البارت الرابع ( حدوتة حنين)
🥰🥰🥰🥰🥰🥰🥰
بوسى : الحقى دة بيسلم على رامز وشكلة ماشى
داليا : أية دة غريبة مقعدش لحد اخر اليوم زى كل مرة
بوسى : بقولك أية انا شاكة ف حاجة وشكلها كدة صح
داليا : أية
بوسى : اياد حب حنين ومعجب بيها
داليا : أية العبط دة
بوسى : والله ودلوقتى تشوفى
داليا : بس لحسن حنين تقتلك
بوسى : المشكلة بقي ف حنين لانها سايبة حياتها لبابها هو يخطط ويرسملها حتى فى مشاعرها
داليا : فاكرة لما قالتلنا انها مش هتحب حد غير لما باباها يقولها دة اللى هتتجوزية وبعدها هتحبة عشان ترضى باباها
بوسى : شكلها بقي هتقع واياد هو اللى هيوقعها
داليا : هتتصلى تبلغيها ولا لما نرجع البيت ؟
بوسى : لما نرجع احسن
داليا : ماشى يالا ندخل المحاضرة بقي كفاية كدة
😌😌😌😌😌😌😌
حنين ف الوقت دة كانت هتتجنن عشان تعرف اياد راح الجامعة ف اليوم دة ولا لاة ؟ ومش عاوزة تتصل بيهم عشان متلفتش نظرهم انها مهتمة بس ضربات قلبها سريعة جدا وكانت بتدعى أن اياد يكون راح وسأل عليها ..
🥰🥰🥰🥰🥰🥰🥰
وبالليل بوسى اتصلت بيها وقالتلها على اللى حصل كلة ..
حنين بعد المكالمة كانت فرحانة جدا جداا ومن جواها بترقص أنة جة مخصوص علشان يكلمها ولما ملقهاش مشى ومفكرش يقعد يقضى شوية وقت مع اى حد وخلاص ودة طبعا عجبها اكتر لان الكلية عندها مليانة بنات تهبل وموزز بمعنى الكلمة ...
وبدأت حنين تفكر وتشوف هتلبس أية ليوم الاتنين الجاى ولو جة كلمها هتعمل أية وياترى تخليها تستمر فى اختباراتها لية ولا خلاص كدة عشان ميزهقش ؟؟
🙄🙄🙄🙄🙄🙄🙄
وعدت الايام على حنين ببطئ رخم لحد لما جة يوم الاثنين بتاع اياد ،،وقامت حنين لبست طقم كان حلو اوى ومخليها بنوتة حلوة بشهادة أصحابها ،، اللى كانوا دايما يقولولها انتى شيك جدا وافكارك حلوة فى اللبس والمفروض تشتغلى بعد الجامعة موديلز ...
لكن طبعا حنين كانت بتفرح بالكلام دة بس عمرها ما هتعمل بية ابداا..
المهم حنين لبست بنطلون جينز بلوبلاك وعلية شيميز بينك وعلية جاكيت جينز قصير بنفس درجة البنطلون وعلية شوز ابيض فلات وشنطة كروس بيضاء فى بينك وطبعا هى كانت بشعرها قبل ما تشوف اياد بشهر واحد وبعد كدة اتحجبت ،يعنى لما كلمت اياد كانت محجبة بس كان نص شعرها برة وعلية طرحة شيفون ملهاش لازمة اصلا ..
😊😊😊😊😊😊😊
شعر حنين اللون البنى الفاتح اووى مع بعض الخصلات الجولد وكان شعرها طويييل وكانت مميزة جدا بشعرها وسط زمايلها لانها مش من النوع اللى بتحب الكيرلى ولا اى تسريحة لشعرها غير انها تسيبة وبسسس مش اكتر من كده...
🥰🥰🥰🥰🥰🥰🥰
نزلت حنين وكانت بدأت تشم نفسها لما باباها سابها تروح وتيجى مع نفسها وبقيت بتحب المترو ولمة أصحابها وهما مروحين ...
وصلت حنين الجامعة وطبعا بقيت بتدخل من الباب الرئيسى عشان تشوف اياد اللى كان بيقعد على سلم الكلية اللى من ناحية الباب الرئيسى ،،لكن لو دخلت من باب جانبى مكنتش هتشوفة ..
بوسى : حنين جت اهى
داليا : واووو أية القمر دة
حنين : وصلت اخيرا ،،ازيكوا
بوسى : أية يا عم الجمال دة
حنين : بلاش احراج بقي ههه انا صاحية مودى حلو معرفش لية
داليا : ربنا يستر ومحدش يغير مودك
حنين وهى بتدور على اياد ومدارية عينيها بنضارة الشمس : هندخل المحاضرة ولا أية
بوسى : هههههههه اتلغت والدكتور مجاش
حنين : والله طب احسن ،،انا اصلا ماليش مزاج
داليا : طب استعدى بقي
حنين : فى أية
داليا : اياد هنا وشكلة كدة مصمم يكلمك
حنين : فين دة انا مش شايفاة
داليا : هناااك اهو بس مدينا ضهرة
حنين : مين اللى واقفة معاهم !!
