حدوتة حنين

البارت ٤٧

البارت (٤٧) حدوتة حنين
................................
وليد.فضل يحاول مع حنين يوم بعد يوم أنة يقرب منها عشان يفهموا بعض ..
حنين كانت شايفة وليد انسان كويس ومختلف فى اسلوبة عن باسم لكن ضغطت على نفسها عشان تقدر تتقبل أن فى حد تانى غير اياد ممكن يدخل قلبها ....
وليد : ازيك يا حنين
حنين : اهلا انا قولت مش هتيجى
وليد.: مكنش ينفع لان تعب خالى اضطرنى غصب عنى انى اجى لحد لما يقوم بالسلامة وعشان كدة انا هعمل اجتماع صغير وهغير بعض الوظائف هنا
حنين : تغيير كدة فى ناس ممكن تزعل
وليد.: اعتقد مصلحة الشغل اهم من المصالح الشخصية
حنين : ااة طبعا انا مش قصدى حاجة
وليد : ماشى من فضلك بلغى السكرتارية برة بالاجتماع
حنين : انا أبلغهم
وليد : خلاص انا هتصل أبلغهم ..ثانية واحدة.. الو من فضلك بلغى الناس أن فى اجتماع بعد عشر دقايق بالضبط .. شكرا
حنين : انت جد اوى كدة لية
وليد.: دة شغل وفية حاجات خالى كان متهاون فيها عشان محدش يزعل لكن الصح صح ولا أية
حنين: اممم عندك حق
😊😊😊😊😊😊😊
فى الاجتماع
...................
وليد.: السلام عليكم يا جماعة انتوا طبعا عارفين انا مين وعارفين سبب وجودى معاكم فى الشركة اليومين دوول والكلام دة هيستمر لحد خالى اللواء عبد الرحيم ما يقوم بالسلامة ويقدر يواصل وينزل شغلة
كلهم : الف سلامة ..ان شاء الله يقوم بالسلامة
وليد : انا بقالى اسبوع هنا وحاولت افهم بعض الحاجات عشان اعرف عالاقل انا بمضى على أية وبصراحة فية ناس ساعدتنى وفية ناس تعاملت بشكل سطحى بزيادة وغيرة وغيرة وعشان كدة انا من رأيي الشخصى انا هغير بعض الحاجات اللى تساعدنى الفترة دى عالشغل عالاقل لحد.صاحب الشغل ما ينزل بالسلامة ..
موظف : اللى حضرتك شايفة
وليد.: تماااام كدة ودى ورقة مكتوب فيها اسماء الناس اللى انا محتاجها تكون موجودة فى أماكن معينة بمعنى عملت تبديل فى نوع الوظيفة لبعض الشخصيات وطبعا لما اللواء عبد الرحيم يرجع ان شاء الله يقدر يرجع الناس تانى أماكنهم
السكرتارية : تمام تحب حضرتك نعلقها برة ولا نبلغ كل واحد بوظيفتة الجديدة
وليد : اعتقد السكرتارية كانت المفروض تفيدنى فى حاجات اكتر من كدة لكن للاسف اكتر من مرة طلبت ملفات معينة وموقفها المالى وهما يجاوبونى بأن الموضوع مش كامل عندهم ودة طبعا لفت نظرى عشان كدة انا جبت لجنة جرد كمان ساعتين على كل ماليات الشركة وياريت القسم المالى يحضر ملفاتة للجرد دة عشان عاوز نتيجة نهائية اقدر اشتغل من خلالها وبالنسبة السكرتارية متشكر ليكم لحد كدة وكل واحدة فيكوا مكتوب المكان الجديد ليها وأستاذة حنين هى اللى هتمسك السكرتارية والمتابعة مع الأستاذة اللى اسمها مكتوب ..
