البارت (٣٢) حدوتة حنين
....................................
حنين : اهى خرجت اهى
بوسى : هااااا
داليا : هو أية اللى هاااا.
حنين : اتأخرتى جوة لية كدة
داليا : متأخرتش ولا حاجة
بوسى : ممم طيب هتيجيبوا اكل يعنى ولا خلاص
داليا : لالا هطلب
حنين : فطار ولا غدا يا داليا انتى بتردى بالقطارة كدة لية
داليا : طريقتوا غريبة ومش عجبانى عالعموم هو عايز شاورما وانا كمان هجيب ليا شاورما
حنين : ماشى اطلبى بقي لينا كلنا انا عايزة واحد
بوسى : انا اتنين
داليا : طب وانا اجيبلة كام واحد
بوسى : هههههههه ادخلى تانى اسألية
حنين : ههههه هو انتى مكنتيش سألتى لسة كل دة ؟
داليا : يا بنتى كان معاة تليفون واستنيت على ما خلصة مالكوا فى أية؟
بوسى : طب ادخلى اسألية عشان شكلة هيبقى عشا مش فطار ولا غدا كدة
داليا : بوسى اهدى عليا شوية
حنين : معلش يا دودو بس شوفى هتعملى أية ويالا
داليا : ماشى
🏃♀🏃♀🏃♀🏃♀🏃♀🏃♀🏃♀
حنين : ههههه
بوسى : انا عارفة بتضحكى على أية ههههه
حنين : على أية يا ذكية
بوسى : داليا مكنتش محتاجة تدخل تسألة كانت ممكن تجيب اتنين ولو خد واحد ناخد التانى عادى وبعدين دة اكيد هيبقى عاوز اتنين مش محتاجة سؤال يعنى ...
حنين : ههههه سيبيها ومتركزيش معاها
بوسى : ماااشى
🙄🙄🙄🙄🙄🙄🙄
باسم : تعالى فى حاجة ولا اية ؟
داليا : هو انا استعجلت ونسيت أسأل حضرتك اجيب اتنين ولا اكتر
باسم : 😊 طب وخايفة لية كدة وانتى بتسألى
داليا : بشمهندس حضرتك متنرفز النهاردة وانا مش عاوزة .....
باسم : انا كنت مضايق يا داليا بس خلاص وعالعموم انا عايز اتنين ..
داليا : طب حاضر
باسم : شكرا يا داليا على اهتمامك
داليا : العفو مافيش شكر ولا حاجة عن اذنك ..
🏃♀🏃♀🏃♀🏃♀🏃♀🏃♀🏃♀
بوسى : هاااا خلاص
داليا : اة ،،انا هتصل بقى عشان يجى بسرعة
حنين : طب والله ما كنت جعانة بس جوعتينى ههههه
بوسى : يالا نخلص خلينا نيجى بكرة مرتاحين
حنين : انا نفسى مجيش بكرة
بوسى : لية
حنين : انا محتاجة اشوف اياد واقعد معاة
بوسى : انتوا لازم تنجزوا بقي يا حنين
حنين : اهم حاجة دلوقتى اشوفة يا بوسى وحشنى اوى ومش مصدقة أنة رجعلى
داليا : طلبت خلاص
حنين : ماشى ,,, بقولكوا أية ينفع تداروا عليا بكرة
بوسى : اهلاااا
داليا : هتروحى فين
حنين : هشوف اياد يا داليا عشان نفسى اشوفة اوى
داليا : طب هتنزلى من هنا طب ولو حد عرف فى البيت انك خرجتى هتقوليلهم أية
حنين : انا لما يجى الاكل وناكل هدخل اقولة ان عاوزة استأذن ساعتين عشان عاوزة اجيب حاجة وهقولة لو ينفع النهاردة ماشى أو بكرة ماشى بردوا وهو يختار
داليا : تفتكرى هيوافق
حنين : هخلية يوافق
داليا : ازاى يعنى يا حنين قصدك هتطاوعية ف اللى عاوزة ..
حنين : هقولة الاول أن انا مش هكمل وهشوف الرد وربنا يستر ...
