البارت العاشر
🥰🥰🥰🥰🥰🥰🥰
اياد : انتى ساكنة فين
حنين : المعادى
اياد : تمام
حنين : وانت
اياد : عين شمس
حنين : اوك
اياد.: مالك
حنين : عين شمس اعرف انها منطقة شعبية صح
اياد.: قصدك منطقة فيها رجالة وناسها مستوى عالى بس بيقعدوا فيها عشان اللمة والعيلة والونس
حنين : لية بتقولى كدة
اياد : عشان فى فرق اكيد بين المعادى وعين شمس بس لو كنتى عيشتى فى عين شمس هتعرفى أن فيها روح حلوة ف كل المناسبات زى الاعياد ورمضان والافراح حتى العزاء كمان وكلة واقف جنب بعضة وكلة عارف بعضة
حنين : حلو اوى الجو دة للاسف احنا معندناش كدة وطبيعى الجيران كل واحد فى حالة ولو قابلوا بعض صباح الخير صباح النور وخلاص
اياد : لما يجى الوقت المناسب هخدك قبل اى حاجة تشوفى كل حاجة بعينك وتعيشيها وتحكمى بنفسك
حنين : ان شاء الله بس اللى يشوفك يقول انك من الدقى على فكرة أو مصر الجديدة فيك شبة منهم
اياد : ههة شبة ازاى يعنى
حنين : طريقة لبسك وكدة
اياد : لاااا دانتى شكلك واخدة فكرة كوبيا عن عين شمس هههههههه لعلمك كل الناس اللى ف عين شمس ناس مستواها كويس وراقى جدا ومستواهم المادى مرتاح بس السكن دة بيبقى راحة نفسية ،،فى ناس بتحب الهدوء وفى ناس ليها ف الدوشة وكل منطقة فيها وفيها وبعدين تعالى هنا هو انتى لية محسسانى انى ساكن فى حارة
حنين : هههههههه مش قصدى والله بس بفهم بس
اياد : لالا احنا هنعجبك اوى على فكرة بس متستعجليش وهنوريكى رجالة عين شمس هههههههه
حنين : هههههههه ماشى اتفقنا
اياد.: اهم واقفين هناك
حنين : اة شوفتهم
اياد.: اوصلك ولا عايزة تمشى مع اصحابك
حنين : لالا توصلنى أية مينفعش خالص
اياد : لييية يعنى
حنين : امشى ازاى معاك وافرض حد شافنى
اياد : ههههه يا جبانة
حنين : هههه دة مش جبن دة رعب هههههههه
اياد : ماشى بس خدى الاول الملازم دى وذاكريها كويس وانا هجيلك كل امتحان عشان اطمن عليكى ولو احتاجتى حاجة رقمى معاكى ابقي كلمينى ..ماشى كدة
حنين : ماشى
اياد بنظرة لامعة .: يالا هسيبك دلوقتى بس اوعى تنسى اللى حصل النهاردة عشان هيفضل اليوم دة ذكرى طول حياتنا
حنين : انسى أية بسس انت متعرفش حاجة
اياد : كان نفسى اعرف بس الامتحانات جاية ف وقت عكسى خالص
حنين بنفس عميق : للاسف
اياد باشتياق : هتوحشينى
حنين بكسوف : وانت كمان
اياد غمز لحنين وسابها ومشى ...
داليا : اااااايييية
حنين : يخربيتك خضتينى
بوسى : الف سلامة عليكى من الخضة ودة اسمة أية بقي
حنين باحراج : هو أية
داليا : بس شاطرة تقوليلنا مش عاوزة اسمع حاجة عنة وعايزيين نذاكر ومحدش يبص علية و..و..و.. وبعدين استفرض بيكى وانتى صدقتية بعد كل دة
حنين : قاللى بحبك
البنات : 😳😳😳🙄
حنين : والله قالها وكانت احلى كلمة سمعتها واحلى يوم واجمل لحظة و..
بوسى : استنى استنى انتى بتضحكى علينا مش كدة
حنين : وانا هكذب لية عليكوا
داليا : وبعدين بقي هنذاكر ولا هننم علية هههههههه
بوسى : لالا احنا نعرف التفاصيل
حنين : طب يالا نمشى وهقولكوا كل حاجة واحنا ماشين
داليا : زمانة مش طايقنا
حنين : بالعكس هههههههه
بوسى : لالا يالا نمشى مش قادرة اصبر
حنين : يالا بينا
🥰🥰🥰🥰🥰🥰🥰
حنين قالت للبنات اللى حصل بينها وبين اياد وكانوا كلهم فرحانين بس طبعا فرحتهم مش زى فرحة حنين خالص لان حنين حسيت ان كل حاجة شكلها اتغير من حواليها واحساسها بأنها مرغوبة للدرجة دى كان مفرحها اكتر واكتر ....
رجعت حنين البيت وبتحاول محدش يلاحظ عليها حاجة ...
