البارت (٢٣) حدوتة حنين
......................................
حنين خرجت من مكتب باسم وهى متوترة لان اياد كان عمال يتصل بيها عالموبايل وهى كنسليت علية وفى الاخر قفلت الفون 😱
حنين بتتصل باياد :
📲📲📲📲📲📲📲
اياد 😡: الووووو
حنين : ايوة معلش
اياد😡 وبصوت عالي جدا: انتى فييييين
حنين : انت بتكلمنى كدة لية
اياد😡 : ردددددى عليا
حنين : طب اهدا بس عشان افهمك
اياد😡 : انتى فييين
حنين : هنزل من الشركة
اياد 😡 : كل ددددة وبتعملى أية كل دة حضرتك
حنين : لو فضلت تزعق كدة هنزعل من بعض يا اياد
اياد 😡 : كماااان انتى اللى هتزعلى والله كويس
حنين : اهدا عشان اقولك اللى حصل وانت هتقدر موقفى
اياد 😡 : اتفضلى قولى
حنين : انا بعد ما وصلت ............................
وبس هو دة كل اللى حصل والله بالضبط
اياد.😡😡: وقعدتى انتى وهو لوحدكوا مش كدة
حنين : اة بس والله زى ما قولتلك الكلام كلة فى الشغل
اياد 😡 : والله هو انتى فاااااكرانى طرطور
حنين : انا عملت أية
اياد 😡: عايزة واحد يشوفك لأول مرة عايزاة يعمل أية يتغزل فيكى ولا يقوم يحضنك
حنين : اياااااد الزم حدودك معايا واياك تكمل كلامك معايا بالشكل دة
اياد : واضح أن اللواء وابنة والشركة الجديدة والعربية غيروكى بسرعة
حنين 😳: انا يا اياد
اياد : ااااة للاسف ووصلت انك عشان تكملى كلامك معاة رحتى قافلة الموبايل وماهنش عليكى تبعتى حتى مسدچ تفهمينى
حنين : هو قاعد قدامى مكنش ينفع اكلمك خالص
اياد 😡 : لو كنتى عايزة تتصرفى كنتى اتصرفتى بس انتى فضلتي قعدتك معاة على حسابى وحساب مشاعرى
حنين : اناااا يا اياد
اياد 😡 : للاسف كنت واثق فيكى اكتر من كدة
حنين😟 : كمان مافيش ثقة هااا وآية تانى ياريت تطلع كل اللى جواك براڤوا
اياد 😡: يعنى انا قاعد هنا مش مركز فى شغلى وكلى معاكى وانتى كنتى قاعدة بتتكلمى وهو قاعد يتغزل فيكى ويراضيكى هههه
حنين 😡: عيب كدة أية يتغزل فيا دى ،،لعلمك بقي كان محترم جدا وكلامة كان معايا بكل ادب وذوق
اياد 😡: انا اللى قليل الذوق يا آنسة حنين ،،مبروك عليكى الشغل الجديد والعربية واكيد ابن اللوا هيكسب عند السيد الوالد اهو طلع مهندس ورجل أعمال وابن لوا وكمان وحيد أبوة وأمة يعنى خالص مخلص ودة طبعا عز الطلب عندكوا مش كدة
حنين 😡 : عز الطلب عند مين يا اياد
اياد 😡: عند الوالد يا أستاذة
حنين 😡: قصدك بابا أية
اياد 😡: ولا حاجة خلاص ومع السلامة
حنين 😡: مع السلامة بسهولة كدة
اياد 😡: انتى اللى خلتيها سهلة
حنين 😡: قول بقي انك ما صدقت لقيت حاجة تعلق عليها حجتك وانا اللى كنت واثقة فيك وصدقتك
اياد😡 : مش اكتر من ثقتى فيكى ..يا خسارة
حنين 😡 : عندك حق ،،خسارة فعلا كل حاجة حلوة حسيت بيها معاك وانا اللى بقولك مع السلامة
اياد 😡: متشكر
😢😢😢😢😢😢😢
حنين قفلت الفون مع اياد وحسيت ان الدنيا بتلف بيها ودايخة وقعدت على كراسى الويتنج ونفسها تعيط ومش قادرة عشان الناس وكان لازم تقوم عشان تركب العربية وترجع البيت وبقت تضغط على نفسها عشان تقوم بس كان نفسها تصرخ فى مكان تكون فى لوحدها لأنها حسيت ان قلبها مخنوق وبيموت ...
😢😢😢😢😢😢😢
حنين جالها احساس بأنها مش قادرة تاخد نفسها وبتترعش وجريت تركب العربية واول لما ركبت اغمى عليها 😢
🚘🚘🚘🚘🚘🚘🚘
الام 😢: حنين حنين سامعانى
حنين : .........
