حدوتة حنين

البارت الاربعين

البارت (٤٠) حدوتة حنين
......................................
نزلت حنين استلمت فستان خطوبتها وكان عجبها جدا وخلاص قربت الخطوبة وكل حاجة بقيت تمام والكل كان فرحان فيما عدا الشاذلى  مكنش مبين هو فرحان ولا حزين بس كان ساكت معظم الوقت ...
فى يوم الخطوبة حنين نزلت بيوتى سنتر واتفقت على كل حاجة من ميك اب وتسريحة الشعر وغيرة ...
اياد اتصل بحنين
📱📱📱📱📱📱📱
حنين : الو
اياد : انتى فين يا قمر
حنين : بجهز عشان عندى فرح
اياد : هههههههه فرح مين بقي
حنين : واحدة كنت فاقدة الامل انها تتخطب
اياد.: دة ربنا بيحبها اكيد
حنين : شكلها كدة ههههه
اياد : طب هتخلصى امتى
حنين : لية
اياد : اجى اخدك
حنين : لالالا بابا قالى خلصى وتعالى عالبيت قبل انتوا ما تيجوا
اياد : لية
حنين : هو حابب يأجل كل حاجة للفرح وانا مش مشكلة عندى
اياد : بس كان نفسى اشوفك
حنين : هتشوفنى لما تيجى البيت
اياد : ربنا يستر
حنين : من أية
اياد : من نفسى لما اشوفك
حنين : ههههه هتلاقى بابا واقف ورايا فاكيد هتفوق ههههه
اياد.: ههههه بتعرفى تفوقينى اهو
حنين : هههههههه اى خدمة
اياد : لبستى الفستان ولا لسة
حنين : لسة لما اخلص
اياد : طيب اول لما تخلصى رنى عليا عشان اعرف
حنين : حاضر
اياد : مع السلامة يا حبيبي
حنين : باى
🥰🥰🥰🥰🥰🥰🥰
داليا : واخيرا يا نونة هتتخطبى هههههههه
بوسى : ههههه دة اكيد حلم
سما : انتوا بتقولوا كدة وانتوا بعيد اومال انا اعمل ايه
حنين : خلاص يعنى بقيت هم عليكو
داليا : لا يا حبيبتي احنا بنقول كدة من فرحتنا
بوسى : انا فعلا مقتنعة أن الجواز قسمة ونصيب يعنى انا كنت المفروض اكتب كتابى من شهرين تقريبا ورجعوا اجلوا كل حاجة على آخر لحظة وقالوا كلة مع بعضة وانتى مكنتيش عاملة حسابك على حاجة خالص واهو سبحان الله
داليا : يا بنتى اهم حاجة اننا نتجوز عشان كفاية علينا كدة
كلهم : هههههههه
حنين : لالا ودودو بقى الفرحة الكبيرة خلاص قربت
داليا : والله خايفة من كلامكوا دة من الصبح وعارفة انكم هتمسكونى تريقة
حنين : ههههه لا والله انا فرحنالك جدا وفعلا انتى غيرتى من باسم كتير
بوسى : لااااا دانتى مشوفتيش دة بقى حاجة تانية خالص وقالها ابقى لمى شعرك وانتى جاية الشغل ههههه تخيلى
حنين : ههههه شوفتوا الراجل لما بيحب لازم يحط لمستة بردو
سما : يعنى يا ريت تراعوا مشاعرى شوية عشان انا لسة بدرى خااالص
حنين : السنين هتجرى متخافيش ويارب تحبى كدة زينا
سما : لالا انا اللى بابا هيشاور علية هقولة انا حبيتك عشان خاطر بابا وانت وحظك
كلهم : هههههههه
ميك اب ارتيست : هو احنا ينفع ناخد صورة ليكو نعلقها هنا عشان شكلكوا حلو ماشاء الله وتبقوا دعاية لينا ؟
حنين : لالا ونبى بلاش لحسن بابا عندى لو عرف ممكن يقفل السنتر قبل ما تعملوا الدعاية
كلهم : هههههههه
حنين : انا هقوم البس الفستان
داليا : واحنا كمان ..يالا يا بنات نساعد نونة وبعد كدة احنا نلبس
حنين : لالا هتكسف منكو خليكوا للآخر وانا بقفل السوستة
بوسى : مكسوفة مننا احنا ههههه طيب ...
