حدوتة حنين

البارت الرابع والثلاثون

البارت (٣٤) حدوتة حنين
.....................................
حنين طلعت الشقة اللى فوق وضلمت الشقة وكانت مرعوبة من باباها وراحت متصلة باياد تعرف تفاصيل المكالمة..
📲📲📲📲📲📲📲
اياد : هههههههه
حنين : قولى أية اللى حصل من غير ضحك عشان خاطرى
اياد : ممكن تهدى
حنين : يعنى بابا عرف انت مين
اياد : أهدى يا حبيبى عشان خاطرى ومتخافيش
حنين : طب قولى بالضبط هو قالك أية وانت قولتلة أية
اياد : حاضر بس قوليلى وحشتنى أو بحبك اى حاجة كدة تفتح النفس
حنين : ايااااد بلاش استفزاز وأتكلم
اياد : هههههههه خلاص هقول اهو
حنين : قووول
اياد : انا اتصلت بية مردش اول مرتين وبعدها استنيت نص ساعة واتصلت وبردوا خد شوية على ما رد عليا
حنين : هاااا وبعدين
اياد : قولت الو السلام عليكم هو رد السلام وبعدين قاللى مين معايا ؟ قولتلة انا اياد اسماعيل وحضرتك متعرفنيش بس كنت حابب اتشرف بمعرفتك وأتكلم مع حضرتك شوية لو وقت حضرتك يسمح ، قاللى بخصوص أية ؟ قولتلة موضوع شخصى والافضل اتكلم مع حضرتك وجها لوجة لان التليفون مينفعش
حنين بتوتر : وبعدين
اياد : قاللى شخصى ازاى يعنى؟ قولتلة بخصوص بنت حضرتك وبعدها سكت شوية وقاللى بنتى مين ؟ قولتلة حنين
حنين: 😳 كدة على طول يا اياد تقول أسمى
اياد : حبيبى ماهو سألنى وطبيعى انى اقولة اسمك
حنين : هااا وبعدين كمل عشان قلبى هيقف خلاص
اياد : مافيش قاللى بخصوص حنين ازاى فهمنى؟ قولتلة انا معجب بيها وكنت عايز اكلم حضرتك وانا تحت امرك فى اى حاجة
حنين : وبعدين
اياد : هو سكت وبعدها قاللى هى حنين تعرفك ؟ قولتلة اة قاللى تعرفك منين ؟ قولتلة الجامعة بس انا مكنتش معاها وهحكى لحضرتك لما تسمحلى بمقابلتك وبعدها سكت وقاللى ماشى تعالى بكرة الساعة ٧ فى الشركة فقولتلة الف شكر وخدت العنوان  ..
حنين : خلااااص كدة انا هشوف اسود أيام حياتى
اياد : هههههههه أهدى يا حنين
حنين : اياد متقعدش تضحك وانا على أخرى من الخوف
اياد : انتى كبرتى الموضوع لو كنت اتكلمت من كام شهر كنا زمانا مع بعض رسمى بس اعمل اية ف دماغك
حنين : انت متعرفش بابا فى دماغة أية ؟
اياد : الراجل كان بيتكلم عادى على فكرة
حنين : انا مرعوبة وهموت من الخوف وللاسف بابا راجع البيت النهاردة مش هيسافر واكيد هيدينى كلمتين اكييييد وهتبقى ليلة نكد ..
اياد : أهدى ان شاء الله خير
حنين : انا هقفل دلوقتى بابا جة وبيركن تحت اهو
اياد : هو لحق طب طمنينى
حنين : اوعى تبعت مسدچ ولا تتصل أو اى حاجة
اياد : حاضر
حنين : باى
اياد : مع السلامة يا حبيبي
🤔🤔🤔🤔🤔🤔🤔
حنين مسحت رقم اياد من الموبايل وقفلت الموبايل ونزلت جرى عالشقة تحت ودخلت اوضتها ونامت على سريرها ..
