البارت (٢٩) حدوتة حنين
......................................
حنين كانت زعلانة من نفسها لانها السبب أن سما لاول مره تضرب على وشها وكانت ندمانة انها عرفت سما على اياد وعرفتها الموضوع ...
حنين طلعت الشقة اللى فوق وقعدت تفكر تعمل أية فى المشكلة اللى حطت الكل فية وهتعمل أية مع باسم وازاى هتتعامل معاة ...
وقررت فى الاخر وبعد تفكير طويل انها متظلمش نفسها وتفكر كويس وتدى نفسها فرصة لعقلها تجرب زى ما جربت قلبها مع اياد وتشوف العقل ولا القلب اللى هيكسب عندها فى الاخر ولكن انهارت فى العياط فى الاخر لان قلبها مشتاق لكل لحظة قضتها مع اياد وكل كلمة حب حصلت بينهم وبعد ما مسكت الموبايل عشان تتصل باياد رجعت فى كلامها تانى ومافتكرتش غير اياد وهو بيقولها مع السلامة
😢😢😢😢😢😢😢
فضلت حنين سهرانة للصبح ولما قرب ميعاد شغلها قامت لبست ونزلت ورجعت العربية تستناها تحت البيت تانى ،،لكن وهى نازلة كان عندها احساس أن اياد ممكن يطلعلها من اى حتة وعلى الرغم انها كانت خايفة الا ان كان نفسها تشوفة ويفضل يلاحقها عشان ترضى قلبها ...
وصلت حنين الشغل ودخلت مكتبها ...
داليا : عاملة أية النهاردة
حنين : الحمدلله ..هى بوسى فين
داليا : اتخنقت معاها امبارح وتلاقيها عشان كدة مجتش
حنين : اتخانقتوا لييية ؟؟
داليا : استفزت اياد امبارح فى الكلام وقالتلة مالكش دعوة بحنين وطبعا هو رد عليها وكان على اخرة فزعلت منى انى بعاتبها
حنين : انتوا كمان اتخانقتوا لاول مره مع بعض بسببى
داليا : يعنى اية انتوا كمان
حنين: سما اتخنقت مع بابا امبارح وضربها بالقلم بسببى
داليا : 😳😳 لية كدة
حنين : هبقي احكيلك
داليا : اياد بيحبك يا حنين والله بيحبك
حنين : عدا الوقت خلاص واياد بقي ذكرى بس هو مش عاوز يسيبنى ف حالى عشان يبقى ذكرى
داليا : متضحكيش على نفسك بقي يا حنين وانتى الوحيدة اللى ممكن ترجعى كل حاجة زى ما كانت
حنين : باسم جة ولا لسة ؟
داليا : سلامتك يا حنين هو باسم امبارح قال هيجى عالضهر النهاردة عشان رايح يخلص حاجة فى البنك
حنين : قال كدة امتى
داليا : امبارح
حنين : ماشى اهو كويس عشان ماليش نفس اتكلم معاة فى اى تفاصيل
داليا : ثوانى هرد عالموبايل واجى ...
حنين: ماتردى هنا
داليا :معلش عشان صدى الصوت بيأثر على الموبايل
حنين : ماشى
📲📲📲📲📲📲📲
داليا : الو
اياد : شوفتها وهى طالعة
داليا : عندك وقت كفاية لحد الضهر واكتر من كدة مش هعرف اعمل حاجة وياريت تقدر تخلص الموضوع عشان لو مخلصش استحالة حنين هتبص ف وشى بعد اللى هيحصل
اياد : انا متشكر جدا وادعيلنا
داليا : ربنا يهديكوا
اياد : انا طالع
داليا : انا هخرج من المكتب عشان لو باسم جة بدرى ولا حاجة احتياطى وانا اتصلت بية اتأكدت بس ناخد احتياطنا بردوا عشان أبوة هنا ...
اياد : ماشى
🙄🙄🙄🙄🙄🙄🙄
حنين فضلت مريحة ضهرها عالكرسى وبتفكر فى سما وازاى تخلص المشكلة اللى حصلت فى البيت ..
حنين كانت سامعة خطوات حد جاى من وراها بس كانت واثقة انها داليا واول لما الخطوات وقفت كلمتها من غير ما تشوفها ..
