البارت (٣٩) حدوتة حنين
.....................................
حنين قعدت استنيت اياد لما يرجع البيت عشان يكلمها وهى مش مصدقة انة خلاص هيبقى خطيبها ..
الام : يالا ننزل زمان بابا جاى
سما : طب اذاكر انا ولا افكر فى الفستان وتسريحة شعرى
الام : ههههه خلصى بس وبعد كدة ننزل نشوف براحتنا
حنين : انزلوا وانا شوية وجاية
الام : هتقعدى لوحدك لية تانى
سما : اصل العريس يا ماما هيكلمها تانى 😬
حنين : العريس ههههه
الام : وانتى العروسة وهتبقى زى القمر يا حنين وربنا يحميكى من العين يا بنتى يارب
حنين : متخافيش يا ماما انا اتنكد عليا بما فية الكفاية واعتقد العين خدت حقها وزيادة
الام : يالا معلش والحمدلله
سما : يالا يا ماما ننزل انا عندى مذاكرة
الام : يالا يا بنتى ومتتأخريش يا حنين عشان تاكلى
حنين : حاضر يا ماما
😍😍😍😍😍😍😍
حنين شغلت نانسى عجرم اخاصمك اة وقعدت تسمعة لحد ما اياد اتصل بيها
📱📱📱📱📱📱📱
حنين : الو
اياد.: .... وحشنى صوتك
حنين : وانت كمان وحشتنى اوى
اياد : بس قلبك جامد وعرفتى تضربينى
حنين : متزعلش منى انا كنت مدمرة ومكنش ينفع اتكلم معاك عشانك وعشانى
اياد : تتفهم ازاى دى ؟
حنين : لو كنت كلمتك كنت هتأثر اكتر وهضغط عليك اكتر وانت مكنش فى ايدك حاجة تعملها ولا انا يا اياد لان يومها اتخنقت مع بابا جامد وكنت محطمة بمعنى الكلمة وبابا يومها لأول مرة ساب البيت ومشى ومكنش بيرد على اخواتى والبيت كلة كانت نفسيتة وحشة جداا
اياد : لية كل دة هو انا عملت أية وبعدين هو كان بيكلمنى بهدوء وعادى ومحستش منة أنة اضايق من كلامى خالص
حنين : هو دة بابا وانا قولتلك قبل كدة وانت مصدقتش !!
اياد : عرفت انك كنتى قاعدة قدامة امبارح لما كان بيكلمنى
حنين : اة ومكنتش مصدقة أنة بيكلمك وقاللى انك كنت مصمم تكلمة وبالرغم أنة احرجك اكتر من مرة لما روحتلة الشركة
اياد : انا كنت عايز افهم وبعدين مكنش ينفع اسيبك ولا اخليكى تتخطبى لحد تانى عارفة لية ؟
حنين بدلع : لية بقى ؟
اياد بشوق : عشان قلبى معاكى وعندك وانتى اول واحدة يعرف معاها طعم احلى لمسة وبوسة
حنين بكسوف : يعنى لو كنت لمست واحدة قبلى كنت هتصمم عليها عشان لمستها
اياد : مش لو كان جالى نفس المسها من الاساس
حنين : نفس !!
اياد.: انا معرفش اقرب من واحدة إلا وانا قلبى متعلق بيها عشان احسها مش مسألة شهوة وخلاص ،،انا مش كدة يا حنين واكبر دليل انى لمستك وكنت ممكن اقرب من اى واحدة تانية لما بعدتى عنى وارضى شهوتى باى شكل بس انا مش كدة وانا عاهدتك انك تكونى مراتى
حنين : انت ارجل واحد شوفتة فى حياتى
اياد : حبيبى وحشنى شكلك وصوتك وعصبيتك ودلعك وكل حاجة فيكى
حنين : وانا كمان هتجنن واشوفك
اياد : طب قوليلهم وتعالى نتقابل اشوفك
حنين : اقول لمين انت بتهرج اكيد
اياد : يعنى صعب أفضل كدة لحد الخطوبة
حنين : وانا كمان بس هتكسف اقول كدة
اياد : طيب عالاقل ننزل نجيب الدبل وكدة
