البارت (١٩) حدوتة حنين
....................................
حنين رجعت البيت زى كل مرة بعد الكورس ....
الام : حنين
حنين : نعم يا ماما
الام : بابا بيقولك روحى الجامعة وهاتى بقيت ورقك من هناك عشان هيقدملك فى شغل كويس و التقدير بتاعك اكيد هيفرق معاكى
حنين : شغل أية دة يا ماما
الام : هو بيقوللى بالصدفة كان قاعد مع اللواء إبراهيم وابنة وكانوا بيتكلموا عن الشغل والناس اللي لسة متخرجة جديد وأنهم كانوا عايزين شباب حديثى التخرج وبابا قالهم عليكى وطبعا وافقوا ..
حنين : بس انا لسة باخد كورس وممكن يطول
الام : مش مشكلة انتى بتاخدية اخر النهار والشغل الصبح وبعدين هو فى حد هيلاقى فرصة زى دى ويقول لاة
حنين : انتى غريبة اوى يا ماما ،،لما قولتلك عن الشغل قبل كدة رفضتى وقولتى بنتى متتبهدلش ودلوقتى وافقتى انتى وبابا بعد ما خليتوا الفكرة تخرج من دماغى
الام : ما احنا فكرنا لقينا انك ممكن تزهقى من القعدة
حنين : وورق أية بقي اللى المفروض اجيبة
الام : الشهادة الأصلية مش المؤقتة اللى معاكى ،،مش قالولك تروحى تستلميها بعد ٣ شهور من النتيجة
حنين : ااة
الام : خلاص عدا اهو ٣شهور واكتر
حنين : انتوا مستعجلين بقى
الام : لو مش عاوزة ابقى قولى لبابا
حنين : وهرفض لية بالعكس
الام : ماشى ربنا يقدم اللى فية الخير
😌😌😌😌😌😌😌
حنين نامت وصحيت متأخر وطلعت كالعادة الشقة اللى فوق وخدت طبعا الموبايل معاها عشان تبلغ اياد عن الشغل ...
📲📲📲📲📲📲📲
اياد : حبيبى الجميل
حنين : حبيبى عامل أية
اياد : الحمدلله وانتى
حنين : الحمدلله
اياد.: مالك فى حاجة؟
حنين : انا نازلة الجامعة الصبح
اياد : لية
حنين : هجيب الشهادة الأصلية عشان بابا كلم واحد صاحبة وشكلى كدة هشتغل معاة
اياد : تشتغلى !!
حنين : اة
اياد : بس انا ضد فكرة الشغل دلوقتى خالص
حنين : اشمعنا دلوقتى
اياد ::عشان مافيش دبلة فى ايدك ودة هيطمع اكتر من حد فيكى
حنين : ههههه انت غريب
اياد.: بس كلامى صح
حنين : اياد هو انت عاوزنى اتسجن وابقى فى زنزانة
اياد : يعنى لما تكونى فى بيتى دة هيبقى زنزانة من وجهة نظرك
حنين : لاة طبعا بس بتكلم عن دلوقتى
اياد.: ينفع تبوظى موضوع الشغل دة
حنين : بقولك بابااا يا اياااد بابا
اياد : ومين صاحبة دة وشركة أية
حنين : دة واحد اسمة اللواء إبراهيم أية تعرفة ههههه
اياد : لا طبعا معرفهوش وبلاش ضحك واستفزاز
حنين : طب مش هضحك خلاص
اياد : هتنزلى الصبح
حنين : اممم
اياد : طب ما انا عندى شغل كدة ومش هعرف اكون معاكى
حنين : خلاص مش مشكلة انا كنت بعرفك بس
اياد : يوووووة
حنين : فى أية
اياد.: طب اجلى المشوار لبعد بكرة وانا هحاول اتصرف فى شغلى واجى معاكى
حنين : مش هينفع انا قولت لماما بكرة هروح
اياد.: انا مش فاهم لية بتحبى تكتفينى
حنين : انااا يا اياد ؟
اياد.: معلش انا متنرفز وانتى مالكيش ذنب معلش متزعليش
حنين : طب متنرفز من أية منى ؟
اياد : خلاص يا حنين معلش بقي
حنين : وحياة قلبى عندك لتقول