حنين : تفتكرى انا صح ولا غلط ؟ انا حاسة انى تايهة
اياد قرب من حنين وكان مشتاق ليها جدا وحط ايدة على كتفها
حنين بفزع : 😡 أية دة أية اللى جابك هنا ..امشى بسرعة لو باسم جة هتحصل مشكلة وانا مش ناقصة مشاكل بسببك ؟
اياد بصوت مخنوق : وحشتينى والله العظيم وحشتينى
حنين : مينفعش خلاص الكلام دة دلوقتى
اياد.: اول مرة اعرف انك صعبة اوى كدة وان قلبك مش موجود جواكى
حنين : قلبى مش موجود جوايا ههههه !! ولما كان موجود عملت فية أية هاااا حافظت علية هااا ماترد وقول انك بيعتة بالرخيص
اياد : انا اسف يا حنين كان غصب عنى ادينى فرصة افهمك
حنين بشماتة : بس انا مش عاوزة افهم منك حاجة
اياد بحدة : ليييية انتى فاكرانى ايية حيوان يا شيخة دة حتى الحيوان بيحس ومين قالك انى بعتك بالعكس أنا اشتريتك وبالغالى اوووى كمااان
حنين : اشتريتنى برافوا
اياد : اة اشتريتك يا حنين لما حسيت انك ممكن تقفى قدام ابوكى بسببى ولما لقيتة مجهز العريس المنتظر قولت ابعد واهى فرصة تشوفى وتقررى وانا بعيد عنك مش مأثر عليكى
حنين : انت ازاااى انانى كدة انت ايييية يعنى فكرت ورتبت ونفذت ومستنى النتيجة لصالحك مع واحدة شايفاك ندل وغدار انت اييية مش ممكن حد يكون كدة ابدا؟؟
اياد : كنت واثق انك هترفضى
حنين : ارفض لية بقي عشانك
اياد : عشان قلبك اللى جواكى دة يبقى بتاعى
حنين : بتحلم ولسة عايش في الحلم ومن مصلحتك تتجوز قريبتك يمكن تنسى زيي وتكمل حياتك مع حد بيحترمك
اياد : فاكرة لما شفايفى جت على خدك
حنين : بس بس مش عاوزة افتكر حاجة وياريت لو بايدى اولع فى كل دة
اياد : مش هتعرفى يا حنين ،عارفة لية لأنها اتحفرت جواكى ،،لمسة ايدك لايدى وشفايفى لما لمسة خدك وايدى وهى بتأكلك ودرعاتى وهى بتضمك ليا عشان محدش يخبط فيكى وانتى ماشية وعيونى اللى عشقت عينيكى وكنت بدووب فيهم وصوتك اللى كنت بحب اسمعة يا حنين ،،يا حنين والله انا عملت كدة عشانك ومن غيرتى عليكى مستحملتش اتخيل ولو لحظة انك ممكن تكونى لواحد غيرى وتقعدى معاة لوحدك ويتخيل انك مراتة ..
حنين😭 : وغيرتك دى خليتك تتخلى عنى وتسيبنى لية خالص مش كدة
اياد : انا كنت بموووت وبتوجع اكتر منك يا حنين ،،عارفة انا نفسى فى أية دلوقتى ؟ نفسى اضمك عشان احس بيكى فى حضنى والمسك عشان اصدق انك واقفة قدامى وشايفك مش حلم زى الاحلام اللى حلمتها وانتى بعيد عنى
حنين : 😭😭😭 انت عارف انا اد ايييييية دموعى من كتر وجع قلبى كانت بتحرق وشى 😭😭 عارف انا قلبى ونغزة الوجع مكنتش بعرف انام ولا اخد نفسى طبيعى من كتر ما قلبى واجعنى ... حرااااام عليك عذبتنى وخليتنى ضايعة وتايهة واتمنيت الموت بسببك بعد ما كنت كل حاجة فى حياتى وكنت عايزة اعيش عشانك من كتر ما حبيت حياتى بسببك ..
