البارت (٣٧) حدوتة حنين
.....................................
حنين زاد الحزن عليها ومحدش عرف يخليها تخرج منة ولا اخواتها ومامتها ولا أصحابها ..
يوسف : ااازيك يا حنون
حنين : الحمدلله ازيك انت
يوسف : كدة تخلينى اسيب راحة البال وارجع
حنين : يا بختك براحة البال
يوسف : وانتى بالك مش مرتاح لية
حنين : يعنى محدش قالك
يوسف : قالولى بس عاوز اسمع منك
حنين : جاى تكمل عليا
يوسف : اكيد لاة
حنين : بلاش يا يوسف ونبى وسيبنى فى حالى
يوسف : ماهو حالك دة هو حالنا كلنا
حنين : لالالا محدش يشغل دماغة بيا
يوسف : مين اياد اللى عاملة فى نفسك كدة عشانة
حنين : 😭 يوسف ونبى بلاش كلام
يوسف : انتى استحالة حد يعرف يضحك عليكى عشان كدة نفسى اشوف اياد دة اللى يخليكى مصممة علية كدة..
حنين : مالوش لازمه مش هيفيد بحاجة
يوسف : قصدك عشان بابا
حنين : انت شايف غير كدة
يوسف : انا اصلا قولت اتكلم معاكى وبعدين اروح لبابا عشان مينفعش يفضل سايب البيت كدة وبعدين لا بيرد على ماما ولا على سما
حنين : عارفة
يوسف : قوليلى كنتى بتكلمية فعلا
حنين : اقولك على حاجه
يوسف : قولى
حنين : انا حاسة أن الموضوع كل ما بيطلع للنور بيبقى اوحش من لما كان فى الضلمة ،طلعت أن الضلمة احلى واريح 😭
يوسف : يعنى اية
حنين : يعنى لما محدش فيكوا كان عارف انا كنت مبسوطة بحياتى اكتر لكن بعد ما عرفتوا انا بقيت اتعس واحدة فى الدنيا وعشان كدة يا ريتنى كنت فضلت عايشة فى الضلمة
يوسف : غلط الكلام اللى بتقولية دة بس انا مش هقف معاكى عالكلمة عشان حاسس بيكى
حنين : انت فين يا يوسف عشان تحس بيا ؟
يوسف : هو انتى شايفة يعنى بابا كان نافع التعامل معاة ماهو كل حاجة امر وانا مبحبش كدة وليا دماغى وهو على طول معترض على اى حاجة انا بعملها وعشان كدة عايز ابنى مستقبلى من غير توتر
حنين : عشان انت ولد.سابك ومقدرش يعمل معاك حاجة لكن أنا ضغط عليا جامد
يوسف : هو اكيد بيتكلم وفاكر أن دى مصلحتك
حنين : انا قولتلة اطلب منة اللى انت عاوزة بس هو مش راضى اصلا ورافض ..
يوسف : طب دة بابا طب يا ترى عرفتى اياد بقي رد فعلة أية بعد ما عرف أنة مرفوض
حنين : لاة انا مبكلمش حد عشان اعرف بس متوقعة أنة مش ساكت ومش عارف يوصلى
يوسف : انا شاب اهو وفى بنت عاوزها بس ابوها رافض وهى قطعت اى طريق عليا تفتكرى هعمل أية يعنى ؟
حنين : معرفش
يوسف : خلاص هكمل حياتى وضميرى مرتاح عشان انا حاولت ومشيت بالأصول وهما رفضوا فخلاااص
حنين : قصدك أنة عايش حياتة طبيعى مش كدة
يوسف : لو مش فى الاول هيبقى بعد الموضوع ما يهدأ بس اهم حاجة انتى فى الفترة اللى فاتت متبقيش عملتى حاجة تفضلى تندمى عليها طول عمرك ومهما حاولتى تمسحيها مش هتتمسح .
