اياد بنظرة قوية : انتى مين ؟
حنين : نعممم
اياد : فيكى حاجة غريبة عليا
حنين : يعنى سايب اصحابك وجاى تسأل واحدة متعرفهاش ،، بذمتك مش دة اللى غريب
اياد : جاوبى على سؤالى
حنين : هو أمر ولا أية !!
اياد : لاة مش أمر هو طلب عادى وبنية صافية والله العظيم
حنين : وانا اعرفك عليا لية !!!!؟؟؟
اياد : عشان حلمت بيكى وجيت النهاردة اشوفك عشان اول مرة احلم بواحدة
حنين : عظيييم اووى لحد كدة والمفروض اصدق
اياد : أية اللى يخلينى اكدب
حنين :دة طبع اى شاب
اياد : غلطانة انا راجل مش شاب مراهق ،، اعتقد فى فرق كبير واسألى عليا وانتى تعرفى ؟
حنين : مش محتاجة اسأل مالوش لازمه
اياد حط رجلة على درجة السلم اللى فوق الدرجة اللى حنين قاعدة عليها وقرب وقالها : انا ماشى دلوقتى عشان عندى شغل بس استنينى عشان هنبقى نكمل كلامنا بعدين ولو قررتى تقرأى لعبد الوهاب مطاوع ابقي أقرى كتاب ( عاشوا فى خيالى ) هيعجبك وواقعى وهتلاقى فية حاجات من بريد الجمعة واراء من عبدالوهاب فى بعض الحاجات اللى نزلت ف بريد الجمعة اكيد هيفرق معاكى مدام متأثرة بية كدة ...
اياد نزل رجلة من عالسلم ووقف وبص لحنين بابتسامة اعجاب وقالها سلااام..
حنين مردتش علية السلام بس اضايقت من ثقتة الزايدة ف نفسة وحسيت انها مش طبيعية اول لما رفع رجلة على السلم وهى قاعدة وزاد احساسها لما نزل رجلة تانى وبصلها نظرة شقلبت كيانها وكأن نظرة عينة دخلت جواها بعمق ومشى وهو واثق من نفسة جدا ...
ومن هنا بدأت حنين تتعلق باياد وخصوصا بجرأتة ولما عرفت أنة بيشتغل زاد اعجابها اكتر واكتر ...
🥰🥰🥰🥰🥰🥰🥰
حنين فضلت تبص على اياد لحد ما وصلتة بعنيها للطريق اللى يخرجة من باب الجامعة
داليا : احم احم
حنين : كل دة انتوا بتهرجوا
بوسى : ههه يا سلام شكلك بتقولى أية اللى جابكوا دلوقتى وعينك هتطلع على الاتم دة
حنين : بس عشان مفروسة منة وطلع رخم واتم فعلا
داليا : أية اللى حصل خلاكى مدايقة كدة !!
حنين : مغرور فعلا وواخد مقلب في نفسة وانا مش عارفة على أية اصلا ..
بوسى : ما انا قولتلك وانتى اللى بتحبى تحيرى نفسك
هشام : ازيك يا حنين
حنين : ازيك انت
هشام : أية اللى وقعك مع اصحاب رامز
حنين : وقعنى !!!
هشام : شايفة واقف معاكى ولقيت شكلك مدايق بعد لما مشى
بوسى : وانت واقف بتراقبنا بقى ولا أية
حنين : انا عايزة امشى زهقت
هشام : انا اسف لو دايقتك بس عادى انتى عارفة بعاملكوا كلكوا زى اخواتى
حنين : طبعا طبعا
هشام : عالعموم دوول دفعة واتخرجت واكيد جايين يتسلوا على بنات الجامعة فخدى بالك
حنين : ماشى شكرا 😊
هشام : يالا سلام
بوسى : فى أية هى قلبت غم كدة لية
حنين : ولا غم ولا حاجة ،،المهم انى كسبت الرهان
داليا : هههههههههههه اة يا بنت اللذينة كسبتى بس خلى العزومة المرة الجاية عشان نقعد براحتنا ..