الكل : حضرتك كدة هيحصل لغبطة
وليد.: يعنى فكرة التعديل عليا مش مستحبة وتقدروا تتفضلوا وفى خلال نص ساعة الكل يكون فى المكان اللى حددتة فيما عدا قسم الحسابات والماليات لحد الجرد لما يخلص .. اتفضلوا
🙄🙄🙄🙄🙄🙄🙄
حنين : انا مش فاهمة حاجة
وليد : بحكم انك السكرتيرة الجديدة هنا عايزك تروحى بسرعة وتستلمى كل حاجة منهم حتى اللاب توب قبل ما يحذفوا حاجة من علية
حنين : كدة هيبقى فى عداوة بين الناس وبعضها
وليد : اللى مش عجبة يتفضل والف يجى مكانة بس احنا نوافق
حنين : حاضر
🚶‍♀🚶‍♀🚶‍♀🚶‍♀🚶‍♀🚶‍♀🚶‍♀
حنين : متزعلوش يا بنات بس شكلة جاد فعلا
السكرتيرة : طبعا لازم يعمل حساب الصداقة اللى بين والدك وبين خالة
حنين : بصى لو كان الشغل زى ما انتى شايفة كان أولى اللواء عبد الرحيم كان عمل كدة وحطتنى فى السكرتارية من ساعة لما جيت مش كتابة الملفات على الكمبيوتر وتنسيقها وخلاص
السكرتارية : بصى هو معروف أن الواسطة هى اللى ماشية
حنين : مافيش فايدة ... عالعموم كدة انا هنقل العهدة بتاعتكوا عليا بس ثوانى اراجعها..
🚶‍♀🚶‍♀🚶‍♀🚶‍♀🚶‍♀🚶‍♀🚶‍♀
حنين : انا استلمت وكل حاجة تمام بس الناس زعلانة
وليد : لو انتى نزلتى شركة الشاذلى هتعملى لمصلحة شركة الشاذلى ولا هتدورى على الناس وانتى عارفة أن شغلهم اى كلام
حنين : لا طبعا هشوف مصلحة الشركة
وليد.: يبقى لما تيجى تحكمى عليا فى حاجة ،حطى نفسك فى نفس الموقف الاول مع شركة الشاذلى وانتى هتوصلى للإجابة الصح
حنين : خلاص ماشى
وليد.: شكلك عاطفية جدا
حنين : للاسف ممكن أتأثر باللى حواليا جدا وافضل جوة مشكلتهم لحد ما تتحل وحاولت كتير اتخلص من العادة دى لكن للاسف مقدرتش
وليد : بالعكس الاحساس بالاخرين دة نعمة
حنين : بس بيتعبنى نفسيا
وليد : عارفة يتعبك امتى ؟
حنين : فى كل الأوقات والله
وليد : كماان كل الأوقات ... المفروض يتعبك وقت لما تتعاطفى مع حد هو ميستاهلش دة ويستغلك وتكتشفى فى الاخر انك غلطانة
حنين : عندك حق لكن للاسف تعاطفى وتعلقى طول حياتى كان مع ناس غلط وللاسف بالرغم من غدرهم معرفتش انساهم
وليد.: للدرجادى نجحوا فى أنهم يخلوكى تتعلقى بيهم
حنين : 😢 للاسف اة
وليد.: أية دة انا اسف انا بتناقش معاكى مناقشة عادية بس واضح انى دوست على جرح وانا مش واخد بالى
حنين : عن اذنك
وليد : استنى مينفعش تخرجى كدة ..يقولوا من اول خمس دقايق خلاها تعيط
حنين : مش مهم بس استأذنك ربع ساعة وارجع مكانى ...