حنين : لما بابا يقول أنا مقدرش اقولة كدة يا اياد
اياد.: طب اى حاجة وانزلى
حنين : طيب هشوف بابا لما يجى هيقول أية وهقولهم انا هنزل مع اصحابى عشان اتفرج على المحلات وكدة عشان لو استنيت لحد الامتحانات ما تخلص مش هيبقى فية وقت
اياد : انا مش هعرف اتكلم فى اى خطوبة لحد لما اشوفك انا مدمر من جوايا ولحد دلوقتى مش مصدق انك رجعتيلى
حنين : وحشتنى
اياد : وانتى كمان يا حبيبى
حنين : حد عندك عرف
اياد : هههه حنيييين انتى متخيلة واحد كان تاية وكل اللى يشوفة يقولة مالك ولما عرفوا بقوا يقولولى طب نكلم ابوها احنا وانا اقولهم لاة مش دلوقتى لما اقعد معاة وافهم منة فى أية وبعدها بقوا نفسهم اتجوزك باى شكل عشان شكلى صعبت عليهم
حنين : خايفة يكونى كرهونى
اياد : مش للدرجادى بس طبعا فى منهم قال اهى جت من عند ربنا عشان قريبتك اللى عملت حسابها انك جوزها
حنين : نعمممم
اياد : ههههه تخيلى
حنين : طب متزعلهمش وروح اتجوزها
اياد.: لو وافقتى هتجوزها
حنين : يعنى لو انا وافقت انت هتوافق
اياد : اى حاجة انتى موافقة عليها انا هوافق وانا مغمض
حنين : خلاص ماشى اتجوزها وانا موافقة
اياد.: خلاص وانا هعمل زى ما بتقولى وعشان كمان محدش يزعل
حنين : خلاص ماشى باى
اياد : هو أية اللى باى استنى لسة
حنين : لسة اية؟
اياد : يعنى انتى بنت زيها وكنت عاوز اعرف منك حاجة؟
حنين : اتفضل
اياد.: اصل انا ملمستهاش ولا مرة ولا حاولت أشوفها بس انا قربت منك وكنت بحب اشوفك وكنت عايز اعرف منك لما بضمك لحضنى زى يوم النتيجة كنتى مبسوطة وحاسة بيا ولا لاة ؟
حنين : جرب معاها وهى تقولك
اياد : طب لما شفايفى لمستك فى الشركة غصب عنك وانتى مسكتى فيا كنتى عايزانى ولا لاة ؟
حنين : عاوز منى أية
اياد : عاوز افهمك أن فى مواقف بينى وبينك كانت بتقتلنى وانتى بعيد عنى ومش عارف اعمل حاجة عشان اوصلك وان انا عمرى ما حبيت ولا هحب حد تانى غيرك ولا قلبى يقدر يقرب من واحدة غيرك
حنين : انت غلس على فكرة عشان كنت صدقتك وقولت انت بتاخد حقك مننا
اياد : انا لسة ليا حق عندك كبييييير بس مش دلوقتى
حنين : هتعمل ايه يعنى ؟
اياد : بعدين بعدين
حنين : متقدرش على فكرة
اياد.: ههههه مقدرش أية
حنين : متقدرش تعاقبنى
اياد : ومين قالك أنة عقاب
حنين : اومال أية
اياد.: هتعرفى لما اشوفك
حنين : خلاص اتفقنا .. لما اعرف هنزل امتى هقولك
اياد : تمام هستناكى واخرك معايا بكرة يعنى بعد بكرة تبقى معايا فاهمة
حنين : اياد براحة مش كدة انا مش بروح الشغل ومش بنزل يعنى لما اقول مرة واحدة انى نازلة هتبقى مفهومة اوى
اياد : شوفى ظروفك واتصرفى
حنين : حاضر
اياد.: بابا جة
حنين : اة العربية واقفة
اياد.: طيب شوفى بقى هيقولك أية وبلغينى
حنين : حاضر
اياد.: تصبحى على خير يا عروسة
حنين : ههههه وانت من أهلة يا عريس
😍😍😍😍😍😍😍
نزلت حنين لقت باباها ومامتها ناموا وسما هى اللى صاحية ...