حنين : انت فاكرنى هبلة كدة
يوسف : بصراحة اللى انتى فية دة يخلى اى حد.يقول اى حاجة
حنين : عيب كدة يا يوسف لما تقول لاختك كدة
يوسف : انا بحاول اخليكى تتكلمى عشان اعرف لية عاملة فى نفسك كدة ؟
حنين : لعلمك اياد دة اكتر واحد حافظ عليا
اياد : حافظ عليكى ؟
الام : اخيرا بتتكلمى
سما : بسببك ماليش نفس لأى حاجة وبذاكر غصب عنى
يوسف : انتوا أية اللى جابكوا دلوقتى
الام : يعنى احنا اللى عاملين مشكلة يا يوسف ؟
سما : يا حنين احنا كلنا حاسين بيكى وموجوعين ومعاكى فى نفس اللى بيحصلك
يوسف : شوفتى كلنا اتجمعنا على حسك ،، يالا كملى كلامك ومحدش يقاطعها عشان انا عايز اعرف اشمعنا اياد دة مختلف عن اى حد اتقدملك ؟
حنين : بص اياد دة تربية غيرنا خالص وبيبان فى تصرفات كانت بتظهر لما كنت بشوفة فى الجامعة
يوسف : اكلمتوا اكيد مع بعض ودة خلاكى تتعرفى علية اكتر مش كدة ؟
حنين : اة وكان بيخاف عليا من حاجات احنا هنا شايفينها عادى
يوسف : ازاى
حنين : يعنى أن أبين شعرى دة عندهم عيب أن البس ضيق دة عيب وميصحش أو بلوزة خفيفة شوية تبين التوب ميصحش وفرض عليا اغير الحجاب وملبسش ضيق ومحطش ميك اب اوڤر وحاجات كتير كنت بحس أنة مسئول عنى فيها
يوسف : بصى يمكن عشان احنا وسط الناس اللى حوالينا كانوا كدة وقرايبنا كلهم كدة فكانت النشأة كلها كدة وانا كواحد من الشباب لو اخترت بنت بشعرها هيبقى عادى ولبسها لكن هغيير عليها وهضايق لو كلمت حد تانى أو حد سلم عليها أو اى حاجة شبة كدة لكن من ناحية الشعر واللبس مش هبقى مضايق اوى لان كل اللى حواليا كدة وكبرت وهما كدة فبقى طبيعى عندى لدرجة أن لما حد من اصحابى اللى زى اياد بيشوف بنت مثلا بشعرها ولا لبسها حتى لو شكلها وحش بيبص عليها وكأنها حاجة شاذة فى المجتمع لكن أنا عكسة تماما مهما تعدى بنات بشعرهم أو لابسين حتى شورت ولا يفرق عندى لانة عادى بالنسبالى فانا عايز اقولك أن كل واحد على حسب البيئة اللى طلع فيها وهو شايف أن دة عيب وميصحش فعايز يطبقة على البنت اللى هيرتبط بيها وحد تانى تبقى مراتة محجبة ودة حصل قدامى عايزها تلبس وتحط ميك اب وتعمل اى حاجة فى نفسها عشان يتمنظر بيها قدام أهلة عالاقل،،، فكل واحد لية شخصيتة على حسب بيئتة لكن لو جينا اتكلمنا الكلام الصح فعلا واللى المفروض نعمل بية هو كلام ربنا اللى ماشيين علية وهو أن فى حاجات حلال وفى حاجات حرام فعلا بس نرجع ونقول احنا بنى ادميين وطبيعى نغلط وبندعى ربنا يهدينا ..
حنين : يوسف؛؛؛ اياد مش كدة وبعدين انت عايز تقول أية؟
يوسف : عايز اقولك بعيد عن الدين أن اياد لو قالك غطى شعرك فدة عشان نظرتة على حسب تربيتة
حنين : بس تربيتة صح
اياد.: مش بالمظاهر يا حنين يعنى لما تيجى تحكمى علية ابعدى عن الحاجات الشكلية أو المظاهر وكلمينى فى حاجات فعلية عملها معاكى
حنين : عايزنى اقولك انة كان مهتم بامتحاناتى وكان هو اللى بيجبلى الملازم وانة ساعات كان بيمشى ورايا وانا راجعة البيت عشان يطمن انى وصلت ولو كل دة كدب أية اللى يخلية يجى يتقدم لبابا ويبقى جد كدة
يوسف : يعنى بنت جميلة ومن عيلة ومستواها كويس جدا من طبقة راقية وشيك يعنى اى حد يحب يرتبط بيها..
