حدوتة حنين

البارت الخامس والثلاثون

البارت (٣٥) حدوتة حنين
....................................
خرج اياد من عند الشاذلى وهو متوتر خصوصا لما قالة على العريس المنتظر باسم وفى الاخر كلم حنين عشان يطمنها ..
📲📲📲📲📲📲📲
حنين بتوتر : الووو الووو
اياد : حبيبى عاملة أية ؟
حنين : مش كويسة خالص طمنى ونبى
اياد.: اعمل فيكى أية بس ؟
حنين : 😳 أية اللى حصل
اياد : ضيعتى وقت كتير مننا يا حنين وكنت زمانى اتجوزتك وبقيتى حامل كمان
حنين : 🙄 يعنى اية
اياد.: هقولك اللى حصل بالضبط وانتى اللى تقوليلى يعنى اية؟
وحكى اياد لحنين كل اللى حصل..
حنين : يا سلام
اياد.: اة والله هو دة اللى حصل والمفروض هياخد رأيك ويشوف حضرتك تختارى مين فينا ؟
حنين : يعنى بابا صدق أن انا معرفكش
اياد : اة والله وانا كنت قاصد اقول كدة وراعيت أنة اب وانتى بنتة ومهما شرحتلة فهو هيضايق وقولت على أية،،، نكدب كدبة صغيرة مدام نيتنا خير وربنا معانا
حنين : ياااااااة هم على قلبى وارتحت
اياد : معقولة يا حنين هو خوفك بس اللى كان مسيطر عليكى
حنين : مشاعرى كلها كانت داخلة فى بعضها خوف على رعب على توتر على حبى ليك
اياد : انا بهرج معاكى ومقدر طبعا بس كدة الموقف بقي معاكى وانتى اللى تقوليلى بابا هيقولك أية
حنين : بس فى حاجات انا مكنتش اعرفها عنك
اياد : لما كنت بشوفك مكنتش بحب اضيع وقت فى كلام مش هيغير حاجة
حنين : يعنى انت كنت عامل مشروع وانت بتدرس
اياد.: اة وعلى فكرة بابا كان متجاوب معايا جدا
حنين : عرفت منين
اياد : احساسى
حنين : انا مش مصدقة انك كلمت بابا خاااالص
اياد.: هههههههه والله كلمتة
حنين : عارفة بس ربنا يستر لما يجى يكلمنى
اياد.: متقلقيش لان هو فاهم انك مالكيش كلام معايا
حنين : انت شايف كدة
اياد.: بصى يا حنين لازم نحترم النقطة العسكرية اللى فية
حنين : قصدك أية
اياد : يعنى طبيعى جدا أنة يشوفنى لأول مرة وميعرفش حاجة عنى فقالك اخدة بالهداوة عشان يجيب كل اللى عندة وانا طبعا فهمت دة لان فاهم نظام العسكريين بيفكروا ازاى لما بيكونوا عاوزين يعرفوا معلومة محددة وطبيعى مش هيتنرفز عليا ولا هيتخانق .
