البارت الثالث عشر
.....................................
رجعت حنين البيت وهى فرحانة من الامتحان وفرحانة أن اياد جة الجامعة عشان يطمن عليها وكانت مبسوطة قدام أصحابها باللى اياد بيعملة معاها ...
موبايل حنين بيرن
📱📱📱📱📱📲📲
حنين : الو
اياد : وحشتينى
حنين : 😳 مش هعرف اتكلم خالص اقفل معلش
اياد : يعنى انزل عشان اشحن وعامل حسابى اتكلم براحتى وعلى الاقل هنا مش هتخافى حد يرفع السماعة
حنين : معلش معلش اقفل
اياد : خلاص أهدى هقفل بس ابقى كلمينى
حنين : حاضر حاضر
اياد : وعد
حنين : وعد وعد
اياد : هزعل لو مكلمتنيش
حنين : يالا بقي.. وعد هتصل
اياد : ماشى سلام
حنين : سلام
😊😊😊😊😊😊😊
حنين قفلت وهى مرعوبة وكانت شاكة أن حد يسمعها وبعد ما هديت كانت فرحانة من مكالمة اياد وكانت مفاجأة ليها ...
حنين نامت شوية وقامت الفجر تذاكر ،، لكن صوت اياد كان بيلاحقها من وقت التانى ..
عدا ٣ ايام وجة ميعاد امتحان المادة التانية ....
داليا : يارب نفسى اغمض والاقى الامتحانات خلصت بقي
بوسى : وانا كمان يارب معاها
حنين : بس المادة النهاردة رخمة فعلا وتقيلة
داليا : هتبقي كارثة لو مافيش حاجة جت من ملازم سى اياد بتاعك
حنين : أية بتاعك دية يا داليا مش بحب كدة وانتى عارفة
داليا : طب متزعليش بتاعنا كلنا
حنين : هههههههه رخمة
😊😊😊😊😊😊😊
المراقب : ياريت كل واحد يبص فى ورقتة عشان منحرجش حد
رامز : لو سمحت
المراقب : اتفضل
رامز : ممكن اغير مكانى
المراقب : لية
رامز : مش مريحنى
الدفعة : هههههههههههه
المراقب : لو هرجت تانى هسحب ورقتك واعلم عليها
رامز : والله مش بهرج
داليا : شكلك وووحش
رامز : كلة بسببك
المراقب : ركز في ورقتك
رامز : والله مركز
حنين : انتى شايفة كدة
بوسى : اة شايفة بس خلاص انا عارفاة
داليا : انت يا واد
رامز : ...............
داليا : يا زفت
المراقب : فى حاجة يا آنسة
رامز : ايوة حضرتك يا ريت تعرف هو فى أية
المراقب : انا موجهتش ليك كلام وخليك فى ورقتك
رامز : بردوا ...مااااشى
داليا : هو بيعمل كل دة عشان طلبت مسطرة وخلاص مش عاوزاها هو ذل يعنى ولا أية بس انا نسيتها غصب عنى والمفروض نبقى متعاونين اكتر من كدة
حنين : هههههههه
المراقب : خلاص أهدى وركزى فى ورقتك وانا هجيبلك مسطرة
حنين : اتفضل حضرتك خليها تاخد مسطرة واستيكة كمان
المراقب : طيب يا ستى متشكرين واتفضلى يا آنسة
داليا : شكرا ليكى
حنين : العفو احنا زمايل
بوسى :: هههههههه
💪🏻💪🏻💪🏻💪🏻💪🏻💪🏻💪🏻
خلص الامتحان والبنات خرجت ورامز كالعادة هيتجنن منهم
رامز : انتوا جنسكوا أية
البنات : نعم
رامز : حلو اوى المسلسل اللى حصل جوة دة
حنين : اومال عايزنى الاقى صاحبتى فى محنة ومساعداش وتسقط
رامز : يعنى هى هتسقط عشان مش مسطرة الورقة
البنات : هههههههه
رامز : حاجة تضحك فعلا
حنين : رامز انت على نياتك اوى ،،لان داليا كانت متغلبطة فى سؤال صح وغلط وكانت عايزة تتأكد وانا مكنش عندى غير انى اعملها حروف على المسطرة والاستيكة عشان تتأكد من الحل
رامز ::🙄😳 ازاى
داليا : يعنى ص يعنى صح وغ يعنى غلط وترتيب الأسئلة بالارقام عالمسطرة وترتيب الحروف على الاستيكة ..
