البارت ( ١٤) حدوتة حنين
......................................
قفلت حنين مع داليا وهى مدايقة من ان داليا فاهماها اوى للدرجة دى ...
وبدأت حنين تتكلم مع نفسها ( ياترى فعلا انا عنيدة حتى فى الغلط ولو انا كدة فعلا يبقى اكيد مش هتغير ولية انا شايفة اللى بعملة صح واللى قدامى بيثبتلى انى صح كمان ،، هييييييح وبعدين بقااا ويا ترى أية اخرت اللى انا فية دة وهو ممكن فعلا اتجوز اياد من غير مشاكل ،،اكيد لاة لان بابا عامل حسابة على حاجات تانية خالص ومهما فهمتة مش هيقتنع ودوامة دخلت فيها غصب عنى ومن غير ما ارتب لحاجة ،، بس انا بحبك يا اياد ومعجبة بيك جدا ومقتنعة بيك فى كل حاجة وحاسة انك هتعوضنى عن تشددات بابا ومعاملتة العسكرية معانا وانا خلاص اتخنقت وزهقت وفاض بيا ومحتاجة حد يحس بيا ويطبطب عليا ويشجعنى على اى حاجة بعملها بحب ومن غير نرفزة ولا تذمر هيييييح ياارب ياارب خليك معايا ووفقنى فى امتحاناتى عشان بابا ميمسكهاش عليا ويرفض اياد ... ياااااة يا اياد وحشتنى اوى وفى حاجة ناقصة فى حياتى من غيرك يارب تيجى المرة الجاية وتطلع بتحبنى بجد ومتقفش معايا عالوحدة ،،نفسى اسمع صوتك ،ياترى بتفكر فيا دلوقتى ولا ناوى تعاقبنى تانى ومتجيش وساعتها هتبقى كسرت قلبى وهتضيع البهجة اللى بينى وبينك ومش هعرف ارجع معاك زى ما كنت )
عدت الايام وجة ميعاد الامتحان وراحت حنين واصحابها الامتحان زى كل مرة ولكن المرة دى اتفاجئت حنين بوجود اياد ....
داليا : الحقى اياد اهو
حنين : شوفتة بس قلبى هيقف من كتر التوتر
بوسى : غريبة أية اللى جابة قبل الامتحان
حنين : انا كدة مش هعرف اركز فى حاجة خلاص
داليا : انتى بتتلكى وخلاص
بوسى : طب دة جاى علينا
داليا : يالا يا بوسى نسبق
اياد: صباح الخير
البنات : صباح النور
داليا : هنسبق نراجع شوية فى النص ساعة اللى فاضلة
اياد : ربنا معاكوا ،،وانتى روحى راجعى وبعد الامتحان نتكلم
حنين : مش هراجع
اياد بنظرة عتاب : اسمعى الكلام وانا هقف هنا لحد الامتحان ما يخلص
حنين : بقولك مش عاوزة اراجع
اياد : لييية
حنين : عشان ذاكرت خلاص
اياد : عشان كدة بس !!
حنين : قصدك أية
اياد : يعنى مش عشان تقفى معايا
حنين : انت صريح جدا
اياد : لية مكنش صريح معاكى وانتى المفروض اقرب حد ليا واكتر حد فاهمنى
حنين : انت قصدك أية
اياد : وبعدين فى العند بتاعك ودماغك دى
حنين : ولية شوفت العند ودماغى لوحدى وماشوفتش تصرفاتك
اياد : قوليلى أية اللى صدر منى وزعلك كدة
حنين : كان قصدك أية بحركة انك متجيش الامتحان اللى فات
اياد : قصدك اللى قبلة
حنين : ماشى اللى قبلة ؟
اياد : وانتى سألتى نفسك انتى كمان
حنين : سألت نفسى على أية
اياد : سألتى نفسك ازاى توعدى وتلعبى بمشاعر اللى قدامك فى وقت كان هيتجنن ويسمع صوتك ويشوفك
حنين : انت بتتكلم عن أية انا مش فاهمة حاجة
اياد : يوم ما كلمتك عالموبايل وقفلتى معايا
حنين : والله ما كان ينفع اكلمك
اياد : وانا قدرت وقفلت بس قفلت بعد ما وعدتينى انك هتكلمينى وانا استنيتك يوم واتنين وتلاتة لدرجة أنك حسستينى انى عيل صغير مبسوطة انك بتلعبى بمشاعرة
حنين : افهم من كدة انك مجيتش عشان متصلتش بيك
اياد : كنت عاوزك تجربى نفس شعورى وتعرفى بيدايق ولا لاة