الام : خلاص كدة اخر يوم وبعد كدة الامتحانات
حنين : اة يا ماما خلاص
الام : يالا ربنا معاكى ،، غيرى هدومك عشان تاكلى
حنين : لااا يا ماما معلش انا مش جعانة
الام : كلتى من الشارع بردو
حنين : هههه يا ماما من الجامعة
الام : يعنى الجامعة دى مش شارع ماهو كلة بيعمل اى حاجة من غير ضمير والناس بتاكل وخلاص
حنين : ماشى يا ماما خلاص خلصت واخر سنة ليا اهو ادعيلى
الام : ربنا معاكى يا بنتى انتى واللى زيك
حنين : طب انا هدخل اغير وانام شوية عشان اعرف اسهر بالليل اذاكر
الام : ادخلى
🥰🥰🥰🥰🥰🥰🥰
حنين اترمت على سريرها وهى بتفتكر كل كلمة وكل نظرة اياد عاملها معاها وبقيت ماسكة المخدة ف حضنها وهى فرحانة جدا وبقيت بتفكر ازاى هتكلمة من البيت والجو كلة امتحانات وكلة قاعد بيذاكر وفضلت تفكر لحد لما راحت فى النوم
😴😴😴😴😴😴😴
فى بيت اياد
....................
اياد كان بيروح شغلة اللى تبع السياحة وكان بيرجع بالليل حوالى الساعة واحدة وطبيعى مكنش حد بيبقي صاحى غير إخواتة الولاد أسر و اسلام ....
اياد : أية لسة صاحى
اسلام : لسة داخل قبلك عالطول
اياد : مافيش حد يعملنا حاجة ناكلها ولا أية
اسلام : لا كلة نابم لو جعان اقوم اعملك اى حاجة بسرعة
اياد.: لالا مش للدرجادى انت كلت
اسلام : كلت ساندويتشات ف الشغل وقافلين معايا
اياد.: وانا كمان
اسلام 🙄: هههه اومال بتسأل عالاكل لية
اياد : هههههههه مش عارف اهى رخامة وخلاص
اسلام : دانت رايق النهاردة
اياد.: باين عليا
اسلام : نعممم هو فى أية
اياد.: أية يا عم انت مش قابل تهريج خالص كدة
اسلام : انت شارب حاجة
اياد : بسس لابوك يسمعك يعملنا حوار وانا مزاجى كويس
اسلام : طب فى أية ؟
اياد : بعدين بعدين انا هدخل انام
اسلام : لالا وحياة اهلك ما انا سايبك انت فيك أية
اياد : طب تعالى جوة عايز اغير هدومى واحكيلك
اسلام : هااا احكى خلصنى
اياد: اخوك وقع
اسلام : 😳😳 وقعت فين
اياد : ف الجامعة
اسلام : ازاى دة حصل
اياد : والله ما انا عارف
اسلام : طب حصلك حاجة
اياد : اااااة حصلى
اسلام : أية اللى حصل
اياد : عمال افكر ف الوقعة من ساعة ما حصلت ومش قادر أخرجها من دماغى
اسلام : ليييية فى حاجة بتوجعك
اياد.: اااة
اسلام : أية اللى بيوجعك
اياد بنظرة وابتسامة : قلبى
اسلام : نعمم يا اخويا قلبك ودة وقعت علية ازاى بقي
اياد : ههههه مستغرب لية
اسلام : استنى استنى وقعت وقلبك اللى وجعك ااااااااة دانا غبى صحيح
اياد : هههههههههههه فهمت يا ناصح اخيرا
اسلام : هههههههه دة ازاى دة
اياد : دة حوار طويل
اسلام : وانا بردو مستغرب هو مالة وقع وبيتوجع ومبسوط كدة لية هههههههه انا قولت انت شارب حاجة
اياد : مبلاش كلامك دة متودناش فى داهية
اسلام : طب احكى احكى هههههههه
اياد : هنتريق مش هتكلم
اسلام : اخوك الفالح شكلة جة هو كمان اهو ..