سما : كل دة يا حنين
حنين : فى حاجة ولا اية
سما : لاة بس بابا سأل عليكى وانا اضطريت اقولة بتتكلمى مع اصحابك عشان تنزلى تشوفى حاجتك وسبحان الله تقولى خدت عالكدب ههه البركة فيكى طبعا
حنين : ههههه طب قال أية لما قولتيلة كدة
سما : سابلك فلوس وقال خليها تنزل بكرة لو عايزة عشان تشوف حاجتها براحتها
حنين بفرحة : قولى والله
سما : اة والله
حنين : خلاص هنزل بكرة اخيرااا
سما : هو انتى هتجيبى فستانك منين
حنين : هلف لسة واشوف كذا اتيلية
سما : هتشترى جاهز يعنى
حنين : انتى أية رأيك
سما : لاة انا مش هعمل كدة انا هجيب مجلات الموضة واختار ستايل منها وأودية عند اتيلية (........) وهى تعملهولى يعنى هختار من كل فستان حاجة واجمعة فى فستان واحد
حنين : هشوف معاكى طبعا بس هنزل اخد خلفية بردوا
سما : خلاص ماشى وتيجى نكلم انچى ونخليها تجيبلنا الشوزات والاكسسوارات من عندها هناك عالاقل محدش يبقى لابس زينا واكيد الحاجات دى معمولة بمزاج فى فرنسا وانا بثق فى ذوقها كمان
حنين : والله فكرة حلوة بس نكلمها لما نختار لون الفساتين
سما : بس نقولها بدرى عشان تلحق تشوف وكمان عشان تنزلنا عالخطوبة
حنين : انا بردوا مش عاوزة اكون اوڤر فى الفستان عشان اياد ميزعلش منى ومش عاوزة احرجة قدام أهلة
سما : يعنى اية دة بقى
حنين : يعنى انا هسيب شعرى وهقنع اياد بكدة لكن هحاول اجيب فستان شيك بس مش مفتوح وانتى كمان يا سما بلاش ونبى فستان قصير
سما : لالا انتى حرة فى نفسك لكن انا بقى والبنات براحتنا
حنين : مش انا فهمتك نظام اهلة
سما : هما حرين هو انا هقولهم يلبسوا أية بس احنا كمان براحتنا
حنين : اعملى اللى انتى عوزاة براحتك
سما : وانتى كمان البسى براحتك دة هى مرة فى العمر
حنين : لما اشوف اياد هيقول أية ..
سما : هتنزلى بكرة
حنين : اة ان شاء الله
سما : ماشى
😍😍😍😍😍😍😍
حنين بعتت مسدچ لاياد" انا اقدر انزل بكرة "
اياد." حلو اوي الساعة كام"
حنين " قول انت "
اياد " يعنى الصبح ولا اخر النهار "
حنين " بعد العصر ينفع "
اياد." الساعة ٥ كويس "
حنين " كويس بس فين "
اياد." قدام محطة المعادى هجيلك "
حنين " خلاص اتفقنا "
اياد " كلمينى وانتى نازلة "
حنين " حاضر "
😍😍😍😍😍😍😍
حنين لأول مرة من ساعة لما اتعرفت على اياد تنام نوووم وهى قلبها ارتاح خلاص لان اهلها عرفوا ووافقوا على حبيبها وكانت سعيدة بكل لحظة بتعدى عليها وكأن حياتها اتغيرت مرة واحدة للاحلى ....
صحيت حنين وجهزت لبسها وقلبها بيدق من الفرحة انها هتشوف حبيبها ونزلت ورنت على اياد انها نزلت وبعدها اياد رد نفس الرنة ....
حنين وصلت عند المحطة ..
اياد.: حبيبى ازيك
حنين : الحمدلله ازيك انت
اياد : تعالى عشان راكن ورا
حنين : انا خايفة حد يشوفنى كنا اتقابلنا بعيد شوية
اياد : متخافيش انا معاكى ومتقلقيش وخليكى واثقة فيا
حنين : حاضر
🚘🚘🚘🚘🚘🚘🚘
اياد : اتفضلى
حنين : ميرسى
اياد بنظرة قوية: مش هتكلم دلوقتى
حنين : طب امشى ونبى
اياد : حاضر
حنين : هنروح فين
اياد : المقطم
حنين : لية المقطم انا بخاف منة
اياد.: عشان وانتى بعيد عنى كنت باجى المكان دة وكنت بتمنى اشوفك تانى عشان اجيبك فية واقولك كنت بتكلم معاكى واقولك أية
حنين : ههههه خلاص ماشى
اياد : أية الشياكة دى
حنين : بالعكس انت احلى منى
اياد : اناااا ههههه ولا اجى حاجة جنبك
حنين: بالعكس انت قمر يا اياد ولما ببقى ماشية جنبك ببقى نفسى ائنجچ فيك واتعلق فى دراعك عشان اقول لكل الناس دة حبيبى انا
