البارت (١٦) حدوتة حنين
...................................
حنين بعد ما كلت بعتت مسدچ لاياد وتقولة " انت احلى حاجة فى حياتى "
وبعدها مسحت المسدچ بسرعة واستنيت تشوف رد فعل اياد وفعلا بعدها بعشر دقائق اياد رد عليها " حبيبى اللذيذ اللى واخد قلبى وعقلى وحشتينى "
حنين فرحت اووى وردت علية " انت كمان وحشتنى اوى وكأن الوقت وقف عندك الصبح "
اياد " مش قادر انسى اجمل لمسة حصلت وخطفتى روحى معاكى "
حنين " تفتكر مين خطف التانى "
اياد " اكيد انا لو خطفتك مش هيبقى بنفس قوتك "
حنين " انا مش عارفة اشبع من كلامى معاك "
اياد " ولا هنشبع وبكرة افكرك "
حنين " معلش مش عارفة اكلمك عشان الوقت متأخر "
اياد " بس المسدچات هتصبرنى لحد لما اسمع صوتك"
حنين " لو عرفت اكلمك بكرة هكلمك "
اياد " براحتك بس المهم تذاكرى "
حنين " هو انت بتعمل أية دلوقتى "
اياد " المرة الجاية اقولك "
حنين " اوك باى "
اياد " مع السلامة يا حبيبى"
😍😍😍😍😍😍😍
حنين قفلت الموبايل وكان نفسها تحتفظ بالمسدچات بس كانت خايفة الموبايل حد يمسكة لكن ركزت فيها كويس وحفظتها صم وكان صعب اى كلمة اتبعتت انها تنساها ...
وفضلت حنين تسمع اغنية شذا ( انا قلبى عشانة داب) وهى سعيدة جدا جدا ...
وبعدها كان بدأ النهار يطلع وقعدت تذاكر ومن وقت للتانى كانت بتسرح فى كلام اياد معاها وهل فعلا زى ما بيقولوا لو البنت ابوها شديد وصعب ربنا بيعوضها وبيرزقها بزوج طيب وحنين عليها ولو الأب طيب ساعتها البنت بتاخد زوج شديد وصعب وبدأت حنين تقتنع بالنظرية دى واللى أكد عليها النظرية هما قرايبها والجيران اللى حواليها وكلهم طبقوا النظرية تمام ...
😬😬😬😬😬😬😬
عدت الايام وجة ميعاد اخر امتحان لحنين ....
بوسى : اخيرااااااا انا مش مصدقة أن النهاردة هودع المذاكرة وخلاص هنام براحتى
داليا : اة الحمدلله واتفرج على التلفزيون براحتى وأخرج واقعد من غير هم
حنين : وانا كمان اتنفس بعد الضغط اللى الواحد كان فية
بوسى : طبعا يا نونة زمان اياد مستنيكى تخلصى باى شكل
حنين : والله انا خايفة يا بوسى
داليا : لية خايفة
حنين : بابا معتقدش هيوافق
بوسى : نعمم هو فى حد ممكن يرفض اياد
داليا : دة قمرر وشيك جدا وطول بعرض بهيبة دة غير أنة طموح جدا وشاب مكافح مش عيل زى اللى مرمين عندنا فى الجامعة
حنين : انا عارفة كل دة بس بابا اكيد لية وجهة نظر تانية
داليا : بلاش تقلقينا بقي وان شاء الله هيوافق ونفرح بيكو
حنين : خلينا نركز فى الامتحان الاول وبعدها نستعد للمعركة
بوسى : ربنا يستر
اياد : اتأخرتوا كدة لية
البنات : المترو زحمة
اياد : طب يالا ادخلوا مافيش وقت وانا هستناكى يا حنين لحد لما تخلصى
حنين قربت من ودن اياد وكلمتة بصوت هادى : انت قمرين النهاردة ووحشتنى
اياد بص لحنين وغمزلها وهى ضحكت وجريت بسرعة على اللجنة ...