حنين : انا داخلة ومحدش يجى
سما : متخافيش ادخلى يالا
🥰🥰🥰🥰🥰🥰🥰
لبست حنين الفستان وخرجت ليهم والكل قالها ماشاءالله أية الجمال دة وطبعا الكوافيرة قالتلها : انتى من الوشوش اللى بتليق عليها اى تسريحة وبتساعدنى افنن فى شغلى
حنين : ميرسى جدا
الكوافيرة : انتى شايفة نفسك ازاى
البنات : دى زى القمر ماشاء الله
حنين بفرحة : انا مبسوطة بشكلى ومش مصدقة أن انا اللى فى المرايا هههههههه
داليا : حبيبتى يا نونة عقبال الفستان من اخضر للابيض يا رب
البنات : يارب
بوسى : هزغرط بقى
لولولى لولولى لولولى
سما : ههههه انا اخت العروسة ههههه والله انا اللى مش مصدقة
داليا : عقبالك يا سما
سما : يااااااارب وبوسى تيجى ساعتها بدستة عيالها عشان تزغرط هههههههه
بوسى : هههههههه يالا انتى بس وساعتها هسيب العيال مع ابوهم متقلقيش
سما : ههههه خلاص متفقين
حنين : يالا ننزل بقى الساعة بقيت ٦  ومش عاوزين نتأخر
🚘🚘🚘🚘🚘🚘🚘
وصلت حنين البيت و جت الساعة ٧.٣٠ ووصل اياد لشقة حنين ومعاة أهلة
خال حنين : اهلا وسهلا اتفضلوا اتفضلوا
عم اياد : اهلا بيك
ام حنين جت تسلم وكانت اول مرة تشوف اياد
عم اياد : اكيد ام العروسة
ام الحنين : اة اهلا وسهلا نورتونا وعقبال ما نفرح بباقى البنات والشباب يارب
اياد : ازيك يا امى انا اياد
ام حنين : اهلا بيك يا بنى نورتنا ماشاءالله عليك
الشاذلى : السلام عليكم
كلهم : عليكم السلام
ام حنين :  اهلا بيكى يا ام العريس
ام اياد : اهلا بحضرتك ربنا يتمم على خير
يوسف : انا بقى اكتر واحد كنت عاوز اشوف اياد عشان اتعلم منة ههههه ازيك يا عريس
اياد : الحمدلله انت اكيد يوسف
يوسف : طبعااا ههههه الف مبروك
اياد : الله يبارك فيك عقبالك
يوسف : نفرح بيكو الاول عشان تفتحوا نفسنا هههههههه
ابو اياد : معلش اتأخرنا شوية على ما الكل اتجمع
الشاذلى : لاااا ولا يهمك
عم اياد : أن شاء الله ربنا يتمم على خير
عمة اياد : ان شاء الله ..اومال فين عروستنا الجميلة انا نفسى أشوفها
ام حنين : هتيجى حاضر ... قوم يا يوسف هات اختك
خال حنين : دى بنت الغاليين عندنا انا اللى هجبها
عمة اياد: طبعا غاليين واللى اياد يختارها تبقى غالية علينا زية بالضبط
ام حنين : الله يخليكى شكرا
خال حنين : العروسة بتاعتنا اهى
ام اياد : الله اكبر الله اكبر بسم الله ماشاءالله تعالى يا عروسة انا ماما الحاجة
حنين بكسوف : ازي حضرتك
ام اياد : بخير والحمدلله والله اياد عندة حق
عمة اياد: شاطر يا اياد عرفت تختار عروسة قمرر الف مبروك يا حبيبتى
حنين : الله يبارك فى حضرتك يا طنط
ابو اياد : الف مبروك يا بنتى
حنين : الله يبارك فى حضرتك