وليد.: مافيش مشكلة اتفضلى وانا اسف تانى
حنين : محصلش حاجه ..عن اذنك
🏃‍♀🏃‍♀🏃‍♀🏃‍♀🏃‍♀🏃‍♀🏃‍♀
حنين بعدت وطلعت الدور الاخير فى الشركة عشان ميكنش فى حد موجود ويشوفها وكانت بوسى نزلت مصر واستقرت وكانت على اتصال بيها من وقت للتانى وقررت حنين انها تكلمها
📲📲📲📲📲📲📲
بوسى : نونة لحقت وحشتك
حنين : 😭😭 بوسى انا مخنوقة
بوسى : أية دة مالك
حنين : انا تعبانة اوى ومش قادرة اساعد نفسى بحاجة
بوسى : فهمينى
حنين : حصل حوار بينى وبين وليد دلوقتى
بوسى : اوعى تقولى طلب يتقدملك
حنين : بصى انا قولتلك انا شاكة وهو معملش كدة بس الكلام جاب بعضة لحد نقطة انى عاطفية ولقيت نفسي افتكرت اياد يا بوسى ومش مستوعبة انى مقدرتش انساة لحد اللحظة دى
بوسى : وانتى لية عايزة تنسية يا حنين مدام بتحبية بجد
حنين : وافتكرة لية يا بوسى ،،هو زمانة اتجوز ونسينى خلاص وانا كمان عاوزة اعرف اعيش حياتى واتجوز بس من غير ما احس أن فى حد تانى جوايا
بوسى : بصى يا حنين انتى لازم موقفك يتغير مع وليد وبلاش تفتحى مجال للكلام معاة وتبقى الحكاية فى نطاق الشغل وخلاص
حنين : وهفضل كدة لحد امتة يا بوسى وكل اللى يحاول يقرب منى انا ابعد وسنة ورا سنة اكبر وكل اصحابى اتجوزوا وخلفوا وعاشوا حياتهم وانا واقفة عند نفس المرحلة من ٣ سنين ونص ومش عارفة اعديها
بوسى : انتى بتحبى اياد ودة حبك الوحيد وعشان كدة قلبك مش هيعرف يخرجة واوعى توافقى على حد لأنك كدة بتظلمى نفسك وبتظلمية
حنين : 😭 ربنا يسامحة بقي دمر حياتى ولا منى كملت معاة ولا عارفة اكمل مع غيرة وكل ما افكر أن وليد ممكن يخطبنى غصب عنى افتكر اياد وهو بيوبوسنى أو بيقرب منى واقول وليد ميستاهلش ياخد واحدة غيرة لمسها ..
بوسى : بلاش تقسيها كدة عشان متتعبيش بس كل اللى اقدر اقولهولك أن اياد كان بيحبك من قلبة فعلا وانتى عارفة وواثقة من كدة ولولا الظروف اللى حصلت كنتوا زمانكوا اتجوزتوا
حنين : فترة صعبة مش راضية تخلص ولو الحب يبقى كدة فيارب خرجة من جوايا
بوسى : بكرة تضحكى عالايام دى ولما تفتكريها هتشكرى نفسك على كل موقف مريتى بية
حنين : ااة هشكر نفسى على عذابى لنفسى
بوسى : اوقات العذاب بيبقى حلو يا حنين
حنين : بنتك بتصرخ لية
بوسى : اهى دى بقى قدرى اللى بيربينى اكتر من الزمن
حنين : هههههههه انا بموووت فيها وحشتنى
بوسى : لحقت يا حنين داحنا كنا لسة اول امبارح معاكى
حنين : بعشق الاطفال وبحس معاهم بمتعة غير طبيعية ..العالم بتاعهم برئ ومافيهوش نفاق وتلاقى الطفل بيحبك من غير ما يكون مستنى منك مقابل
بوسى : معلش يا حنين هو مين اللى العالم بررئ يا قلبى انتى عمالة توصفى وانا عمالة ابص على شكل بنتى وهى شبة السمكرى اللى كان بابا بيوديلة العربية وبشعرها المنكوش ورجليها فى طبق الرز وحاجة قمة فى الشراسة مش براءة خالص
حنين : هههههههه اهى بنتك دى اللعبة بتاعتى
بوسى : ان شاء الله يا قلبى تشوفى ولادك واشيلهم معاكى ونعمل فريق سوا
حنين : ان شاء الله
بوسى : داليا كلمتك
حنين : معلش يا بوسى هقفل عشان الشغل ونبقى نتكلم بعدين
بوسى : هتفضلى تهربى لحد امتة
حنين : هقفل باااى
بوسى : باى ..
🚶‍♀🚶‍♀🚶‍♀🚶‍♀🚶‍♀🚶‍♀🚶‍♀
مسحت حنين دموعها ونزلت على مكتبها وكملت شغلها ووليد كان واخد بالة أن حنين عندها جرح لكن مش عارف بالضبط أية هو ؟؟
خلصت حنين شغلها وفى اخر اليوم وليد كلمها ...
وليد : فى مشكلة لو اتأخرتى شوية
حنين : لا خالص
وليد: طب اقعدى
حنين : فى أية
وليد : انتى مالك من الصبح
حنين : انا عارفة انك هتسألنى
وليد : يعنى بتكلم بحكم العشم لو سمحتيلى طبعا
حنين : بص حضرتك
وليد : أسمى وليد مش حضرتك
حنين : امم ...بص يا وليد انا من الاخر محطمة نفسيا من جوايا والشخصية الموجودة قدامك شكل عالفاضى
وليد : طب أهدى عشان نعرف نتكلم براحة
حنين : انا كان ليا واحدة صاحبتى جدا من ايام الدراسة و.......................