اياد.: لية كدة
حنين : عشان لو قولت هعرف انى غالية عندك
اياد : ماشى هقولك بس تنسي بعدها
حنين : قول بقي
اياد : كلمتهم من شوية على موضوعنا وزى ما توقعت هجوم بطريقة صعبة
حنين : هجووم
اياد : اممم وكلام بقى انت هتكسفنا مع الناس وهنقطع صلة الرحم بسببك وانت وانت ورغى كتييير
حنين : مممم دة اللى كنت عاملة حسابة
اياد : متقلقيش انا هعرف اتعامل معاهم
حنين : وقالوا أية عليا
اياد : محدش يعرفك عشان يحكم عليكى
حنين : قول مش هزعل وانا مقدرة الموقف
اياد : هما متخيلين انها نزوة ممكن اى شاب يتعرضلها وبعد كدة ينسا
حنين : انا نزوة
اياد : حبيبى انا بتكلم معاكى بلاش تخلينى اندم
حنين : وطبعا زعلوا منك
اياد : خدوا جنب
حنين : بسببى طبعا ممم
اياد : بلاش كدة
حنين : اما دوول اهلك ودة رأيهم اومال بابا هيعمل أية
اياد : مسألة وقت وانا هتصرف ومالكيش دعوة
حنين : انا مش متفائلة يا اياد وساعتها انا مش عارفة ممكن اعمل اية
اياد : والله ما هسمح بكدة انا عاهدتك وعاهدت نفسى انك هتكونى مراتى
حنين : ماهى الظروف غصب عنك وعنى
اياد : مش هعمل حساب الظروف عشان شوية شكليات ممكن تدمر حياتى
حنين : دة اولها وهدخل عليهم بمشكلة ولا حد طبعا هيتقبلنى اذا الموضوع مشى
اياد : وبعدين معاكى انتى لية بتحسسينى انى مش اد كلامى
حنين : مش قصدى والله بس قلبى كدة مش مستريح
اياد : قلبك دة بتاعى وهعرف افرحة ازاى
حنين : انا ممكن اموت لو انت اتجوزت واحدة غيرى
اياد : والله العظيم ما هلمس ولا هحب غيرك ولا هتجوز غيرك ولو الظروف كلها وقفت قدامى مش هتجوز خالص
حنين : بتقول كدة دلوقتى لكن بعد وقت هتتجوز وتخلف عادى وهفضل ذكرى وخلاص
اياد : حرام عليكى تضغطى عليا كدة وانا مش مستحمل اصلا،، دة بدل ما تهونى عليا
حنين : حقك عليا بس دة من خوفى انك تبعد عنى
اياد : انتى عقلى وروحى يا حبيبى صعب ابعد
حنين : يارب تجمعنا فى بيت واحد مع بعض وتقرب البعيد
اياد : الله على احلى دعوة
حنين : قول اللهم اميييين
اياد : اميييين اللهم اميييين
حنين : انا هقفل معلش
اياد : متنزليش بكرة وكلامى يتسمع واتصرفى
حنين : حاضر ..باى بقي
اياد : مع السلامة
🤔🤔🤔🤔🤔🤔🤔
سما : قافلة على نفسك لية
حنين : عشان الدنيا ضلمة واخوكى رخم مرة واحدة بلاقية قدامى عشان معاة مفتاح وانا مبسمعش الباب وهو بيتفتح فقولت اقفل وانا اللى افتح عشان متخضش
سما : مممم هتنزلى معايا اشترى لبس
حنين : امتى
سما : الجمعة
حنين : هتجيبى منين
سما : تعالى نشوف المول الاول
حنين : ماشى
سما : انتى زهقانة لية
حنين 😭: عادى مافيش
سما : انتى بتعيطى
حنين : يا بنتى لاة
سما : لاة بتعيطى ،،فى أية
حنين : بس يا سما مش عاوزة اتكلم
سما : عشان خاطرى قوليلى مالك
حنين : مينفعش
سما : لية هو انا صغيرة
حنين : مينفعش وخلاص
سما : طب يارب اموت لو مقولتيش مالك
حنين : يووووة
سما : طب قوليلى ووعد مش هقول لحد
حنين : احلفى
سما : والله العظيم