سما : فى أية رعبتينى
حنين : هقولك بعدين بس اسكتى
سما : خايفة كدة لية
حنين : بقولك اسكتى دلوقتى
سما : هتنامى
حنين : اة يا سما بس بقااااا
سما : ماشى
🤔🤔🤔🤔🤔🤔🤔
فضلت حنين مستنية اللحظة اللى باباها ينادى عليها عشان يزعقلها ولكن حصل عكس كدة وفضل باباها قاعد ومفكرش يجى يبص عليها ولا حتى بلغ مامتها باللى حصل ودة خلى حنين تقلق اكتر واكتر وفضلت صاحية لحد لما جة ميعاد شغلها ولبست ونزلت وكان باين عليها انها متغيرة عن كل يوم
................
حنين : السلام عليكم
البنات : عليكم السلام
داليا : مالك عاملة كدة لية
حنين : ادعولى
بوسى : فى أية يا حنين
حنين : اياد كلم بابا امبارح
داليا : طب مبروووك
حنين : بابا عرف أن انا اعرف اياد خلاص وتوقعت لما يرجع البيت هيكلمنى لكن لقيتة طنشنى خالص ومقالش ولا كلمة
بوسى : تفتكرى لية
حنين : معرفش ودة اللى قالقنى
داليا : ان شاء الله خير ونفرح بيكوا
حنين : يارب يارب
بوسى : هو البشمهندس باسم جة ولا لسة
داليا : موجود
حنين : مش باين يعنى
داليا : بيفطر
بوسى : ههههه خلاص بقى لية ميعاد يومى للفطار
حنين : طب كويس
داليا : يالا عشان انتوا كمان تفطروا
حنين : لالا انا مش عاوزة خالص
بوسى : يالا كلنا نفطر سوا مع بعض
داليا : يالا يا حنين وان شاء الله خير
بوسى : يالا كلنا مع بعض
حنين : معلش افطروا انتوا متعملوش حسابى وانا هكلم اياد عشان اشوف هيعمل ايه؟
داليا : خلاص يا بوسى سيبيها على راحتها
عم محمد: أستاذة داليا كلمى المهندس باسم
داليا : حاضر
🏃‍♀🏃‍♀👍🏻🏃‍♀🏃‍♀👍🏻🏃‍♀
بوسى : ههه
حنين : يا بنتى ارحمى نفسك
بوسى : اقرب طريق لقلب الرجل فطار داليا هههههههه
حنين : ههههه والله ما ليا نفس اضحك
بوسى : انا على حسة داليا مظبطانى
حنين : ههههه زايطة انتى
بوسى : كل دة جوة
حنين : يارب يجى بفايدة وميكنش بيجامل وخلاص
بوسى : اهو هنعرف لما تخرج
حنين : هروح اكلم اياد واجى
بوسى : ماشى
📲📲📲📲📲📲📲
اياد : الو
حنين : انت نايم
اياد : لسة صاحى
حنين : منزلتش الشغل ؟
اياد : لالا قولت اخدة إجازة عشان لو رحت مضمنش اذا كنت أتأخر على بابا ولا لاة وكمان عشان مبقاش مرهق
حنين : انا خايفة اوى يا اياد
اياد : متخافيش وعايزك تهدى وان شاء الله هطمنك بالليل
حنين : ونبى يا اياد اول لما تخلص معاة تكلمنى على طول انا هفضل قاعدة فى الشقة فوق
اياد : والله هكلمك مهما حصل
حنين : اهو انا مش خايفة غير من مهما حصل دى
اياد : للدرجادى واقعة فيا وخايفة متجوزكيش
حنين : بص يا حبيبى انا طبعا بحبك بس خوفى من بابا مسيطر عليا اكتر هااا أية رأيك يا مستفز ؟
اياد : هههههه يا خسارة وانا عمال افكر فيكى واقول خلاص قربنا نبقى مع بعض على طول ..