حنين : ماشى ههههه يالا نقوم
بوسى : يالا يا عيونى عشان دادى اكيد مستنى بنتة اللى فى كى جى يرجعها البيت
حنين : لااا يا عيونى بابا مسافر وقاللى اعملى حسابك بعد كدة هترجعى لوحدك الفترة الجاية عشان مشغول جدا
داليا : متأخر اووى القرار دة
حنين : انا واحدة باباها بيخاف عليها ،، انتوا مدايقين لية ؟
بوسى : احنا مش مدايقين ولا حاجة هههههههه
حنين : انا اللى هطق من الفرسة معقولة فعلا بتعامل لسة ف البيت ولا كأنى ف مدرسة
داليا : هههههههههههه خلاص أهدى ولازم نحتفل بقى بالمناسبة دى
بوسى : ايوة حنين الشاذلى هتركب المترو معانا مرة واحدة هههههههه
حنين : لالا مترو أية والزحمة انتوا بتهرجوا طبعا
بوسى : اومال هتركبى أية
حنين : ناخد تاكسى ونبقى بكرامتنا ولا بهدلة ولا حاجة
داليا : ميييين !!! تاكسى ؟؟
بوسى : خلاص يا داليا أهدى ،،غلطت معلش متعرفش انك عندك الضغط وكان واطى ودلوقتى بقى عالى هههههههه
حنين : هههههههه حلو اوى الحوار دة
داليا : بصى يا قلبى احنا هنركب المترو ف عربية السيدات ونقعد كدة كويسين على الكراسى وانتى وحظك لو لقيتى مكان فاضى
حنين : كمان مش هنقعد
بوسى : بكرة تندمى انك ضيعتى عمرك من غير ما تركبى المترو ولمة اصحابك والضحك وكيس الشيبسي ف ايدك والبيبسي فى ايدك التانية والكتب مرمية جنبك هههههههه
حنين : انا عارفة انكوا بيئة وشكل عالفاضى
داليا : احنا شكل عالفاضى يا نونة !!
حنين : اة طبعا ،،كل واحدة عاملة ف شعرها عمايل وكل يوم طقم وآخر شياكة وبرفانات وف الاخر بتترموا عالارض ف المترو
بوسى : هههههههه بلد عربيات صحيح
داليا : اسكتى اسكتى دى متعة
حنين : طب يالا وامرى لله
داليا : يالا بينا
بوسى : مالك يا نونة سرحانة ف أية
حنين : ماااافيش عااادى
داليا : مدايقة من اياد
حنين : مش عارفة افسر اللى جوايا بس بصراحة اسلوبة استفزنى
بوسى : لية هو قالك أية عشان يستفزك ؟
حنين : ولا حاجة بس انا مستفزة منة جدا
داليا : خلاص بصى كبرى منة وانتى اهو كسبتى الرهان وخلاص بقي خلينا ف حالنا
حنين : عندك حق ،،، يخربيت كدة أية الزحمة دى
بوسى : أجروا بسرعة عشان نلحقوا قبل ما يطلع
حنين : 🙄😳😳 نجرررى!!
داليا : الحمد لله لحقنا
حنين : لحقنا أية بس الله يسامحكوا
بوسى : اتعودى بقي يا نونة هههههههه
حنين : احنا هنفضل واقفين ولا أية
داليا : هههههههه لو كرسى فضى هنقعدك انتى واى خدمة
حنين : مش بقولكوا منظر عالفاضى
🙃🙃🙃🙃🙃🙃🙃
رجعت حنين البيت ومافيش فى دماغها غير اياد وهو بيكلمها وهو مقرب واصرارة وثقتة ف كلامة ودقات قلبها غريبة وكل ما تفتح كتاب تفتكر كلامة ونظراتة
😴😴😴😴😴😴😴
نامت حنين وفكرت كويس انها تعمل حركة وفهمت بينها وبين نفسها أن قلبها دق من نظرة قوية ليها وحاولت تخرج الاحساس دة من قلبها بكل قوة عشان أهدافها اللى كانت مخططاها لنفسها متضعش منها وكمان كانت عارفة أن موضوع زى دة استحالة اهلها يوافقوا علية لاعتبارات كتييير ...
ابو حنين راجل جيش شديد ومتذمت جدا ودايما عامل حصار حوالين اولادة وانة مانع كل حاجة عنهم بمعنى ممنوع لحنين النادى وممنوع تخرج مع أصحابها وممنوع تروح لحد من أصحابها ف بيتة واللى عاوزها يجى هو البيت ولو حنين عايزة تخرج مافيش خروج الا مع باباها أو مامتها وهكذا ...
وف الإجازة كانت حنين بتقضيها مع نفسها ياما فى اوضتها مع شرائط الكاسيت ومتابعة برنامج اسامة منير واللى ساعتها خد مكانة كبيرة عندها زية زى الكاتب عبد الوهاب مطاوع وكانت دايما تحب تسمع مشاكل البنات والشباب وف اوقات كانت تقوم هى بالرد عليهم بس طبعا بينها وبين نفسها أو تقصى حنين وقتها فى شقتهم التانية الموجودة ف العمارة وكانت بتحب تقعد فى الضلمة وتشكل كاظم الساهر وخصوصا اغنية هااحبيبى وقولى احبك ..
حنين كانت عاقلة جدا وكانت اكبر من سنها بكتييير ورذينة على حسب كلام اللى حواليها
😌😌😌😌😌😌😌
وبعد تفكير عميق حنين توقعت أن اياد هيجى الاتنين اللى جاى ورتبت حوار مع داليا وبوسى أصحابها ..
