البارت ( ٣٣) حدوتة حنين
.....................................
حنين رجعت البيت وهى طايرة من الفرح وحسيت ان خلاص طالما اياد معاها هى كدة مش محتاجة حاجة تانى ...
سما : أية يا بنتى سبحان مغير الاحوال مالك
حنين : فى أية مافيش حاجه
سما : هو اياد بيكلمك طبعا
حنين : اممم
سما : ههههه وآية الانشكاح دة
حنين : انتى رخمة على فكرة
سما : ههههه طب خلاص متزعليش بس انا عايزاكى تخلى اياد يجى يتقدم يا حنين عشان مش حلو أن انتوا تفضلوا كدة وانا كمان بينى وبين نفسى مش مبسوطة أن فى واحد بيكلمك ومتوقعة طبعا نوع الكلام اللى بينكوا وهو لا خطيبك ولا انتى متجوزاة ومتزعليش منى بس انا خايفة عليكى
حنين 😟: طب وبابا
سما : يعنى هتفضلى كدة ،،يا حنين عالاقل يتقدم وتعرفى راسك من رجليكى بدل ما تقعدى تتعشمى كدة
حنين : ماهو انا بقي خايفة اعرف لحسن الاقى نفسى مجبرة انى مشوفش اياد تانى
سما : حاولوا يا حنين حاولوا والله هيبقى احسن عالاقل بينكوا وبين نفسكوا تاخدوا خطوة جد وتبقوا مقتنعين انكم صادقين مع بعض
حنين : هعمل كدة لما اكلمة
سما : وحاولى تقللى من مكالماتك معاة عشان هو يتحرك باى خطوة لو عايزك فعلا
حنين : خلاااااص يا سما بقي خلاااص
سما : متزعليش منى عشان خاطرى انا عارفة أن كلامى وجعك وزعلك بس والله عشان خايفة عليكى
حنين : خلاص ماشى
😟😟😟😟😟😟😟
حنين قعدت مبتعملش حاجة غير بتفكر فى كلام سما من ناحية و اشتياقها لاياد من ناحية تانية ...
قربت الساعة ٩ وحنين منتظرة اياد يبعت مسدچ يقولها هيتقابلوا فين ...
وفعلا الساعة ٩ بالضبط جت مسدچ" حبيبى انا هستناكى على اول الشارع بتاع الشركة و....
حنين : اوووف المسدچ مش كاملة لية و... كان هيقول أية
وشوية وجت مسدچ التكملة
" و عملتلك ال انتى عوزاة "
حنين بفرحة " حبيبي كنت بحسبك نسيت كنت هزعل "
اياد " انا مبعملش حاجة من الصبح غير بفكر فيكى "
حنين " بحبااااااك "
اياد " بحبك وبعشقك "
حنين " للاسف مش هعرف اتكلم"
اياد " خلاص اشوفك الصبح "
حنين " اوك يا قلبى باااى "
اياد " مع السلامة "
🥰🥰🥰🥰🥰🥰🥰
حنين قلبها دق من الفرحة بس كانت فرحة جواها خوف وقلق وكانت بتحاول تبعد الخوف شوية عشان تفرح باللحظة اللى هى فيها..
حنين كانت عمالة تفكر تلبس أية عشان تكون حلوة فى نظر اياد وجابت الدولاب كلة عالارض عشان تختار وفى الاخر اختارت طقم كاچوال عبارة عن بنطلون چينز وعلية شيميز كارو ابيض فى بينك وعلية چاكيت چينز نفس لون البنطلون ازرق وعلية حجاب بينك بس حنين اقترحت حاجة فى الحجاب وهى جابت بندانا كانت طالعة ساعتها عاملة زى الكروس من قدام ولبستها تحت الحجاب وفى النص حطت دبوس برأس زى النجمة صغيرة دخلتها فى البندانة وعدلت الدبوس عشان ميشكهاش فى دماغها بس الشكل كان جديد وخصوصا أن النجمة اللى فى الدبوس كانت فصوص وعاملة نور حلو ...
نامت حنين وقامت لبست وحطت ميك اب كامل وغرقت نفسها برفيوم وخدت كريم والبرفيوم والروچ وحطت بونبونى كتير وشيكولاتة فى شنطتها ومناديل ...
نزلت حنين ركبت العربية بتاعة الشركة وبقيت عمالة تفكر تكلم اياد فى الوقت دة ولا لاة وهى خايفة انة تروح نومة علية وميجيش ومن كتر حنين ماهى خايفة بقيت تفكر فى حاجات تزود قلقها اكتر وفجأة جت مسدچ من اياد " حبيبى صباح الخير، احنا على معادنا "
حنين بفرحة " حبيبى صباح النور ، اتفقنا "
😊😊😊😊😊😊😊
وصلت حنين الشركة
............................ .