حنين : هقولك بس مهما حصل اوعى حد يعرف حاجة
سما : حاضر قولى بقى قلقتينى
حنين : انا بحب
سما : بتحبى
حنين : اة
سما : بتحبى واحد يعنى
حنين : اومال بحب واحدة
سما : معلش بفهم
حنين : اة بحب واحد زى القمر ورااااجل بمعنى الكلمه
سما : طب مبروك ودة يخليكى تعيطى
حنين : اة عشان واثقة أن بابا مش هيوافق
سما : لية مش هيوافق
حنين : عشان مش ابن لواء
سما : اومال ابن مين
حنين : باباة مهندس فى شركة خاصة بس عيلتة ماشاء الله مستواهم ومراكزهم حلوة اوى
سما : بيشتغلوا أية يعنى
حنين : يعنى عمامة ظباط بس فى اللى فى البحرية والطيار وحتى عمتة كانت ظابط
سما : عمتة ظابط
حنين : اممم
سما : هو ساكن فين
حنين : عين شمس
سما : فييين
حنين : فى مكان كويس على فكرة بس دى عمارة كبيرة بتاعتهم كلهم واياد لية شقة كبيرة فيها عبارة عن ٤ اوض و٢ ريسيبشن و٢ تويليت ومطبخ كبير
سما : هو اسمة اياد
حنين : اة
سما : بابا مش هيوافق يا حنين
حنين : ودة اللى خايفة منة بس بحبة اوى يا سما وروحى فية
سما : عرفتية فين ؟ فى الكورس ؟
حنين : لاة فى الجامعة
سما : أيييية!!! هو طالب كمان ؟؟
حنين : لالا دة متخرج بقالة كذا سنة بس كان بيجى الجامعة عشان بياخد كورسات وبيحضر دراسات وكدة
سما : هو بيشتغل ؟
حنين : اة فى شركة خاصة وماشاء الله علية طموح جدا
سما : يعنى مهندس ولا دكتور ولا أية ؟
حنين : انا حاسة أن بابا قاعد معايا
سما : انا بتكلم بدماغ بابا يا حنين ومتزعليش وانتى اكيد عارفة دماغة
حنين : عارفة للاسف 😢
سما : مافيش امل انك تفكرى تانى فى الموضوع
حنين : بقولك روحى فية وهو بيحبنى جدا
سما : ازاى وقعتى كدة وانا اللى بقول عليكى جامدة وصعب حد يضحك عليكى وكنت بعمل زيك
حنين : عشان انبهرت بية وطلع راجل فعلا
سما : أية المواقف اللى عملها معاكى خليتك تبقى مقتنعة بية كدة
حنين : اهتم بيا وحبنى لروحى ولشخصيتى مش لشكلى ولا عشان مظاهر كدابة ولا عشان يتمنظر بيا أنة واخد واحدة بنت لواء ،،حبنى من غير ما يعرف انا مين وتقبلنى بكل عيوبى والوحيد اللى قدر يخلينى اقتنع بية..
سما : خلاص خلية يتقدم لبابا وهو وحظة بس لازم تبقى جاهزة لأى رد
حنين: انتى مش حابة الموضوع
سما : انا مستغربة لحد دلوقتى ،،انتى كنتى بتقولى هتجوز بشكل اجتماعى معين عشان ولادى عايزاهم يبقوا في مستوى معين وعايزة سفر وخروج وفسح وعربية اخر موديل والنادى ولا نسيتى
حنين : كنت هضيع نفسى لو كنت عملت كدة
سما : بس كدة انتى غيرتى كل حاجة
حنين: عارفة بس الحب هيخلينى ابقى مبسوطة اكتر لما اعيش مع واحد يخاف عليا مش واحد بنتعامل مع بعض برصيدة فى البنك
سما : اتغيرتى
📱📱📱📱📱
حنين : استنى كدة
سما : أية دة
حنين : دى مسدچ من اياد بيقولى خلاص كل حاجة تمام وفى اخبار حلوة اوى هيقولهالى الصبح
سما : هو أية اللى كل حاجة تمام
حنين : موضوع عندة بس انتى وشك حلو عليا ههههه
سما : انتى كنتى بتعيطى دلوقتى واول لما جت المسدج معقولة ضحكتى ووشك كلة اتغير ..