حنين : برافوا
اياد : عارفة يعنى اية تبقى بتفكرى فى حد وقلبك هيموت علية وعايزة تسمعى صوتة عشان تصارحية بمشاعرك وتقوليلة انك معايا وحياتى واقفة من غيرك وتبقى جواكى كل دة وتلاقية صدك وخذلك وعشمك واستهتر بمشاعرك وطبيعى تتوجعى وتتخنقى انك كنتى واضحة معاة من غير تمثيل
حنين : أية دة انا مفهمتش كدة ولا جة ف بالى انك ممكن تكون زعلت عشان كدة
اياد : بينادوا عشان الامتحان يالا وانسى كل حاجة دلوقتى وبعد الامتحان نكمل كلامنا
حنين : هتستنانى ولا هتسيبنى وتمشى
اياد : لو انا فكرت بدماغك هنخسر بعض
حنين : لالا هفهمك
اياد : شششش بعدين يالا ادخلى فاضل خمس دقائق
حنين : ماشى ادعيلى
اياد : ربنا معاكى ،،سلام مؤقت
😊😊😊😊😊😊😊
دخلت حنين اللجنة وهى فرحانة انها شافت اياد وف نفس الوقت اضايقت من نفسها انها بحركة صغيرة كان ممكن الزعل يكبر وكان فعلا ممكن تخسر اياد لو مكبرش دماغة عن طريقة تفكيرها وأسلوبها ...
بوسى : الحمد لله
حنين : سهل جدا
المراقبة : الامتحان كويس
حنين : جدا جدا
بوسى : دة وش البرنس اياد علينا هههههههه
حنين : هههههههه شكلة كدة ،،حلى بقى وانتى ساكتة عشان عاوزة اخلص وأخرج
المراقبة : بتتكلمى لية مش بتقولى سهل
حنين: ههههه لالا دى حاجة برة الامتحان
المراقبة : طب يالا كلة يخلية فى ورقتة ويحل من غير صوت
😌😌😌😌😌😌😌
داليا : يا رامز
رامز : مش هرد عليكي
داليا : ذوق
رامز : عارف
داليا : الامتحان سهل يا بنى ادم
رامز : انا مسألتكيش
داليا : انا غلطانة انى بكلمك اصلا سخييف
رامز : ماشى
😂😂😂😂😂😂😂
حنين : انا خلصت الحمدلله
بوسى : راجعى
حنين : راجعت
بوسى : هتموتى عشان تخرجى
حنين : ههه بصراحة اة يالا باى
بوسى : بااى
حنين : انا عايزة اسلم ورقتى من فضلك
المراقبة : هاتى
😊😊😊😊😊😊😊
حنين خرجت جرى تدور بعينيها على اياد لكن مش شيفاة وبدأت تتوتر لحسن يكون مشى ،،لكن اياد كان قاعد على جنب فى حتة ضلة عشان الشمس ولمح حنين خرجت وعمالة تدور علية وطبعا لما لاقها خرجت بدرى فرح جدااا وقام راحلها
اياد : بتدورى على مين
حنين : ااااة عليك كنت خايفة تمشى
اياد : واية المشكلة لو مشيت
حنين : انت عاوز تمشى .
اياد : هو انا لو عايز امشى كنت هاجى لية من الاساس
حنين : طب انت جيت لية
اياد : ههه جيت أنهى العند اللى بينا عشان مش هيوصل لحاجة كويسة
حنين : انت شايفنى عنيدة
اياد : عنيدة وعندك هواية تعذيبى معرفش ليه
حنين : ياااخبر تعذيبك مرة واحدة
اياد : حلمت بيكى
حنين : بجد
اياد : حلمت بيكى وانا صاحى وحسيت انك قدامى فعلا وهمسكك بايدى
حنين : وانت صاحى ازاى بقى
اياد : حسيتك قريبة منى ولقيتنى بفكر فيكى
حنين : انا كل ما اتخيل أن فاضل امتحان وخلاص افرح وف نفس الوقت ازعل عشان مش هعرف اشوفك
اياد : بابا نظامة أية
حنين : يعنى اية
اياد : يعنى طبيعى خلصتى يبقى طبيعى ترتبطى
حنين : انت حلمت بيا ازاى
اياد : ممم داحنا بنهرب بقا
حنين : مش عاوزة ازعلك
اياد : لية بتقولى كدة
حنين : هيييييح عشان انا مش خايفة من حاجة غير من بابا
اياد : انت شاكة أنة ممكن يرفض ارتباطى بيكى
حنين : أنا متأكدة
اياد : لية يا حنين
حنين : بابا تفكيرة كلة من ناحيتى انى اتجوز واحد لو يطول أهلة يبقوا اجانب ما هيصدق
اياد : اجاااانب !!!.
