البارت ( ٤٨) حدوتة حنين
....................................
حنين كلمت بوسى عشان تخرج اللى جواها
☎☎☎☎☎☎☎
بوسى : الو
حنين : ايوة يا بوسى
بوسى : أية يا حبيبتى شكلك فرحانة
حنين : أية اللى هيفرحنى
بوسى : معرفش بس احساس
حنين : اياد كلم بابا والمفروض هيجى هنا بكرة وتخيلى بابا وماما هما اللى بيتحايلوا عليا عشان اقعد معاة وكمان فى الشقة فوق لوحدنا انتى متخيلة
بوسى : فرحتينى يا نونة واخيراااا
حنين : اخيرا أية انا استحالة هوافق على الرجوع دة شخص غدار وانانى
بوسى : بلاش تستعجلى فى الحكم واستنى لما تسمعية الاول ..
حنين : معقولة كلكوا مرة واحدة سامحتوة وعايزنى اسمعة
بوسى : مدام رجع لحد عندك يبقى حبة ليكى حقيقى يا حنين ويا بختك بواحد يكون بيحبك كل السنين دى ومحاولش يخونك مع واحدة تانية ولعلمك يا حنين احنا كنا ٣ بنات أصحاب وكل واحدة فكرت بطريقتها فى موضوع الجواز بس انتى اللى طلعتى صح فينا
حنين : انااا صح ازااى دانا اتبهدلت وبقيت شخصية معندهاش ثقة فى اختياراتها لأى حاجة
بوسى : داليا اتجوزت برغبتها واتطلقت بعد ما خلفت بشهرين وفى محاولات للرجوع بس وهى مدمرة لأنها مجبرة تعيش معاة عشان خاطر بنتها وخسرت اعز صديقة ليها وصعب انها تعوضها وانا اتجوزت وفرحت بالسفر والشكليات وكمان خلفت وبعد الجواز عرفت أن جوزى مزاج عندة يكلم كل واحدة شوية والغلطة غلطتى انا وداليا لان محدش فينا فكر يمتحن اللى قدامة ويشوف هو بيحبة وعندة استعداد يضحى عشانة ولا لاة وفى الوقت اللى انا وداليا اتجوزنا فية انتى بعدها انفصلتى عن اياد وقولت اكيد احنا صح وانتى غلط بس مع مرور الأيام والوقت اكتشفنا أن انتى طلعتى اشطر واحدة وفكرتى فى اللى يحبك لشخصك وحططية تحت كذا اختبار ومهما بعدتوا بترجعوا والحب الحقيقى هو اللى انتصر عن الشكليات المزيفة ..
حنين : انتى أية اللى بتقولية دة
بوسى : اسمعى كلامى يا حنين وارجعى لقلبك وكفاية تعذيب فية وعاتبى اياد وخدى حقك بس وهو فى حضنك وخدى واحد مقدرش ينساكى على مدار سنين بدل ما تاخدى واحد من اول ساعة ينساكى مع واحدة تانية وهو ضامن انك فى بيتة ومش هتقدرى تعملى حاجة
حنين : كلامك غريب انتى جوزك خانك يا بوسى
بوسى : سيبك منى دلوقتى انا كل هدفى أن الحب يكسب ودوسى على كل الظروف وخليكى مع حبيبك
حنين : انتى يا بوسى اللى بتقولى كدة ،،دانتى كنتى سطحية جدا ودايما تتريقى
بوسى : عشان كنت عبيطة ومش فاهمة حاجة
حنين : لغبطينى يا بوسى
بوسى : انا مش عوزاكى تزعلى منى واى حاجة قولتها أو عملتها فى يوم كنت فاكرة انها لمصلحتك وانا متأكدة أن دى مصلحتك
حنين : طريقتك غريبة
بوسى : اقعدى مع اياد وشوفية هيقولك أية
حنين : ممم ماشى
🤔🤔🤔🤔🤔🤔🤔
حنين حسيت ان كل حاجة حواليها اتغيرت وانها هى اللى غريبة وبقى الكلام والعتاب بينها وبين اياد رايح جاى فى عقلها وصراعات داخلية بينها وبين نفسها...