حنين : هو الوحيد اللى يقدر يخلينى اكون فرحانة
سما : معقولة تسيبية يتحكم فيكى كدة ،،انا مش مصدقة
حنين : يارب تحبى واحد زى اياد عشان تفهمينى
سما : طب ناوية على أية
حنين : اياد هو اللى هيعمل كل حاجة
سما : لولا ان انا واثقة فيكى كنت قولت اضحك عليكى يا حنين... معقولة فى حد ممكن يوصل أنة يحب اوى كدة
📱📱📱📱📱📱
سما : اييية تانى
حنين مسدج : بيقولى اوعى تشيلى هم وانا معاكى وكل اللى بابا هيطلبة هو هيعملة مهما كان التمن ..
سما : كلامة حلو اوي
حنين : اومال لو شوفتية بقي واتكلمتى معاة هتحسى انك قدام حد مش طبيعى وهتحسى انك مع راجل فعلا ،،،طب فاكرة الايشارب اللى فى مرة قولتيلى انتى جبتية امتى ؟
سما : اة طبعا
حنين : هو اللى جبهولى عشان كان مدايق أن شعرى بيبان من الايشارب وجابلى دة عشان ميتزحلقش من على شعرى
سما : ههههه يا سلام
حنين : وفاكرة الساندويتشات اللى كلتيها بتاعة الكباب والطرب
سما : دى كانت جمييييييلة
حنين : هو اللى كان جايبهالى عشان كان اخر يوم في الامتحانات
سما : دة أية دة كلة بقي ؟ قاعدة سيادتك تحبى وتتحبى واختك عينيها ورمت من العياط من الامتحانات
حنين : ههههه يا سوسة ما انتى جبتى مجموع اهو ودخلتى طب
سما : بعد كل الدح دة ومكنتيش عوزانى ادخل طب دانا كنت اتقهرت
حنين : المسدچ فرحتنى شوية
سما : بابا يا حنين بابا
حنين : اعتقد بابا لو عرف أن دى رغبتى وانى بحبة اكيد هيوافق
سما : وانتى بقي عندك الجرأة تقفى قدام بابا وتقوليلة انك بتحبى اياد
حنين : 🙄🙄 لاة انا هعبر وهو اكيد هيفهم لوحدة
سما : ههههه ابقى قابلينى وهتعملى أية فى الشغل
حنين : اياد رافض خالص
سما : 😳 يعنى هتقعدى فى البيت
حنين : لاة بس اياد موافق عالشغل لما نتجوز لكن دلوقتى هو رافض ومش حابب كدة وانا بحترم رأية وعايزة اسمع كلامة
سما : وانتى شخصيتك فين
حنين : موجودة بس مش لازم الغى رجولتة عشان ابين شخصيتى وبعدين هو مش انانى هو واحد بيحب وبيغيير على حبيبتة ومش عاوز حد يرخم عليا بكلمة طول ما دبلتة مش فى ايدى
سما : معقولة انتوا متفاهمين للدرجة دى
حنين : جدااا لابعد حد ممكن تتخيلية
سما : شوقتينى اشوفة
حنين : تيجى معايا الجامعة وهو هيكون هناك عشان يخلصلى الورق
سما : طب ما تخلصية انتى
حنين : هو بيتعامل معايا كأنة مسئول عنى وهو اللى بيعملى كل حاجة وانا كمان اتعودت علي كدة وحبيت حنيتة واهتمامة بيا
سما : خلاص هاجى معاكى واشوفة بس انا مش محجبة ههههه
حنين : ههههه عادى يا بنتى اياد مش معقد ههههه
سما : ماشى هشوف
حنين : اوعى حد يعرف حاجة
سما : انا حلفت خلاص وربنا معاكى
حنين : يارب
😊😊😊😊😊😊😊