اياد : يعنى سلمتى عليهم كلهم طب وانا ؟
كلهم : هههههههه
ام حنين : متكسفهاش بقى هههههههه
اياد : انا اللى جايبهم يعنى لازم تسلم عليا اول واحد
خال حنين : مينفعش هو فى بركة تكمل غير بالوالد والست الوالدة والناس الجميلة اللى جاية معاك
عم اياد : الف شكر ربنا يكرم اصلك
ام اياد: ماشاء الله بناتك زى القمر ربنا يحميهم
ام حنين : انا عندى حنين العروسة وسما اختها اللى جنبها ويوسف وداليا وبوسى زى بناتى واصحاب حنين من الدراسة
عمة اياد: ماشاءالله كلهم زى القمر ..اصل احنا البنات عندنا عملة نادرة ونفسنا يبقى عندنا بنات كتير
ام حنين: البنات نعمة وفيهم حنية حلوة
ام اياد: اة طبعا والحمدلله ربنا رزقنى بنسرين اخر العنقود وغيرت حياتنا تماما
حنين كانت قاعدة مكسوفة واياد فضل يبص عليها وكان معجب بيها جدا لكن سما وداليا وبوسى كانوا مركزين فى كل كلمة وكل حركة وكل نظرة بتحصل من اياد واهلة ..
ابو اياد : احنا يا سيادة اللواء لمينا بعض كدة وجينا عشان نخطب لابننا الكبير ودة اول حفيد لعيلة ( ...... ) وشرف لينا اننا نناسب حضرتك طبعا ولو عند حضرتك اى استفسار عن اى حاجة انا تحت امرك
الشاذلى : الشرف لينا يا بشمهندس واياد كان فهمنى ووضح كل حاجة..
ابو اياد: على بركة الله وان شاء الله ربنا ما يجيب خلافات ونقدر دلوقتى نطلب من حضرتك انك توافق على خطوبة بنت حضرتك حنين  لابننا اياد ..
الشاذلى بعد ثوانى : الف مبروك ودة شرف لينا اكيد
عم اياد:  الشرف لينا يا سيادة اللواء يعنى نقرأ الفاتحة على بركة الله
خال حنين: نقرأ الفاتحة خلى الولاد يفرحوا
الكل : ....... صدق الله العظيم
لولولى لولولى لولولى لولولى
الكل بارك لحنين واياد والمزيكا اشتغلت وكان يوسف جايب دى چى وكان صاحبة محضر الاغانى ...
اياد : اقوم انا اسلم عليها مدام هى مكسوفة تسلم
الكل : هههههههه
اياد مد ايدة سلم على حنين : مبروووك
حنين : الله يبارك فيك
اياد مال على حنين وبصوت واطى قالها : أية الجمال دة
حنين ضحكت من الكسوف
يوسف : لالا تعالو اتفضلوا دانا محضر كوشة حلوة والله هتعجبكوا
ام حنين: يوسف بقالة يومين منامش عشان الكوشة هههه
اياد : لالا الله ينور يا يوسف
يوسف : أية رأيك بقى
اياد : مافيش احلى من كدة وكفاية انها على ذوقك
يوسف : اقولك على حاجة بعيد عن الشاذلى
اياد : قول
يوسف : اختى ليها حق تصمم عليك
اياد : هههه حنين دى احلى حاجة عندى
سما : انتوا بتقولوا أية انا عايزة اسمع
اياد : بنقول العروسة واخت العروسة ربنا يستر عليهم من العين هههههههه
يوسف : ايوة ايوة هو كدة بالضبط
ام اياد : يالا يا عريس مش هتلبس عروستك الدبل ولا أية ..