حنين : قصدك مصدقكش
اياد : لا طبعا صدق بس اكيد توقع انى كلمتك قبل كدة لانة بيقوللى وحنين قالت لو انا وافقت هى هتوافق قولتلة اة فابتسم ودة باينلى أنة فهم أن احنا اتكلمنا مع بعض قبل كدة أو عالاقل لو انتى رافضانى اكيد مش هتقوليلى روح قابل بابا وكلمة ولا أية؟
حنين :😳  ايوة فعلا ماانا لو رفضاك هقول لصاحبتى لاة لكن مدام انا موافقة يبقى هقولك قابل بابا وطبعا انا بتلكك لباسم على كل حاجة وعملت مشاكل معاهم بسببة ودلوقتى انت رحت وقولت أن انا بقول أن موافقتى متوقفة على موافقة بابا
اياد : كدة تبقي فهمتى قصدى
حنين : وياريتنى ما فهمت
اياد : حنين أهدى وخلاص احنا دخلنا الطريق ومينفعش نرجع
حنين : هو حد عندك عارف انك هتقابل بابا
اياد : اة طبعا ابويا ونبهت علية ميقولش لحد خالص لحد ما اخد الموافقة من بابا
حنين : تفتكر بابا هيوافق
اياد : تفتكرى انتى موافقة عليا ولا عالتانى
حنين : انت طبعا
اياد : خلاص يبقى بابا موافق ونعمل حفلة خطوبة أسرية كدة وتبقي ايدك فى ايدى لحد ما تشوفى جهازك وحاجتك
حنين : نفسى اغمض وافتح الاقى كل دة خلص واتجوزنا
اياد.: إن شاء الله ،،اهدى كدة وهقفل معاكى عشان كل دة واقف فى الشارع مش عاوز اتحرك لحد ما اكلمك واخلص عشان ابقى مركز معاكى
حنين : ماشى يا حبيبى توصل بالسلامة وعلى مهلك
اياد : بحبك
حنين : وانا كمان بموت فيك
اياد.: هااااانت
حنين : على أية بقي
اياد.: تكونى ليا لوحدى عشان احبسك
حنين : 🙄 عاوز تجوزنى عشان تحبسنى !!
اياد.: هحبسك جوة حضنى
حنين باحراج : حلو الحبس دة انا عوزاة
اياد : خلاص قرب ... بس بقولك قبل ما انسى اوعى تبينى قصاد بابا أن قولتلك حاجة ولما يجى يكلمك خدى بالك من كلامك وكأنك بتسمعى منة هو لأول مرة ومتعرفيش حاجة
حنين : حاضر
اياد : يالا يا حبيبى اسيبك دلوقتى مع السلامة
حنين : مع السلامة
👍🏻👍🏻👍🏻👍🏻👍🏻👍🏻👍🏻
سما : هاااا كل دة كلام
حنين : انتى بتراقبينى
سما : لما اختفيتى قولت اكيد انتى هنا
حنين : هقولك ايه اللي حصل
.......
سما : دة باباااا !!
حنين : اة تخيلى
سما : وانتى حاسة بأية ؟
حنين: مش مطمنة ومستغربة رد فعلة لان بابا مش هيوافق بالسهولة دى
سما : بس كلامة مع اياد كان غير كدة
حنين : على رأى اياد هو اكيد مش هيتخانق معاة عشان يعرف كل حاجة
سما : خلاص يا حنين سيبيها على ربنا وان شاء الله خير
حنين : يارب
سما : تفتكرى بابا هيكلمك النهاردة
حنين : مش عارفة بس اللحظة دى مرعوبة ومحرجة منها اووى
سما : ربنا يستر بقي ..طب هنقول لماما ؟
حنين : هقولها أية هقولها اياد قابل بابا وكدب علية انى اعرفة وبعدين اتصل بيا وقاللى عالحوار كلة هو انتى عبيطة يا سما !!
سما : معلش معلش المذاكرة سيحت دماغى
حنين : طب يالا ننزل قبل ما يجى عشان ميقولش انى بكلم اياد ولا حاجة وهعمل نفسى نايمة
سما : ماشى يالا
🤔🏃‍♀🏃‍♀🏃‍♀🏃‍♀🤔🤔
بعد حوالى ساعتين
...........................
سما : حنين حنين بابا بابا
حنين : فين فين
سما : طالع شوفت عربيتة
حنين : وانتى يا بنتى لقتينى نايمة بتصحينى لية ما تسيبينى عشان انا بهرب من اللحظة دى
سما : طلع طلع انا هنام
حنين : ناقصاكى اصلا
🤔🤔🤔🤔🤔🤔🤔
الام : احطلك تاكل دلوقتى
الاب : لاة بس فين حنين
الام : نايمة
الاب : صحيها خليها تيجى تكلمنى
الام : فى أية
الاب : صحيها واقعدى اسمعى
الام : ماشى ....
