حدوتة حنين

البارت ٤٢

البارت (٤٢) حدوتة حنين
.................................
سما : اهلا بالعريس
اياد.: اهلا بالدكتورة
سما : أية دة انت ماشى ولا أية
اياد.: اة الساعة ١٠ وانتى اتأخرتى على فكرة
حنين : ههههه يوسف راح جابها متقلقش
سما : أية دة هو احنا هنبتدى بقى
اياد.: هنبتدى أية
سما : تحكمات وكدة
اياد.: حقى اخاف عليكى وشكلك كدة مدلعة
سما : هههههههه مين انا
حنين : هههههههه بيهرج ميعرفش
سما : طب بذمتك فى واحدة متدلعة تدخل طب
اياد : هههههههه بصراحة لاة
سما : شوفت بقى انك ظالمنى
اياد.: فين يوسف
سما : طالع ورايا
اياد.: ماشى اسلم علية وامشى
حنين : طب هتكلمنى
اياد : اة يا حبيبى طبعا
حنين : بصى اياد جابلى أية
سما : اووو تحفة
اياد : حنين اللى مخلياها حلوة
سما : يا جماعة راعوا مشاعرى بقى يا مااااماا ماماا
الام : أية يا بنت وطى صوتك معلش يا اياد
اياد.: ههههه لا يا امى عادى
حنين : اصل سما لاسعة شوية
سما : يا ماما شوفتى اياد جاب لحنين أية
الام : أية
حنين : اهى يا ماما
الام : الللله جميلة يا اياد وذوقك رقيق وحلو
اياد : حنين تستاهل اكتر من كدة
الام : والله يا بنى انا اتمنى ربنا يجمع بينكو فى الخير ويهدى سركوا ونفرح بيكو لانك فعلا ابن أصول وانا متأكدة انك هتحافظ على حنين
اياد : حنين دى فى قلبى متخافيش عليها معايا بس يالا دعواتكوا خلى البعيد يقرب
يوسف : البعيد جة اهو
كلهم : هههههههه
يوسف : ازيك يا عريس
اياد.: الحمدلله ازيك يا باشا أية يا عم انا قولت هاجى الاقيك
يوسف : معلش والله غصب عنى اضطريت انزل اخلص حاجة وقولت اكيد هلحقك واسلم عليك
اياد : يالا مش مشكلة تتعوض
يوسف : أية يا عم رايح فين
اياد.: خلاص كدة الوقت أتأخر
يوسف : يا عم اقعد احنا لسة ملحقناش
اياد.: معلش خليها المرة الجاية
يوسف : خلاص وانا هعمل حسابى المرة الجاية
اياد : اتفقنا ..يالا سلام عليكم
كلهم : عليكم السلام
جريت حنين ورا اياد على باب الشقة وخرجت توصلة لحد الاسانسير ووقفت معاة قدام الاسانسير لحد لما يجى
اياد قرب بسرعة وباس حنين من خدها
حنين كانت نفسها تقرب منة وتحضنة لكن كانت خايفة
اياد.: حلو موضوع الاسانسير دة
حنين : اياد انا بحبك وعايزة اتجوزك
اياد بنظرة عاشق : وانا كمان
حنين : طب انا اعمل اية دلوقتى
اياد : تحلمى بيا وتفكرى لحد لما تحسى انى معاكى بجد
حنين : انت مش فاهمنى
اياد قرب من حنين : والله فاهمك وحاسس بيكى بس فى كلام يتحس ومينفعش كلام فية
حنين : انا نفسى اترمى فى حضنك
اياد.: وانا كمان
ومرة واحدة حنين سمعت الشاذلى بيكح وعرفت أنة طالع فى الاسانسير
حنين : بابااا بابااا
اياد.: طب وآية يعنى
حنين : لالا انا هدخل
اياد : هههه طب ادخلى يالا
جريت حنين على الشقة ...