حنين : معلش يا اياد بس حس بيا انا موقفى صعب ومش متخيلة أن يكون بابا هيقعد معاك عشان يعرف كل حاجة وبعدين يرفض الموضوع ويجى يحاسبنى انا
اياد : انا متفائل متقلقيش
حنين : يارب ..هقفل دلوقتى وهستنى تليفونك بالليل
اياد : عنيا حاضر ..مع السلامة
🤔🤔🤔🤔🤔🤔🤔
حنين : ربنا يستر بقي
بوسى : مدام قلقانة كدة يبقى خير ان شاء الله
حنين : هى داليا لسة مخرجتش
بوسى : لاة شكلها بتشرح طريقة عمل الاومليت
حنين : اهى خرجت اهى
بوسى : ما لسة بدرى يا هانم
داليا : يعنى هيكون بيكلمنى هقولة معلش انا هقوم واسيبك
حنين : بتتكلموا كل دة هههه طب اخبار الفطار أية ؟
داليا : عجبة اوى يا حنين وانا كنت فرحانة لما لقيتة بياكل ويقولى للاسف الاسبوع قرب يخلص
بوسى : اوباااا دة عايز  يطول المدة
حنين : وآية المشكلة مدام هى مبسوطة
داليا : وباباة كمان عجبة الفطار
البنات : 🙄🙄 باباة !!!
داليا : متفهموش غلط استنوا
بوسى : قولى يا قلبى الصح
داليا : هو بيقوللى الفطار كتير علية وقال يبعت فطار لباباة مع عم محمد لأنهم نزلوا من غير مايشربوا حاجة ولا يأكلوا حاجة خالص
حنين : واللواء ابراهيم عرف انك انتى اللى عاملة الفطار ؟
داليا : اة وبشمهندس باسم خلاة كلمنى فى التليفون وشكرنى وقاللى تسلم ايدك
بوسى : وبالنسبة لابنة مقالش حاجة
داليا : حنين انا عايزة اقولك حاجة بس والله دة غصب عني ؟
حنين : انتى لية محرجة كدة يا داليا منى ؟
داليا : اصل انا ...
حنين : متبقيش عبيطة انتى عارفة انا بحب اياد ازاى وباسم مش ليا يا داليا خالص وانا واثقة أنة مش هيلاقى حد زيك بس انتى وشطارتك بقي عشان ميضعش منك وشكلة كدة بيحب الاهتمام ولقاة عندك وانتى كمان محتاجة واحد زى باسم فى حياتك وان شاء الله انا عندى احساس انكوا لبعض وعن حب كمان ..
بوسى : سبحان الله والله الواحد لو بيقرا دة فى قصة مش هيصدق ههههه وفعلا الجواز دة قسمة ونصيب
حنين : بس طمنينى وقوليلى يعنى محاولش يعاكسك أو يلمح باى حاجة كدة ولو بنظرة اعجاب
داليا باحراج : وانا بحط الفطار قدامة قام قفل الباب وكان بيرص معايا وايدة خبطت فى ايدى وبعد كدة لقيتة اتثبت فى مكانة وانا كمان حسيت بحاجة غريبة ومكنتش حاسة انا بعمل أية بس سرحت فى لمسة ايدة
بوسى : كملى كملى وبعدين
داليا : بعد ما خلصت هو راح قعد على الكرسى اللى قدام مكتبة وقاللى الفطار شكلة يفتح النفس قولتلة الف هنا وبعد كدة وقف وقاللى لو قولتلك تقعدى تفطرى معايا توافقى ؟ قولتلة هفطر مع البنات عشان ميزعلوش منى قاللى يا بختهم بيكى
بوسى : هو يا بختنا فعلا ههههه
حنين : مبروك يا دودو ويارب تكمل على خير يا قلبى .