🤔🤔🤔🤔🤔🤔🤔
حنين راحت شغلها تانى يوم عادى ومشيت فى ميعادها بعد ما اتكلمت مع وليد وردت بأنها مش جاهزة لأى ارتباط دلوقتى بسبب حب قديم وصعب انها تظلمة معاها ووليد طبعا قدر الموقف واحترمها لانة كان حاسس بكدة ...
🏃♀🏃♀🏃♀🏃♀🏃♀🏃♀🏃♀
رجعت حنين البيت وغيرت هدومها ...
الام : اطلعى يا حنين فوق
حنين : مالوش لازمه يا ماما انا هتكلم هنا
الام : بابا قال تطلعى فوق
حنين : حاضر
🚶♀🚶♀🚶♀🚶♀🚶♀🚶♀🚶♀
طلعت حنين وهى متوترة جدا لحد لما سمعت جرس الباب رن
🚪🚪🚪🚪🚪🚪🚪
حنين : 🙄🙄😟
اياد رن الجرس تانى وتالت وفى الاخر فتحت حنين بنظرة كلها حساب وعتاب وقوة فى نفس الوقت
اياد.: السلام عليكم
حنين : ............ سابت الباب ودخلت
دخل اياد وقفل الباب وراة وجة يمد ايدة يسلم عليها لكن حنين انفجرت فية بكل قوتها ...
حنين : اوعة تقرب منى أو تفتكر انك ممكن تضحك عليا تانى ،،عايز منى أية عايز منى اااية بقاااا ابعد عنى انا كرهتك لأنك غدار وانانى وبنى ادم مبتحبش غير نفسك ،،طلعت كداااااب وخاين ووعودك كلها كدبة زيك ،،انا عرفت واتأكدت أن مافيش حاجة اسمها حب وكلة تمثيل فى تمثيل وانااا اللى غبية لانى صدقتك ،،رميتنى بالكلام اللى زى الحجر ومعملتش حسابى ولا أية اللى ممكن يحصلى وشكلى قدام اهلى والناس وقرايبى ودورت على نفسك بسسس ومشيت ورا كرامتك من غير ما تحس بقلبى مالة ولا أية اللى يحصلى .. ولا حسيت انا أية اللى جرالى ومحدش وقف جنبى غير اخواتى وبابا وماما وطلعت ندل وغدار زى الحيوانة اللى اسمها داليا وكلكوا شبة بعض ..انااااا مش عاااوزة اشوفك تاااانى انت نزلت من نظرى للابد ولعلمك انا متقدملى واحد فى منتهى الجمال وهوافق علية غصب عن اى حد لان هو دة التفكير الصح وانت كنت اكبر غلطة فى حياتى وعارف غلطتى أية كمان انى سمحتلك انك تلمسنى وتقرب منى ودى كان اكتر حاجة معذبانى لانى مكنتش هعرف اكون بالوقاحة انى اعترف لواحد هيتجوزنى انى فى واحد تانى قرب منى ولمسنى ..انت اكتر بنى ادم غدار غدااااار فاااهم 😭😭😭😭😭😭😭😭😭
اياد.: بعد مكالمتى ليكى نزلت وانا مش طايق اهلى لانى حسيت انهم اتخلوا عنى وكانوا ممكن يقفوا معايا لكن هما رفضوا عشان يمشوا موضوع معين فى دماغهم وانا كنت فاهم كدة وبكدب نفسى لكن بعد آخر مكالمة انا حسيت ان كرامتى فى الارض وموقف اهلى خذلنى وحسيت ان الكل ضغط عليا .. قفلت معاكى وقومت حضرت شنطتى ومكنتش طايق نفسى ولا حد وقولت ابعد