الاب : فوقى يا حنين خلينا نطمن
حنين هزت راسها وكانت معلقة محاليل
سما 😢: فى أية يا حنين
يوسف اخو حنين : ماهو الدكتور قال كويسة الحمدلله بتعيطوا لية
اللواء إبراهيم : حمد الله على سلامتها
باسم : انا متأسف بس هى كانت كويسة جداا ومكنش فى اى حاجة
الام : هى مفطرتش وبقالها كام يوم مش بتاكل كويس وممكن يكون دة السبب
الدكتور : انتوا قلقانين لية يا جماعة هى كويسة بس محتاجة تتغذا شوية
اللواء : طب هنستأذن وهنطمن عليها بالليل ان شاء الله
الاب : متشكر ومعلش عطلناكو
باسم : مافيش عطلة ولا حاجة والف حمد الله على سلامتها
🤝🏻🤝🏻🤝🏻🤝🏻🤝🏻🤝🏻🤝🏻
الاب : يالا يا حنين خلينا نرجع البيت وتنامى شوية هتلاقى نفسك فوقتى
الام : يالا يا حبيبتى براحة
سما : انتى اتحسدتى اكيد
الام : أسند اختك يا يوسف
😢😢😢😢😢😢😢
حنين رجعت البيت
.............................
سما : أية مالك طب اتكلمى معايا
حنين : 😢😢😢
سما : هو باسم دة زعلك
حنين : ........
سما : اياد طيب كلمتية
حنين : 😭😭😭😭
سما : ايااااد 😳 مالة أية اللى حصل
حنين : 😭😭😭😭
سما : طب أهدى أهدى انتوا اتخانقتوا بسبب الشغل مش كدة
حنين : خلاص يا سما 😢😢😢😢
سما : خلاص أية
حنين : اتخانق معايا وقالى مع السلامة ويا خسارة
سما 😳: ايااااد
حنين : اة تخيلى 😢
سما : لية أية اللى حصل
حنين حكيت اللى حصل لسما
سما : طبيعى أنة يزعل بس مش اوى كدة
حنين : حسسنى ان عينى راحت على الشغل وابن صاحب الشغل
سما : معلش هو غيران
حنين : دى مش غيرة دة شك وعدم ثقة
سما : طب أهدى
حنين : خلااص كدة مافيش اياد تانى وانا المفروض اولع فى قلبى عشان اعرف اكمل 😢😢😢😢😢
سما : بعد الشر عليكى بس انا واثقة أنة هيرجع يكلمك عشان بيحبك وهو عمل كدة من دافع الغيرة وكنتى المفروض تقدرى ومتزعليش
حنين : خلاااص مبقتش فارقة
سما : معلش عشان انتى زعلانة دلوقتى بس لما تهدى ويصالحك هتبقى كويسة
حنين : بقولك قالى مع السلامة
سما : وانتى قولتيلة أية
حنين : كرامتى وجعتنى وحسيت انى استحملت عصبيتة وزعيقة واستفزازة وجيت على نفسى اوى ،،عشان كدة قولتلة انا اللى بقولك مع السلامة
سما : انتوا خبطتوا جامد.لية كدة
حنين : هو بان على حقيقتة خلاص
سما : هو بيحبك انا واثقة
حنين : محاولش يتصل تانى بيا
سما : عرفتى منين مش يمكن اتصل وانتى تعبانة
حنين : بصيت فى الموبايل ملقتش حاجة
سما : طب أهدى
الام : بتعيطى لية بس
حنين : معلش يا ماما بس صعبت عليا نفسى لما وقعت
الام : انا طول عمرى محسودة فيكى انتى واخواتك وعيون الناس عليكوا ومركزين معاكوا بس هعمل أية ،،ربنا هو الحامى والقادر يبعد عنكم العين
حنين : عايزة انام
الام : طب اشربى العصير دة ونامى
حنين : ماليش نفس يا ماما معلش
الام : لالا عشان خاطرى كدة هزعل منك
سما : شوفتى اهو دة عقاب انك معملتيش وردة فى الحجاب كانت عملتك زى بكيزة الدرملى ههههه
حنين : ههههه
الام : ايوة اضحكى وفوقى دة انتى فى احلى ايامك
حنين : صح يا ماما
الام : العبوا وافرحوا كدة
حنين : ماما انا عايزة اقلع الحجاب ينفع
الام : لية يا حنين كدة
حنين : مخنوقة يا ماما معلش
الام : هو الحجاب لعبة ،،طب نامى بس دلوقتى وبكرة نتكلم عشان تكونى فايقة
حنين : ماشى هنام
😢😢😢😢😢😢😢
نامت حنين ودموعها على خدها وكأنها فى كابوس وقلبها واجعها اوووى وكل شوية تبص فى الموبايل يمكن اياد.يتصل أو يبعت مسدچ لكن للاسف ولا حس ولا خبر ونامت وهى كارهة كل حاجة ...