اياد.: تقوليهم أية عشان مسمعتش ؟
حنين : هههههههه حبيبى انا وبسسس
اياد : طب اعمل فيكى أية دلوقتى ؟
حنين : اضربنى عشان زعلتك منى
اياد : مقدرش اضربك لكن هعاقبك عقاب مش هتقدرى تستحملية
حنين : انت بتخوفنى كدة
اياد : خايفة منى ؟
حنين : اة كدة هخاف
اياد.: طب خلاص انا بهزر معاكى
حنين: احنا قربنا نوصل
اياد.: اة عشر دقائق
حنين : مش هنتأخر اوكية
اياد.: متخافيش مش هأخرك
حنين : يااااااااة مش مصدقة مهما حصل
اياد : تخيلى انك كلها شهر وتبقى خطيبتى وبعدها بكام شهر تبقى مراتى
حنين : الله حلوة اوى خطيبتى ومراتى دى
اياد.: وصلنا
حنين : وصلنا فين
اياد.: المقطم
حنين : ايوة فين المكان
اياد.: ههههه هو دة
حنين : دة مكان فاضى
اياد.: ههههه اة انا جبتك مكان فاضى عشان اعاقبك
حنين : اياد بلاش تهريج انا خايفة
اياد : حبيبى الكافية هناك اهو بس مينفعش ادخل بالعربية لحد.جوة بصى كدة هناك ؟
حنين : اة معلش مخدتش بالى.. طب هننزل
اياد: لاة شوية
حنين : مالك يا اياد حاسة انك متغير
اياد : كويس انك حسيتى بيا
حنين : انت لسة زعلان منى
اياد.: قلبى هو اللى زعلان من كتر ما حلم بيكى ومكنش عارف يشوفك
حنين : وانا كمان كنت بحلم بيك وانا صاحية
اياد بنظرة شقاوة : قمرر
حنين بكسوف : اياد انا بتكسف لما بتبصلى كدة
اياد : هههه طب خلاص هلف وشى اهو
حنين مدت ايديها وبتعدل وش اياد وف لحظة اياد قرب منها وباسها بقوة وحضنها جامد اوي
اياد : وحشتينى وحشتينى وكان نفسى اضمك ليا بأى شكل ..قلبى كان هيتجنن عليكى
حنين : .............
اياد باس حنين من عنيها ومن خدها وشفايفها وراسها وضمها لية بقوة وهى كمان كانت مشتاقة لية جدا
حنين : اياد كفاية انا خايفة
اياد : متخافيش انا معاكى
حنين : للدرجادى كنت وحشاك
اياد : لو كنتى مراتى كنت هعرفك انتى وحشانى ازاى
حنين : ازاى
اياد.: ههه بقيتى شقية وبتحبى الشقاوة
حنين : خلاص مدام مش بتعرف تعبر متبقاش تقول
اياد : مش بعرف اعبر عن اية؟
حنين : انت بتقولى لو كنتى مراتى كنت قولتلك انتى وحشانى ازاى صح ؟
اياد : اة
حنين : طيب وانا قولتلك ازاى وانت هربت من الإجابة عشان مش عارف
اياد.: هههههههه حلوة مش عارف دى وعالعموم هو استفزاز لذيذ وممكن اجاوبك بس هتستحملى ولا لاة
حنين : دة كلام عادى
اياد : هو كلام بس مش عادى
حنين : يعنى اية
اياد.: هقولك يعنى اية... يعنى لو مراتى ووحشانى كدة تفتكرى هكتفى بحضن وبوسة ؟؟!!!
حنين : معرفش
اياد.: يعنى لو دخلت من باب الشقة ولقيت القمر دة قاعد ومتشيك كدة ومستنينى هل انا هبقى عادى كدة من جوايا ،،اكيد لاة لان اكيد هشيلك بسرعة وادخلك على اوضتنا و...
حنين : خلاص خلاص انا تراجعت انا قولت استفزك واقاومك بس مش هقدر اسمعك هههههههه
اياد : وبعد ما انزلك من على دراعى هنيمك عالسرير و..
حنين : حبيبى خلاص انت اللى كسبت
اياد: ههههه لالا هكملك عشان اثبتلك أن انا بعرف ولا لاة
حنين : هههههههه خلاص معلش اعتبرنى عيلة وغلطت
اياد : هههههههه طب يالا ننزل
حنين : الم اعصابى بس وانزل
اياد وهو بيغمز لحنين : اعصابك سابت من كلامى ولا من حضنى
حنين : كل حاجة هاااا مبسوط يا رخم
اياد : بحبك
حنين : وانا كمان
😍😍😍😍😍😍😍
خلصت خروجة حنين واياد وكانوا مستنيين الشاذلى يحدد يوم الخطوبة بالضبط ونظام الحفلة ازاى ...
عدا الشهر واتصل اياد بالشاذلى عشان الخطوبة ...