وطلعت لوحدى على اسكندرية وانا فى الطريق عينى غصب عنى كانت بتدمع لوحدها ومن غيظى كنت زهقت من الطريق وبقيت ادوس بنزين عشان الطريق يخلص ومن غير ما اخد بالى ومن غير تركيز تخيلت أن فى عربية كانت قدامى بدل ما تمشى لقدام تخيلت انها فى وشى ودوست فرامل مرة واحدة ولقيت العربية بتلف حوالين نفسها وبعد كدة حسيت بنفسى وانا بتقلب وسامع صوت الناس وهما بيقولوا لاحول ولا قوة الا بالله وبعد كدة لقيت نفسى فى المستشفى كان عندى كسر فى رجلى ونزيف وكدمات فى كل حتة فيا وفضلت اتعالج اكتر من ٥ شهور وبعدها كان مطلوب منى اعمل علاج طبيعى وعملتة وف كل دة وف عز وجعى مكنتش بفكر فى حاجة غيرك انتى وبس وكان نفسى اشوفك لانى حسيت ان الموت قريب منى كان نفسى اشوفك عشان اقولك انا بحبك وعمرى ما هحب حد زيك بس حسيت ان دة ذنبك بس انا ساعتها فكرت وقولت حرام اظلمك معايا واول لما قدرت اقوم اهلى فهموا بعدها انى صعب اتجوز حد غيرك وهما من نفسهم باعوا الشقة لعمى ال فى فرنسا وجم ادونى فلوسها وقالولى اعمل اللى يريحك واحنا معاك وساعتها خدت الفلوس وعملت قرض كبير من البنك وعملت مكتب سياحة وقعدت فى شقة ايجار جنب المكتب وخدت هدومى من عند اهلى ولما حسيت انى ممكن اشترى شقة فى المعادى رحتلك الشركة ولا لقيتك ولا لقيت داليا ولا بوسى ولما خدت العامل اللى هناك قعدت اتكلمت معاة وعرفت اللى حصل بينك وبين داليا واديتة فلوس كتير لعلمك عشان يجيبلى رقم بوسى أو عنوان بيتها وفعلا لما جبت عنوانها .. سلطت واحدة أو بمعنى اصح أخت رامى ورامز لو فاكراهم تروح لبوسى البيت وعرفت انها مسافرة واخت رامى عملت انها صاحبتها ونفسها تكلمها وفعلا اهل بوسى صدقوا وادوها الرقم وبعدها انا اتصلت بيها وشرحتلها كل حاجة وعرفت ان عندها بنت وحلفتها بيها متقولكيش اى حاجة دلوقتى بس تفضل على اتصال بيكى وساعدت الظروف أن بوسى تنزل مصر وتستقر وتكلمك من وقت للتانى عشان تعرف اخبارك لانى مكنتش هسمح أن حد يتجوزك غيرى لانى وعدتك وبعدت بس مخنتش وعدى لانى مكنتش هسمح انك تروحى لحد غيرى غير لو كنت مت فعلا وفضلت احاول مع بابا واتصل لكن طبعا كان موقفة معايا صعب ورفض يكلمنى كتير لحد لما استنيتة تحت الشركة ووقفت قدام عربيتة وقولتلة لازم تسمعنى ..ساعتها خدنى وقعدنا فى مكان وشرحتلة كل حاجة وعرفت اللى حصلك يعنى انا وانتى فى نفس التوقيت تقريبا كنا فى المستشفى ...
