوتة واحدة بس اللى كسبت معانا وهى حنين الشاذلى
الكل : اوووووووووو
حنين فرحت اوى وجريت على الاستيدچ عشان تاخد جايزتها وساعتها حنين كانت محتاجة تكسب حاجة حتى لو كانت بسيطة لان الهدف مش قيمة الجايزة على اد ماهى حافز معنوى ليها بأنها بتكسب مش بتخسر بس
حنين واخواتها قضوا ٥ ايام فى مارينا ويوسف كان بيهد حيلهم كل يوم عشان ميخليش حنين يبقى عندها وقت تفكر واول لما يجى وقت النوم تنام ..
حنين استفادت من السفرية دى كتييير وخرجت كل الطاقة السلبية اللى جواها وعاندت نفسها عشان تقدر تكمل لكن لما كانت بتدى لنفسها لحظة فى التفكير في اياد طبعا قلبها كان بيوجعها
🚙🚙🚙🚙🚙🚙🚙
رجعت حنين من السفر وبالصدفة فى يوم موبايلها رن
📲📲📲📲📲📲📲
حنين : الو
بوسى : نونة وحشانى
حنين : بوسى ازيك
بوسى : الحمدلله
حنين : أية الرقم دة انتى لسة مسافرة
بوسى : اة بس احتمال انزل كمان شهر
حنين : اخيرااا دانتى وحشانى جدااا
بوسى : اتجوزتى ولا لسة
حنين : انا فسخت خطوبتى يا بوسى
بوسى : لييية كدة
حنين : هو باعنى وانا فهمت دة متأخر
بوسى : ازاى دة اياد بيعشق التراب اللى بتمشى علية
حنين : كان كلام يا بوسى لكن فعل مافيش
بوسى : لاة مش قادرة اصدق بعد الحب دة كلة
حنين : الحمدلله
بوسى : والبنت داليا عاملة أية
حنين : معرفش
بوسى : لية مش بتكلميها
حنين : لاة قطعت علاقتى بيها
بوسى : 😳😳 لية
حنين : حصل..............
بوسى : اخس عليكى يا داليا ولا عمرى كنت اتخيل انها تعمل كدة
حنين : عادى يا بوسى انا الكل باعنى وقت احتياجى ليهم
بوسى : متزعليش يا حنين وان شاء الله ربنا هيعوضك
حنين: ان شاء الله
بوسى : انا جبتلك حاجات هتعجبك اوى
حنين : متكلفيش نفسك يا بوسى ،،انا عايزة اشوفك بس
بوسى : ان شاء الله اول لما انزل هتصل بيكى
حنين : اتفقنا هستناكى
بوسى : اوك ..باى يا نونة
حنين : باى يا جميل
🥰🥰🥰🥰🥰🥰🥰
حنين فرحت بمكالمة بوسى ليها وأنها بالرغم من المسافات اللى بينهم لكن بوسى لسة فاكراها ...
🥰🥰🥰🥰🥰🥰🥰
مر حوالى ٦ شهور وحنين نزلت شغل جديد تبع باباها وكانت مبسوطة فية جدا وفى الفترة دى حنين اتعلمت السواقة وجابت عربية حديثة حلوة ...
وفى يوم رقم رن على حنين
📲📲📲📲📲📲📲
حنين : الو
داليا : حنين 😭
حنين : داليا ...نعم
داليا : انا اتطلقت
حنين ::😳 لية
داليا : اتخانقنا واطلقنا
حنين : طب انا أية علاقتى
داليا : انا آسفة يا حنين انا كنت قليلة الذوق معاكى وجرحتك بس كان غصب عني
حنين : انا نسيت الموضوع دة خلاص
داليا : بس انتى مش بتروحى من دماغى خالص
حنين : لية هو انا كمان السبب فى طلاقك
داليا : انا بقيت عصبية وباسم مستحملش وأمة شجعتة على الطلاق
حنين : انتى ولدتى طبعا
داليا : اة بقالى شهرين واطلقت من شهر وكل يوم اقول اكلمك عشان دة ممكن يكون ذنبك
حنين : معلش يا داليا انا عارفة طبعا انك فى مشكلة
داليا : انا ماليش حد اتكلم معاة غيرك ومجروحة جدا وقلبى واجعنى يا حنين وحسيت بوجعك لما اتحطيت فية
حنين : وآية المطلوب منى
داليا : اقفى معايا ونرجع أصحاب زى الاول
حنين : صعب يا داليا ..انتى دوستى عليا وقت ضعفى وجرحتينى وتقريبا طردتينى من الشركة اللى انا كنت سبب دخولك فيها واتهميتينى بتهمة بشعة وانا فى عز قلبى ما هو مكسور ودلوقتى بتمرى بنفس الجرح وعايزانى انا اقف معاكى !! للدرجادى انتى أنانية ولا انا مغفلة
داليا : عشان خاطرى يا حنين
حنين : محدش لية خاطر عندى غير اهلى اللى استحملونى ووقفوا معايا لحد ما عرفت اقف على رجلى تانى ولو سمحتى متتصليش بيا تانى عشان انا ماليش صاحبة اسمها داليا
🙄🙄🙄🙄🙄🙄🙄
حنين قفلت الموبايل وعرفت ان مهما طال الوقت ربنا بيرجعلها الناس اللى كانت بتتمنى منهم كلمة لكن لما رجعوا كانوا فقدوا قيمتهم وغلاوتهم فى قلب ناس كانت بتحبهم اكتر من نفسهم ...