سما : ممم مشى
حنين : اسكتى سمعت صوت بابا طالع فى الاسانسير سيبتة وجريت
سما : هههههههه هههههههه
حنين : هههههههه والله زمانة بيقول عليا جبانة وعاملة شخصية قدامة بس
سما : هههههههه طب وانتى خوفتى لية هو كان بيعمل حاجة ولا اية
حنين : حاجة أية يا رخمة
سما : طب خلاص خلاص هههههههه
حنين : انا هنام
سما : هتنامى بالچينز
حنين : أية دة نسيت
سما : اللى واخد عقلك هههههههه
حنين : والله رخمة هههههههه
اياد رجع البيت وكلم حنين
📱📱📱📱📱📱📱
حنين : الو
اياد.: حبيبى صاحى
حنين : اة
اياد.: انتى موطية صوتك كدة لية
حنين : هقولك حاجة بس متزعلش
اياد.: أية
حنين : مش هينفع اكلمك بعد الساعة ١٢
اياد.: لية
حنين : هو بابا قال كدة
اياد : ممم مافيش مشكلة حقة طبعا يخاف على بنتة وانا كنت المفروض اخد بالى من حاجة زى كدة
حنين : زعلت
اياد.: لا يا حبيبى بابا بيتكلم صح
حنين : طب هقفل
اياد : ماشى بس اوعى تنسى الاحساس اللى كنتى فية عند الاسانسير
حنين : صعب انسى عشان جوايا
اياد.: تصبحى على خير
حنين : وانت من أهلة
😴😴😴😴😴😴😴
عدا حوالى ٥ شهور على خطوبة اياد وحنين ومحدش راح الشقة وكان كل مرة الشاذلى يقول لاياد مالوش لأزمة الاستعجال وخدوا وقتكوا...
حنين : ازيك يا بابا
الاب : الحمدلله عاملة أية
حنين : الحمدلله
الاب : صاحية لية لحد دلوقتى
حنين : عشان عاوزة اقولك على حاجه
الاب : خير
حنين : انا عاوزة اشتغل عشان زهقت من قعدة البيت
الاب : تشتغلى فين
حنين : المكان اللى تشوفة يا بابا بس انزل عشان اتخنقت
الاب : ممم ماشى
حنين : يعنى موافق
الاب هز راسة كأنة موافق
حنين : ربنا يخليك يا بابا طب ينفع ارجع الشغل عند اللواء إبراهيم واكون مع اصحابى
الاب : ترجعى ازاى يعنى
حنين : داليا صاحبتى كلمتنى اكتر من مرة وأنهم عايزنى معاهم وباسم قالهم ميقدرش هو يتكلم منعا للاحراج
الاب : فرح باسم قرب عرفتى
حنين : اة عرفت من داليا
الاب : خلاص ماشى انزلى
حنين : ميرسى يا بابا
قامت حنين من قدام الشاذلى وهى فرحانة جدا انها هتنزل الشغل تانى وممكن تشوف اياد وتخرج معاة وان داليا وبوسى هيغطوا عليها فى اى خروجة..
حنين بعتت مسدچ لاياد" حبيبى بابا وافق انزل الشغل تانى "
اياد " شغل أية دة "
حنين " نفس الشغل مع اصحابى "
اياد " مع باسم مش كدة"
حنين " باسم فرحة قرب على داليا "
اياد " نتكلم بكرة "
حنين حسيت أن اياد مش هيوافق ومعرفتش تنام طول الليل وقعدت تفكر تقنعة ازاى لو رفض ...