الام : حنين حنين فوقى كدة
حنين : نعم يا ماما
الام : بابا عايزك
حنين بقلق : لية يا ماما
الام : معرفش هو قاللى اصحيكى ومرضيش يأكل كمان
حنين :🙄 يعنى شكل وشة مضايق ولا عادى
الام : عادى
حنين : اومال مرضيش ياكل لية؟
الام : شوية كدة واحطلة بس قومى يالا
حنين : هقوم حاضر
🚶‍♀🚶‍♀🚶‍♀🚶‍♀🚶‍♀🚶‍♀🚶‍♀
حنين بخوف : بابا عاوزنى
الاب هز راسة
حنين : نعم
الاب : باسم عامل معاكى أية
حنين : كويس
الاب : يعنى خدتى قرارك من ناحيتة ولا لسة
حنين : انا مش عاوزة ازعلك
الاب : وهتزعلينى لية هو انا هجبرك علية بالعافية يعنى ؟؟
حنين : بص يا بابا باسم انا حاسة انة مشدود شوية لداليا صاحبتى
الاب : يعنى اية الكلام دة
حنين : هو وهى شكلهم لايقين على بعض دة غير أن انا مش هعرف اعمل زى داليا من اهتمام وفطار وانتظام فى الشغل وبالدقيقة فى مكتبى وكدة ..
الاب : ممم ولما انتى شايفة كدة لية بتروحى الشغل دة
حنين : عشان انا حبيت الشغل وفهمتة ولقيت نفسى فية
الاب : افهم من كدة أنة محاولش باسم يكلمك فى حاجة خالص
حنين : اتكلم بس هو قاللى انا مش هفرض نفسى عليكى والجواز قسمة ونصيب وياريت تكملى فى شغلك لأنك عاملة شغل كويس
الاب : وانتى عايزة تكملى
حنين : اة
الاب : يعنى انتى رافضة الجواز خالص دلوقتى ؟؟
حنين : 🙄🙄🤔
الاب : أية هو السؤال صعب كدة ؟
حنين : لاة بس مش عارفة يا بابا اقولك ايه
الاب : يعنى لو فى واحد ابن حد قرايبنا وشاب طموح توافقى تقعدى معاة وتشوفية
حنين : مين قريبنا دة
الاب : من طرف عمك
حنين : بابا هو  الكلام حقيقى
الاب : أية هترفضية
حنين : انا مش عاوزة حد من قرايبنا خاالص
الاب : ماهو لا غريب نافع ولا قريب طب نفصلك واحد يعجبك ويكون على مزاجك يعنى ولا أية ؟
حنين : بابا حضرتك بتكلمنى كأنى اذنبت عشان باسم
الاب : لالا انتى حرة بس بقولك فى واحد جالى الشركة النهاردة وعايز يتقدم أية رأيك ؟
حنين : مين دة ؟
الاب : اسمة اياد اسماعيل..تعرفية؟
حنين : 🙄🙄🙈
الاب : بيقول يعرفك من الجامعة ؟
حنين : اة افتكرتة
الاب : مممم أية رأيك مدام عرفاة
حنين : وانا هحكم علية من غير ما اتكلم معاة ازاى
الاب : ما انتى رفضتى باسم وقريبك من غير ما تفكرى تقعدى معاهم
حنين : 🙄🙄🙄🙄
الاب : ممم طيب بصى اياد دة جالى وهو من شكلة كدة كويس بس لو فى مقارنة بينة وبين واحد زى باسم اكيد باسم هو احسن و..