داليا : واوووو أية الجمال ده
بوسى : قمر يا حنين
حنين : يعنى شكلى حلو عن جد وهعجب اياد
داليا : دة كفاية برفيوم بس
بوسى : والطقم والميك اب جمال اوى
حنين : ماشى ربنا يخليكوا ليا ،،،لو تعرفوا قلبى مش راضى يبطل دق هههههههه مش راضى يهدأ ووجعنى من كتر الدق شكلة فرحان اوى ههههه
داليا : يااااااة يا حنين بقالنا كتير مشوفنكيش وانتى كدة
حنين : اياد هو السبب في دة
بوسى : ربنا يكتبكوا لبعض عشان هضرب بيكوا المثل في الحب واحط اسمكوا جنب روميو و جولييت وقيس وليلى ، عنتر وعبلة
داليا : هههههههه ونقول اخيرا حنين واياد بس الحديث
حنين : هههههههه المهم هدخل بقي اقول لباسم عشان استأذن كمان شوية
داليا : لالا مافيش نزول قبل الفطار اللى عملتة دة يتاكل
حنين : حبيبتى يا دودو بس والله حاسة انى شبعانة وعالاخرى مش هقدر
داليا : هزعل منك
بوسى : ههههه هاكل انا نصيبها ومتزعليش
حنين : بقولك يا دودو هو باسم فطر ولا لسة ؟
داليا : لسة ما انا قاعدة معاكوا من ساعة ما جيت
حنين : ياااخبر زمانة افتكر انك نستية
داليا : 😳 لا والله منستش بس خدنى الكلام معاكى
حنين : طب ادخلى اديلة الفطار بتاعة لحسن يفهم غلط ولا حاجة
داليا : خلاص ماشى
🏃♀🏃♀🏃♀🏃♀🏃♀🏃♀
بوسى : هههه أية يا حنين ؟
حنين : يا بنتى بطلى تركزى معايا
بوسى : واتسلى ازاى بقي هههههههه
حنين : يارب يجى بفايدة
بوسى : هيجى ان شاء الله مدام خير
داليا بفرحة : اديتة
حنين : ههههه طب كويس اومال مالك
داليا : اصل بيقولى ريحتة تجنن واضح كدة انى لو اتعودت على اكلك انتى كدة هتدبسى كل يوم
بوسى : لا والله هههههههه
حنين : ههههه هو اكلك اصلا اى حد بيغرق فية
داليا : والله فرحنى لما قالى كدة
حنين : بس هو مش بيحاملك يا دودو عشان دى حقيقة فعلا
داليا : هنشوف هياكلة كلة ولا لاة
حنين : هدخل استأذنة ولا اقولك اكلمة فى تليفون المكتب احسن ؟
داليا : لالا ادخلى عشان تقوليلى بياكل ولا ركنة على جنب
بوسى : هههههههه كل واحدة بتدور على اللى يخصها الا انا سايباة حر طليق
البنات : هههههههه
حنين : خلاص هدخل مافيش وقت
🏃♀🏃♀🏃♀🏃♀🏃♀🏃♀🏃♀
حنين : صباح الخير
باسم : صباح النور ،،اووو أية الشياكة دى
حنين : ميرسى يا بشمهندس بس بفكرك انى نازلة
باسم : معقولة الشياكة دى عشان تشترى حاجات
حنين : 🙄🙄
باسم : طيب اتفضلى ..قوليلى حد عارف فالبيت انك هتجيبى حاجات
حنين : لاة عشان عادى يعنى
باسم : ممم ماشى خلاص انا كنت بعرف عشان معملش مشكلة لو حد سأل للظروف وابقى من وقت للتانى كلمى البنات طمنيهم عليكى
حنين : انا متشكرة جدا جدا عن اذنك
باسم : اخيراااا لقيت وشك مبتسم هههههههه
حنين : هههههههه عن اذنك
🏃♀🏃♀🏃♀🏃♀🏃♀🏃♀🏃♀
حنين : انا شاكة أنة فاهم حاجه
داليا : 😳 بتتكلمى جد
حنين : اممم طريقتة واحد فاهم اوووى
بوسى : وهتعملى أية
حنين : بعدين افكر المهم دلوقتى انزل عشان اياد عمال يرن عليا
البنات : ماشى يا عم سلام
🏃♀🏃♀🏃♀🏃♀🏃♀🏃♀🏃♀
حنين نزلت وهى قلبها بيسبقها قبل رجليها عشان تشوف اياد وتسلم علية وفعلا اول لما لمحتة مكنتش مصدقة أنة واقف قدامها وهو فى كامل اناقتة ووسامتة ...