حنين : لعلمك اياد مش كدة ومهما حاولت اشرح محدش هيفهمنى
يوسف : طيب خلينا معاكى للآخر هو دلوقتى عرف أن بابا مش موافق صح ؟
حنين : هو اكيد فهم كدة
يوسف : تفتكرى هيصمد ولا هيزهق ويمشى
حنين : معرفش
يوسف : المفروض تبقى عارفة اكتر مننا
حنين : انا بقول مش هيبطل وهيحاول بس مش عارفة هو دة تمنى ولا رجاء ولا ثقة مش عارفة ومشاعرى متلغبطة
يوسف : طب قوموا يالا البسوا وخلينا نروح لبابا كلنا،، من حقة يعرف اننا منقدرش نستغنى عنة عشان اى حد وعشان مينفعش يسيب البيت لان هو اكتر واحد عاوز مصلحتنا يا حنين واكبر دليل أن باسم لما جة يتقدم هو مرضيش يوافق علية غير لما تقعدى معاة وتشوفية الاول ولما رفضتى سابك براحتك ..لو فهمتى بابا صح هتعرفى هو بيحبنا اد أية وهو لعلمكوا مشى من البيت عشان مش مستحمل يشوف حنين عاملة كدة فى نفسها وزى ما بتقولوا حنين انفعلت علية فى الكلام فحس أن كل اللى عملة راح بسبب واحد هو ميعرفهوش وان كدة ممكن بنتة تبيعة عشان خاطر الشخص دة
حنين : 😳 اييية دة انا والله مش كدة خالص
يوسف : انا بقولك بابا فهم كدة ويالا نقوم ونروح
الام : خد اخواتك وروح انا مش رايحة معلش يا يوسف انا موقفى مختلف
يوسف : عارف يا ماما بس عشان خاطرنا كلنا تعالى معانا والبسوا اخر شياكة عشان نخرج لما نجيبة ونتعشا برة
حنين : انا عايزة اخرج فعلا واشم هوا بس ماليش نفس للاكل
سما : وانا كمان زيها يا يوسف عايزة اشم هوا وماليش نفس للاكل
يوسف : طب يالا بس ونشوف موضوع الاكل دة والله الواحد عايز ملاهى ويتنطط زى العيال هههههههه
كلهم : هههههههه
👍🏻👍🏻👍🏻👍🏻👍🏻👍🏻👍🏻
يوسف خد اخواتة ومامتة وراحوا شقتهم التانية وكان باباهم قاعد فيها ..
يوسف : بصوا اى كان رد الفعل نستحمل اتفقنا ؟
كلهم : خلاص اتفقنا
يوسف للأمن : اللواء الشاذلى موجود فوق
الامن : اة اتفضل يا بشمهندس
يوسف : متشكر
يوسف بيرن جرس الباب
🚪🚪🚪🚪🚪🚪🚪
الشاذلى : ...........
يوسف : ازيك يا بابا
الشاذلى : لسة فاكرين ؟
الام : احنا قولنا الامور تهدأ وانت تهدأ كمان عشان مش قابل كلام من حد
الشاذلى : كملوا حياتكوا من غيرى مدام انا اللى بذلكوا وادعوا عليا عشان ربنا ياخدنى وترتاحوا
كلهم : بعد الشر عليك يا بابا
يوسف : انت بتقول كدة عشان عارف اننا منقدرش بالرغم انك بتصعبها علينا بس يالا بقى هنعديها
كلهم : هههههههه
الشاذلى : أية يا ست حنين يعنى كلام يوسف جة على مزاجك وانا كأنى عدوك
حنين : انا آسفة يا بابا انا كنت متعصبة عليك ودى قلة ادب منى وخلاص يا بابا انت عندى اهم من اى حاجة
الشاذلى : يعنى صرفتى نظر عن اللى اسمة اياد دة ؟
حنين وهى كاتمة الدموع : ااة يا بابا حضرتك كنت صح هو زمانة دلوقتى عايش حياتة وقال كل شئ قسمة ونصيب
الشاذلى : رجعتى لعقلك يعنى ؟؟
حنين هزت راسها وزورها واجعها من كتر العياط اللى جواها
الشاذلى : يعنى باسم لو اتقدم هتوافقى علية ؟
حنين : مش هينفع باسم دلوقتى يا بابا عشان قولتلك أن داليا صاحبتى مشدودة لية وهو كمان لكن لو فى حد تانى حضرتك شايفة مناسب انا موافقة
سما : 😭😭
الشاذلى : مالها البنت دى
الام : مالك يا سما
سما : بابا لو سمحت انا عمرى ما هاجى اقولك انى عايزة اتجوز حد بس وحياتى عندك تخلينى اكمل فى الدراسة لحد الاخر ومش عاوزة اتجوز خالص من ناحية اى حد
الشاذلى : هتعنسى يعنى
سما : هبقى دكتورة وأستاذة جامعة وافضل اكبر فى اسم سما الشاذلى هيبقى احسن الف مرة من انى اتجوز وابقى ست عادية من غير طموح ..