اياد : انا جاهز اهو
ام حنين لسما : متعرفيش هما ليهم فى الدهب ولا السولتير
سما : 🙄 ماما اللى جابو سولتير اطلقوا ولا نسيتى
ام حنين: عشان تبقى زيها زى قرايبها
سما : المهم تبقى مبسوطة يا ماما واهو طلع الدبل
اياد : انا طبعا عشان الوقت كان ضيق قولت اجيب حاجة كدة على ذوقى وحنين براحتها لو حبت تغيرها بعد كدة
ام حنين: ان شاء الله ربنا مايكتب عليكم التغيير
اياد طلع علبة الدبل وكانت فيها دبلة حنين  ودبلتة وتوينز وكان لسة نازل جديد   واتنين خاتم وانسيال
اياد بنظرة قوية: مينفعش نكتب الكتاب ونخلص النهاردة
حنين : ههههه ياريت
اياد لبس حنين الانسيال وبعد كدة الخواتم وفى الاخر الدبلة والتوينز وكان عايز يبوس ايد حنين لكن حنين اتكسفت وخافت من باباها ومالت علية وهى بتهرج عشان متحرجهوش : بابا بس  ..
اشتغلت الاغانى وجة العصير وبعد كدة اتعمل البوفية وكان الشاذلى جايب شيفات يعملوا البوفية وكان عبارة عن حمام وديك رومى وكفتة وبانية ومكرونة باشميل ورز بالخلطة وشوربة كريمة وسلاطات وتوست محمص
ام اياد: ماشاءالله مكلفين نفسكوا وكدة كتير والله
ام حنين: الف هنا هو احنا هنفرح كل يوم بس يارب يعجبكوا الاكل
عم اياد: لالا والله فكرتونى بأيام الست الوالدة كانت ايام افراحنا تعمل وليمة زى كدة والله الواحد حاسس أنة قاعد فى بيتة
خال حنين: احنا خلاص بقينا اهل وربنا جعل القبول من أول لحظة
الشاذلى : اتفضلوا اتفضلوا
ابو اياد: مش هتاكلوا معانا ولا أية
الشاذلى : لالا انتوا خليكوا براحتكوا .. اتفضلوا
اياد لحنين : مش هتقعدى جنبى
حنين : لا مش هينفع عشان بابا
اياد وهو مركز فى وش حنين : انا عايز اكلك انتى دلوقتى
حنين : اياد كفاية انا مكسوفة من بابا
اياد : ماهو رسمى اهو
حنين.: طب اعمل ايه مكسوفة
اياد : يعنى مش هنعرف نبقى لوحدنا شوية
حنين : ازاى هو فى مكان فاضى
اياد : طب انا مش جعان انا عايز اقعد معاكى ...استنى ..يوسف يوسف
حنين : هتعمل ايه
يوسف.  : نعم يا عريس
اياد : انت مش عامل مكان كدة للعريس والعروسة بعيد عن الزحمة دى
يوسف : احمد ربنا أن عرفت اعمل كوشة والشاذلى فى البيت
كلهم : هههههههه
اياد : خلاص مش لازم انا بقول الكوشة كفاية
كلهم : هههههههه
يوسف : ولازم تقوم عشان تاكل
اياد : انت شايف كدة
حنين : بصراحة اة عشان عندك مكسوفين وانت شجعهم
اياد : ماشى هقوم
🥰🥰🥰🥰🥰🥰🥰
البنات : مبروووك يا نونة
حنين: حد يقولى هو دة حقيقى. وانا العروسة واياد العريس وقاعد برة
ام حنين: مبروك يا قلب ماما واياد شكلة راجل وعريس حلو
حنين : أية رأيك يا ماما
ام حنين: حلو يا حبيبتى بس انتى أية قمر واول لما خرجتى الكل بصوا عليكى وهما فرحانين
داليا : اة يا طنط شوفتى عمتة كانت عمالة تبص ازاى
بوسى : خدتى بالك هههههههه حتى الشوز كانت بتبص عليها
ام حنين: عقبالكوا كلكوا يا بنات
البنات : ربنا يخليكى يا طنط
ام اياد: هروح اشوف حد عايز حاجة ولا اية
😍😍😍😍😍😍😍
سما : قوللنا بقى اياد كان بيوشوشك يقولك اية؟
داليا : اة يالا قولى