حنين : هو دماغة كدة وعايز مستوى معين وكدة يعنى
اياد : بس انا مش قلقان
حنين : يا بختك
اياد : انا عاهدت ربنا انك مراتى
حنين : ياريت ياريت بجد
اياد : قولى يا رب
حنين : يارب
اياد : خلاص يبقى المرة الجاية انا هاجى بردوا واطمن عليكى واخد رقم بابا واكلمة
حنين : لالا استنى شوية مش عالطول كدة
اياد : اومال امتى
حنين : شهرين كدة عشان دة كدة هيزعق معايا
اياد : شهرين !!!
حنين : معلش معلش
اياد : وف الوقت دة هشوفك ازاى
حنين : مش عارفه
اياد : لازم تفكرى فى حل
حنين : اوعدك افكر
اياد : تااااانى اوعدك
حنين : المرة دى بجد والله
اياد : كلة هيبان
حنين : ههههه
اياد : وحشتينى
حنين : وانت كمان
اياد : طبعا انتى لا بتحلمى صاحية ولا نايمة مش كدة
حنين : ههههه بلاش رخامة بالعكس بقااا
اياد : طب ما تفرحينى
حنين : لا خلاص عشان بتتريق عليا
اياد : هههههههه والله ابدا وعالعموم خلاص متزعليش
حنين : انت عارف انا كنت مفتقداك طول الفترة اللى فاتت وكنت عصبية جدا وعلى اى حاجة اتخانق
اياد : لية
حنين : مش عارف يعنى
اياد : مش يمكن عاوز ابص على شفايفك وانتى بتقوليها
حنين : أية الاحراج دة
اياد : قولى هههه
حنين : كنت واحشنى اوى ونفسى اسمع صوتك واخد الباور بتاعى منك زى ما عودتنى
اياد : لو شوفتى جمالك وجمال شفايفك وهى بتقول كنت واحشنى اوى اكيد كنتى هتعذرينى
حنين : انا كدة هعيط
اياد : عارفة نفسى حالا اضمك ليا واخطفك
حنين : تخطفنى
اياد : اخطفك للصحرا ومحدش يكون فيها غيرى انا وانتى ونعمل زى الافلام ونعمل كوخ على قدنا ونبعد عن كل الدوشة والزحمة اللى هنا ومنعملش حاجة فى حياتنا غير اننا نكون مع بعض
حنين : اللللله احساس حلو اوي وحاسة انى دخلت فى حلمك دلوقتى
اياد : عندك مانع نقعد فى اى كافية برة
حنين : كافية لية
اياد : نشرب حاجة عدلة ونقعد بدل ما انا حاسس انى طالب كدة
حنين : هههههههه
اياد : اعمل فيكى أية دلوقتى
حنين : لية انا عملت أية ؟
اياد : صوتك بيقلب كيانى فمابالك من ضحكتك ممكن تعمل فيا اية؟
حنين : كل حاجة فيك بحبها
اياد وقف : وبعدين وبعدين
حنين : انت وقفت لية هنمشى
اياد : وقفت عشان افوق عشان كدة شكلى وحش
حنين : هههههههه طب فوء بقا عشان الامتحان خلص وهتلاقى اصحابى جايين
اياد : ههه ماشى
بوسى : وشك حلو علينا
اياد.: أية دة بجد
بوسى : كان سهل جدا هى حنين مقالتلكش
اياد.: قالتلى بس مقالتش وشك حلو دى
حنين : هههههه طب وشك حلو علينا
داليا : وياريت نشوفك قبل ما ندخل امتحان المرة الجاية
اياد : انا معنديش مانع لو حنين هى كمان عاوزة كدة
حنين : ياريت تيجى فعلا انا بتفاءل بيك
داليا : لالا احنا نمشى بقي وابقى خلى اياد يروحك
اياد : هو انا اطول
حنين : ازاى يعنى
اياد : زى الناس هركبك واوصلك ولا مش عاوزة
حنين باحراج : خلاص ماشى
اياد : اوووو أية الهنا دة هههه
🤗🤗🤗🤗🤗🤗🤗🤗🤗🤗
لااااايك وكومنت لمتابعة حدوتة حنين
تحياتى حنين الماضى 🤗
