حدوتة حنين

البارت الثانى والعشرين

البارت (٢٢) حدوتة حنين
....................................
حنين بعد ما كلمت اياد قامت تجهز طقم تلبسة وف نفس الوقت تراعى كلام اياد معاها ..
حنين : أية رأيك يا سما البس طقم كلاسيك احسن
سما : ههههه البسى خيمة
حنين : بطلى رخامة انا بتكلم بجد
سما : طب طلعى كدة ونختار ف الآخر احسنهم
حنين : بصى دة ولا دة ولا دة
سما : اعتقد الاسود احلاهم
حنين : انا كمان بقول البس البنطلون الاسود بس الكلاسيك وعلية الشيميز الاوف وايت واحط البروش بتاعة على الجاكيت من برة عشان يبان أنة طقم مع بعضة ...
سما : بس البنطلون دة واسع من الرجل شوية
حنين : كدة احسن وبصراحة حاسة أن اياد ممكن يجى عند الشركة عشان يشوفنى سمعت كلامة ولا لاة
سما : اة بس البلوزة ضيقة وفيها لامعة وبعدين الكشكشة اللى بين الزراير هتخليها ملفتة اكتر
حنين : هلبس الجاكيت القصير الاسود عليها وهلبس الشوز الاوف وايت والشنطة اللى هندا جابتهالى
سما : ممم حلو اوي طب والحجاب بقي
حنين : مش عارفة اعملة ازاى بس هتصرف
سما : اقولك على فكرة
حنين : قولى
سما : البسى اتنين مع بعض انا بشوفهم بيعملوا كدة وبعدين اعملى وردة من الجنب
حنين : اعمل وردة ،،اية الفرح دة
سما : والله شكلها حلو ،،استنى هوريكى صورة اخت سارة صاحبتى كانت عملاها وكان شكلها حلو اوي
حنين : ممم حلوة بس هعملها ازاى مش هعرف
سما : اتصل اسألها
حنين : لالا أية دة هنشرد لنفسنا يا عبيطة ..
سما : طب انا غلطانة
حنين : أية رأيك لو لبست واحدة ولفتها عادى والتانية عليها بس رجعتها على ورا ولفتها على شعرى كأنها منها فيها
سما : جربيها واقولك رايي
حنين : ماشى ...اهو
سما : حلوة يا حنين
الام : بتعملوا أية
حنين : بجرب لفة جديدة للحجاب
الام : حلوة اوى دى
سما : انا كمان قولتلها كدة
الام : هتلبسى أية
حنين : الطقم اللى على السرير
الام : ماشى حلو وحطى ميكب هادى كدة ..
حنين : مش لازم يا ماما انا اصلا وشى اتبهدل من الميك اب..
الام : يعنى كل يوم تقفى قدام المرايا ساعة تحطى وبكرة افتكرتى أنة بيبهدل وشك
حنين : خلاص يا ماما هحط خفيف
الام : ما دة اللى بقولة وتبقى مركزة كدة فى اللى يتقالك
وكلمى بابا بعد ما تخلصى
حنين : حاضر دة ولا كأنى هقدم فى المدرسة لسة
الام : احنا غلطانين
حنين : يا ماما مش قصدى
الام : طب يالا نامى عشان تعرفى تصحى الصبح
حنين : حاضر
😴😴😴😴😴😴😴
صحيت حنين ولبست الطقم وجت الساعة ١٠ ونزلت ركبت عربية الشركة وكانت مستغربة هو معقولة واحدة لسة رايحة تقدم ورقها يبعتولها عربية ولا دى مصالح بين باباها وبين صاحب الشركة وفضلت حنين طول الطريق وهى بتفكر فى اياد وطلعت الموبايل وبعتت مسدچ " حبيبى صباح الخير .. انا فى طريقى للشغل وجاتلى عربية الشركة ولما اخلص هكلمك "
بعد خمس دقائق " صباح النور يا حبيبي .. عملتى اللى قولتلك علية ؟ "
حنين بابتسامة ردت عليه " اة يا سى السيد "
اياد " مافيش فايدة بردوا قلقان "
حنين " متقلقش عليا "
اياد " كلمينى لما تخلصى "
حنين " حاضر "
🚘🚘🚘🚘🚘🚘🚘
السواق : احنا وصلنا
حنين : ميرسى بس معلش اطلع منين
السواق : الباب جانبى
حنين : اة تمام ميرسى ليك
🙄🙄🙄🙄🙄🙄🙄
حنين نزلت وهى متوترة وقلقانة ودخلت الشركة وسألت السكيورتى ..