اياد باشتياق : وحشتينى
حنين بفرحة : وانت كمان
اياد.: عايز أسلم عليكى ممكن
حنين مدت ايديها وهى ايديها تلج
اياد مسك ايد حنين وضغط عليها جامد وحنين كان قلبها ضرباتة عاملة حفلة جواها
اياد : يالا بينا
حنين : على فين
اياد : على مكان محدش يضايقك فية وتحسى فية أن انا وانتى لوحدنا
حنين بقلق : فين دة ؟
اياد.: تعالى معايا وانتى تعرفى بس تعالى اركبى العربية هى كلها نص ساعة بالكتير لو الطريق سالك
حنين : عربيتك مش كدة ؟
اياد.: اة
حنين : حلوة
اياد.: هتبقى احلى لما تنوريها
حنين عجبها اياد وهو ذوق فى تعاملة معاها وفكرة أنة يفتحلها الباب ويستنى لما تقعد وبعدين يقفلة كانت مخلياة فى نظرها انيق جدا حتى فى معاملتة معاها من راجل لبنت ...
اياد : أية الجمال دة
حنين : 😊😊 وانت كمان شيك جدا
اياد : سقعانة
حنين : شوية.. معلش ايدى كانت متلجة صح هههه
اياد : هاتى كدة اشوف
حنين : لالا ساقعة انا حاسة بيها
اياد : هاتى هدفيها
حنين : براحة عليا انا لحد دلوقتى مش مصدقة انى جمبك
اياد : انا منمتش من امبارح انتى متخيلة ؟ عشان مش مصدق انى هشوفك اخيراا
حنين : انا قلبى عامل حفلة جوايا وعازم دقاتة كلها مرة واحدة
اياد : انا حاسسس بية وسامعة عشان دقات قلبى معزومة عندك وجواكى
حنين : مش قادرة اسيطر على دقات قلبي فعلا وبدأ يوجعنى
اياد : طب أهدى أهدى
اياد بسرعة جدا قرب من خد حنين وباسها بوسة واحدة وقالها : كنتى واحشانى اوى
حنين : انت كمان
اياد : فاكرة اخر مرة لما شوفتك فى المكتب عندك
حنين : مش عارفة انساها
اياد : من اليوم دة اتمنيت انى اتجوزك النهاردة قبل بكرة مكنتش عارف انى لما اقربلك كدة هحس بكل المشاعر دى ..
حنين : انا ......
اياد : احساسك كان واصلى وكنت حاسس بضربات قلبك لانة كان قريب منى جدا ولمسة ايدك وكأنها بتقولى وحشتنى
حنين باحراج : انا عالرغم من حبى للموقف لكن بتحرج منة
اياد : بكرة افكرك بالكلمة دى
حنين : امتى يا اياد امتى ؟
اياد.: هنقعد دلوقتى ونتكلم
حنين: احنا وصلنا
اياد : اة تعالى
🚤🚤🚤🚤🚤🚤🚤
اياد.: أية يا لورد اتأخرت عليك
الولد : لا يا باشا براحتك
اياد : كلة تمام
الولد.: اة يا باشا اتفضل
اياد : يالا تعالى هاتى ايدك
حنين : أية دة
اياد.: تعالى متخافيش
حنين : فهمنى الاول
اياد.: انتى خايفة منى يا حنين ولا أية؟
حنين : لاة بس اعرف
اياد.: انا قولت لما نمشى وسط النيل وتسمعى مزيكا وتاكلى وتشربى ونتكلم براحتنا فى مكان زى دة اكيد اعصابك هتبقى مرتاحة اكتر
حنين : هو حلو اوي بس احنا لوحدنا كدة فى المركب دى
اياد.: حنين مش انتى طلبتى منى كدة !!
حنين : ايوة بس انا خايفة بصراحة
اياد.: حنين انا معاكى متخافيش هو مش هيقعد معانا اصلا ولا هنشوفة ولا خايفة منى
حنين : معرفش بس متوترة
اياد.: دانا حجزتة مخصوص عشانك وعشان ميجبش حد معانا وتبقى براحتك
حنين : ممم
اياد : لو قلقانة منى خلاص مافيش مشكلة تعالى نقعد فى اى مكان تانى
حنين : انت زعلت
اياد.: لالا انا اتفاجئت بس ،، معقولة خايفة منى انا !!