رامز: ايييية والمراقب هو اللى وصل الحاجة ليها
البنات : هههههههههههه
رامز : انتوا شياطييين
حنين بعنيها بتدور على اياد وبدأت تدايق لانة مش ظاهر ومش عاوزة تسأل رامز علية عشان شكلها وفضلت حنين تأخر نفسها يمكن يجى أو يكلمها عالموبايل بس للاسف مجاش وهنا القلب دق دقة وجع وحزن وضيق ورجعت حنين البيت وهى مدايقة انها مشافتش اياد ولا حاول يتصل بيها وزاد جواها العند اكتر بأنها مش هتتصل بية وان المرة الجاية فى الامتحان هتخرج من الباب الخلفى عشان ميشوفهاش وكأنها بتعاقبة وهى فى الأساس بتعاقب نفسها ....
🙈🙈🙈🙈🙈🙈🙈
فضلت حنين يوم ورا يوم تستنى اياد يتصل لكن مافيش اى اتصال ولا رنة كمان ...
حاولت حنين تركز فى المذاكرة وكانت بتذاكر وهى مدايقة منة جدا وعقلها رايح جاى ( ياترى متصلش لية ولا هو زهق منى ولا بقى واثق منى فقال يتقل ،،اذا كان فاكر نفسة كدة فانا بقي هورية وانا اللى مش هخلية يشوفنى وبكرة هو اللى يقعد يتصل بيا مليون مرة ومردش علية وهنشوف بقي مين فينا واثق من نفسة اكتر من التانى )
عدت الايام وجة ميعاد الامتحان وراحت حنين الامتحان وبعد ما خلصت نفذت اللى قالت علية ...
داليا : احنا بس نجيب مقبول فيها ويبقى الحمدلله
حنين : ربنا يستر بقى ،، بصوا انا هخرج من الباب الخلفى وانتوا كملوا عادى
بوسى : هتمشى كل دة لية
حنين : مش مهم بعدين
داليا : لاة افهم .
حنين : هفهمكوا بسرعة بس مش عاوزة عك ،،، دلوقتى اياد استفزنى ومش هيبطل طريقتة دى وانا كمان استفزاز باستفزاز بقى
داليا : لية أية اللى حصل
حنين : بعدين يا داليا بس المهم لو شفتوة وسألكوا قولوا هى قالت هتسبق قدامنا ومتقولوش اكتر من كدة..
بوسى : ماااشى واحنا هنمشى عالطول مش هنقعد
حنين : ماشى لما اروح البيت هكلمكوا واعرف ..
خرجت حنين من الباب الخلفى وداليا وبوسى خرجوا ولما خرجوا لقوا اياد واقف مع رامز ...
اياد : أية يا بنات عملتوا أية
البنات : الحمدلله
اياد : اومال فين حنين
بوسى : حنين سبقت انت مشوفتهاش
اياد : لا والله لااا مخدتش بالى
داليا : بس هتلاقيها مشيت خلاص
اياد : مشيت كمان
رامز : انا كنت شايفها واقفة معاكوا
داليا : ماشى ما انا بقولك سبقت قدامنا
اياد : خلاص ماشى مافيش مشكلة ،، ابقى اديهم الملزمة وهما يوصلوها لحنين وربنا يوفقكوا
بوسى : متشكرين.. والله محرجين منك
اياد : ولا احراج ولا حاجة احنا اخوات ..يالا سلام
البنات : مع السلامة
😌😌😌😌😌😌😌
حنين كانت هتتجنن وتعرف اياد فعلا راح عشان يشوفها ولا لاة زى المرة اللى فاتت ولكن العند كان مسيطر عليها وجريت عالمترو ورجعت بيتها وكان معاها الموبايل وبقيت كل شوية تبص فية يمكن اياد يتصل لكن للأسف مكنش بيتصل وزاد ضيق حنين اكتر وبدأت تتشائم
😴😴😴😴😴😴😴
نامت حنين وهى زعلانة ومخنوقة جدا وصحيت اول حاجة عملتها اتصلت بداليا ...