الشاذلى : ولا عشان انا مجبلكيش حد
سما : عشان كل حاجة حصلت وهتحصل انا مش هقدر أمر بنفس تجربة حنين ابدااا ابداااا
حنين : مالكيش دعوة بيا انتى اكيد هتبقى احسن منى
الام : 😭😭
الشاذلى : انتى كمان هو فى أية ؟
يوسف : مالك يا ماما ؟
الام : احنا قاعدين نتكلم بس انا حاسة أن بنتى قلبها موجوع من جوة واحنا السبب ومش قادرة اعملها حاجة ومش عاوزة لما اموت تدعى عليا وتقول ربنا يسامحك يا ماما عشان موقفتيش جنبى وانا مش عارفة اللى بيحصل دة صح ولا غلط بس عالاقل لو كان غلط مش هيجى يوم وتدعى عليا فية عشان انتى اللى اخترتى واحنا حاولنا ننصحك
حنين : 😭😭 خلاص كفاية عشان خاطرى مش قادرة استحمل كلام كدة تانى وعمرى ما هدعى عليكوا عمرى ما هعمل كدة ويمكن اكون انا غلط ..
يوسف : خلاص كفاية كلام فى الموضوع دة بقى وانت يا بابا لازم ترجع معانا كفاية اوى كدة ومينفعش البيت يمشى من غيرك
الشاذلى : لية ناقصكوا حاجة ،،انا سايب فلوس بزيادة ولو خلصت هبعت تانى
حنين : حرااام عليك يا بابا مش كل حاجه فلوس يا بابا لو مافيش فلوس واحنا قاعدين مع بعض ومبسوطين هيبقى احسن واهو معانا فلوس كتير واى حاجة عاوزين نجيبها هنجيبها بس مش مبسوطين والهم راكبنا
الام : صح يا حبيبتى الفلوس مهمة عشان تجمعنا مش تفرقنا
الشاذلى : خلاص يعنى بقيت انا غلط وكلكوا مع بعض ضدى
يوسف : احنا ناقصين من غيرك
الشاذلى : لية يا سى يوسف ما انت سايب البيت وقاعد عند قرايبك
يوسف : رجعت من فترة يا بابا خلاص ومش همشى تانى وهبقى معاك فى اللى انت عاوزة
الشاذلى : دانا المفروض اشكرة بقى ؟
كلهم : هو مين ؟.