صحيت حنين وفضلت قاعدة عالسرير بتفكر فى حالها ومعقولة يكون اياد.بيضحك عليها ومعقولة انانى للدرجة دى ومكنتش عارفة تعالج ازاى وجع قلبها وبقيت مخنوقة بالعياط ومضطرة تمسك نفسها عشان محدش ياخد.بالة ويشك فى حاجة ولما بتتبقى محتاجة تبكى كانت بتطلع الشقة اللى فوق وتبكى فى الضلمة لوحدها بس وهى كاتمة صوتها ...
حنين طلبت من سما توصلها التليفون الارضي فى الشقة فوق عشان تتكلم مع أصحابها .... وطبعا سما كانت عاوزة تعمل اى حاجة عشان حنين ترجع زى الاول
☎☎☎☎☎☎☎
داليا : الو
حنين : ازيك يا قلبى عاملة أية
داليا : الحمدلله قردة
حنين : 😊
داليا : اخباراتك أية
حنين : قولى انتى اخبارك ايه
داليا : مافيش جديد بس البنت بوسى شكلها كدة هتتخطب لحسام قريبها
حنين : أية دة بجد
داليا : ههههه اة والله ههههه بتقولك انا اتعلمت عشان لما اتجوز واخلف اعرف اذاكر للعيال وهى دلوقتى اتعلمت وعايزة العيال تعلمهم قبل ما تنسي التعليم كلة هههههههه
حنين : هههههههه البنت دى كارثة ههههه
داليا : انا بفطس من الضحك لما بتكلمنى
حنين : طب بتحبة
داليا : دى مش بتاعة حب دى عايزة تتجوز وخلاص
حنين : طب هو بيحبها
داليا : انتى مش بتكلميها ولا أية
حنين : بقالى فترة مكلمتهاش
داليا : هو كويس ومؤدب بس صعبان عليا من اللى ممكن تعملة فية لو فكر يقف قدامها ف حاجة هههههههه
حنين : هههههههه هو حر بقي مش هو اللى اختار
داليا : وانتى قوليلى عاملة أية يا حبيب القلب
حنين : .........
داليا : الو انتى معايا
حنين : اة معاكى بس بقولك انا جالى شغل كويس جدا وطلبوا ناس تشتغل وانا اقترحت انك انتى وبوسى تيجوا معايا الشغل فأية رايكوا ؟
داليا : موافقة طبعا اهو احسن من الفضا دة
حنين : خلاص ماشى كلمى بوسى ونتفق نتقابل فين ونروح سوا
داليا : ماشى متفقين
حنين : انا قلعت الحجاب
داليا 😳: أية دة واياد وافق بالسهولة دى
حنين : انا واياد ملناش نصيب نكمل ،،كان لعب عيال
داليا 😳: أية اللى بتقولية دة
حنين 😢: قلبى واجعنى اووى يا داليا ومقهورة 😢
داليا : طب أهدى بس وقوليلى أية اللى حصل
حنين 😢: مهما كنت غلطانة بس متوقعتش أنة يطلع ندل اوى كدة ،،ويمشى مرة واحدة من حياتى بعد ما كان كل حياتى وكنت واثقة فية ثقة عمياء 😢😢
داليا : حنين فهمينى براحة أية اللى حصل يمكن يكون فى سوء تفاهم ولا حاجة
حنين : بالعكس دة كل حاجة بانت على حقيقتها وطلعت فعلا نزوة عندة زى أهلة ما قالولة وانا اللى كنت هقف قدام بابا عشان خاطرة
داليا : طب أهدى وعايزة اعرف أية اللى حصل
حنين 😢: هقولك ....................