📱📱📱📱📱📱📱
الشاذلى : الو
اياد : ازاى حضرتك
الشاذلى : الحمدلله
اياد : كنت بكلم حضرتك عشان الخطوبة وطلبات حضرتك
الشاذلى : احنا مش هنختلف على حاجة ولا انت شايف أية ؟
اياد : اة طبعا اللى حضرتك عاوزة
الشاذلى : ترتيبات الخطوبة عندى كلها
اياد : ازاى
الشاذلى : يعنى هى خطوبة عائلية فى البيت عندى بمعنى أن الاسرتين يتعرفوا على بعض وفى الفرح نبقى نعزم اللى احنا عاوزينة
اياد : بس انا مش هينفع اجيب ابويا وامى بس... لازم عمامى كمان وانا شرحت لحضرتك الوضع عندنا
الشاذلى : خلاص مافيش مشكلة الريسبيشن عندى كبير
اياد.: انا بتكلم عشان البهدلة لو ينفع احجز قاعة برة تكفينا
الشاذلى : لالا الخطوبة هتبقى فى البيت وحاجة بسيطة كدة واى حاجة تانية نأجلها للفرح
اياد : خلاص اللى حضرتك شايفة انا تحت امرك
الشاذلى : يوم ٧/١٠ كويس
اياد.: اة كويس جدا
الشاذلى : خلاص فى انتظاركوا الساعة ٧
اياد : طب الدبل وكدة كنت عاوز حنين تيجى معايا عشان تنقى دبلتها
الشاذلى : دى هدية منك ليها ومعتقدش هى هتعترض على ذوقك
اياد : عشان المقاس عالاقل ؟
الشاذلى : هخليها تكلمك وتقولك المقاس وفى الشبكة تبقى تنزل معاك وتاخد مامتها واخواتها معاها..
اياد : اللى حضرتك شايفة زى ما تحب والف شكر
الشاذلى: الف مبروك مع السلامة
😍😍😍😍😍😍😍
حنين طول فترة الشهر كانت اختارت فستان من مجلة وكانت مراعية فية اياد واهلة عشان ميزعلش منها وكلمتة تبلغة ..
📱🤔🤔📱🤔📱📱
اياد : عروستى الحلوة عاملة أية؟
حنين : الحمدلله كلمت بابا ؟
اياد.: اة كلمتة ورتبت كل حاجة معاة بس قوليلى فى حاجة ولا اية؟
حنين : انا خلاص عملت الفستان
اياد : مبروووك بس زى ما اتفقنا ولا أية
حنين : بص انا راعيت كلامك بس انا هبقى بشعرى
اياد : لية يا حنين
حنين : عشان خاطرى انا مش متخيلة البس فستان خطوبتى وابقى محجبة والبنات قرايبى واصحابى هيبقوا عاملين فى نفسهم البدع
اياد.: مش انا فاهمتك اللى فيها ؟
حنين : عشان خاطرى وحياتى عندك
اياد.: خلاص ماشى بس المهم الفستان مش مفتوح ولا عريان
حنين : على فكرة هو حد قالك أن جسمى شكلة وحش عشان كدة عاوزنى البس مقفول
اياد.: حنيييين الفستان عريان ؟
حنين : عادى يعنى
اياد : انتى حرة هقولك قومى غيرية والبسى بلوزة وبنطلون مش هتفرق عندى
حنين : أية الرخامة دى
اياد : محدش يشوفك غيرى يعنى مبقاش قاعد جنبك وعمامى بيتفرجوا هما واخواتى انا مش عاوز كدة لو سمحتى
حنين : هيعجبك الفستان وانا عمرى ما هعمل كدة
اياد : لونة أية
حنين : اخضر غامق
اياد : جديد اللون دة
حنين : شوفتة فى مجلة وعجبنى ورحت عملتة والمفروض هستلمة بكرة
اياد.: مبروك عليكى
حنين : الله يبارك فيك
اياد.: انا كلمت بابا وقاللى .............
حنين : مش مشكلة خلاص مدام اتفقتوا
اياد : مش زعلانة
حنين : لااا خالص بالعكس
اياد : طيب ابعتى مقاسك عشان انزل اشوف الدبل والخواتم
حنين : حاضر
اياد : مبروووك
حنين : الله يبارك فيك يا حبيبى
اياد.: هسيبك دلوقتى عشان اشوف ورايا ١٠٠ حاجة
حنين : خلاص ماشى باى
اياد : مع السلامة
😍😍😍😍😍😍😍
لااااايك وكومنت لمتابعة حدوتة حنين
عشان نعيش حفلة خطوبة حنين واياد
تحياتى حنين الماضى 🤗