حنين : مكتب اللواء إبراهيم
السكيورتى : آنسة حنين
حنين : اة انا
السكيورتى : اتفضلى حضرتك ،،انا هوصلك للمكتب
حنين : تمام ميرسى جدا
حنين مشيت تتفرج على الشركة لقيتها هادية جدا ومافيش غير مزيكا هادية شغالة ولاحظت أن الشركة مش كبيرة اوى زى ما كانت متخيلة يعنى هى دورين فوق بعض ارضى بس شكلها نضيف جدا...
السكيورتى : اتفضلى هو دة المكتب
حنين : ميرسى 😊
السكرتيرة : اتفضلى حضرتك سيادة اللواء منتظرك
حنين : 😊
السكرتيرة : أستاذة حنين يا فندم
اللواء : اهلا اهلا ببنت الغالى
حنين : اهلا بحضرتك
اللواء : ماشاءالله ماشاءالله معقولة احمد. عندة جمال كدة ومخبية
حنين : ميرسى لحضرتك 😊
اللواء : تشربى أية
حنين : ولا حاجة خالص هو انا بابا قاللى اقدم الورق دة لحضرتك
اللواء : ههههه انتى مستعجلة عالشغل ودم الشباب الحامى والمتحمس
حنين : انا اول مرة اشتغل عشان لسة متخرجة
اللواء : بابا قاللى وانا قولتلة طبعا دى تنور ،،بس لعلمك انا اللى دورت وعرضت على ابوكى مش هو اللى قاللى عشان ميكسبش بونت على حسابى ههههه
حنين : أية دة يعنى حضرتك اللى طلبت انى اجى الشغل مش بابا اللى قال لحضرتك انى اتخرجت وعاوزة اشتغل
اللواء : ههههه انا ضغطت على ابوكى عشان يوافق ولما لقيتة رافض ينزلك سلط علية اقرب واحد لية عشان يقنعة وقولتلة هيبقى ليها معاملة مميزة وعربية هتوديها وتجيبها وقاللى لالا هى هتتعلم السواقة ويبقى معاها عربيتها افضل فقولتلة هبعتلها عربية لحد لما هى اللى تقرر عايزة تسوق ولا لاة
حنين : ميرسى جدا لحضرتك
اللواء : ماشاء الله عليكى ادب وجمال واخلاق دة غير أن ابوكى حبيبى
حنين : وهو كمان بيعز حضرتك
اللواء : نورتى يا بنتى
حنين : بنور حضرتك
اللواء : بصى احنا هنا فى كذا مجال للشركة بس الجزء الخاص بيكى هيكون مع المهندس باسم ابنى وهو المسئول وهعرفك علية دلوقتى عشان يفهمك شغلك وتعرفى مكانك فين ..
حنين : تمام مع حضرتك
اللواء لباسم : ايوة يا بشمهندس تعالى عندى عشان الموظفة الجديدة وصلت اهى هههه
باسم : حاضر
اللواء : بابا قاللى انك بتاخدى كورس
حنين : اة وقربت اخلصة
اللواء : شاطرة يا حنين عشان احنا هنا محتاجين دة جدا
حنين : أن شآء الله اكون عند حسن ظن حضرتك
اللواء : انا بابا هنا مش عاوز كسوف ولا خجل ولا احراج سمعانى
حنين : ههههه اكيد طبعا
باسم : السلاااام عليكم
حنين : عليكم السلام
اللواء : اتفضل يا سيدى هى دى الموظفة وشكلها كدة طموحة وعندها باور عالى
باسم : اهلا وسهلا
حنين : اهلا بيك ميرسى
باسم : اول مرة تشتغلى
اللواء : لالا روحوا بقي عندك فى المكتب واتعرفوا على بعض وعرفها الشغل بطريقتك بس خد بالك دى بنت اعز واحد عندى واوعا تزعلها
باسم : لالا ربنا ما يجيب زعل ان شاء الله... اتفضلى معايا
حنين : عن اذن حضرتك
اللواء : اتفضلى
باسم : شكلك طموحة فعلا
حنين : عرفت منين
باسم : يعنى اغلب البنات لما بيخلصوا جامعة بيبقوا عايزين يشتغلوا على طول من غير ما يحاولوا يطوروا من نفسهم واللى عرفتة انك بتاخدى كورس..