واول لما خرجت اتصلت وكلمتة بس سمعنى كلام صعب اوى اوى
داليا : لييية كدة بس يا اياد دانا كنت بقول العقل كلة اياد بس يا حنين انتى عارفة أنة بيموت فيكى بجنون وبيغيير عليكى وكنتى لازم تاخدى بالك
حنين : طيب انا غلط وانتى بتقولى بيحبنى مووت يبقى يبيعنى بسهولة كدة 😢
داليا : لااا طبعا بس مش عارفة هو شايف الموضوع ازاى بس واضح أنة غيران جدا وجة فى بالة انة مش فارق عندك
حنين : ودة مزعلنى اكتر ،،دانا كل حاجة بعملها ف حياتى هو بيعرفها اول واحد ولو وافق بعملها ولو موافقش مبعملهاش عشان مزعلوش بس للاسف هو مقدرش اى حاجة 😢😢
داليا : طب اكيد هيتصل انا واثقة
حنين : حتى لو اتصل خلاص يا داليا هو كسر حاجة كانت حلوة اوى بينى وبينة 😢بس عارفة المشكلة فين دلوقتى ؟؟
داليا : فين ؟؟
حنين : 😢😢 قلبى واجعنى اووى يا داليا واجعنى اووى ودى تانى مرة يوجعنى ،،فاكرة ساعة الجامعة بس ساعتها كنا لسة فى الاول ومكنتش اتعلقت بية كدة وعشان كدة قلبى مقطوع من جوة 😢😢
داليا 😢: وجعتى قلبى يا حنين ،،،طب خليكى انتى الحبيبة الأصيلة وتتصلى بية يمكن هو مستنى منك مكالمة تراضية فيها ويحس بقيمتة عندك
حنين : كان ممكن اتصل لو مكنش قاللى مع السلامة ويا خسارة ولا كأنى خونتة مع واحد تانى
داليا : هو اياد كدة غيرتة سيطرت علية للاسف بس انا واثقة أنة مش مبسوط
حنين : عادى بقى يومين وزية زى اى شاب هينسى وخصوصا أن هو اللى خد قرار اننا نبعد عن بعض الاول
داليا : غلطان يا اياد غلطااان
حنين : اياد ذكى وعارف هو بيعمل وبيقول أية كويس
داليا : عشان كدة قلعتى الحجاب
حنين : مش هعمل اى حاجة هو كان قايلى عليها
داليا : والبيت عندك وافقوا
حنين : ماما طبعا لأة بس انا تعبت اوى امبارح بعد ما كلمنى وكنت ف الشركة واول لما ركبت العربية اغمى عليا ونقلونى المستشفى وعلقت محاليل عشان ضغطى كان واطى اوى
داليا 😳: اييية دة أية دة كل دة يا حنين وانا معرفش
حنين : شوفتى اللى حصلى بسببة 😢
داليا : الف سلامة عليكى يا قلبى ،، للدرجادى بتحبية
حنين : 😢😢😢 اووى يا داليا بس دلوقتى خسارة فية الحب دة لانة انانى وغدار ولو كنت موت مكنش هيحس بيا
داليا : بعد الشر عليكى بلاش الكلام دة
حنين 😢: عاوزة انساة وارجع زى الاول واخد عهد على نفسى بانة لو فكر يتصل بيا مش هرد علية مهما حصل
داليا : اعملى اللى يريحك وانا معاكى
حنين 😢: ربنا يسامحة بقي وياريتنى ما شوفتة ولا عرفتة وكان رهان اسود يوم ما قررت اعملة
داليا : معلش دى حاجة مش بايد حد ويعنى انتى كنتى تعرفى انك هتحبية ،،احنا كنا بنلعب
حنين : واهى اللعبة انقلبت عليا وانا بس اللى اتوجعت منها 😢😢 وكأن ربنا بيعاقبنى
داليا : لا يا حبيبتي متقوليش كدة وقلبى حاسس أنة هيجى يصالحك
حنين : والله العظيم والله العظيم مهما عمل وحاول خلاص خلصت وعارفة انى هتوجع شوية بس هستحمل وهكمل حياتى زى ما كنت مخططاها وهعمل كل حاجة بابا يطلبها منى ومش هزعلة منى ولا هخسرة ولا هكسر فرحتة بيا ابداا
داليا : يارب تبقي قوية كدة فعلا وتعملى اللى بتقولية
حنين : اوعدك هعمل كدة بس شوية وقت وارجع زى ما كنت
داليا : يارب يا قلبى
حنين : هقفل عشان فى حد عالباب باى
داليا : باى وهكلمك بكرة
حنين : ماشى باى
😭😭😭😭😭😭😭
سما : عاملة أية دلوقتى
حنين : زى ما انا
سما : كلمتى اصحابك
حنين : اة كلمت داليا
سما : بقولك ايه مش ملاحظة حاجة
حنين : فى أية
سما : يعنى انا فكرت فى اللى قولتية واللى حصل معاكى فى الشغل وربط كلام اياد لما قالك دة عز الطلب للسيد الوالد ..
حنين : قصدك أية
سما : هقولك بس من غير نرفزة ممكن ؟
😪😪😪😪😪😪😪😪😪
لااااايك وكومنت لمتابعة حدوتة حنين
عشان نعرف حنين عاندت فى نفسها ازاى ؟؟؟
تحياتى حنين الماضى 🤗