حنين : 😭😭😭 حااادثة ازاااى كل دة حصل وانا معرفش
اياد : انا بحبك يا حنين واكبر دليل انى شوفت الموت بعينى واتمنيت اعيش عشان اشوفك واقولك انا مضحكتش عليكى
حنين : انا قلبى اتوجع كتيير 😭😭😭 بسببك ووجعنى اكتر لما قولتلى انك عملت حادثة وانا هنا كنت بضغط على نفسى عشان انساك وانت كنت بتتعذب وكنت بحسبك نسيتنى واتجوزت
اياد.: مرة فى الجامعة من اربع سنين تقريبا قولتلك انا مش هلمس حد غيرك وان فى حاجة خرجت من عندك ودخلت عندى وصعب تطلع
حنين : 😭😭😭😭
اياد.: عشان خاطرى كفاية انا مش محتاج حاجة دلوقتى اكتر من انك تسامحينى واذا كنت عيشت فهو عشانك يا حنين غير كدة انا كنت رافض العيشة
حنين : 😭😭 لية كل العذاب دة
اياد.: عشان هو دة الحب وانا بحبك وانتى عذابى
حنين جريت على اياد وحضنتة وهو حضنها جامد وباسها بطريقة جنونية لدرجة أن حنين مكنتش قلقانة أن حد من اهلها يشوفها وبقت تقول لاياد انا كمان بحبك ومقدرتش انساك ولا لحظة
اياد : حبيبى كفاية كدة ولازم نتجوز خلاص
حنين : امتى انا حاسة أن الجواز دة عمرة ما هيتم
اياد : انا خلصت الموضوع مع بابا واتفقت معاة على كل حاجة بس هو كان مستنى يعرف رأيك الاول بالرغم انة قاللى انك هتسامحى بس كنا محتاجين نتأكد
حنين : يعنى فعلا هنتجوز
اياد : احلى فرح واحلى شبكة وطلباتك انتى وبابا أوامر
حنين : والشقة
اياد : اتفقت مع بابا وطلبت منة أنة بدل ماهو يكتب الشقة باسمك وتبقى هدية منة ليكى ..هتبقي هدية منى ليكى وهدفع لبابا جزء من تمن الشقة وهيتفضل جزء ان شاء الله بعد الفرح اكملة دة وعد
حنين : يعنى اية
اياد.: يعنى معنديش مشكلة اعيش فى شقة مراتى لو الشقة دى هدية منى ليها
حنين حضنت اياد حضن وعياط فى نفس الوقت وبقيت بتعيط بصوت لأول مرة قدام اياد ..
اياد: خلاص خلاص احنا مع بعض بلاش دموع ويالا شوفى عايزة فرحك فين وعايزة تجيبى شبكة أية والعفش
حنين: انا مش مصدقة
اياد : مش هتفرجينى عالشقة بقى عشان اشوف اوضة النوم بتاعتنا
حنين : تعالى تعالى
اياد وحنين لفوا الشقة وهما ماسكين فى ايد بعض وبعد ساعتين ام حنين وجت بوسى وسما ويوسف وطلعوا الشقة واول لما اياد فتح الباب ،، كلهم بصوا على وش حنين وكانت حنين بتضحك وجريت على مامتها وباستها ومسكت بوسى جامد وشكرتها وباستها جامد ويوسف وسما اللى اتعذبوا معاها ..
سما : هو احنا هنفضل طول حياتنا نعيط
بوسى : انا جيت وكنت خايفة تكونى زعلتى منى بس اياد طلب منى اجى
حنين : انتى اختى يا بوسى فعلا ودلوقتى فهمت كان لية كلامك معايا كدة
الام :😭😭😭 مبرووووك وجعتوا قلبنا معاكوا وحمد الله على سلامتك يا اياد
يوسف : انت فعلا انسان محترم وراجل بمعنى الكلمه ومطمن على اختى معاك .
سما : يارب ربنا يدينى واحد زيك
كلهم : هههههههه
بوسى : لولولى لولولى لولولى
سما وبوسى : دقوا المزاهر يا اهل الخير تعالوا جمع ووفق وصدق اللى قالوا ....
اياد بص لحنين وطبطب عليها وقالها : اعملى حسابك ننزل بكرة تجيبى الشبكة وبعدها هنلف شوية ونشوف مكان حلو نعمل فية الفرح
بوسى : لولولى لولولى لولولى
حنين : الحمدلله الحمدلله يا رب انا فرحاااانة على اد العذاب اللى شوفتة الحمدلله
😍😍😍😍😍😍😍😍😍😍
لااااايك وكومنت لمتابعة حدوتة حنين
والبارت الاخير و نعيش مع فرح اياد وحنين واجمل لحظات الاشتياق..
تحياتى حنين الماضى 🤗
