بعد حنين ما اتكلمت مع اياد ومن غير ماياخد منها معلومة عنها سابتة ومشيت بكل ثقة وإحساس بالنفس جدااا...
حنين راحت عند داليا وبوسى ،،
داليا : يخربيت عقلك دة كان بيضحك معاكى
بوسى : كل دة كلام
حنين : وهو اللى هيجى يسأل عليا مخصوص
داليا ضربت حنين على كتفها : ونبى بلاش الثقة دى دة مبيعبرش حد
حنين : هنشوف ونتراهن
بوسى : حلو الرهان دة
حنين : وانا موافقة على أية الرهان
داليا : لو جة سأل عليكى يبقى احنا هنعزمك علي بيتزا هت وامرنا لله ولو طنشك ودة متوقع يبقى انتى يا حلوة اللى هتعزمينا
حنين : موافقة هههههههه
............................................
حنين خدت بالها أن اياد بيبص عليها😎 بس عملت نفسها مش شيفاة وحسيت فى البداية انها فرحانة لانها كدة شدت انتباهة وبكدة هتكسب الرهان مع أصحابها ....
وعشان حنين تكمل حيرة اياد وتشد انتباهة ليها اكتر ،،طلبت من داليا وبوسى أنهم يقوموا هما التلاتة من على سلم المدرج ويمشوا من قدام اياد على أساس أنهم هيخرجوا من الباب الرئيسى للجامعة لكن من غير حنين ولا أصحابها يحاولوا يبصوا ناحيتة خالص وطبعا اياد اول لما شافهم قاموا وقفوا رجع يبص فى الجورنال تانى ..
حنين : اوعوا حد يبص ناحيتة
بوسى : انا خايفة اضحك ومقدرش امسك نفسي
داليا : هههههههههههه وانا كمان
حنين : هههههههههههه امشوا بقى والمهم متبصوش
بوسى : طب امشوا عدل انتوا لزقين فيا كدة لية هههههههه
داليا : هههههههه انا حاسة انى هقع على وشى والله وانا ماشية
حنين : بس بقي وامشوا عدل انا ماسكة نفسي بالعافية
بوسى : هههههههههههه مش قادرة امسك نفسي
داليا : هههههههههههه ولا انا وزمانة فهم اننا بنمثل
حنين : هههههههه بالعكس هيفهم اننا مشغولين بحاجة بعيد عنة خالص
داليا : تفتكروا شافنا وخد بالة
بوسى : انا خايفة ابص ورايا الاقية
حنين : اوعى تبصي لحسن يعمل كدة فعلا
داليا : لالا انا مش عارفة امشى كدة كأنى عاملة عاملة حد يشوفة ورانا ولا لاة
حنين : طب استنى هوقع القلم ورايا وارجع اجيبة واشوفة
بوسى : يخربيت دماغك طب انجزى بدل ما احنا ماشيين ولزقيين ف بعض كدة هههههههه
حنين رمت القلم وبصت ملقتهوش
داليا : هاااا
حنين : امشوا عدل مش ورانا
بوسى : قولتلك دة اتم ورخم
حنين : ادينا بنلعب هنخسر أية
داليا : هتخسرى الرهان يا نونة
حنين : الصبرر ادونى وقتى
داليا : ماشى اخرك شهر معانا يعنى هتشوفية كدة اربع مرات وكدة حلو اوى
حنين : اتفقنا ...باى عشان بابا اكيد واقف برة مستنينى
بوسى : معقولة يا نونة لسة باباكى بيوصلك ويروحك انتى كبرتى يا بنتى
حنين : مهما قولت مافيش فايدة بابا دايما حاسس ان ممكن حد يضحك عليا بكلمتين ناعمين
بوسى : هههههههه لااااا يبقى ميعرفش بنتة بقي
حنين : فعلا عندك حق ..يالا باى اهو واقف
😊😊😊😊😊😊😊😊😊
رجعت حنين البيت وهى عمالة تفكر ف اياد وشكلة وهو قاعد واتأثرت بالبرفيوم بتاعة كان ملفت جدا ،، وبقيت تفكر ازاى ممكن تخلية ينجذب ليها اكتر واكتر وكأنة تحدى ...