بوسى : دى رشا بتاعة اثار
حنين باستغراب : وهما يعرفوها منين؟
داليا : اكيد رامز ما انتى عرفاة
حنين : ماهو طلع بيقف مع بنات اهو ،،اومال بتقولوا مش معبر حد لية
بوسى : البت شكلها باين اوى انها هتتهبل علية وهو واقف مطلعش ايدة من جيبة
داليا : الواد تقيل اوى ورخم
حنين بغضب : خلاص خلاص انا هروح اسلم على أصحابنا واقفين هناك اهم
داليا : تعالى نروح يالا
🙄🙄🙄🙄🙄🙄🙄
حنين قصدت تعدى من قدام اياد وتبين لة أنة مش فارق معاها ووقفت تجيب بيبسى من الكافتيريا هى واصحابها
داليا : لالا انا هشرب نسكافية
بوسى : انا بيبسي بس عايزة كوباية
حنين : وانا كمان من فضلك عايزة كوباية
😉😉😉😉😉😉😉
اياد خد بالة من حنين بس فضل واقف مكانة متحركش ومرة واحدة لبس نضارة الشمس وطلع سيجارة يشربها ورشا زى ماهى وهما واقفين معاها وطبعا حنين ادايقت جدا وحسيت انها علقت نفسها بحاجة ملهاش لازمة ومتقدرش تعترف لحد بكدة ...
وبالصدفة البحتة مرة واحدة قامت خناقة بين شباب عشان خاطر بنت من تجارة وحنين واقفة جة واحد من الخناقة زقها جامد وطبعا هى من غير ما تحس قالتة : انت اعمى
الشاب قام بغضب : انا مكنش قصدى
حنين : انت مش محترم عشان تتخانق فى الجامعة وتخبط فى زميلاتك انت فاكر نفسك ف الشارع
داليا : خلاص خلاص حصل خير يا حنين يالا نمشى
حنين : يعنى عجبك اللى عملة هو فاكرنى هتكسف واخاف منة
الشاب : لااا سمعينى صوتك يا موزة الكلية وورينى هتضربينى ولا أية
اياد ورامز ورامى وباقى شلتهم خدوا بالهم من الموقف وشافوا حنين وبكل تلقائية رامز جرى وهما وراة وف اللحظة دى ،،حنين خدت كوباية النسكافية من ايد داليا ودلقتها ف وش الشاب 😁😱
جرى اياد وشدها لان الولد كان هيمد ايدة عليها وخدها بعيد والشاب حاول يقرب منها ومصمم يضربها وجة الحرس الجامعي خد كل اللى كان بيتخانق والشاب كان على اخرة من حنين لانها ضحكت الناس علية ...
بوسى : انا قلبى كان هيقف
اياد : أية اللى عملتية دة
حنين : عملت أية هو يستاهل ولعلمك انا مش خايفة منة
اياد بغضب : أية اللى وقفك هنااااك اصلا
حنين : انا حرررة فاااهم
اياد : مش حرة مدام مبتعرفيش تتصرفى
حنين😡 : وانت مالك اصلااا
اياد 😡: عندك حق انا مالى ،،بس تفتكرى لو مكنتش شديتك وكان مد ايدة عليكى قدام الكلية كلها ،كان هيبقى شكلك أية
حنين : كنت قطعت ايدة
داليا : اهدوا يا جماعة فى أية
بوسى : اياد بيتكلم صح يا حنين ، والحمدلله أنة جة ف الوقت المناسب
داليا : تعالى يا بوسى نجيب ماية حاسة انى هموت من الرعب والعطش
اياد : ممكن تهدى
حنين بنظرة قوية : انت ازاى تمسك ايدى
اياد: انا اسف بس مكنش فى حل تانى ،، الواد كان هيشوطك
حنين : وانت أية اللى يهمك يعنى
اياد : حنييين بلاش استفزاز
حنين : انا بسأل سؤال منطقى على فكرة
اياد : وبعدين ف دماغك دية 😡
حنين : بلا دماغى بقى بلا بتاع ما نابنى غير البيبسي ادلق وهدومى اتبهدلت وحرقت دم عالفاضى ..