حنين بغضب : لية يا بابا باسم احسن هاااا عشان فلوسة ولا عشان باباة !! وانا لا هتجوز فلوسة ولا هتجوز باباة
الاب ::انا كنت مستنى الحتة دى وانك تدافعى
حنين : انا مش بدافع يا بابا
الام : هو انتى تعرفى اياد دة منين
الاب : من الجامعة واكيد كان بيضحك عليها بكلمتين وعرف احنا مين وقالك لما اوقعها
حنين : والله العظيم حرااام محصلش كدة مش ممكن يكون كل تفكيرنا يكون بالشكل دة وانك تقيم يا بابا الناس كدة مش ممكن
الاب : البية جاى يقولى شقتة فى عين شمس إن كان عاجبك
الام : 😳 عين شمس !!!!
الاب : اااة لالالا وقاعد قدامى واثق من نفسة جداا ومتأكد أن هى هتوافق علية وبيقولى لو انا وافقت هى هتوافق !!! انتوا فاكرنى اهبل وانا كدة عرفت اللى انتى كنتى فية أية سببة
حنين : ليييية يا بابااا كدة
الاب : هو انا عملت حاجة لسة
حنين : هو انا عسكرى عندك بتعمل عليا خطة عشان توقعنى دانا بنتك يعنى المفروض تسمعنى وتشوف رغبتى اكتر من كدة
الاب : كنتى بتقرطسينى وبتكلمية مش كدة
حنين : اكلمة فين يا بابا
الام : اهدا بس وبراحة هى هتكلمة فين
الاب : اتقابلتوا واتفقتوا يقولى كدة
حنين : اناااا يا بابااا انااا
سما : براحة يا بابا براحة
الاب : اهى مش كنتوا بتتخانقوا معايا عشان فاكرنى بغصبها على باسم عرفتوا دلوقتى هى كانت بتعمل كدة لية ولا يا ست سما كنتى عارفة وانا الوحيد المغفل
حنين : 😭😭 لييية يا بابا كدة لييية انا قولت انت تشوفة وتتكلم معاة وتقول رأيك فية لان انا مش هوافق على حد غصب عنك وهو شخص طموح وناجح فى حياتة
الاب : ناجح اااة لحسن يكون ضحك عليكى بشكلة ولا بشوية العضلات اللى عندة مع كلمتين ناعمين وبقيتى زيك زى اى بنت بس الفرق مستواكى
حنين : يا بابا لأة والله انا صعب حد يضحك عليا
الاب : هو كمان شكر فيكى وقال نفس جملتك
حنين : يعنى كدة أية
الاب : نقول للناس أية بنتى هتقعد فى عين شمس
حنين : طب قولة طلبك
الاب : شوفتوا يعنى هى موافقة مش مستنية موافقتى ،،امبارح كانت واقفة نفس المنظر وبتعيط وحسستنى انى بعذبها ودلوقتى نفس المنظر بس مع الفرق بتدافع عن البية دة
حنين : هو انا مش المفروض يكون ليا رأى
الاب : كنت بقول يبقى ليكى رأى عشان كنت فاكرك بتفكرى صح لكن خلاص مدام مبتعرفيش تفكرى يبقى مالوش لازمه رأيك
حنين : يعنى اية يا بابا هتلغى رأيي فى حاجة زى كدة
الاب : ولا هقولك اة ولا لأة خليكى كدة احسن بلا هم
حنين : يا بابا اديلة فرصة طيب واسمعة
الاب : ما انا سمعتة هيقول أية تانى
حنين : يعنى انت قولتلة لاة
الاب : اقولة لاة ازاى دلوقتى انا هسيبة كدة ومش هرد علية ولما يتصل هقولة مافيش نصيب ظروفك غير ظروفنا ...