😴😴😴😴😴😴😴
نامت حنين الصبح وصحيت بعد الضهر
📱📱📱📱📱📱📱
اياد.: حبيبى الكسلان
حنين : بسببك معرفتش انام طول الليل
اياد.: لية
حنين : حسيت انك هترفض الشغل
اياد.: انا مش عجبنى نزول الشغل اصلا
حنين : عشان خاطرى
اياد : يا حبيبى انا خايف عليكى ،،انا فى شغل اهو ومعايا بنات وعارف الشباب بيعملوا أية مع البنات
حنين : انا مع اصحابى
اياد : يعنى مافيش رجالة فى الشركة ولا شباب رايحين جايين عليكو
حنين : فى طبعا بس كلة بيتعامل باحترام
اياد : دة الظاهر لكن لما واحدة تبقى حلوة وشيك بيبقوا مستنيين كل يوم عشان يشوفها لابسة أية ويتفرجوا عليها وكل واحد يمثل الادب والاخلاق قدامها ويصبح عليها وبعد كدة كلمة فى سطر فى حكاية والدنيا تبقى هيصة
حنين : انا مبعملش كدة
اياد.: انا مقولتش انتى انا بقول هما
حنين : يعنى هفضل محبوسة كدة
اياد.: ولية الزعل دة
حنين : عشان انت مش حاسس بيا واحنا فين وفين لما بنتقابل بسبب بابا وكمان لما جت فرصة انزل وأحاول اشوفك تقولى لاة
اياد.: انتى على فكرة بتأثرى عليا فى حاجات انا واخد فيها قرار
حنين : وانا بقولك وحياة قلبى عندك توافق
اياد : يااااة للدرجادى
حنين : زهقت زهقت
اياد.: قوليلى فرح داليا امتى
حنين : اول السنة واحتمال تبقى ليلة رأس السنة
اياد : يعنى الشهر دة
حنين : اة
اياد.: هتروحى طبعا
حنين : اة وانت معايا ولا أية
اياد.: تفتكرى هسيبك يعنى
حنين : طب وافقت
اياد.: عايز رشوة
حنين : رشوة أية
اياد.: معرفش دى بتاعتك انتى
حنين : طب بالليل
اياد.: ماشى بالليل
حنين : بحبك وانت كدة
اياد.: وانا كمان بحبك .. يالا يالا عشان لو قعدت اتكلمت معاكى للسنة الجاية مش هشبع ومش هشوف شغلى
حنين : ههههه خلاص ماشى باى
اياد.: مع السلامة يا حبيبى
🥰🥰🥰🥰🥰🥰
حنين قفلت مع اياد وكلمت داليا عشان تعرفها انها هتنزل الشغل من اول الاسبوع وأنها تبلغ باسم ...
⁦☎️⁩⁦☎️⁩⁦☎️⁩⁦☎️⁩⁦☎️⁩⁦☎️⁩⁦☎️⁩⁦☎️⁩
داليا : الو
حنين : ازيك يا دودو
داليا : نونة صباح الخير
حنين : صباح الخير يا قمر
داليا : بوسى بتقولك وحشتينا
حنين : وانتوا كمان
داليا : طب اقنعى باباكى بقى وانزلى
حنين : خلاص كلمتة ووافق
داليا : بجددد
حنين : اة والله
داليا : هتنزلى امتى ؟
حنين : اول الاسبوع
داليا : اخيرااااا يا نونة
حنين : اسكتى دانا اتخنقت
داليا : معلش يا نونة بس كسبتى اياد
حنين : اهى دى احلى حاجة
داليا : ياااااة ونرجع نتجمع تانى مع بعض
حنين : قوليلى انتى مبسوطة مع باسم
داليا : اة بالرغم أن فى شوية حاجات بس عادى
حنين : حاجات أية
داليا : باسم عصبى وقت غضبة ومبيعرفش يسكت لحد لما يهدأ وبينى وبينك انا عشان حبيتة عديتلة كتير
حنين : ازاى
داليا : يعنى ساعات وقت غضبة بيجرحنى بكلامة واول لما اخد جنب منة يبقى هيتجنن عشان اكلمة
حنين : طب ما تقعدى معاة وتقوليلة أن الحكاية دى بتدايقك
داليا : قولت يا حنين كذا مرة بس مافيش فايدة
حنين : بصى هو مافيش حد كامل
داليا : فعلا
حنين : طب نويتوا عالفرح امتى
داليا : ليلة رأس السنة
حنين : هتنزلى تجيبى الشبكة امتى
داليا : بعد اسبوع كدة
حنين : اهم حاجة انك تكونى مبسوطة
داليا : اة الحمدلله
حنين : وبوسى
داليا : خدى كلميها اهى
بوسى : نونة ازيك وحشتينا
حنين : وانتى كمان اخبارك ايه
بوسى : الحمدلله
حنين : أية يا بنتى هتتجوزى امتى
بوسى : بيقولوا على شهر ٢
حنين : لية يا بوسى
بوسى : انتى عارفة ظروف سفرة وهو مش مستقر والشقة كانت عايزة شغل كتير وانا كمان كان ناقصلى حاجات كتير وكدة
حنين : يالا ربنا يفرحكوا
بوسى : وانتى بقى هتحصلينا امتى
حنين : والله ما عارفة لان بابا لحد دلوقتى متفقكش مع اياد فى حاجة
بوسى : طب اياد يسألة
حنين : سألة اكتر من مرة وبابا يقولة مالوش لازمه الاستعجال
بوسى : طب وبعدين
حنين : معرفش بس مكدبش عليكى انا قلقانة
بوسى : لالا ان شاء الله خير ،،اصل لو باباكى مش عاوز اياد معتقدش كان خطبك لية
حنين : انا مش قادرة افهم بابا
بوسى : شوفى اياد كدة وخلية يصمم ياخد منة اى اتفاق
حنين : هحاول.. يالا انا قولت اقولكوا انى نازلة
بوسى : ماشى يا نونة هتنورى مكانك
حنين : ماشى يا قلبى ..باى
😌😌😌😌😌😌😌
حنين غصب عنها قعدت تفكر فى حالها وأنها زهقت من كتر القلق اللى عايشة فية ومش عارفة تفرح زى باقى البنات فرحة كاملة .. واستنيت بالليل عشان تكلم اياد ولاول مره تكون بالوضوح دة ..