حنين : كان نفسة نقعد لوحدنا وعجبة شكلى
بوسى : عجبة بس ههههه دة كانت عينة هتطلع عليكى اول لما دخلتى عليهم
حنين : انا حاسة انى بحلم
داليا : هتفوقى من الحلم معاكى عيال بس اصبرى ههههه
سما : مامتة واختة شكلهم طيبين
حنين : قوليلى يا سما هى ماما قالت حاجة على الدبل
سما : متخافيش انا رديت عشان كانت بتحسب الدبلة سولتير
داليا: انا مش هممنى غير باباكى كان بيتكلم على الاد
حنين : هو دة طبع بابا مبيحبش يتكلم كتير وعشان كدة جاب خالو عشان يمشى الجو
ام حنين: يالا يا بنات اطلعوا
سما : حاضر يا ماما
اياد : وبعدين بقي
حنين ؛ فى أية
اياد.: عايز اتكلم معاكى لوحدنا من غير ما حد يبص علينا
حنين : مش هينفع خالص
اياد.: على فكرة كنت واثق أن ذوقك حلو بس مكنتش اعرف أنة بالجمال دة
حنين : ذوق أية
اياد : كل حاجة فيكى شعرك والفستان والميك اب حتى البرفيوم اخر جمال
حنين : يعنى شكلى حلو ؟
اياد : حلو بس دانتى قمر
حنين : شوفت ماما واخواتى
اياد : اة بس خدى بالك ماما عمالة تراقبنى من بعيد لبعيد
حنين : ههههه بتحاول تحفظ شكلك
اياد.: انا خدت بالى هههه المهم قوليلى هينفع اكلمك بالليل
حنين : مش عارفة
اياد : طيب احنا نص ساعة ونقوم عشان مينفعش نقعد اكتر من كدة
حنين : لية طب خليك شوية
اياد.: مينفعش اكتر من كدة لكن انا لو عليا عايز اقعد للصبح
حنين : طب ساعة
اياد.: كدة كدة مش عارف اقعد معاكى فاكلمك فى التليفون احسن
حنين : خلاص ماشى
اياد.: حلوة الدبلة فى ايدك
حنين بكسوف : ذوقك حلو اوى
اياد : يعنى مش هتغيريها
حنين : عمرى
اياد.: حتى لو فى حاجة احدث منها
حنين : ولا احدث ولا اقدم دانا اتعذبت لحد هى ما جت
اياد : عايزك تصدقى وتثقى فيا بعد كدة ومش هقولها تانى
حنين : حاضر خلاص بقيت واثقة
ابو اياد.: طبعا لو فضلنا قاعدين للصبح العريس والعروسة مش هيزهقوا هههههههه
اياد.: اييية يا ابو اياد انت غيران ولا أية ههههه
كلهم : هههههههه
عم اياد : طب نستأذن احنا والف الف مبروك وربنا يتمها على خير
خال حنين : لسة بدرى يا جماعة
ابو اياد: معلش عشان الطريق
ام اياد: انا هسلم على العروسة القمر دى وان شاء الله المرة الجاية تيجوا تزورونا
ام حنين: ان شاء الله قريب
الشاذلى : مع السلامة مع السلامة
اياد.: حبيبى هكلمك لما اوصل استنينى
حنين : حاضر
اياد غمز لحنين وبص على شفايفها وخدها وطبعا حنين فهمت قصدة أية واتكسفت وفرحت فى نفس الوقت..
🥰🥰🥰🥰🥰🥰🥰
ام حنين : يالا يا بنات تعالوا نلم الحاجة ونشوف هنعمل أية فى الحاجات اللى جايبنها دى
حنين : احلى حاجة الورد
سما : لالا الشيكولاتة شكلها حلو اوي
داليا : يا طنط انا حطيت التورت فى الثلاجة عشان ساحت
بوسى : الف مبروك يا نونة عقبال الفرح ان شاء الله
حنين : الله يبارك فيكى ...
داليا وبوسى : هنمشى بقي عشان باسم واقف تحت مستنينا يوصلنا
حنين : خلاص ماشى وسلمى علية
😍😍😍😍😍😍😍😍😍😍
لااااايك وكومنت لمتابعة حدوتة حنين
عشان نتعرف اكتر على خطوبة حنين واياد ..
تحياتى حنين الماضى 🤗