الشاذلى : اللى اسمة اياد دة
حنين : لية يا بابا تانى كدة 😢
الشاذلى : اخوكى رجع وانتوا جيتولى واموكوا بالرغم انى كنت واثق انها عمرها لا هتتصل ولا هتيجى ولا حد هيدور عليا اصلا
سما : لية يا بابا بتقول كدة احنا بنحبك والله العظيم بنزعل اة بس بنحبك
الام : ولادك ولاد حلال مش حرام وطبيعى يحنوا لابوهم مهما حصل
الشاذلى : وانتى بقي ؟
الام : وانا أية ؟
الشاذلى : جيتى عشانى ولا عشان ولادك ؟
الام : انا جيت عشان مينفعش متبقاش موجود وسطنا احنا متجمعين وعايشين على حسك وانا لوحدى معرفش اعمل حاجة من غيرك
يوسف : يا سلام يا سلام عالشاذلى وآمال واحلى كلام
كلهم : هههههههه
يوسف : واهى حنين ضحكت اهى كمان
الشاذلى : استنوا اعمل تليفون وننزل نقعد فى اى مكان مفتوح
الام : سيبك من الشغل شوية وخليك معانا
يوسف : اكيد شغل مهم يا ماما مش مشكلة خلاص
📱📱📱📱📱📱📱
الشاذلى بصوت غليظ : الو
....: الو يا سيادة اللواء انا مع حضرتك
الشاذلى : اياد اسماعيل معايا
اياد بلهفة : اة اة مع حضرتك
الشاذلى: ينفع تعدى عليا بكرة الساعة ٨ ولو اتأخرت همشى
اياد : الساعة ٧ هكون قدام حضرتك
الشاذلى : انا بقول ٨ وعالعموم مافيش مشكلة ٧ سبعة ماشى
اياد : حاااضر ومتشكر
🙄🙄🙄🙄🙄🙄🙄
حنين بدقات قلب سريعة : بابااا باباااا
يوسف : أية يا بابا دة فهمنا ؟
الشاذلى : من ساعة لما جالى اول مرة وهو مبطلش اتصالات وتقريبا كل يومين يجى الشركة ومهما عملت فية وسيبتة قاعد بالساعات بيفضل قاعد ومنتظر وبردوا مكنتش بقابلة ولا بشوفة وكنت ببعت مع السكرتير يقولة يمشى وهو يمشى ويرجع يتصل ومزهقش وعرفت انك مش بتكلمية واثبتيلى كدة دلوقتى ..لأنك لو كنتى عرفتى اللى حصل معاة كان هيبقى رد فعلك مختلف وعشان كدة عجبنى أنة مصمم عليكى وعايزك ومبيحاولش يحبط وقولت خلاص اقعد معاة بكرة ونتكلم سوا ونشوف الكلام هيودينا فين ..
حنين بفرحة : عن جد يا بابا ههههه انا مش مصدقة ههه
الام : ههههه ربنا كبير ويهدى الحال وقت ما بيريد
سما : ههههه خلاص يا بابا انا غيرت رأيى وممكن اتجوز عادى هو انا يعنى هعيش بالشهادات لاة طبعا ولادى احسن ههه
كلهم : هههههههه
يوسف : ثوانى ثوانى يعنى انا سيبت كل حاجة ورجعت وبقالى فترة مش بفكر في حاجة غير فى اللى حصل وف الاخر خلاص كدة
حنين : يعنى انت كنت عاوز يفضل الحال زى ما هو تمن رجوعك !!!
يوسف : لا خلاص خليها عليا
الام : يالا يالا ننزل الواحد عايز هوا ونتعشا أكلة حلوة عشان حنين تاكل ووشها كدة ينور تانى عشان اياد لما يجى يلاقيكى حلوة ولا أية؟
حنين باحراج : ههههه حاضر يا ماما انا فعلا جعانة اوى
الشاذلى : انا هقوم البس دانتوا هم
كلهم : هههههههه
سما : مبروك يا حنون مبروك
حنين : مش قادرة اسيطر على فرحتى يا ماما انا كنت يئست خلاص وفقدت الامل
الام : شوفتى كرم ربنا ،،سبحان الله
يوسف : اخوكى لية الحلاوة بقى هههههههه
الام : اة يا حبيبى انت فعلا السبب اننا نيجى وشوف ابوك كان بيفكر ازاى واحنا مش فى دماغنا
يوسف : طب قومى يا امال ادخلى شوفية وصالحية كدة
حنين : هههههههه اة ونبى يا ماما
سما : هههههههه
الام : بس يا عيال عيب كدة انا هشوفة بس عشان لو عايز اكويلة حاجة ..
البنات : ماشى يا ماما
😍😍😍😍😍😍😍
لااااايك وكومنت لمتابعة حدوتة حنين
عشان نعرف اياد قال أية الشاذلى لما قابلة واتفقوا على أية ؟؟
تحياتى حنين الماضى 🤗