وليد : طبعا انا معاكى أنها جرحتك وخليتك تفقدى ثقتك فى اى حد يقرب منك لكن مافيش جرح تانى ممكن يكون كمل عليكى
حنين: اكيد ..اصل انا عايشة عشان اتجرح من اكتر ناس انا وثقت فيها
وليد : ممكن اعرف أية الجرح التانى
حنين : خلى كل حاجة بوقتها لكن غير كدة مافيش
وليد : عالعموم انا بحب الصراحة واعتقد انتى حسيتى دة فيا وشوفتية وعشان كدة انا مش هكدب عليكى انا بقالى شهور بتكلم معاكى وعجبانى شخصيتك ومعجب بيكى جدا واحب طبعا أطور الاعجاب دة لحاجة اكبر وبشكل رسمى واتمنى تفكرى وتاخدى وقتك وتردى عليا
حنين : 😢😢
وليد : لية الدموع
حنين : كدة لازم اتكلم معاك بس ممكن تدينى وقت
وليد.: خدى وقتك
🚶‍♀🚶‍♀🚶‍♀🚶‍♀🚶‍♀🚶‍♀🚶‍♀
حنين نزلت ركبت عربيتها وهى مخنوقة من العياط ومش عارفة تكون صريحة مع وليد ولا تكدب وتخبى علية وتبطل عذاب الضمير اللى عندها وأنها توافق على وليد وتبقى مخلصة لية باى شكل وتكمل حياتها ..
📲📲📲📲📲📲📲
بوسى : حنين
حنين : قاللى أنة معجب بيا
بوسى : وانتى قولتيلة أية
حنين : قولتلة لازم اتكلم معاك فى حاجة بس ادينى وقتى
بوسى : هتوافقى علية
حنين : فى الغالب اة مش هينفع افضل كدة وبعدين هو بيعرف يخرج منى الكلام وبيفهم اللى مبعرفش اقولة
بوسى : انتى ناسية كام مرة غلطتى فى اسمة
حنين: بوسى يعنى عجبك العذاب دة هو انتى المفروض تساعدينى اعيش حياتى ولية عايزانى افضل عايشة فى الماضى ..
بوسى : انااا يا حنين ..انا مش عوزاكى تسلمى نفسك لواحد صعب تحبية زى اياد فى يوم من الايام وتكرهى نفسك ساعتها
حنين : 😭😭 طب اعمل ايه
بوسى : متعمليش حاجة واهدى وانا هكلمك بالليل ..
حنين : انتى مشغولة
بوسى : معلش يا حنين ريتاچ عايزة تاكل وهنيمها واكلمك
حنين : بوسيهالى
بوسى : حاضر
😢😢😢😢😢😢😢
قفلت حنين مع بوسى وهى بينها وبين نفسها بتقول لازم اعمل حساب أن بوسى اتجوزت ووراها بيت وزوج وبنت ومسئولية ومينفعش الاتصال فى اى وقت عشان ظروفها ...
🚘🚘🚘🚘🚘🚘🚘
وصلت حنين البيت وغيرت هدومها ودخلت نامت وصحيت بالليل ....
الشاذلى : أية يا حنين عاملة أية
حنين : الحمدلله يا بابا
الشاذلى : صاحية لية
حنين : نمت لما جيت من الشغل ومش عارفة انام تانى
الشاذلى : خلى ماما تعملى شاى وحصلينى عالشقة فوق
حنين : لية يا بابا
الشاذلى : عايز اتكلم معاكى شوية
حنين : حاضر
🤔🤔🤔🤔🤔🤔🤔
حنين: ماما اعملى لبابا شاى
الام : حاضر روحى اطلعى وانا هجيبة
حنين : هو بابا مالة
الشاذلى : شوفية هيقولك أية
حنين : انتى عارفة حاجة
الام : هطلع معاكى واشوف
حنين : عالعموم انا متوقعة اللى هيقولة ..
الام : لما نشوف
😌😌😌😌😌😌😌
حنين كانت واثقة أن الشاذلى هيكلمها على موضوع وليد وطبعا كان صعب المرة دى انها ترفض ...