حنين : بصوا بقي انا عايزاكوا تعملوا حاجة
داليا : حاجة أية
حنين : دلوقتى اللى اسمة اياد دة شكلة كدة عايز يتسلى عليا وفاكر انى هبلة
بوسى : يبقى عبيط طبعا
حنين : طبعااا بس انا عايزة اقلب الحوار ليا مش عليا
داليا : ازااى
حنين : بفكر مجيش يوم الاتنين الجاى واكيد هو هيجى وهيحاول يدور عليا بس لو حد سأل عليا اى حد تقولولة مبتردش على تليفون ومنعرفش لية مجتش
داليا : هو انتى معتقدة أنة هيجى يسألنا
حنين : ممكن لية لاة ولو مش هو يبقى هيبعت رامز
بوسى : وهتغيبى فعلا
حنين : اة
داليا : ماشي بس هتوصلى لأية كدة
حنين : على الأقل يفهم انى مش مستنية اليوم اللى بيجى فية يعنى مش ف دماغى ويفكة منى
بوسى : نظرية ماااشى
داليا : انا شاكة أنة فاكرك مش مصرية عشان طريقة كلامك وشكلك
حنين : ازاى يعنى ؟
بوسى : يا بنتى انتى عندك كلام متغير شوية عن المصريين دة غير ماشاء الله جمالك فطبيعى اى حد يطمع فيكى
حنين : انا مصرية بس عشان قرايبى وقربى منهم فبعض الكلمات متأثرة بيها اكيد بس كلنا بنتكلم عربى عادى وسيبك من كدة ماانتوا كمان زى القمر ولما بتصور بحس اننا اخوات وشبة بعض
داليا : طيب لو سأل واحنا قولنا مجتش كدة هيبقى خلاص ونريح دماغنا بقي عشان نركز ف الامتحانات اللى قربت دى ولا أية
حنين : اااة ونقفل بقي
داليا : ماشى اتفقنا
🙃🙃🙃🙃🙃🙃🙃
طبعا حنين طلبت منهم كدة عشان تخلى اياد يولع اكتر من ناحيتها ويقرب منها اكتر وكانت محتاجة نظرة قوية جدا تاخدها لعالم تانى عمرها ما عاشت فية ولا تعرفة من كتر القيود اللى حواليها ..
🙂🙂🙂🙂🙂🙂🙂
وفعلا جة اياد يوم الاتنين وكانت داليا وبوسى زى المخبرين بيراقبوة من بعيد لبعيد ...
اياد فضل ساعتين مبيعملش حاجة اكتر من أنة مستنى حنين تظهر ف اى وقت وبجرأة فظيعة راح عند البنات وبذكاء يكلمهم ...
داليا : يا لهوووى دة جاى
بوسى : طب بس بس اتكلمى ف اى حاجه
داليا : ماشى،،، هنجيب الملزمة ونشوف الملغى ونخلص بقي
اياد : صباح الخير
داليا : صباح النور
اياد : ااااا هى حنين مجتش ولا أية
بوسى : لاة مجتش
اياد : لية
داليا : منعرفش واتصلنا بيها كتير مبتردش
بوسى : تحب أبلغها بحاجة
اياد : ياريت تبلغيها انى سألت عليها عشان لقيت المكتبة اللى فيها الكتب اللى عوزاها
بوسى : كتب !!
اياد : بلغيها بس وهى هتعرف ..
داليا : حاضر هنبلغها
اياد : شكرا
🙃🙃🙃🙃🙃🙃🙃
بوسى : الحقى دة بيسلم على رامز وشكلة ماشى
داليا : أية دة غريبة مقعدش لحد اخر اليوم زى كل مرة
بوسى : بقولك أية انا شاكة ف حاجة وشكلها كدة صح
داليا : أية
بوسى : اياد حب حنين ومعجب بيها
داليا : أية العبط دة
بوسى : والله ودلوقتى تشوفى
داليا : بس لحسن حنين تقتلك
بوسى : المشكلة بقي ف حنين لانها سايبة حياتها لبابها هو يخطط ويرسملها حتى فى مشاعرها
داليا : فاكرة لما قالتلنا انها مش هتحب حد غير لما باباها يقولها دة اللى هتتجوزية وبعدها هتحبة عشان ترضى باباها
بوسى : شكلها بقي هتقع واياد هو اللى هيوقعها
داليا : هتتصلى تبلغيها ولا لما نرجع البيت ؟
بوسى : لما نرجع احسن
داليا : ماشى يالا ندخل المحاضرة بقي كفاية كدة
😌😌😌😌😌😌😌
حنين ف الوقت دة كانت هتتجنن عشان تعرف اياد راح الجامعة ف اليوم دة ولا لاة ؟ ومش عاوزة تتصل بيهم عشان متلفتش نظرهم انها مهتمة بس ضربات قلبها سريعة جدا وكانت بتدعى أن اياد يكون راح وسأل عليها ..
🙂🙂🙂🙂🙂🙂🙂🙂