☎️☎️☎️☎️☎️☎️☎️☎️☎️☎️
وبالليل بوسى اتصلت بحنين ..
حنين : نعم
بوسى : انتى هتتنكى علينا من دلوقتى اومال لو كسبتى الرهان هتعملى فينا أية
حنين : هههههههه مش هعرفكوا تانى عشان انتوا ممثلين فاشلين
بوسى : هههههههه يعنى انتى اللى ناجحة ما انتى كمان كنتى ماشية كأنك هتقعى على وشك
حنين : هههههههه الموقف كان تحفة
بوسى : المهم كنت عايزة اقولك وانا مروحة لقيت رامز جة يسلم عليا ولقيتة بيسألنى عليكى
حنين : يسأل عليا ؟! لية ؟
بوسى : شكلة خد بالة انك واقفة وبتكلمى اياد
حنين : طب وهو مالة
بوسى : مالة ازاى ،، هو انتى متعرفيش أن رامز وأخوة أصحاب اياد
حنين : 🙄 ايييية وانا هعرف منين يا هانم
بوسى : مجاش ف بالى اقولك معلش
حنين : أية علاقة رامز باياد وبعدين مكنش واقف معاة لية
بوسى : اخو رامز فى سن اياد تقريبا وكان معانا برضة ف الجامعة بس اشتغل وساعات بيجى هو واياد ورامز واصحابة يقعدوا معاهم وكدة يعنى ،، يعنى قعدة شباب مع بعض
حنين : وانتى تعرفى كل دة منين بقي
بوسى : من القردة داليا هههههههه كانت بتحب تعرف تاريخ اى حد تقع عينها علية
حنين : ومحدش قاللى لية الكلام دة
بوسى : عشان عارفين مش ف دماغك الحوارات دى
حنين : والله ممممم طب رامز بقي بيسأل عليا لية
بوسى : معرفش انا لقيتة وقف جنبى وبيسلم فسلمت عادى وأتكلم ف الأول عادى عن دكتور عاطف ومادتة وبعدين بدأ يسألنى ويقولى غريبة يعنى أن حنين كانت واقفة بتتكلم مع اياد
حنين : مممم وبعدين
بوسى : قولتلة تقريبا كانت عايزة الجورنال عشان كانت عايزة تشوف حاجة ،، راح سألنى يعنى هى مقالتلكوش قالها أية ؟ قولتلة لاة ولا احنا سألناها ولا هى جابت سيرتة من الأساس راح قاللى مجبتش سيرتة خااالص قولتلة لاة لية بتسأل قاللى لا مافيش خلاص
حنين : هههههههههههه شاطرة يا بوسى
بوسى : البية كان بيختبرنى صح
حنين : حاجة زى كدة
بوسى : بس انا فلت منة
حنين : شاطرة خليكى واعية كدة على طول
بوسى : ماشى انا قولت اعرفك
حنين : ماشى يا قطة اشوفك الاتنين بقي
بوسى : اوك باى
حنين : باى
🤔🤔🤔🤔🤔🤔🤔🤔🤔
حنين بعد مكالمة بوسى فضلت تفكر ياترى اياد هو اللى حدف رامز على بوسى ولا رامز من نفسة تطوع عشان يرضى فضولة ...
🤔🤔🤔🤔🤔🤔🤔🤔🤔
عدت الايام وحنين انشغلت فى مذاكرتها وبعد حوالى خمس ايام من اخر مرة شافت فيها اياد ،،راحت الجامعة ودخلت محاضراتها عادى وخلصت وخرجت من المدرج لقيت اياد واقف مع رامز لكن حصل لحنين حاجة غريبة اول مرة تحصلها وهى أول لما عين حنين وقعت على اياد قلبها دق بسرعة غريبة وحسيت انها عطشانة لكن مش عطشانة وحاولت تسيطر على نظراتها عشان محدش ياخد بالة منها وقصدت تمشى من مكان غير اللى اياد واقف فية عشان تلملم اعصابها وتهدأ شوية وعشان شكلها قدام داليا وبوسى وراحوا قعدوا على سلم الكلية ...