حنين : خلاص يالا وانا عارفة انها مجازفة
اياد : تعالى يا حنين خلاص مش لازم
حنين : خلاص بقي يالا
اياد : انا كنت فاكرك هتتبسطى
حنين : معرفش لية اتوترت
اياد : وحياة امى واختى لهحطتك جوة عنيا وهخلى اليوم دة يفضل ذكرى عندك تفتكرى لآخر العمر
حنين : وانا واثقة فيك يالا
اياد.: هاتى ايدك
حنين : ههههه كنت خايفة اقع وانا بطلعة
اياد.: انتى تقعى فى حبى بس غير كدة انا اشيلك
حنين : ههههه اتفقنا
اياد : أية رأيك بقي
حنين : انا كنت سقعانة بس حاسة ان الجو حلو اوي
اياد.: ولسة يمشى شوية والمزيكا تشتغل
حنين : بتحبنى
اياد بنظرة قوية: هاتى كدة ايدك وحطيها على قلبى وانتى تعرفى إجابة سؤالك
حنين : نفس دقات قلبى سريعة
اياد : تتجوزينى
حنين : 🙄 يعنى اية
اياد.: سؤالى واضح موافقة تتجوزينى دلوقتى ؟
حنين : اياد بلاش تخلينى اندم انى جيت معاك
اياد.: تندمى لية ؟
حنين : يعنى اية سؤالك
اياد.: موافقة ولا لاة وعايز رد حالا من غير شرح اسباب
حنين : اجوزك ازاى يعنى
اياد.: يعنى مش عارفة ازاى
حنين : ايااااد بدأت اقلق فعلا
اياد : لية هو سؤالى يخوف كدة
حنين : عاوز أية
اياد : بعد ما نرجع انا هتصل بباكى واكلمة واخد ميعاد منة ومش هستنى اكتر من كدة كفااية
حنين بنفس عميق : هو انت قصدك تتجوزينى دلوقتى يعنى تكلم بابا النهاردة مش بعد كدة ؟
اياد.: اة يا حنين كفاية بقي عذاب ولو فضلنا كدة هيمشى عريس ويجى عريس
حنين بفرحة : هههههههه انا فهمت غير كدة
اياد.: فهمتى أية
حنين : خلاص خلاص
اياد.: لاة افهم وحياتى عندك
حنين باحراج : اصل لما انت قولت تتجوزينى دلوقتى افتكرت انك هتعمل عملتك دلوقتى وعشان كدة خوفت منك
اياد : 😳 عاملة أية اللى اعملها هنا يخربيت دماغك ،،للدرجادى معندكيش ثقة فيا
حنين : معرفش بس انا فهمت كدة
اياد غمز لحنين: هو انا نفسى طبعا بس اكيد لا مكانة ولا وقتة بس اوعدك أنة هيحصل
حنين باحراج : ايااااد الجو برد صح
اياد : ههههه قوليلى عوزاك تاخدنى فى حضنك وتقفل عليا زى ما حصل في المكتب عشان تدفى وانا كمان احس ان رضيت قلبى
حنين : الله حلوة اوى الاغنية دى
اياد : اغانى عبد الحليم كلها تحسى انها ماشية مع كل وقت مهما كان
حنين : ياااااة لو نفضل كدة على طول من غير مشاكل ولا خناق ولا زعل
اياد : مش هتحسى بطعم الحاجة الا لو اتعذبتى عشانها
حنين : طب انا اتعذبت فكفاية عليا عشان قلبى مش هيستحمل وجع تانى يا اياد
اياد : انا عارف انى كنت السبب فى وجعة دة بس انا عاهدت نفسى قدام ربنا مش هخليكى تفتكرى الوجع دة تانى ولو افتكرتية تحبية عشان جمعنا تانى مع بعض وعرفنا أن محدش فينا يعرف يستغنى عن التانى
حنين : انا كنت عارفة ومش عايزة تانى ونبى
اياد : هههههههه دانتى واقعة فيا بقي ماهو انا بردوا اعجب يعنى والبنات عينيها عليا
حنين : هههههههه ودى حقيقة فعلا
اياد : بس مهما كنت انا مش هاجى حاجة جمب جمالك
اياد ضغط على كتف حنين وضمها لية جامد وباسها من راسها ...