داليا : يعنى مش هتزعلى منى
حنين : اناااا ...عمرى... متنسيش أن انا طلبت منك دة بالتمثيل واهو سبحان الله ربنا كبير وجت لوحدها من غير تفكير ولا مجهود
بوسى : عقبالك يا نونة النهاردة تطمنى وتطمنينا
حنين : يارب ادعولى
🤔🤔🤔🤔🤔🤔🤔
حنين خلصت شغل ورجعت البيت ومبتعملش اى حاجة غير انها مستنية تليفون اياد عشان يقولها حصل أية ؟
سما : مالك
حنين : اقفلى الباب وتعالى
سما : 🙄 اهو قفلتة
حنين : اياد هيقابل بابا النهاردة فى الشركة وانا مرعوبة
سما : 😳 قولى والله
حنين : والله العظيم وقلبى هيموت من الخوف
سما : عرفتى امتى
حنين : امبارح اياد كلمنى وقاللى أنة كلمة وبابا عرف أن انا اعرف اياد من الجامعة
سما : 😳😳 يعنى بابا كان امبارح عارف ومعملش حاجة ولا كلمك
حنين : اة تخيلى ودة بذمتك مش رعب اكتر
سما : اة طبعا ،،تفتكرى بابا ف دماغة أية ؟
حنين : معرفش بس متوقعة يرفض اياد
سما : يعنى ممكن يغصبك على باسم
حنين : باسم خلاص صرف نظر عن ارتباطة بيا
سما : لييية
حنين : باسم معجب بداليا وهى كمان معجبة بية وانا خلاص كدة
سما : كدة يا حنين كل الاخبار دى ومتقوليليش
حنين : مش مهم دلوقتى المهم مقابلة اياد مع بابا
سما : طب قوليلة يكلمك اول لما يخلص خلينا نطمن
حنين : تفتكرى اقول لماما يمكن عندها معلومة
سما : هتقولي لماما كمان ؟
حنين : ماهو بابا عرف يبقى ماما اكيد هتعرف
سما : ولو قالتلك عرفتى منين هتقوليلها انك بتكلمية فى التليفون من وراهم ؟
حنين : خلاص يا زفتة قفلتيها عليا ولا هتكلم ولا هقول ودة على أساس أن بابا مفهمش كدة يعنى !!!
سما : بصى انتى مش ناقصة توتر خلينا ساكتين لحد لما نشوف اياد هيعمل ايه عشان الضرب يبقى كلة فى وقت واحد مع بعض ههههه
حنين : هو انا ناقصة رعب انتى كمان
سما : تعالى ننام لحد الميعاد لما يجى ويخلص
حنين : يا راااايقة نامى انتى انا هفضل قاعدة
سما : ان شاء الله خير
حنين : يارب
🤔🤔🤔🤔🤔🤔🤔
اياد نزل من بيتة وراح الشركة  عن والد حنين...
اياد : السلام عليكم من فضلك عاوز اللواء الشاذلى
الموظف : اتفضل حضرتك دة مكتبة
اياد : شكرا ....
اياد خبط عالباب ....