عدت الايام والشهور ومر حوالى سنة على انفصال اياد وحنين وانشغلت حنين اكتر بالشغل وبقيت موظفة كل هدفها أنها تحقق إنجازات فى شغلها وبتخرج وبتاكل وبتشرب وتتفسح احسن من الاول بمراحل لحد فى يوم ما قابلت شاب فى شغلها الجديد اسمة وليد بهنسى ،، وليد كان بيروح الشركة من وقت للتانى يسلم على اللواء عبد الرحيم صاحب الشركة ويبقى خال وليد بهنسى وكان بيشوف حنين هناك ....
وليد : آنسة حنين مش كدة
حنين : اممم اهلا وسهلا
وليد : يعنى ماشاءالله عليكى مجتهدة وخالى دايما بيشكر فيكى
حنين : أية دة فعلا طب الحمدلله
وليد : انا أسمى وليد بهنسى وطبعا اللواء عبد الرحيم يبقى خالى
حنين : اة عرفت لما شوفتك هنا كذا مرة
وليد : هو معندوش اولاد وانا خالى دة بالنسبالى ابويا التانى والروحى
حنين : ربنا يخليكوا لبعض
وليد : انتى خريجة أية
حنين : معايا ليسانس آداب
وليد : قسم أية
حنين : ارشاد
وليد : زى آثار كدة
حنين : زية كدة وزى التاريخ
وليد : بس صحيح انا اعرف ان باباكى عندة شركتة لية مشتغلتيش معاة
حنين : بابا دماغة غيرى فى الشغل وجاد جدا وعشان كدة حبيت الشغل بعيد عن شركتنا عشان مزعلش من بابا
وليد : انا طولت عليكى بس انا بحب البنات النشيطة واللى عندها هدف بحس انى ممكن استفيد منهم فى حاجات ممكن تعدى عليا
حنين : لالا مش للدرجادى يعنى
وليد : عالعموم انا سعيد جدا بكلامى معاكى وان شاء الله لينا كلام تانى مع بعض
حنين : انا اسعد وان شاء الله
🙄🙄🙄🙄🙄🙄🙄
حنين حسيت أن دى بداية لارتباط بينها وبين وليد لكن للاسف قلبها كان اتقفل على اياد وصعب حد ياخد مكانة ..
رجعت حنين البيت وهى بتفكر فى وليد ومش عارفة هتقولة أية لو فكر يعرض عليها الارتباط ..
سما : عملتى أية النهاردة
حنين :عاادى زى كل يوم
سما : مافيش جديد
حنين : فى حاجة كدة انا حاسة بيها
سما : قولى أية هى
حنين : بصي النهاردة.............
سما : شكلة أية وليد دةة
حنين : عادى
سما : بس واضح أنة من عيلة ومستواة عالى يعنى لو فكر استحالة بابا هيعترض
حنين : انا مينفعش ارتبط بحد يا سما
سما : لييية يا حنين
حنين : عشان انا مستاهلش اللى هيرتبط بيا
سما : لية بتقولى كدة
حنين : عشان انا لسة مش عارفة انسى اياد وغصب عنى بفكر وبحلم بية وملقتش اللى يعوض مكانة
سما : طب أدى وليد فرصة يمكن يوصللك
حنين : تفتكرى لو وافقت على وليد ،، انا هعرف اكون صريحة معاة
سما : صريحة في أية يعنى
حنين : تفتكرى هعرف اقولة انى كنت مخطوبة عن قصة حب قوية وأن قلبى وعقلى مش قادر ينسا خطيبى دة ولو قولتلة كدة فعلا وهو قدر ..تفتكرى هقدر اقولة انى قربت من اياد وان البنت اللى هتخطبها دى وهتبقى مراتك وام اولادك هى اللى خطيبها السابق حضنها وباسها وكانت بتغيب عن الوعى لما كانت فى حضنة
سما : بسسس يا حنين هو فى حد بيقول كدة وبعدين ماهو ممكن يكون كان خاطب وعمل كدة
حنين : تفتكرى بقي انا لو تخيلت أن الشخص اللى هرتبط بية كان بيبوس واحدة قبلى وبيحضنها تفتكرى انا هبقى عادى كدة ...لا طبعا عشان كدة بقولك خلااااص انا مينفعش ارتبط بحد لان للاسف لسة بحب اياد لحد دلوقتى
سما : زمانة اتجوز يا حنين وشاف حياتة وانتى كمان لازم تشوفى حياتك ومالوش لازمة اللى ترتبطى بية يعرف كل التفاصيل دى
حنين : صعب ابتدى حياة مع واحد مالوش ذنب وانا فى قلبى واحد تانى بفتكر قربة منى لحد دلوقتى
سما : يعنى لو اياد رجعلك تانى هتوافقى علية
حنين : مش هيرجع خلاص لو كان عاوز يرجع كان رجع
سما : لسة الجرح مفتوح عندك يا حنين
حنين : ومش هيتقفل بس انا بمشى حياتى عشان مموتش نفسى
سما : كدة صعب اوووى
حنين : ربنا معايا بقى
🙈🙈🙈🙈🙈🙈🙈
لااااايك وكومنت لمتابعة حدوتة حنين
تحياتى حنين الماضى 🤗