☎☎☎☎☎☎☎
حنين : الو
داليا : أية يا نونة
حنين : اتأخرتوا وانتوا رجعين
داليا : لاة بس على فكره اياد جة واضايق لما ملقكيش
حنين : جة !!؟؟
داليا : اة والله وقال لرامز صور الملازم وهما يوصلوها لحنين
حنين : هههه بجد
داليا : ايوة والله ..
حنين : خلاص ماشى
داليا : هو انتى لية بتعملى كدة
حنين : ما انا قولتلك عمل حركة دايقتنى وقولت استفزة زى ما استفزنى
داليا : يا بنتى طب افهمى منة
حنين : لاة
داليا : خلاص انتى حرة بس كان ملهوف عشان يشوفك
حنين : معاة رقم الموبايل لو كان ملهوف فعلا كان اتصل بيا
داليا : ممكن يكون اضايق منك وفهم انها حركة
حنين : انتى حسيتى بكدة
داليا : اة
حنين : بيعاند يعنى خلاص ماشى
داليا : انتى اللى عنيدة جدا
حنين : هو اللى بدأ
داليا : بذمتك انتى مش عاوزة تكلمية
حنين : لاة عادى
داليا : يا نوووونة بذمتك
حنين : تصدقي لو قولتلك انى حاسة أن فى حاجة ناقصانى من المادة اللى فاتت
داليا : انا حاسة بيكى
حنين : حاسة أنة وحشنى جدا بس كرامتى كمان وجعانى وواخدة على خاطرى منة
داليا : لية هو عمل أية
حنين : استنيتة الامتحان اللى فات ومجاش ولا فكر يتصل بيا ولا يحاول يكلمنى
داليا : مش يمكن عندة ظرف حصل ومنعة عنك
حنين : طيب مش المفروض يقولى بعدها
داليا : هيتصل بيكى فين يا حنين ،،عالموبايل ويحصل مشكلة وهو مش عارف ظروفك
حنين : معرفش بس كان اتصرف
داليا : اقولك على حاجة يا حنين
حنين : قولى
داليا : على اد ما انتى طيبة جدا على اد ما انتى عنيدة اوى وبتحبى الحرب
حنين : حرررب
داليا : عايزة اللى قدامك دايما يبهرك
حنين : ايوة كلامك صح عشان محتاجة احس انى مهمة عندة وبعدين انا بحب اللى يصمم عليا وبحب التحدى حتى لو ضد الظروف
داليا : أهدى يا حنين انتوا لسة فى الاول وكفاية اختبارات لاياد والله الراجل بيحبك بجد وانتى واثقة من كدة بس غاوية تعذبى نفسك وتعذبية وتعذبينا معاكى
حنين : مين قالك انى مستريحة وانا كدة بس هو لازم يحاول
داليا : ماهو جة يا حنين لما الظروف سمحت ،،يعنى لو طنش كنت هقول معاكى حق
حنين : خلاص يا داليا انتى المحامية بتاعتة ولا أية
داليا : انا بتكلم لمصلحتك وانتى حرة
حنين : عارفة طبعا ،،انا بهرج معاكى
داليا : ماشى
حنين : يالا باى مؤقت عشان اقوم اكل حاجة
داليا : اوك بااى
قفلت حنين مع داليا وهى بتهرب منها لان داليا كانت فاهماها اوى ،، وفضلت حنين تقوم وتقعد من مكان لمكان من غير ما تتكلم مع حد وسرحانة اغلب الوقت ومالهاش نفس تأكل اى حاجة وبقت زهقانة ومحتارة تعمل أية عشان الموقف دة يخلص وترجع تكلم اياد وتسمع كلامة وتشوف نظراتة ليها تانى لكن من غير هى ما تبتدى الكلام معاة
😍😍😍😍😍😍😍😍😍😍
لااااايك وكومنت لمتابعة حدوتة حنين
تفتكروا أية اللى هيحصل بعد الموقف دة وياترى الموقف هينتهى على خير ولا غير كدة ؟؟؟
تحياتى حنين الماضى 🤗
🥰🥰🥰🥰🥰🥰🥰