داليا : خايفة يقولك براحتك وتمشى
بوسى : لو عمل كدة احنا نستهبل ونقولة عاوزين حنين تكمل ف الشغل
حنين : انا اهم حاجة عندى دلوقتى اياد ونزولى الشغل دة هيساعدنى اشوفة لان لو مشيت منة محدش هيوافق انزل شغل تانى
داليا : والله ماعارفة اقولك أية
حنين : انا نفسى ارتاح بقى عشان تعبت وزهقت
بوسى : الاكل جة يالا
داليا : هدخلة الساندويتشات بتاعتة واجى
حنين : ماشى
🏃♀🏃♀🏃♀🏃♀🏃♀🏃♀🏃♀
داليا : اتفضل يا باشمهندس الاكل جة وجبت لحضرتك بطاطس معاة
باسم : انتى عارفة انك بعد لما مشيتى كنت عاوز اقولك هاتى كدة فعلا بس قولت خلاص مش مشكلة
داليا : انا بعرف فى الحاجات دى كويس ومزاج عندى الاكل دة
باسم : ازاى يعنى
داليا : يعنى بحب تنسيق الاكل والحاجات اللى تمشى مع بعضها مش اى ساندوتش أكلة وخلاص
باسم : ههههه فعلا الاكل مزاج وطريقة تقديمة اللى بتساعد الواحد أن نفسة تتفتح
داليا : شوف يا بشمهندس لو حضرتك هتفطر هنا ف الشركة انا ممكن اظبط لحضرتك موضوع الاكل دة
باسم : انتى عارفة فعلا أن موضوع الاكل دة انا مهمل فية جدا وممكن اكل اى حاجة وخلاص عشان احساس الجوع بس يروح وزى ما انتى شايفة القهوة والشاي طول اليوم
داليا : طيب ممكن حضرتك تاكل هتعجبك الشاورما لان المحل دة بيعملها بطريقة حلوة اوى..
باسم : طب وانتى كمان يالا كلى معايا ،،اصلا الاكل بيحب اللمة
داليا : انا الاكل بتاعى مع البنات برة
باسم : خلاص اخد اكلى وناكل سوا كلنا برة
داليا : لالا خلاص خلى حضرتك وانا هجيب البنات
باسم : مش هيرضوا يجوا وهيتحرجوا ..الافضل انا اخد فطارى واجى اكل معاكوا
داليا : طب اتفضل حضرتك وانا هجيب الساندويتشات
باسم : ماشى
🤔🤔🤔🤔🤔🤔🤔
بوسى : اتفضل يا بشمهندس
حنين : 🙄🙄
داليا : بشمهندس باسم صمم نفطر كلنا سوا
باسم : ولو مافيش مانع
بوسى : لالا طبعا اتفضل
حنين : اتفضل
باسم : انا بقول لداليا الاكل بيحب اللمة
داليا : اة طبعا اتفضل حضرتك
باسم : حلو فعلا
بوسى : احنا اصلا لما بنكون عاوزين ناكل بنسيب الموضوع دة على داليا لان هى اكتر واحدة بتعرف تنظمة
باسم : طب دة فى الدليڤرى طب البيت
حنين : داليا ممتازة فى البيت وعندها نفس حلو اوي فى الاكل وطريقة تقديمة زى الفنادق
باسم : لالالا مدام الكل بيشكر فيكى كدة يا داليا انا عاوز اشوف بقي واحكم بنفسى
داليا : ههههه اللى حضرتك عاوزة طبعا بس هما بيبالغوا
بوسى : واهو عم محمد جاب البيبسى
باسم : جايبة لية متأخر يا عم محمد
حنين : لاة مش متأخر بس داليا مش بترضى نشرب مع الاكل بيبسى على طول بتقول أن البيبسى لو جة. مع الاكل اكيد هنفتحة ونشربة الاول وكدة مش هنستطعم الاكل وهنشبع عالفاضى من البيبسى وعشان كدة بتخلى عم محمد يجيبة بعد عشر دقايق لما نبتدى ناكل .