حنين : هو الامتحان لافف ولا انا مخى واقف
بوسى : انا مش فاهمة هو عاوز أية
داليا : رامز رامز
رامز : هرد عليكى بس عشان مش فاهم حاجة من الأسئلة
داليا : انت كمان
رامز : اة وبعدين هنعمل أية
داليا : نقول للمراقب
رامز : يالا قولى
بوسى : وبعدين
حنين : لو سمحت لو سمحت
المراقب : نعم يا آنسة
حنين : انا مش فاهمة ولا سؤال
اللجنة : كلنا مش فاهمين وهو لية التعقيد يعنى
طالبة : يمكن عشان محدش اشترى الكتاب بتاعة
المراقب : لو سمحتوا الهدوء كدة مينفعش
اللجنة : الوقت عمال يعدى واحنا مش عارفين نحل يعنى مش معقول كلنا اغبية
المراقب : هكلم رئيس اللجان يشوف حل
حنين : من فضلك احنا عاوزين نفهم السؤال عايز أية مش اكتر من كدة
المراقب : حاضر
رئيس اللجان: فى أية
حنين : السؤال الواحد واخد ربع الصفحة ومش فاهمين هو الدكتور عاوز أية
رئيس اللجان: كلكوا نفس المشكلة
اللجنة : اااة
رئيس اللجان: الدكتور يجى يشرح الأسئلة بسرعة عشان الوقت
بوسى : يا مسهل على ما يجى
حنين : اهو جة
الدكتور : مش فاهمين أية ،،ماهو موجود هى نفس الأسئلة فى الكتاب
اللجنة : معانا ملازم يا دكتور
حنين : دة عقاب يعنى عشان محدش اشترى الكتاب
الدكتور : ازاى تكلمينى كدة
حنين : ماهى دى مش أسئلة منطقية ومش معقول لجنة كاملة تبقى اغبية ويضيع مجهودنا لأغراض شخصية
الدكتور : انا ممكن الغى الامتحان ليكى حالا
حنين : انا مغشتش من حد عشان حضرتك تلغى الامتحان
رئيس اللجان: يا دكتور من فضلك تشرح الأسئلة بوضوح وتتفضل بعد اذنك
الدكتور : تمام واتفضلى اقعدى
بوسى : هى قعدت يا دكتور على فكرة
اللجنة : هههههههه
الدكتور : اسوء دفعة مرت عليا
رئيس اللجان: انت كدة بتعطل سير الامتحان
الدكتور : ينفع .....
رئيس اللجان: شرح الأسئلة من فضلك
الدكتور : السؤال الاول .....................
رئيس اللجان: تمام كدة يا شباب
اللجنة : تمام حضرتك وشكرا
المراقب : منسمعش صوت عشان عدا ساعة من الوقت
اللجنة : حاضر
😊😊😊😊😊😊😊
حنين خلصت على آخر دقيقة وراجعت بعينها بسرعة جدا بس كانت تعبت وحسيت أن الدكتور ممكن يستقصدها وينزلها فى المادة دى ....
اياد : هاااا عملتى أية
حنين : عادى
اياد : مالك
حنين : اتخانقت مع الدكتور
اياد : لالا تعالى فهمينى
حنين : اللى حصل...............
اياد : بس انتى معاكى حق طبعا
حنين : يعنى انا مش غلطانة
اياد : لا يا حبيبى ومتخافيش
حنين : انا عملت اللى عليا وخلاص
اياد : أن شآء الله خير وبتفوق
حنين : يااااااارب
اياد : يااااااارب فرحنا بقي وجمعنا فى بيت واحد عشان هموت واتجوز البنت القمر دى وعاوزها فى الحلال وتبقى مراتى ..
حنين : يااااارب يااااااارب
اياد : اخر يوم النهاردة
حنين : للاسف
اياد : حنين انا مش هينفع منتقابلش
حنين : طب اعمل ايه
اياد : لو اتخطبنا هيبقى مافيش مشكلة
حنين : بابا صعب يا اياد واستحالة هيوافق
اياد : لية انا فيا أية يترفض
حنين : اول حاجة مش هيرضى بشقتك فى عين شمس وكمان انت مش معاك عربية اخر موديل ولا انت دكتور ولا مهندس ولا باباك سيادة اللواء وكدة يعنى ...
اياد : أية اللى بتقولية دة
حنين : دى وجهة نظر بابا اللى كنت مخبياها عليك
اياد : ايوة بس انا مش واقع اوى كدة عشان يرفضنى ،،انا اهلى مستواهم ومراكزهم مرموقة وكمان الشقة بتاعتى دى حوالى اربع اوض نوم و٢ ريسيبشن كبير و٢ تويليت ومطبخ واسع هيعجبك ودة صعب جدا تلاقية دلوقتى بس احنا عشان الأرض بتاعتنا .