☎☎☎☎☎☎☎
ام اياد: الو
حنين : ازيك يا طنط
ام اياد: الحمدلله يا حبيبتى عاملة اية وماما وبابا واخواتك
حنين : كلنا بخير الحمدلله
ام اياد: اهو اياد جة لوحدة اهو
حنين : افرض أن انا هكلم نسرين أو حضرتك هو يجى لية ههههه
ام اياد: ههههه انا مندتش لسة علية شكلة حس لوحدة
حنين : ههههه طب فرحتينى والله
ام اياد: ربنا يتمملكوا على خير
حنين : يارب
ام اياد: اهو معاكى
حنين : ماشى
اياد.: الووو الووو
حنين : ههههه الوو
اياد.: يعنى مش عاوزة تكلمينى
حنين : انا اقدر يعنى انا متصلة لية
اياد : وحشتك ولا
حنين : انت بتوحشنى على طول وانت عارف
اياد : لية حاسس ان صوتك فية حاجة
حنين : انا عايزة اتكلم معاك شوية
اياد : اتكلمى براحتك
حنين : انا كدة هنزل الشغل اول الاسبوع وكلمت البنات عرفتهم ولقيت داليا بتقولى أن فرحها ليلة رأس السنة وبوسى بعدها بشهرين
اياد.: فهمت
حنين : انا مرتبطة بيك من قبلهم بكتير وبالرغم من كل المشاكل اللى شوفناها احنا اتخطبنا قبلهم وكل واحدة فيهم ممشية حياتها بطريقة واضحة الا انا !!؟؟ ومعرفش لية
اياد : لية أية
حنين : لية فرحتى دايما ناقصة ولما بتيجى ..بتيجى بعد عذاب لييية أية اللى انا بطلبة وصعب أنة يتعمل .. انا بحب واحد وهو بيحبنى واتقدم رسمى واتخطبنا أية لازمة التأخير في الجواز ليية مافيش حاجه بتمشى من غير قلق كدة
اياد : انا كنت مستنى شوية واكلم بابا تانى بس انا مش عاوزك تزهقى كدة
حنين : دة مش زهق بس تعبت وعمالة ارضى نفسى واقول كل واحد ولية ظروفة بس افتكر كدة معايا من الاول انا باسم كان متقدملى وحصل اللى حصل والموضوع انقلب على داليا ووالله مش مدايقة لأنها لو مكنتش عجباة كان زمانى انا لسة فى مشكلة بسببة بس انا بشوف الأحداث حواليا بلاقيها بتمشى بسرعة وانا زى ما انا محلك سر طب لية
اياد.: انا زى ما قولتلك كلمت بابا اكتر من مرة ومقدرتش اوصل أية فى دماغة وانا لعلمك بقالى فترة بفكر فى نفس الموضوع لان كنت المفروض اكون بدأت فى الشقة وتوضيب حاجات فيها وكنت بحلم باليوم اللى نتخطب فية عشان تيجى تشوفيها وتقولى عايزة أية بس بابا رافض دلوقتى وشايف اننا مراهقين تقريبا ومحتاج يتأكد وعشان كدة انا سايبة براحتة ومن وقت للتانى بكلمة
حنين : انا عارفة انك بتكلمة بس انا قولت افضفض معاك بالكلام ..