حنين : اجمل احساس دلوقتى وحاسة انى النفس منى بيخرج وهو مرتاح
اياد : انا مبحسش بطعم حاجة حلوة غير حضنك ونظرة عينيكى اللى بغرق فيها من جمالهم كأنهم سحر
حنين فجأة : ايااااد خلاااص انا معاك
اياد : حرام عليكى يا حنين خضتينى
حنين : هههههههه معلش مش قصدى
اياد.: حبيبى انا ضيعت كدة من الخضة دى هههههههه
حنين : هههههههه عادى بقى
اياد.: ماشى ولا يهمك ..كنتى عاوزة تقولى أية
حنين : خد رقم بابا اهو وكلمة
اياد : هاتى
حنين : .الرقم ..........
اياد: ماشى سجلتة عندى وبعد ما اوصلك هكلمة اخر النهار واقولك اللى حصل
حنين : ان شاء الله هيوافق
اياد : تعالى فى حضنى وانا اقولك
حنين : ممم قوول
اياد : ان شاء الله هيوافق وهيبقى فرحك احلى فرح وهيبقى نصيبك احلى من نصيب قرايبك وتبقى احلى عروسة فى الكوشة وتجيبى منى اولاد شبهك كدة
حنين : حلوة اجيب ولاد منك دى
اياد : محدش هيلمسك غيرى وولادك منى يا حنين فاهمة
حنين : فاهمة ههههه
اياد : ترقصى سلو
حنين : لالا اتكسف
اياد.: تتكسفى من مين هو فى حد ،،داحنا فى وسط الماية والولد جوة ولا مكسوفة منى
حنين : مكسوفة وخلاص
اياد.: طب عشان خاطرى
حنين : يوم فرحنا هرقص معاك لكن دلوقتى نوووو
اياد : وانا مش هضغط عليكى بس عالاقل تفضلى فى حضنى ممكن
حنين : انا كمان عاوزة دراعك يحاوطنى
حنين واياد.قضوا حوالى ساعتين وهما فى قمة الحب والعشق واحلى كلام يتقال قالوة ....
اياد.: للاسف وصلنا خلاص
حنين : كان وقت حلو اوي
اياد : تعالى هاتى ايدك
الولد : حمد الله على السلامة يا باشا
اياد : انا خلاص عرفتك عشان لما اجى تانى
الولد.: تنور وعنيا ليك
حنين : ههههه بتعرف تكسب الناس
اياد : الناس دى اتعاملى بمنظورهم هيدوكى عينيهم
حنين : أية بقي منظورهم دة
اياد.: بعدين اقولك خلينى فى منظورى انا النهاردة
حنين : بقولك أية تعالى نأجل كلامك مع بابا النهاردة
اياد.بزعل : وبعدين يا حنين هتفضلى كدة لحد امتى
حنين: انا خايفة
اياد : متخافيش انا عارف هعمل أية ومتوقع مهما كان الرد عارف هعمل ايه
حنين : طب نستنا شوية كمان
اياد.: يالا عشان نمشى وبعدين نتكلم
حنين فهمت أن اياد خد قرارة خلاص وأنها فى لحظة ضعف اديت اياد رقم باباها فلازم تبقى جاهزة لأى كلام خلاص ....
اياد : هترجعى عالشركة؟
حنين : اة
اياد.: مينفعش نقعد.ساعة تانى مع بعض فى العربية حتى ؟
حنين : ينفع
اياد : حنين بلاش عقلك يفكر وسيبى كل حاجة على ربنا وعليا
حنين : ربنا يستر
🥰🥰🥰🥰🥰🥰🥰
حنين واياد قضوا حوالى ٤ ساعات مش ساعتين مع بعض وحنين راحت الشركة على آخر ساعة وطبعا حكت للبنات اللى حصل وكلهم بقوا قلقانين من مكالمة اياد لباباها فى اليوم دة
🤔🤔🤔🤔🤔🤔🤔
الساعة ٨ بالليل اياد بعت مسدچ لحنين " الحمدلله خلصت وهقابلة بكرة الساعة ٧"
حنين 😳" هو عرف انت عاوزة لية "
اياد " اة ومتقلقيش خالص "
حنين " هو اتكلم عادى معاك "
اياد." ينفع اكلمك احسن "
حنين " انا هتصل بيك كمان عشر دقايق "
طلعت حنين جرى عالشقة فوق وقفلت الباب بالترباس وضلمت الشقة وكانت مرعوبة من باباها وراحت متصلة باياد تعرف تفاصيل المكالمة ....
🤔🤔🤔🤔🤔🤔🤔🤔🤔🤔
لااااايك وكومنت لمتابعة حدوتة حنين
عشان نعرف تفاصيل مقابلة اياد لوالد حنين
تحياتى حنين الماضى 🤗