🤨🤨🤨🤨🤨🤨🤨🤨🤨
داليا : محاضرة طويلة ومفهمتش حاجة
بوسى : انا نمت وكنت زهقت
حنين : لازم نحضر عشان مننقصش ف أعمال السنة ويتلكك على اى حاجة
بوسى : يارب نخلص بقي ونتخرج
حنين : انتوا عارفين الجامعة هتوحشنى اوووى
داليا : اة والله ولمتنا فيها والقعدة الحلوة .. والله لو مش عيب كنا سقطنا نفسنا عشان نفضل فيها
حنين : انتى كدة عايزة بابا يحبسنى بقي
داليا : على رايك دة لو حتى طلعنا بمادة مش هنترحم ف البيت
حنين : ان شاء الله هننجح بتفوق ونفضل نتقابل واهو نسيب الجامعة واحنا حبينها بدل ما نكمل فيها واحنا فاشلين ونكرهها وتفضل ذكرياتها حلوة معانا
بوسى : احلى ذكريات فعلا واجمل ايام
داليا : 😁🙄حنيييين
حنين : فى أية هو انا طارشة مابراحة
داليا : اياد ورامز ورانا
بوسى : اوووووبا أية دة وبعدين
حنين : عادى يعنى محدش يبص وكبروا
بوسى : انا خايفة اضحك هههههههه
داليا : هههههههههههه دانتى مصيبة
حنين : هههههههه كدة هيفهموا على فكرة حاولوا تمسكوا نفسكوا شوية
بوسى : لالا هههههههههههه انا هقوم اروح التويلت مش هقدر امسك نفسي
داليا : هههههههههههه طب اروح معاها ونبى يا حنين
حنين : اتفضلى بدل ما تفضحينا
داليا : هههههههه انا بقول كدة برضة
حنين بتوتر عملت نفسها بتفتح كتاب وتبص فية..
اياد قرب : مساء الخير
حنين بابتسامة : مساء النور
رامز : ازيك يا حنين
حنين : تمام الحمدلله
رامز : فاكرة رامى اخويا ولا نستية
حنين بابتسامة : يعنى مش اوى ... معلش
رامى : لية دة الفرق بينى وبين رامز سنتين بس يعنى لما كنتوا ف سنة تانية كنا احنا اتخرجنا
حنين : أية دة فعلا عالعموم الف مبروك
رامز : الله يبارك فيكى وعقبالنا لما نتخرج ونخلص بقي
حنين : ان شاء الله هانت
رامى : انا هموت واشرب شاى
رامز : طب استنوا هروح اجيب تشربى يا حنين معانا
حنين : لا ميرسي ماليش فية
رامى : مالكيش فية لية
حنين : عادى يعنى متشغلش بالك
رامى : طب بتشربى أية اخلية يجبلك معاة
حنين : ميرسي مش عاوزة
رامى : طب يالا روح يا رامز
حنين : هو انت بتبصلى كدة لية
رامى :😲 اناااا ؟؟
حنين : لاة صاحبك
رامى : رد يا صاحبى ولا أية ،،انا هروح اجيب الشاى من رامز مش هيعرف يشيل لوحدة الكوبايات
اياد : ماشى هحصلك
اياد : ازيك يا حنين مش كدة
حنين : ممم سمعت أسمى من رامز عادى هو مش سر يعنى
اياد : لاة مش سر بس اسمك حلو
حنين : بدأنا
اياد: مش فاهم
حنين : يعنى هتشغل شريط الاعجاب وكلمتين حلوين عشان نتكلم ونضحك ونتبادل الاتصالات وبعدها نقضيها خروجات وهكذا بس للاسف انا مش كدة ومش معنى أن سألتك المرة اللى فاتت على حاجة نبقي أصحاب
اياد بابتسامة اعجاب : كملى
حنين باستغراب : اكمل أية
اياد : اللى بتقولية
حنين : هو انا بغنى !!