اياد.: اتكلمى يا حبيبى زى ما انتى عاوزة وعشان خاطرك انا هكلم بابا النهاردة وأحاول اخد منة كلمة
حنين : ماشى ..اناا عايزة احس انى عروسة وانزل اختار حاجتى واشوف شقتى
اياد.: انتى احلى عروسة وان شاء الله كل دة هيحصل
حنين : امتى بقي
اياد.: ان شاء الله قريب
حنين : يارب
اياد.: انا عارف نفسك تتجوزينى النهاردة قبل بكرة
حنين : بصراحة اة يعنى انت عاجبك اشوفك مرتين او تلاتة فى الشهر والباقى تليفونات
اياد.: لا طبعا بس بابا خايف عليكى انا عارف كدة وبيعمل كدة عشان مصلحتك كبنت وخايف لقدر الله الموضوع ميكملش والناس تقول كانت بنتة بتخرج عادى وخطيبها رايح جاى عليهم وف الاخر مكملوش
حنين : بس انت وعدتنى صح
اياد.:طبعا وكل يوم بجدد الوعد دة
حنين : انا بثق فيك جدا او يمكن انت اكتر حد فى حياتى بثق فية
اياد : وانا عمرى ما هخذلك صدقينى
حنين : مصدقاك
اياد : الجميل يضحك بقي
حنين : عارف انا لما بكلمك بحس براحة نفسية غير طبيعية ومهما كنت مدايقة انت الوحيد اللى بتدخل الراحة جوايا وتخلينى افرح تانى
اياد : وانتى كمان يا حبيبى وقت لما بكون زهقان واكلمك بتخلينى انسى كل حاجة واعيش اجمل احساس معاكى وعشان كدة مش بحبك دانا بعشقك
حنين : انا كمان بحبك اووى
اياد.: اوعدك اكلم بابا وارد عليكى
حنين : هستناك
اياد.: خلاص ماشى ..أهدى كدة وانا هكلمة واطمنك
حنين : ماشى يا حبيبى باى
😍😍😍😍😍😍😍
اياد قفل مع حنين وكلم الشاذلى
📲📲📲📲📲📲📲📲
الشاذلى : الو
اياد.: ازى حضرتك
الشاذلى : بخير الحمدلله فى حاجة ولا اية
اياد.: كنت بستأذن حضرتك تشرفونا تشوفوا الشقة عشان ابتدى اجهز فيها
الشاذلى : أنهى شقة
اياد.: شقتى
الشاذلى : ينفع تجيلى بكرة عشان نتكلم فى التفاصيل دى
اياد.: اة طبعا ياريت
الشاذلى : خلاص بكرة بالليل كدة عدى عليا فى الشركة
اياد.: مافيش مشكلة حاضر
⁦☺️⁩⁦☺️⁩⁦☺️⁩⁦☺️⁩⁦☺️⁩⁦☺️⁩⁦☺️⁩⁦☺️⁩⁦☺️⁩⁦☺️⁩
⁦☎️⁩⁦☎️⁩⁦☎️⁩⁦☎️⁩⁦☎️⁩⁦☎️⁩⁦☎️⁩⁦☎️⁩⁦☎️⁩⁦☎️⁩
حنين : الو
اياد.: اتأخرت عليكى
حنين : لا خالص
اياد : خلاص كلمت بابا وقاللى اعدى علية بكرة عشان نتكلم فى التفاصيل
حنين : هههه بجد
اياد : اة والله
حنين : طب الحمدلله فرحتنى
اياد.: مش عاوزك تكونى قلقانة ومتخافيش من حاجة
حنين : حاضر مش بقولك انت الوحيد اللى بتدخل الراحة جوايا
اياد.: يعنى استاهل حضن
حنين : طبعا
اياد.: اخدة لما اشوفك واوعى تهربى
حنين : لو انت نسيتة انا هفكرك
اياد.: طب اجى دلوقتى
حنين : ههههه ياريت ينفع
اياد.: خلاص هانت وساعتها انا ليا شغل تانى معاكى ومش هتعرفى تهربى منى
حنين : انا مش عاوزة اهرب من حضنك بالعكس
اياد.: بحبك
حنين : انا بموووت فيك
اياد.: هشوف بكرة هتفق مع بابا على أية واول لما اخلص معاة هكلمك
حنين : اتفقنا ... تصبح على خير
اياد.: وانتى من أهلة مع السلامة
😍😍😍😍😍😍😍😍😍😍
لااااايك وكومنت لمتابعة حدوتة حنين
عشان نعرف الشاذلى قال أية لاياد ورد فعل اياد وحنين ....
تحياتى حنين الماضى 🤗