اياد.: السلام عليكم
الشاذلى : السلام عليكم اتفضل
اياد : اهلا بحضرتك
الشاذلى : اتفضل
اياد : الف شكر
الشاذلى : اسمك اياد اسماعيل مش كدة ؟
اياد : اة تمام
الشاذلى : خريج أية ؟ ولا نفس كلية حنين ؟
اياد : لالا انا مش معاها خالص ومعرفتى على حنين جت بالصدفة
الشاذلى : ازاى ،،انتوا بتفكرونى وانا شاب صغير كدة وف اول طريقى بس انا الحياة العسكرية قفلت عليا حاجات كتير عشان كدة مش عايز  ولادى يعيشوا نفس الحياة بعد كدة
اياد.: كل وقت اكيد ولية ظروفة
الشاذلى : انت خريج أية؟
اياد : انا تجارة خارجية
الشاذلى : انا عندى نظرة فاللى قدامى ومن شكلك كدة شخصية واثقة من نفسها
اياد : الف شكر لحضرتك واتمنى طبعا أن ربنا يوفق ،، انا أسمى اياد اسماعيل عندى تقريبا ٢٦سنة تقريبا
الشاذلى : شكلك يدى اكتر من كدة اول لما شوفتك قولت ٣٠ وازاى ٢٦مش انت متخرج مع حنين  من  ٧ شهور ؟
اياد بابتسامة : انا فعلا ببان اكبر من سنى
الشاذلى : انا مش قصدى حاجة عشان متتحرجش انا بتكلم فى الشكل  وبالعكس كمان انت شكلك رياضى مش كدة
اياد.: حضرتك عارف الشباب وافكارهم وانا هوايتى الچيم عشان كدة يظهر ههه
الشاذلى : كويس بس ازاى عندك ٢٦؟
اياد : انا هقول لحضرتك ،،انا كنت ثانوية عامة قديمة ،،حضرتك عارف النظام القديم كان صعب جدا وعشان حد يجيب مجموع كبير كان قليل جدا عشان يدخل الكلية اللى هو عاوزها وكان نظام سنة واحدة وطبعا حصلى ظروف فى السنة دى ومقدرتش اجيب مجموع يدخلنى تجارة وقالولى ساعتها ادخل شرطة عشان مجموعها قليل بس انا كنت بحب التجارة اكتر وقررت اعيد السنة دة غير أن انا كنت فى المدرسة ولما نقلونى مدرسة تانية اضطريت اعيد سنة فى ابتدائي عشان يقبلونى ولما جيت ثانوى زى ما قولت لحضرتك حصلتلى ظروف وفكرت اعيد السنة وفعلا عيدت السنة وذاكرت وجبت مجموع يدخلنى تجارة وفعلا دخلت تجارة وبعد اول سنة فكرت ف مشروع صغير وقولت اشتغل عشان يكون معايا فلوس خاصة بيا وخليت واحد من اصحابى يدخل شريك معايا وعملنا المشروع ونجح ورأس المال بقي الحمدلله ..
الشاذلى : مشروع أية ؟
اياد : عملت كافتيريا جوة الجامعة وخلصت ورقها والموافقة من الجامعة وساعتها اتعرفت وقربت من الناس اللى ساعدتنى على كدة وعلاقتى بيهم بقت كويسة وطبعا قصاد دة انا كنت بقوم بالواجب معاهم لمدة سنتين ، والمشروع نجح وطبعا بقوا اغلب الناس حبايبى وبعد كدة سيبت المكان لصاحبى رامى هو يديرة عشان كنت انشغلت فى المذاكرة لانها كانت كترت عليا وكنت بعمل كورسات وانا بدرس كمان فكان صعب انى اذاكر دراستى العادية واستمر فى الكورس ساعتها واشتغل كمان وعشان كدة قولت اذاكر واكمل الكورس والمشروع اهو موجود..
الشاذلى : اة يعنى حنين عرفتك من الكافتيريا ؟
اياد : لالا حنين عمرها ماشافتنى لحد ما اتخرجت ولا انا عمرى وقفت فى الكافتيريا انا كنت ماسك الحسابات وبراجع عليها اخر كل يوم ...
الشاذلى : اة ماشى كمل
اياد : وذاكرت واتخرجت وعدا سنتين بعد تخرجى كملت كورسات تانى ودلوقتى انا سجلت ماچستير وهناقش بأذن الله ...