اياد بابتسامة : لاة طبعا بس انتى قومتى بدورين ف وقت واحد ..
رميتى تهمة عليا بخصوصك وف نفس الوقت بقيتى قاضى وحكمتى واصدرتى الحكم ليكى من غير انا ما اقول ولا كلمة
حنين : لا والله
اياد : اممم دة اللى حصل
حنين : ظلمتك يعنى
اياد : طبعا هو انتى عندك شك
حنين : ازاى بقي ظلمتك
اياد : انا مقولتش غير أن اسمك حلو عشان مليان معانى حلوة وممكن المعانى دى تبقي للاب أو الأم أو الاخت أو اى حد قريب مننا ولا كلامى غلط
حنين بحرج : ممم صح
اياد : يبقى ظلمتينى ولا لاة
حنين : لاة
اياد بضحك : هههههههه برضة خلاص ماشى خليها عليا وقوليلى عرفتى جديد عن بريد الجمعة
حنين باهتمام : للاسف لاة
اياد : مدام بتحبى اسلوب عبد الوهاب مطاوع لية مش بتقرى لية كتب
حنين باهتمام : مجاش فى بالى كتب خالص هو بيكتب ولية مؤلفات ؟
اياد : طبعا دة كاتب عظيم
حنين : خلاص هدور واشوف كتاباتة وميرسي عالمعلومة جدا
اياد بنظرة قوية : انتى مين ؟
حنين : نعممم
اياد : فيكى حاجة غريبة عليا
حنين : يعنى سايب اصحابك وجاى تسأل واحدة متعرفهاش ،، بذمتك مش دة اللى غريب
اياد : جاوبى على سؤالى
حنين : هو أمر ولا أية !!
اياد : لاة مش أمر هو طلب عادى وبنية صافية والله العظيم
حنين : وانا اعرفك عليا لية !!!!؟؟؟
اياد : عشان حلمت بيكى وجيت النهاردة اشوفك عشان اول مرة احلم بواحدة
حنين : عظيييم اووى لحد كدة والمفروض اصدق
اياد : أية اللى يخلينى اكدب
حنين :دة طبع اى شاب
اياد : غلطانة انا راجل مش شاب مراهق ،، اعتقد فى فرق كبير واسألى عليا وانتى تعرفى ؟
حنين : مش محتاجة اسأل مالوش لازمه
اياد حط رجلة على درجة السلم اللى فوق الدرجة اللى حنين قاعدة عليها وقرب وقالها : انا ماشى دلوقتى عشان عندى شغل بس استنينى عشان هنبقى نكمل كلامنا بعدين ولو قررتى تقرأى لعبد الوهاب مطاوع ابقي أقرى كتاب ( عاشوا فى خيالى ) هيعجبك وواقعى وهتلاقى فية حاجات من بريد الجمعة واراء من عبدالوهاب فى بعض الحاجات اللى نزلت ف بريد الجمعة اكيد هيفرق معاكى مدام متأثرة بية كدة ...
اياد نزل رجلة من عالسلم ووقف وبص لحنين بابتسامة اعجاب وقالها سلااام..
حنين مردتش علية السلام بس اضايقت من ثقتة الزايدة ف نفسة وحسيت انها مش طبيعية اول لما رفع رجلة على السلم وهى قاعدة وزاد احساسها لما نزل رجلة تانى وبصلها نظرة شقلبت كيانها وكأن نظرة عينة دخلت جواها بعمق ومشى وهو واثق من نفسة جدا ...
ومن هنا بدأت حنين تتعلق باياد وخصوصا بجرأتة ولما عرفت أنة بيشتغل زاد اعجابها اكتر واكتر ...
🤗🤗🤗🤗🤗🤗🤗🤗🤗🤗