اياد : احنا فيها يا حنين وانا على استعداد اتجوزك دلوقتى وتعالى نجرب نقول لباباكى مش يمكن يوافق ويشوف الموضوع بوجهة نظر تانية غيرك
حنين : صعب خلاص
اياد : لاة مش صعب احنا فيها
حنين : انا وافقت على باسم وكلة عرف خلاص
اياد شد حنين جامد وقرب منها وباسها من شفايفها وحضنها
حنين : 😭😭😭 اياااااد كفاااية كفاااية
اياد بوجع : قولى قولى هتقدرى تقربى منة كدة قولى لو هتقدرى همشى حالا يالا قولى انك ممكن تحسى معاة نفس الاحساس اللى انا حسيتة منك دلوقتى قولى انك كلك على بعض اتهز من جواة يالا قولى انك اشتاقتى زى ما اشتاقتلك انطقى يالا
حنين : 😭😭😭
اااة بحبك وقلبى معاك بس مجروح جرح كبير ..اة يا اياد بسببك دلوقتى حسيت ان قلبى لسة جوة جسمى وانى بحس 😭😭 اة محستش عمرى بالإحساس دة غير معاك وبالرغم من كل الجرح اللى جوايا لكن ضعفت لما قربت منى وقلبى دق تانى ليك 😭😭 ااة بحباااك مش هو دة اللى عاوز تعرفة
اياد بوجع : انا كنت واثق من دة وكنت عارف انك بتعاندى ،،يالا يا حنين تعالى وسيبى الشغل دة يالا
حنين : مينفعش
اياد : لية
حنين : عشان الناس هنا ملهمش ذنب ف اى حاجة
اياد : واحنا كمان ملناش ذنب
حنين : اومال ذنب مين انا مش عارفة ؟ ذنبى انى حبيتك ومنعتك انك تقابل بابا ولا ذنب بابا اللى جابنى هنا عشان ابن صاحبة وهو ميعرفش أن بنتة قلبها مع واحد تانى ولا ذنب باسم العريس اللى وافق بثقة على واحدة لمجرد أنها شكلها حلو ومن عيلة ووافق يتجوزها من اول مرة شافها من غير ما يعرف هى ممكن تكون بتحب حد تانى ولا لأة !! ذنب مين
اياد : متفكريش كدة يا حنين هى جت كدة من عند ربنا وربنا اكيد لية حكمة فى كل دة ولازم نتعلم منها
حنين : ايااد انا ليا طلب عندك
اياد : قولى يا حبيبى
حنين : غصب عنى لازم اتخطب لباسم
اياد بصدمة : استحالة.. انتى ازاى قلبك معايا وتتخطبى لواحد تانى
حنين : عشان بابا يا اياد
اياد : وهو بابا لو عرف أن بنتة مخطوبة لواحد وقلبها مع واحد تانى هيوافق بكدة ،،اكيد لأة
حنين : لازم اتخطب لباسم عشان مصغرش بابا قدام الناس
اياد : لالالا انتى اكيد مش طبيعية
حنين : بالعكس أنا عاوزة اتخطب لباسم
اياد 😡 : بتقولى أية ؟ طب وانا ؟
حنين : انت الشخص اللى حبيتة واتمنيت اكون مراتة بس الظروف بقت غصب عننا عشان الوقت عدا ومقدرش بعد ما وافقت ارجع اقول لأة
اياد.: هتقبلى تتخطبى !!!
حنين : مش يمكن يخلينى احبة
اياد مسك ايد حنين جامد : انتى مستفزززة
حنين بوجع : احيانا الظروف بتفرض علينا حاجة منقدرش نغيرها
اياد : ورحمة الغالين يا حنين لو اتخطبتى للزفت دة ما هيحصل كويس ومدام مش ليا يبقى مش هتبقى لحد خالص ،،اية رأيك ؟
حنين : سيبنى يا اياد ،،مش انت قولت انك بعدت عشان ارفض باسم من غير متأثر عليا وبابا ميبقاش عندة حجة يشوفك ويوافق عليك ،،،خلاص سيبنى اتخطب لباسم واشوف هو يستاهل ارفضة ولا لاة
اياد بنفس عميق : هسيبك يا حنين بس عايزك تفتكرى الاحساس دة ...
اياد مسك حنين جامد وباسها وحضنها وهى بتعاند معاة لكن من جواها كان نفسها الحضن دة يطول اكبر وقت ممكن ...
اياد : عايزك وانتى بتتخطبى ابقى افتكرى اللى حصل دلوقتى
حنين : 😭😭 امشى
داليا : كدة يا اياد دة اللى اتفقنا علية ،،تخليها تعيط كدة ..