حنين : لاة انا محبتش كدة وبعدين مش بحب قعدة البيت وبحب الحركة اكتر
باسم : اتفضلى المكتب اهو
حنين : هنا ..تمام
باسم : نورتى المكتب الصغير دة
حنين : بالعكس جميل
باسم : ههههه انا بأمل اكبر فى الشركة ويبقى ليها فروع فى كل حتة
حنين : ان شاء الله
باسم : بصى بقي انا هنا مسئول عن قسم التصميمات المعمارية الخاصة بين شركتنا واى شركة عقارية بنتعاقد معاها وكمان عندنا جزء خاص بشركات الموبايل موبينيل وڤودافون لان دى اكتر حاجة ماشية دلوقتى ..
حنين : يعنى اية
باسم : بصى اعرفك بنفسى الاول عشان نسهل على بعض الموضوع
حنين : تمام 😊
باسم : انا باسم ابراهيم مهندس معمارى وعندى ٢٨ سنة وانا الولد الوحيد عند سيادة اللواء ههههه وامى ربنا يخليهالى والشركة دى مكنتش كدة بس انا بقي بعد التخرج حبيت اجدد فيها وسيادة اللواء شجعنى وساعدنى واهو لسة بفكر أطور منها ازاى
حنين : كويس جدا طب انا هعمل أية
باسم : بصى بقي انتى هتبقى مسئولة عن كل شغل مكتبى من تنظيم مواعيد للشركات اللى عايزة تتعاقد معانا وقبل كل تعاقد هنقعد سوا ونحط بنود أساسية ونعملها برينت عشان وقت الاتفاق تبقى جاهزة لما اطلب منك الورق دة
حنين : سكرتيرة يعنى ..هو بابا عارف كدة
باسم : حنين مش كدة
حنين : ممم
باسم : انتى ادايقتى لية انتى مش سكرتيرة انتى هتبقى مديرة مكتبى
حنين : اصل انا لو هبقى سكرتيرة كنت رحت اشتغلت مع بابا وهو لما يتقال سكرتيرة باباها هيبقى افضل
باسم : انتى لية واخدة الموضوع بحساسية كدة
حنين : انا بس اتفاجئت
باسم : موبايلك بيرن تقريبا
حنين : اة معلش ثوانى
🙄🙄🙄🙄
باسم : قفلتى لية ردى براحتك
حنين : لالا مش مشكلة لما اخلص
باسم : انتى هتبقى مديرة مكتبى وكنت لسة هطلب منك شباب تانى عشان يشتغلوا والمكتب اللى قدامى دة هيبقى بتاعك بس عايز اتنين أو تلاتة على ضمانتك يشتغلوا معانا وانتى هتبقى مسئولة قدامى بس يكونوا حديثى التخرج بردوا
حنين : اااة كدة فهمت
باسم : طب الحمدلله لحسن انا حسيت انى غلط ومش عارف غلط فى أية
حنين : معلش فهمت غلط
باسم : طب كدة تمام
حنين : هههه اة تمام
باسم : ردى عادى واضح أن اللى بيتصل مصمم
حنين باحراج : لالا انا هقفل الموبايل خالص اصل اصحابى بيطمنوا عليا
باسم : تمام لو شايفاهم اد المسئولية وتضمنيهم خلاص يجوا بكرة واعملهم انترڤيو 
حنين : 😊😊 خلاص حاضر هكلمهم واعرض عليهم
باسم : تحبى تبتدى من امتى
حنين : وقت ما تحب
باسم : هسيبك النهاردة ومن بكرة نبتدى ونقعد سوا وافهمك الدنيا ماشية ازاى
حنين : خلاص تمام
باسم : اتمنى ميكونش فى سوء تفاهم
حنين : لالا خالص حصل خير واستأذن وبكرة ان شاء الله هكون موجودة
باسم : مستعجلة لية كدة
حنين : عشان اطمنهم فى البيت
باسم : مافيش مشكلة ودة مكانك اكيد وف انتظارك بكرة الساعة ٩ والعربية هتوصلك البيت دلوقتى وهتبقى عندك الصبح
حنين : ميرسى جدا عن اذنك
باسم : مع السلامة
🤔🤔🤔🤔🤔🤔
حنين خرجت بسرعة لأن اياد كان عمال يتصل بيها واكيد هيزعل انها قفلت الموبايل وكانت خايفة يتخانق ويزعل معاها ..
🤗🤗🤗🤗🤗🤗🤗🤗🤗
لااااايك وكومنت لمتابعة حدوتة حنين
عشان نعرف أية اللى حصل بين اياد وحنين لما كلمتة ....