اياد : هههههه متخافيش لسة زى القمر واحلى كمان
حنين بانشكاح : افندم
اياد بنظرة قوية : بقولك لسسسة زى القمر واحلى كمان واول مرة اشوف بنت متعصبة شكلها حلو كدة بس يا خسارة ناقص حاجة صغيرة وحلاوتها تكمل
حنين : يا سلاااام
اياد بابتسامة : شعرك جمييل بس هيبقى اجمل لو دارتية عشان ممكن احسدك
حنين بابتسامة : اول مرة اشوف واحد يحسد بنت
اياد : لما تبقي زيك كدة لازم احسدها
حنين : لية بقي
اياد بهروب من حنين : شكلة قدر ولا أااااية ؟؟
حنين : مش فاهمة
اياد : ولا انا
حنين: 🤨🤨
رامى : اياد الواد مصمم يشوف حنين
رامز : متخافيش هو مش هيعمل حاجة عشان خد لفت نظر ولو حصلت مشكلة تانى ممكن يتفصل
اياد : انت اتجننت يا رامى يشوفها ازاى يعنى ،،انا رايحلة وانتى اوعى تيجى ورايا سامعة
حنين بقلق : ماشى
اياد : أية يا عم الشباب الحمدلله عدت على خير
الشاب : انا مكنش قصدى اوقعها بس هى ضحكت عليا الناس وهاخد حقى منها
اياد : معقولة برضة تاخد حقك من بنت هى دى الرجولة برضة
الشاب : حدفت الكوباية عليا ف وشى واصلا هى شايفة نفسها وانا بقى هكسر مناخيرها
اياد : البنت اللى بتتكلم عليها دى قريبتى وانا مستحمل كل دة عشان مقدر موقفك لكن احنا شرقيين واكيد لو لقيت واحد بيتكلم عن واحدة قريبتك كدة مش هتسكت وعالعموم انا عرفتها غلطها بس انت كمان غلطت واحرجتها لما زقتها قدام زمايلها
الشاب : والله ما كان قصدى انا اصلا ببعد عنها عشان عارف ان اى حد ممكن يقربلها اكيد ابوها هيعلقة
اياد 🙄: ابوها !!!
الشاب : اااة ما انا اعرف عنها كل حاجة واعرف انها واصلة بس مش لدرجة أنها تشتمنى و...
اياد : انا بكلم راجل والمفروض تقدر الوقفة دى ولا أية ؟
الشاب : ماشى خلاص
اياد : ايوة كدة ،، بس عايز اقولك على حاجه ومتزعلش منى ، لو حصل وعرفت انك اتعرضتلها وانا مش موجود انا ساعتها اللى هقفلك اتفقنا
الشاب : انت بتهددنى
اياد : انا بحذرك عشان محدش يسخنك
الشاب : ليك عليا لو لقيتها ماشية ف طريق هسيبة وامشى من طريق تانى
اياد : يبقى الف شكر ليك ،، سلام
الشاب : سلام
🙂🙂🙂🙂🙂🙂🙂
حنين : ايية
اياد : باباكى مين ؟
حنين : لية بتسأل
اياد : عادى يعنى
حنين : عااادى ماشى
اياد : هفضل اعيد نفس السؤال ،،انتى مييين ولية طلعتى ف الوقت دة بالتحديد ؟
حنين : اصحابك شكلهم عايزينك
اياد : انتى بتطردينى ههه
حنين : انا اللى عاوزة اقعد لوحدى
اياد : عايز اتكلم معاكى
حنين : ما احنا اتكلمنا
اياد : انا عندى جيم بالليل ينفع اكلمك
حنين : شكلك باين انك بتشيل حديد
اياد : اة ولا مش عاجبك
حنين : انت حر
اياد : اكلمك ازاى
حنين : مش هتكلمنى اصلا
اياد : لية
حنين : انت فاكر انك هتضحك عليا عشان تاخد رقمى واكلمك وطبعا ابقى واحدة من اللى اتحطوا ف المنيو عندك مش كدة ولا رشا معجبتكش؟؟
اياد بلمعان : رشاااا !!
حنين : اة رشا اثار
اياد : انتى شوفتينا
حنين : اكيد
اياد : مش المفروض تسلمى وانتى ماشية
حنين : واسلم لية هو انت صاحبى
اياد بنظرة قوية : طب انا مين تفتكرى وغمزلها
حنين بكسوف : انا مش بحب كدة على فكرة
اياد : عنيدة ودماغك ناشفة زى الحجر
حنين : خلاص خليك مع الدماغ الملبن وسيبك من الحجر
اياد : ياريت كان بمزاجى
حنين : نعممم
اياد : دة رقمى كلمينى الساعة ٨ ضرورى هستناكى
حنين : مش هتصل
اياد : لية كدة
حنين : انت غريب جدا
اياد : وانتى لذيذة جدا 😉
حنين بصدمة : انااا ؟؟
اياد : ههه سلام مؤقت عشان رامى شكلة عايز يمشى ولو حد اتعرضلك كلمينى واوعى تعملى زى الافلام وترمى رقمى هههههههه هتحتاجية على فكرة ...سلام وابقى غطى شعرك
🥰🥰🥰🥰🥰🥰🥰
لمتابعة حلقات حدوتة حنين لاييييك وكومنت 😉