باسم : انا بحب كدة برافوا عليكى
بوسى : 🙄🙄🤔
داليا : انا الاكل مزاااج عندى
باسم : يعنى بكلامك دة المفروض تبقى حاجة كدة تسد عين الشمس
حنين بكلمة عين الشمس دى افتكرت اياد وسرحت فية واتمنت انها تكون قاعدة وبتاكل معاة زى ما حصل قبل كدة ...
بوسى : بالعكس يا بشمهندس داليا بتحب تحافظ على رشاقتها جدا
باسم : ماهو باين اهو قدامى
داليا : شكرا يا بشمهندس على ذوقك
باسم : لالا متضحكيش عليا ورتبى كدة مع عم محمد.وشوفى قصة الفطار دى واليوم اللى مش هاجى فية هبلغك قبلها
داليا : طب أية رأى حضرتك انا هعمل فطار لينا كلنا فى البيت وهجيب لحضرتك طبعا معانا لمدة أسبوع وبعدها كل واحد يقولى أية احلى حاجة فطرها
كلهم : طبعا موافقين
باسم : ههههه بصى كلنا ما صدقنا شيلتى من علينا هم الفطار بتاع كل يوم لمدة أسبوع...
داليا : وانا موافقة ونبتدى من بكرة
باسم : خلاص وانا معاكى ،،ومتشكر عالاكل كان حلو فعلا ... هدخل بقي اشوف التليفون اللى مش راضي يبطل رن دة
😊😊😊😊😊😊😊
بوسى : ههههه والله كانت لمة حلوة
داليا : ممم جدا
حنين : هدخل بقي عشان اكتر من كدة مينفعش
داليا : طب براحة يا حنين من غير نرفزة
حنين : ماشى
🏃♀🏃♀🏃♀🏃♀🏃♀🏃♀🏃♀
حنين : انا مش هعطلك
باسم : اتفضلى ..خير
حنين : من غير ما اطول عليك ..انا مش هينفع اكمل ف الشغل
باسم : لييية
حنين باحراج : الموقف كدة بقي باين و.......
باسم : حنين انسى خلاص
حنين : مش فاهمة انسى اية
باسم : انسى اى حاجة حصلت لان الجواز دة قسمة ونصيب يمكن مالناش نصيب مع بعض لكن لينا نصيب فى الشغل وابقى غلطان لو انا خلطت دة بدة
حنين : ممكن تفهمنى اكتر
باسم : انتى ممتازة فى شغلك وانتى اللى جبتى البنات للشغل هنا وانتوا التلاتة مخليين الشغل زى الساعة يبقى أية اللى يدخل العلاقات الشخصية فى الشغل فلو منفعتش العلاقات الشخصية ودة وارد جدا عالاقل نكمل شغل ومنبقاش خسرنا كل حاجة وخلاص
حنين : يعنى افهم من كدة انك صرفت نظر
باسم : انا مش هفرض نفسى على حد ومافيش حد.بيتجوز غصب عنة وانا عمرى ما هقبلها على نفسى انك تكونى مراتى وموافقة عليا وانتى مش مرتاحة لأسباب الله اعلم بيها ..
حنين : لالا مافيش اسباب
باسم : حنييين انا عارف انا بقولك أية ؟ عالعموم انسى وخليهم فى البيت عندك فاهمين زى ما هما فاهمين لكن أنا وضحت لابويا من شوية وقولتلة انك ممتازة فى الشغل وبنت محترمة انتى والبنات
حنين بفرحة : انا متشكرة جدا واكيد انت اخ ليا
باسم : ههههه للدرجادى فرحتى
حنين : لالا والله مش قصدى انا فرحانة عشان الحاجز اللى بينى وبينك انت شيلتة وعشان اقدر اتعامل معاك
باسم : مااشى ..نشتغل بقي ولا هنقعد نهرج
حنين : ههههه طيب حاضر بس استأذنك انا هاجى الشغل وهنزل الساعة ١٠ محتاجة اجيب حاجات
باسم : تشترى حاجات يعنى
حنين : اة
باسم : طب وهو فى محلات بتفتح بدرى كدة
حنين : طب ١١
باسم : ههههه انا معنديش مشكلة بس هترجعى عالشركة ولا أية؟
حنين : اة اة
باسم : ههههه ماشى ولو منفعش ابقى بلغى البنات
حنين : حاضر ..عن اذنك
باسم : 😊 اتفضلى
🏃♀🏃♀🏃♀🏃♀🏃♀🏃♀🏃♀
حنين : خلاااااص اخيراااا
داليا : عملتى أية قولى
بوسى : شكلها فرحان ههههه
حنين : تعالوا هقولكوا ...