أسر : السلام عليكم ..لسة صاحيين
اياد : عليكم السلام
اسلام : مالك يا بنى
أسر : انا جعااان انتوا كالتوا
الشباب : هههههههههههه اة
أسر : مالكم في أية
اسلام : خلص بس وتعالى نشوف اخوك هيقول أية
اياد : مش هقول حاجة ناموا
أسر : أية دة فى حوار عند الكبير ولا أية
اسلام : اااة وحوار عجب
أسر : مش واكل احكى يالا
اياد : ماشى بس مش عاوز تشريدة ف العيلة عشان عمامكوا ميعملوش وش ليا من دلوقتى
اسلام : متقلقش يالا قول
اياد : طب حد يقوم يعمل شاى الاول
اسلام : 😬😬 حاضر وانجز
🥰🥰🥰🥰🥰🥰🥰
اياد : فى يوم كنت قاعد زى عادتى ف الجامعة وماسك الجورنال ومش شايف ولا مركز مع حد خالص ومرة واحدة لقيت صوت واحدة بتقوللى ممكن الجورنال وطبعا نزلت الجورنال ولقيت قدامى حاجة كدة حلوة وهى مستمرة فى كلامها وانا مبعملش حاجة اكتر من انى مركز معاها وف شكلها ولما لقيتها بتسألنى عن كاتب معين حسيت انى معجب بيها بس معرفش لية ،،كل اللى حسيتة انى اتشديت ليها بدون اى مقدمات واكتشفت بعد كدة انها شخصية عنيدة وتاعبة كل اللى حواليها ومعندهاش ثقة فى اى شاب وواخدة خلفية عنهم ان اى حد يقول كلمة حلوة ليها يبقي بيلعب وعايز يتسلى ومن هنا قولت انا هلاعبها على أساس النقطة دى وطبعا كان الحوار تقيل عليا انى اعترف بانشغالى بيها وكنت خايف أن اللى جوايا يكون اعجاب وبس وخفت اقرب اكتر من كدة عشان متفهمش غلط ..بس لقيت نفسى كل لما اروح الجامعة بدور عليها ولو مش موجودة ببقي مش عاوز اقعد فى الجامعة وامشى ولما بتكون موجودة عينى مراقباها على طول ..
أسر : هاااا وبعدين
اياد : فى يوم شكيت انها بتبادلنى نفس الشعور فوقفت مع بنت تانية لقيتها خدت أصحابها ومشيت بتجاهل من جمبى فشكيت ساعتها بردو وادايقت بس من حظى قامت خناقة فى الجامعة
اسلام : هى يعنى
اياد : لالا خناقة شباب على بنت وهى بالصدفة كانت واقفة مع أصحابها وجة شاب من الخناقة وهو بيتخانق زقها من غير قصد بس زقها جامد وطبعا هى اتنرفزت وكلمة فى كلمة هو استفزها راحت ماسكة كوباية الشاى أو نسكافية تقريبا من ايد صاحبتها وحدفتها فى وشة
اسلام : يا لهوى طبعا فرمها
اياد : كان فعلا هيعمل كدة بس الواد رامز جرى وانا وراة ورحت شديتها من ايديها بسرعة
اسلام : انت اصلا كنت متابعها
اياد : مافيش مسافة كبيرة بينا وبين الخناقة انا كنت نازل من عالسلم وهى بتتكلم مع الواد اللى فى الخناقة بس اول لما رمت الكوباية ف وشة جريت وخدتها
أسر : طب الواد عمل أية
اياد : مافيش قعدت اتكلمت معاة وسكتة وحذرتة لو قربلها وانا مش موجود وسمع الكلام وسكت
اسلام : وهى بقي عملت أية
اياد : المشكلة انها مكنتش خايفة خالص وسابت كل اللى حصل واتخنقت معايا عشان شدتها من ايديها
اسلام : هههههههه دى لسعة يا عم
اياد : هههههههه اة بس لذيذة وشخصية متحسش معاها بالملل ابدا
أسر : كلهم كدة فى الاول وبعد كدة بيتحولوا
اياد : معتقدش هى شخصية مشاكسة جدا
اسلام : وبعدين كمل النهار هيطلع علينا
اياد : مافيش كنت حاسس انها مسئولة منى واللى ساعد اكتر أن رامى ورامز خدوا بالهم ورامى كلمنى وقاللى كلام ميشجعش انى اقرب منها عشان بتحرج اى حد يكلمها بس انا طبعا قولتلة هعمل حسابى ومش هسيب نفسي اوصل للمرحلة دى
اسلام : وبعدين يا عم
اياد : النهاردة البنت دى انفجرت ف العياط وطلبت منى ابعد عنها وحسيت وهى بتعيط أن فى حاجة جوايا بتتحرك ناحيتها بقوة ومقدرتش استحمل الكلام اللى بتقولة ومحستش بنفسى غير وانا بعترفلها
اسلام : اهلاااا
اياد : كأن فى حجر على قلبى وشيلتة ولقيتها بقيت شخصية تانية وف عينى مافيش احلى منها ومحستش لا بوقت ولا باى حد حوالينا خالص
أسر : ههههه مبروك يا كبير
اياد : هههه الله يبارك فيك بس المهم مش عاوز ابوكوا وامكوا يعرفوا حاجة دلوقتى
اخواتة : متقلقش
اياد : هى ممكن تتصل على تليفون البيت فخدوا بالكوا بس لانى اعتقد انها لو لقيت حد غيرى بيرد معتقدش هتتكلم فابقوا الحقوها..
اسلام : هههه ماشى يا عم
😍😍😍😍😍😍😍😍😍😍
لااااايك وكومنت 😍 عشان نعرف أية اللى حصل فى أول مكالمة مع حنين فى بيت اياد بعد اعترافة بحبة ليها...
تحياتى حنين الماضى 🤗