اياد :متخافيش يا داليا ،،صاحبتك بتعيط عشان حاجة تانية انا فاهمها كويس
داليا : حاجة أية قوول ؟؟
حنين : 😭 بس اسكت
اياد : انا ماشى وخليها لو عندها الجرأة تقولك ..سلام
داليا : فى أية يا حنين مالك
حنين : انا مش قادرة استحمل بقي خلاص
داليا : طب أهدى وحقك عليا واوعى تزعلى منى
حنين : 😭😭 انا لية بيتعمل فيا كدة ليييية ؟؟
داليا : معلش أهدى عشان باسم على وصول المفروض
حنين : مش قادرة اشوف باسم يا داليا انا بحب اياد ونفسى اروح أجرى وراة دلوقتى واقولة سامحتك خلاص وانا حاسة بيك وتعالى عشان انت وحشتنى اوى اوى 😭😭
داليا بفرحة : بجد يا حنين سامحتية خلاص
حنين : مكنتش حاسة بقلبى غير لما قرب منى حسيت بدقات غريبة ولهفة وحب وإحساس كان واحشنى اوى منة وحضنة يا داليا 😭😭
داليا 🙄: حضنة!!
حنين : هو قرب غصب عنى بس انا من جوايا كنت موافقة ،،كان واحشنى اوى
داليا من فرحتها باللى حصل حبت انها تخلى حنين تضحك وقالتلها : يعنى انا واقفة زى المخبر برة عالباب وقطعت الخلف من كتر الرعب والخوف وانتوا هنا قاعدين تحت الشجرة وشغالين احضان
حنين : هههههههه
داليا : 😂 اضحكى طبعا ماهو حبيب القلب رجع خلاص
حنين : هههههههه انا بضحك على كلامك انتى
داليا : ياااة يا حنين لو تعرفى بقالك اد أية مضحكتيش الضحكة دى مش هتصدقى
حنين : معلش يا داليا انا عارفة انى عذبتك معايا
داليا : مش مهم يا نونة المهم دلوقتى هتعملى أية مع باسم
حنين : هستنى اشوف بابا هيتفق معاة على أية ؟ عشان الموقف كان صعب امبارح بينة وبين سما واعتقد أنة هيأجل موضوع الخطوبة شوية ..
داليا : ولو وافق
حنين : يبقى هتخطب لباسم واشوف هنروح لحد فين
داليا : تفتكرى اياد هيسكت لو حصل كدة ؟
حنين : لاة طبعا بس لازم نشوف الاول أية اللى هيحصل عشان فى الحالة دى هبقى محتاجة اتكلم مع بابا واقولة على اللى جوايا وعارفة أن البيت هيتملى خناقات وممكن بابا يعاند ويرفض اياد
داليا : طب لو عمل كدة هتعملى أية ؟
حنين : مهما كان اللى هيحصل اهو هيبقى ارحم من انى ارتبط بباسم وانا نار من جوايا وهو مالوش ذنب فى حاجة
داليا : انتى زعلانة منى يا حنين ؟
حنين :هزعل منك لية
داليا : عشان انا اللى عرفت اياد أن باسم مش موجود وهو كان عايز يجى وانا قولتلة استنى هختار الوقت المناسب عشان لو شافك ف الشارع مش هيعرف يتكلم معاكى
حنين بحب : انتى عملتى كدة
داليا بقلق : حققك عليا بس والله كنتوا صعبانين عليا والامور عمالة تكبر وتتعقد والمشاكل عمالة تزيد وكلة بقي بيخبط ف التانى
حنين حضنت داليا وباستها وعيطت : انتى عارفة أن بسببك قلبى هدى والوجع اللى فية راح والمرارة اللى فى زورى مشيت ،،انا بحبك اوى وعمرى ما حبيتك كدة زى دلوقتى ،،فعلا انتى اختى بجد وحقك عليا لو زعلتك باى كلمة
داليا : انا فرحانة وبس بقااا شوفى هتعزمينى على أية
حنين : اللى انتى عوزاة طبعا ،،بس ردى على تليفون المكتب الاول
داليا : ماااشى
حنين : هااا مين
داليا : دة البشمهندس باسم بيقولى بتصل على موبايل حنين مبتردش قولتلة فى التويليت قاللى طب هو احتمال ميعرفش يجى النهاردة هههههههه
حنين : طب الحمدلله
داليا : بفكر اتصل باياد اخلية يرجع تانى يكمل هههههههه
حنين : ههههه بطلى رخامة هقوم اكلم سما اطمن عليها
🤗🤗🤗🤗🤗🤗🤗🤗🤗🤗
لااااايك وكومنت لمتابعة حدوتة حنين
عشان نعرف أية اللى حصل بين باسم وحنين تانى يوم ؟؟
تحياتى حنين الماضى 🤗