حنين حكت بالتفصيل للبنات وكانت فرحانة جدا وكانت حاسة ان داليا هى السبب اللى خلى الموضوع يبقى سهل كدة بالرغم أن مافيش حاجة واضحة حصلت بس كان عندها احساس أن باسم وداليا هيكون فى ربط بينهم قريب جدا .....
خرجت حنين من الشركة وطلبت من السواق انها هترجع مواصلات بعد كدة وهو يجى ياخدها الصبح بحجة انها بتحب تمشى مع أصحابها ....
وهى ماشية اشترت كارت ميناتل ووقفت عشان تكلم اياد ..
📲📲📲📲📲📲📲
اياد.: الو
حنين : وحشتنى
اياد.: حبيبى انتى فين كنت شوية وهتصل بيكى
حنين : انت وحشتنى اوى
اياد.: أية المزاج العالى دة والصوت الرايق دة
حنين : انا عاوزة اشوفك ممكن
اياد : اة طبعا وياريت انتى فين
حنين : انا لسة خارجة من الشغل
اياد : يناسبك امتى
حنين : بكرة ،،،بكرة يا اياد
اياد : مالك يا حبيبى
حنين بصوت اشتياق : انت وحشتنى اوى ...اوى ونفسى اشوفك
اياد.: وانا كمان يا حبيبى وحشتينى وكنت أنا بتحايل عليكى عشان نفسى اشوفك
حنين : خلاص نتقابل بكرة الصبح
اياد.: وشغلك
حنين : انا استأذنت مش مهم ..بس ليا طلب
اياد.: أية يا حبيبى
حنين : عايزة اقعد معاك فى مكان مافيهوش ناس عايزة احس ان انا وانت لوحدنا مش معانا حد.نعملة حساب ولا أكون قلقانة من حد ممكن ؟
اياد : حاضر ..بس ممكن انا كمان طلب ؟
حنين : قول
اياد.: خليكى كدة لحد.بكرة عشان احساسك واصلى اووووى وصوتك وكل حاجة فيكى دلوقتى انا حاسس بيها ونفسى اشوفك دلوقتى مش بكرة
حنين : متخافش انا هفضل كدة على طول انا مش قادرة اعذب نفسى اكتر من كدة انا بحباااك
اياد : طب اجنن دلوقتى ولا اعمل اية
حنين : انا هستنى بكرة بفارغ الصبر
اياد.: انتى ضيعتينى دلوقتى وربنا يستر عليكى منى لما اشوفك
حنين : فاكر وعدك ليا
اياد.: بحبك ومهما حصل انتى مراتى مهما حصل
حنين : انا محتجالك اوى يا اياد اوووى
اياد.: مالك يا حبيبى متقلقنيش عليكى
حنين : انا عايزاك معايا على طول انت اكتر واحد بتفرح قلبى ولما بتبعد بحس أن كل حاجة حلوة راحت
اياد.: انا اصلا حياتى كلها مافيش فيها حاجة حلوة ومهمة غير حنين
حنين : انا هستناك بكرة بس نتقابل فين
اياد : سيبينى افكر وارد عليكى بالليل
حنين : الساعة كام عشان ابقى عاملة حسابى
اياد.: الساعة ٩ هبعتلك رسالة ولو عرفتى تكلمينى ياريت تكلمينى ..
حنين : حاضر هستناك
اياد.: ماشى يا حبيبى
حنين : بااى
اياد : مع السلامة وخدى بالك من نفسك
🥰🥰🥰🥰🥰🥰🥰
لااااايك وكومنت لمتابعة حدوتة حنين
عشان نعرف أية اللى حصل فى مقابلة حنين واياد ... وموقف والد حنين ؟؟
تحياتى حنين الماضى 🤗