🙈🙈🙈🙈🙈🙈🙈
الشاذلى : اوعى تفتكرى أن انا سايبك تروحى الشغل ومعرفش عنك حاجة
حنين : مافيش جديد يا بابا عشان حد يعرفة يعنى شغل عادى
الشاذلى : لية هو وليد محاولش يكلمك
حنين : 😳
الشاذلى : اللواء عبد الرحيم مش تعبان زى ما انتوا عارفين بس قال يستريح شوية ووليد طبعا بالنسبالة هو كل حاجة عشان معندوش اولاد وعشان كدة كلمنى وطلبك لوليد
حنين : 😳 وليد بس
الشاذلى : انا مقولتش لا موافق ولا رافض لان ازاى هفتح باب جديد علينا والباب القديم لسة ماسك فينا
حنين: انا فاهمة قصدك يا بابا بس اوعدك انى هسمع كلامك المرة دى
الشاذلى : تسمعى كلامى ازاى
حنين : يعنى هوافق على وليد
الشاذلى : غصب عنك يعنى
حنين : عايزنى اعمل ايه يا بابا
الشاذلى : أية اللى يجبرك انك تتجوزى مدام مش عاوزة
حنين : عشان دة الطبيعى ولازم الواحد يعيش
الشاذلى : غلط لان الواحد لو محبش عيشتة هيفضل تعبان
حنين : يا بابا اعمل اية طيب
الشاذلى : اياد كلمنى ولسة متجوزش زى ما كنا فاكرين
حنين : 😳😳 
الشاذلى : بقالة فترة طويلة جدا بيحاول يكلمنى ويتصل بيا وانا بصراحة قفلت علية اكتر من مرة  لكن مصمم وقولت اقابلة واشوفة واحرجة بالكلام عشان ميجيش الشركة تانى لكن لما سمعتة غيرت رأيى
حنين : انا يا بابا مش عايزة اشوف وشة تانى وانا موافقة على وليد ،،هو فاكرنى قاعدة تحت إمرة يسيب وقت ماهو عاوز ويرجع وقت ماهو عاوز ..ازاى يا بابا كنت طردتة من مكتبك ولو هو عندة كرامة فعلا مكنش يحاول يجى تانى عندك
الشاذلى : أهدى واسمعية الاول
حنين : بص يا بابا وحضرتك يا ماما مش معنى انى مجروحة يبقى علاجى انى ارجع لاياد فاهمين !! استحااالة مهما عمل
الشاذلى : اياد هيجى البيت بكرة وهتقعدى تتكلمى معاة هنا فى الشقة دى لوحدكوا مهما طال الوقت ساعة اتنين تلاتة مش بقولك وافقى غصب عنك بس اسمعية وطلعى كل اللى جواكى وقولية وانا عن نفسى فهمتة وعاتبتة وغلطتة فى حاجات كتير بس اللى هو عملة يخلينى احترمة وانا اللى اقولة ياريت تتجوز بنتى
الام : اسمعية يا حنين ومحدش هيغصبك على حاجة
الشاذلى : مش عاوز صوت عالى بكرة وعاوزك تكونى عاقلة وتسمعية
حنين : 😭😭😭😭😭 ياااااااة يا بابا الدنيا دى غريبة اووى وقت ما الواحد بيبقى ماسك فى حاجة وهو شايفها احسن حاجة وفرحان بيها كل الظروف تعاندة ووقت لما يبقى بايع الحاجة الظروف تتحايل علية عشان يرجع يقبلها تانى 😭😭 طب هو لييية من الاول اصلا ليييية نحس بكل العذاب دة
الشاذلى : أمر ربنا وكل حاجة نصيب .. اياد جاى بكرة وعايزك تكونى حنين اللى نعرفها بلاش انتقام
حنين : مش عاوزة اشوفة
الشاذلى : كلامى يتسمع
😢😢😢😢😢😢😢
حنين نزلت اوضتها وهى عندها شعور غريب ومتلخبطة ويا ترى اللى بيحصل دة حقيقى ولا حلم وبالرغم من أنها فرحت أن اياد متجوزش لكن كانت زعلانة منة جدااا وجواها الم صعب يروح بسهولة ...
😍😍😍😍😍😍😍😍😍😍
لااااايك وكومنت لمتابعة حدوتة حنين
عشان نعرف أية اللى حصل بين اياد وحنين وازاى اياد عرف يوصل لأخبار حنين طول فترة السنة ونص ..
تحياتى حنين الماضى 🤗