حنين : لاااا ونبى يا بابا متستعجلش عشان خاطرى واديلة فرصة واطلب منة اللى انت عاوزة وهو اكيد مش هيقولك لاة
الاب : اطلب منة أية ولا أية ويعذبنا معاة لية
حنين : يا بابا عشان خاطرى
الاب : عايزاة روحى من ورايا واتجوزية واعتبرى انك مالكيش اب وأم ولا اخوات
سما : مش هينفع يا بابا كدة مدام دة اختيارها هى حرة لية نتحكم فيها
الاب : هى مش عارفة تفكر
سما : خلاص تبقى تتحمل نتيجة اختيارها وهى حرة
الاب : انا لو سيبت كل واحد يعمل اللى هو عاوزة كنتوا زمانكوا ضيعتوا من زمان ،،اومال انا لزمتى أية هنا هاااا
الام : انت مش هينفع ترفضة بنتك شكلها متعلقة بية
الاب : هااا استفزينى اكتر عشان احلف ماهى خارجة من البيت ولا ليها جواز واخليها قاعدة جنبك
حنين : يا بابا عشان خاطرى 😭😭 يا بابا انت بتدمرنى
الاب : انا كدة بدمرك عشان بحافظ عليكى
حنين : مش اى حاجة شايفها صح تبقي دى رغبتى اللى هكون مرتاحة فيها وبعدين ماهو باسم خلاص شاف نصيبة
الاب : لعلمك حتى لو باسم دة كان اتقدم هرفضة خلاص ومافيش نزول تانى للشغل ولا اى كورسات فاهمة
حنين : 😭😭😭 لييييية أية اللى عملتة اناااا كفاااية ظلم بقاااا عمال تحرق فيا وتدوس عليا بكل قوتك وبتذلنى كأنى من العبيد عندك وبتعاملنى أسوأ معاملة وكدة طبعا هتبقي مرتاح وانت بتخرج وبتشوف شغلك وبتاكل وبتشرب وتقعد مع اللى عايز تقعد معاة وترضى نفسك من جواك انك كدة بتحافظ عليا مش كدددة 😭😭😭😭
الاب : اتفرجواا بتقولى أية عشانة
حنين : 😭😭 انا كدة زى الميتة روح يا بابا عيش حياتك وشوف شغلك بس اعمل حسابك انك عندك ولد وبنت واحدة مش بنتين
الاب : ايييية هتموتى نفسك عشانة
حنين : انا هعيش ميتة ولا عمرى هعرف ارجع زى ما كنت وافتكر
الاب : انتى بتهددينى يا بنت
حنين : 😭😭 لاة يا بابا مش بهددك مقدرش بس انت حرقتى دلوقتى ونفسى اموت فى اللحظة دى عشان ززززهقت واتخنقت من كل حاجة وكفااااية بقاااا كفااااية خلااااص دماااغى هتنفجر وانا يا بابا زيك مش موافقة علية وبدل ما تسيبة مستنى تليفونك كدة اتصل بية واعتبرة زى باسم وقولة بنتى مش موافقة عليك 😭😭 وخلية يشوف واحدة تانية لان انا منفعهوش عشان هو احسن منى بكتييير وهو عايز واحدة زية
الاب : شغل الجناااان بدأ هو احسسسسن منك ازاااى
حنين : 😭😭 اة احسن منى عشان متسامح من جواة والحياة عندة سهلة وبسيطة وعندة القدرة أنة يشيل الهم عن اللى قدامة لكن أنا الحياة بالنسبالى مكلكعة واتربيت على التعقيد والحساب بالمظاهر وعندى قدرة بشعة على انى ارمى هم على اللى قدامى واضغط على اعصابة عشان ينفجر زيى ..
الام بصوت عالى : ينفع اللى هى فية دة ينفع !!!