حنين : انا اى حاجة هتعجبنى مدام بتحبنى بس بابا مش بيفكر كدة
اياد : انتى عارفة شقة زى بتاعتى دلوقتى تساوى كام
حنين : بلاش تكلمنى كدة وكأنى السبب
اياد : انتى مالكيش ذنب بس انا مصمم اقابلة واكلمة واخلية يشوفنى
حنين : بلاش يا اياد دلوقتى ونستنى شوية
اياد : اكتر من كدة
حنين : معلش عشان يوم ما حد يسألنى هيقولولى عرفتية امتى عشان تصممى علية كدة وساعتها لو قولتلهم من شهرين هيقولوا انك ضحكت عليا بكلمتين ناعمين
اياد : ايييية دة معقولة
حنين : اهلى وعرفاهم
اياد : بس انا مصمم
حنين : يبقى عايز تخسرنى
اياد : اخسرك عشان عاوز ارتبط بيكى فى النور
حنين : عشان عنيد حتى لو الظروف ضدك
اياد : انا جاهز يا حنين ،،ليكى شبكتك وعفشك زى ما انتى عاوزة وكمان الفرح
حنين : هتقدر تجيب سولتير
اياد : انتى لية اتحولتى
حنين بدموع : انا متحولتش يا اياد بس هو دة تفكير اهلى وقرايبى ودة نظامهم وانا كدة من وجهة نظرهم هبقى أفقر وأقل واحدة فيهم وبابا وماما ساعتها هيحسوا أن انا بعتهم بالقليل
اياد: ايوة بس زمان كانوا بيقولوا الراجل اهم من كل المظاهر دى
حنين : الكلام غير الفعل
اياد : انتى متمسكة بيا ولا لاة
حنين : انا مش متخيلة نفسى مع حد غيرك
اياد : طب أهدى وبلاش دموع وانا هتصرف واوعدك انك هتكونى مراتى
حنين : ازاى بس
اياد : شكلنا هنحارب جبهتين
حنين : يعنى اية
اياد : متشغليش بالك
حنين : لاة عاوزة افهم
اياد : انا لازم اصارحك بحاجة عشان انتى اكتر حد يهمنى دلوقتى
حنين : قول وقعت قلبى
اياد : انا عمرى ما حبيت ولا كان فى نيتى اصلا بس عندى فى البيت كانوا مصممين انى ارتبط واتجوز وكنت موافق على جواز الصالونات لانى مقتنع أن اختيار امى اهم حاجة وفعلا اختاروا بنت قريبتى من بعيد ولمحوا مع اهلها لدرجة أن العيلة كلها عرفت أن اياد ومنى لبعض وانا قولت خلاص بس كان نفسى اطلع برة عين شمس وهما كانوا رافضين واهلها كمان كانوا رافضين وعشان كدة الموضوع اتعطل وفى الوقت دة ظهرتى انتى ومبقتش ساعتها عارف أنهى الموضوع معاهم ازاى بس قولت لاخواتى وقولت لما اكلم باباكى واتفق معاة هبقى اقولهم واقنعهم
حنين : انت ازاى خبيت عنى كل دة
اياد : عشان مالكيش ذنب فية ودة نصيب
حنين : وانت معتقد أن اهلك كدة هيتقبلونى بعد اللى هيحصل دة
اياد : لما يشوفوكى ويعرفوكى هيحبكوكى واكيد الايام هتنسيهم
حنين : كدة النار من كل ناحية دة لو بابا وصلة حاجة من دى استحالة هيوافق وهيرفض اكييييد وهيقولهم ابنكوا عندكوا واحنا بنتنا عندنا والجواز قسمة ونصيب
اياد : انا صليت استخارة وعندى احساس اننا لبعض وبكرة تشوفى
حنين : متفائل
اياد : وعد منى انى هتجوزك مهما كانت الظروف
حنين : يااااارب بس من غير مشاكل
اياد : ان شاء الله بس قوليلى أية رسمة العيون الجامدة دى
حنين : طول عمرى ههههه
اياد : طبعا هههههههه
حنين : بستفزك على فكرة
اياد : لالا انتى عينك منى وبتعكسينى
حنين : حد يشوف شاب قمر كدة وميتعاكسش
اياد : طب بقولك ايه بقي
حنين : قول
😁😁😁😁😁😁😁😁😁😁
لااااايك وكومنت لمتابعة حدوتة حنين
عشان نعرف اياد قالها أية وآية اللى حصل 😉😉
تحياتى حنين الماضى ❣️❣️