الشاذلى : طب كويس انك عندك هدف وعايز توصلة
اياد : انا طبعا راسم لحياتى ومستقبلى بطريقة معينة والجواز بالنسبالى مكنتش بفكر فية خالص بس الظروف والنصيب بيجى وقت ما ربنا بيأذن
الشاذلى : وآية اللى خلاك تفكر فى حنين بالذات ؟
اياد : انا ما زلت بروح الجامعة وف مرة رحت الجامعة وطبعا حنين ليها اتنين بنات أصحابها وكان صعب يدخلوا حد بينهم هما قافلين على نفسهم وملهمش تعامل مع حد خالص وبالصدفة فى حد حاول يرخم عليهم وانا كنت موجود ولما جيت ادخل البنات رفضوا وبصراحة عرفوا ياخدوا حقهم ومحدش قدر يكلمهم ساعتها وهى لفتت نظرى لان لقيت زمايلى بيقولوا بنت صعبة وصعب حد يكلم معاها ودة عجبنى ولفت نظرى وفضلت اراقبها لما كنت بروح الجامعة وحاولت اتكلم معاها بس هى صدتنى اكتر من مرة وبعد التخرج حاولت اوصلها عن طريق أصحابها ولما قولت انا عاوز اتقدم بعتتلى مع واحدة صاحبتها وقالتلى اتقدم لبابا ولو وافق انا موافقة
الشاذلى  بابتسامة : يعنى لو انا وافقت هى هتوافق كدة على طول من غير ما تعرف شخصيتك ؟
اياد : هى اكيد عرفانى بس الموافقة متوقفة على حضرتك
الشاذلى : انت منين ؟
اياد : انا من عين شمس
الشاذلى : عين شمس!!؟
اياد : انا طبعا عارف ان حنين من المعادى وطبعا فى اختلاف بين عين شمس والمعادى بس انا قاعد فى مكان كويس جدا وكل مكان فى الحلو وفى الوحش ولكن اللى مسئول عن الحلو والوحش دة شخصيات الناس لأن ممكن حد يبقى ساكن فى جاردن سيتى لكن معندوش هدف ولا يعرف يتحمل مسئولية عكس اللى اتعود على كدة وهى تكون فى طباعة اصلا وحبة للاحساس بالمسئولية
الشاذلى : كل كلامك منطقى وكويس جدا بس لو انا وافقت على جوازك من حنين هتقعدها فين ؟
اياد : ابويا ورث ارض كبيرة من جدى وبنى عليها عمارة كبيرة والشقق فيها مساحتها كبيرة جدا ومتوضبة سوبر لوكس وانا ليا شقة هناك وطبعا عمامى ساكنين معانا في نفس العمارة وانا طبعا كنت ناوى اخرج برة عين شمس بس على الاقل في الاول هقعد فى شقتى دى وبعد فترة هنقل ان شاء الله بس دى كبداية بدل لما اقعد فى ايجار وانا شقتى موجودة
الشاذلى : حنين عارفة الكلام دة ؟
اياد : انا بعرف حضرتك واكيد حضرتك هتعرفها وانا تحت امرك فى اى حاجة
الشاذلى : مممم بس موضوع شقتك فى عين شمس دى صعب شوية
اياد : انا بقول لحضرتك دى بداية وصعب ابيع الشقة وادخل حد غريب وسط اهلى
الشاذلى : لا طبعا مينفعش انتوا عيلة مع بعض والغريب اللى هيجى هيبقى وجودة فية اشمئزاز ..
اياد : بالضبط كدة
الشاذلى : انت شاب ممتاز وعجبنى صراحتك من غير ما تخجل من حاجة وطموحك بس انت تعرف أن حنين متقدملها شاب فى سنك تقريبا وعندة شركتة ومستواة المادى مرتاح وشقتها فى مصر الجديدة
اياد بغيرة : لا طبعا معرفش وانا قولت لحضرتك على ظروفى بوضوح وطبعا هحترم رأى حضرتك ورغبة حنين والقرار ليكوا طبعا
الشاذلى : خلاص انا هتكلم مع حنين وارد عليك
اياد : وانا فى انتظار رد حضرتك
الشاذلى : ان شاء الله
اياد : اسف لو طولت على حضرتك وشكرا لحضرتك ..عن اذنك
الشاذلى : اتفضل ..مع السلامة
🤔🤔🤔🤔🤔🤔🤔
لااااايك وكومنت لمتابعة حدوتة حنين
عشان نعرف اياد قال أية لحنين والشاذلى عمل أية مع حنين وآية رد فعلة بعدها ؟؟؟
تحياتى حنين الماضى 🤗