الاب : هى اللى عملت كدة فى نفسها
حنين : عندك حق انا اللى عملت كدة فى نفسى بس يا بابا غصب عني والله غصب عنى حاولت انساة بكل الطرق يا ماماااا معرفتش بنام بيجى فى منامى اعمل ايييية فى نفسى والله والله غصب عنى انا كنت بفكر زيك كدة يا بابا ومرة واحدة كل حاجة اتغيرت كنت فرحانة أن فى حد مهتم بيا لشخصى مش لشكلى وعيلتى ومستوانا وكنت فرحانة مكنتش اعرف انى هتحرق من جوايا كدة خلااااص اعملوا اللى انتوا عاوزينة وشوف عاوز تجوزنى لمين وانا موافقة عالاقل مدام خسرتة بس اغير البيت دة عشان اكتر من كدة همووووت بالبطيئ
الاب : بصى وصلتنا لفين خليها تمشى من قدامى
حنين : همشى يا بابا همشى واسمع التعليمات والأوامر وانفذها عشان تبقى راضى عشان ربنا ميغضبش عليا بس يا ترى ربنا يرضى باللى بتعملة فيا دة 😭😭😭
الاب : خليهاااا تمشى من وشى
سما : حراااام عليك يا بابا هو ذل ولا أية
الاب زعق فيهم وقالهم انا ماشى ومش راجع واللى عاوز يعمل حاجة هو حر وابقوا شوفوا البية يوسف بقي يبقى معاكوا
الام : هو اللى انت بتعملة دة ينفع!! والله ما يرضى ربنا اللى احنا فية دة
الاب : انا مااااشى واقعدوا بقى مع نفسكوا براحتكوا مدام انا اللى بذل فيكوا
حنين : 😭😭 هتمشى وتسيبنا بسببى مش كدة 😭😭 خلااص يا بابا خليك ونبى عشان اخواتى وماما وانا والله خلاص مش موافقة على اياد خلاااااص خلااااااص
😭😭😭😭😭😭😭
دخل الاب لبس هدومة ومشى فعلا وبكل الدموع والتوسلات عشان يقعد لكن للاسف صمم أنة يمشى ومش راجع تانى ومحدش هيعرف مكانة
الام بقهر : أهدى يا حنين هيرجع أهدى
سما : خلاص يا حنين هو اكيد يومين بس وهيرجع تانى
حنين : واخد هدومة معاة يا ماما ...شوفتى يا سمااااا انا كنت خايفة من اييية 😭😭😭 خايفة من اللى حصل دة وعشان كدة قلبى كان واجعنى اووووى وووجعة زاد اكتر مش عااارفة اعمل اييية قلبى واجعنى يا ماماااا خلاص قولى لبابا يرجع خلاص واحلفلة انى هعملة اللى هو عايزة وهكون مبسوطة وهضحك ووعد مش هقولة حاجة تزعلة منى ويمكن اللى بابا يختارة يبقى احسن من اختيارى 😭😭😭😭
سما : 😭😭 بس يا حنين أهدى يمكن لما بابا يبعد شوية يحس بينا اكتر من كدة
حنين : خلاص كدة يا سما هيرد على اياد وممكن ميردش علية خالص واياد مش غبى اكييد هيفهم ولو حاول يوصلى انا مش هرد علية لحد لما يزهق منى وينسانى وخلاص بابا منعنى من الشغل ومن النزول واياد مش هيعرف يوصلى
الام : للدرجادى يا حنين اتعلقتى بية بالسرعة دى طب لية مجيتيش قولتيلى وانا كنت ريحتك عالاقل كنت قولت لبابا براحة
حنين : 😭 كنت خايفة منكوا عشان عارفة انتوا بتفكروا ازاااى ومحدش كان هيسمعنى ولا هيحس بيا ااااااة يا ماااماااا لييية يارب ليييية تخلينى اشوفة واتعلق بية مدام مش من نصيبى ليييية
سما : 😭😭 كفااااية يا حنين كفااااية
الام : معقولة هو هيقطع نفسة عليكى كدة لما يعرف أن بابا رفضة
حنين : بصى يا ماما 😭😭 اياد دة احسن واحد فى الدنيا ،،اياد دة خايف عليا عن جد هو اللى قاللى اعدلى حجابك وخلانى غيرت لبسى وخلانى اقرا اذكار الصباح والمساء وخلانى اسمع الاغانى بشكل مختلف واحس بحاجات عمرى ما حسيتها ،، خلانى اعرف ان جوايا قلب وفى حد عايزة ومهتم بية وبيخاف علية وبيخبية من الناس ،،هو كان معايا فى كل حاجة وكان حاسس بيا فى كل حاجة وامتحاناتى كمان كان هو اللى بيساعدنى فيها وكان سايب شغلة واللى وراة عشان يطمن عليا ومهما زعلت وبعدت عنة كان هو بيتصرف بعقل ويحسسنى انى طفلة قدامة 😭😭 اياد دة يا ماما كل حاجة حلوة حصلتلى فى حياتى 😭😭😭
الام : 😭😭 كدة يا حنين تسيبى نفسك لحد لما توصلى لكدة
حنين : والله يا ماما غصب عنى بس اعمل ايه حاولت ابعد بس مقدرتش والله ما قدرت 😭😭
سما : 😭 انا شوفتة يا ماما وقعدت معاة فى الجامعة وشوفتة وهو مهتم بحنين اد أية وكان يومها خايف علينا وبقاا يقولنا ازاى بابا مدى الامان كدة ليكوا وسايبكوا تنزلوا لوحدكوا من غير حد معاكوا والمفروض هو عارف ان بناتة بالجمال دة
الام : ضحك عليكوا بالكلمتين دوول
حنين : لاااا يا ماما متعمليش زى بابا انتى شايفة أن هو بيكدب يعنى !! طب ازاى لما تعبت قولتى انك واخدة عين فينا فاااكرة
سما : انا لو كنت حسيت من كلامة أنة بيضحك علينا فى اى حاجة كنت هحس يا ماما وانتى عارفانى بس بالعكس هو بيعمل كل حاجة تأكد أنة عايز حنين وعشان كدة انا معاها
الام : خلاااص اهدوا واهدى يا حنين ونشوف اللى هيحصل وبابا هيعمل ايه؟
حنين : بابا مش هيعمل حاجة يا ماما خلاص ...
😭😭😭😭😭😭😭
حنين دخلت اوضتها منهارة من العياط وبصت فى الموبايل لقيت اياد متصل ٢٥ مرة وطبعا عيطت اكتر
حنين : بصى يا سما هو متصل كام مرة
سما : الحمدلله أن بابا مشافش الموبايل
حنين : مبقتش فارقة يا سما خلاص
سما : طب هتعملى أية
حنين : استحالة هقدر اكلمة بس هبعت مسدچ وانهى كل حاجة
سما : استنى بابا يرد علية
حنين : بابا مش هيرد علية خلاص ومينفعش اسيبة كدة هو معمليش حاجة وحشة عشان اتعامل معاة كدة واتجاهلة
حنين بعتت مسدچ لاياد " حبيبى انت عارف ان انا بحبك ولا عمرى هحب حد زيك وانت الراجل اللى اتمنينة   بس للاسف انت خسارة فيا وتستاهل واحدة احسن منى لان بابا رفض ومنعنى من النزول .. كمل حياتك وانسانى "
حنين :😭😭😭😭😭
اياد : 😳😳😡 بعت مسدچ من صدمتة " هتصل وردى "
لكن حنين قفلت الموبايل وقالت لسما لو اياد اتصل على تليفون البيت قولى الرقم غلط ..
سما : هو يعرف رقم البيت يا حنين ؟
حنين : اة
سما : حاضر يا حنين والحمدلله أن بابا مش هنا
حنين : مبقاش فارق حاجة عندى
وفعلا تليفون البيت رن
☎☎☎☎☎☎☎
سما : الو
اياد : السلام عليكم
سما : الرقم غلط
اياد : انتى سما مش كدة
سما : الرقم غلط
اياد : خليها تكلمنى لو سمحتى كلمتين بس
سما : معلش الرقم غلط
اياد : اسف
😭😭😭😭😭😭😭
لااااايك وكومنت لمتابعة حدوتة حنين
عشان نعرف الشاذلى للاسف عمل أية مع اياد ⁦☹️⁩
تحياتى حنين الماضى 🤗