البارت (١٥) حدوتة حنين
.....................................
حنين واياد اتمشوا لحد ما يوصلوا المترو ...
اياد : مش مصدق انى ماشى جنبك
حنين : ولا انا ومستغربة كل حاجة
اياد : مستغربة أية
حنين : الطريق والناس والجو ،،كدة يعنى هه
اياد : يعنى احساس حلو ولا لاة
حنين : حلو اوي
اياد : بس اكيد مش احلى منك
حنين : للدرجادى شايفنى حلوة
اياد : طبعا بس سؤال ،،هو انتى لية دايما عندك شك انى شايفك غير كدة
حنين : لاة انا مقولتش كدة بس ممكن اكون انا شايفة نفسى حلوة وغيرى شايفنى غير كدة
اياد : طب بذمتك انتى مقتنعة بالكلام دة
حنين : اة عادى
اياد : يا مفترية يبقى الواحد معاة حد بالمواصفات دى ويكابر كمان
حنين : يعنى ....
اياد : بحبك وبحب عينيكى وشفايفك وكل حاجة فيكى لدرجة دماغك الناشفة كمان
حنين : بتحبها وانت كنت لسة معاقبنى منها
اياد : كان قلبى زعلان منك عشان كان عاوز يسمع صوتك مش اكتر وعمال يفكر فيكى وقال لنفسة اتصل وحسسها بمشاعرك وخليها تشاركك يمكن لما تسمع صوتها تهدأ شوية وتعرف تعيش ..
حنين : انا كمان كنت هتجنن عليك وبقيت متوترة اوى وعايزة اشوفك واسمع صوتك وبقيت اقول لنفسى اوعا يا اياد تكون بتضحك عليا وتكون قربت منى عشان شكلى وبس
اياد : أو ابقى عامل عليكى رهان انا كمان
حنين : انت عملت كدة 😳
اياد : ههههه مجنونة بس لذيذة
حنين : رد على المجنونة
اياد : يا حبيبى مافيش الكلام دة ولا بتاع رهان ولا بتاع لف ودوران واعتقد باين عليا ووصلك احساسى ولا أية
حنين : واصلى بقووووة
اياد : طب الحمد لله طلعت براءة
حنين : خد بالك انا عاملة زى كرومبو اكيد عارفة مش كدة؟
اياد : ههههه طبعا
حنين : بفضل احلل شخصية اللى قدامى فى كل حاجة عشان اعرف اتعامل معاة من مدخلة
اياد : كمان هههههههه
حنين : خد حذرك منى
اياد : استنى اجيب تذكرتين
حنين : لالا انا معايا
اياد : معاكى منين ؟
حنين : اهى بجد
اياد : أية التذكرة دى ولونها ابيض ومن غير اشتراك ازاى
حنين : هقولك
اياد : قولى
حنين : دى هدايا بتيجى لبابا من مسئولين وكدة ..
اياد : هدايا تذاكر مترو مخصوص يعنى
حنين : حاجة زى كدة لان دى تذكرة سنوية من غير اشتراك وشغالة واى حد واقف عالمترو لما بيشوفها بيبقى عاوز يدينى تعظيم سلام ههههه
اياد : غريبة اول مره اشوفها ،،طب ثوانى اجيب انا تذكرة
حنين : اوك
اياد : يالا بينا
حنين : انا هركب سيدات
اياد : كنت لسة هقولك
حنين : وانت
اياد : ههههه عايزانى اجى معاكى
حنين : هههههههه ياريت بس مش قصدى كدة
اياد : اومال قصدك أية
حنين : قصدى هتنزل فين
اياد : معاكى
حنين : 😳 ازاى
اياد : همشى وراكى لحد لما تدخلى العمارة
حنين : لالا بلاش مش هعرف امشى كدة
اياد : طب عاوزة أية
حنين : انت انزل فى محطتك وانا هنزل فى محطتى ونبقى نتكلم
اياد : لحقتى زهقتى منى
حنين : 😳 يا سلااام بس عشان هخاف حد يشوفنا وياخد بالة
اياد : حاااضر ومش عارف هفضل اسمع كلامك كدة لحد امتى
حنين : معلش استحملنى
اياد : طب ممكن نقعد بقى هنا شوية وكمان شوية نركب ولا هنا كمان لاة
حنين : خلاص ماشى هنعدى مترو والتانى نركبة
اياد : ماشى
حنين : يالا نقعد بقى قبل الكراسى ما تتزحم
اياد : قوليلى هتعملى أية فى الإجازة
حنين : ولا حاجة وكالعادة هطلع الشقة اللى فوق ومعايا الكاسيت والشرايط اللى بحبها واقعد فى البلكونة واسمعهم
اياد : يعنى اية الشقة اللى فوق
حنين : فى شقة احنا عايشين فيها والشقة اللى فوقيها كمان بابا اشتراها من ٣ سنين تقريبا فبقيت بطلع اقعد فيها لما بحب اكون لوحدى
اياد : ااااة فهمت وياترى بتسمعى أية
حنين : ايهاب توفيق ومصطفى قمر وعمرو دياب وهشام عباس ولطيفة وشهاب حسنى
اياد : كل دوول بتحبيهم
حنين : لالا ههههه بسمعهم اصل كل واحد عندة اغانية الحلوة ومش كلها طبعا
اياد: معنى كدة انك بتتأثرى بالاغانى وممكن تغير مودك
حنين: اة فعلا
اياد.: أية هى الأغنية اللى لو سمعتيها وانتى مدايقة تفوقى وتخرجى من المود
حنين : بلاش عشان هتضحك عليا
اياد : ههههه لالا قولى متخافيش
حنين : اغنية شذى
اياد : شذى !!!
حنين : اة البنوتة اللى طلعت فى زواج على ورق سوليفان بتاع منى زكى وأحمد السقا وغنت لام كلثوم سيرة الحب
اياد : اة اة عرفتها كان مسلسل للسهرة بس حلقة طويلة شوية وهى مليانة شويتين صح هههه
حنين : اة ههههه بس هى دلوقتى خسيت وبقيت فظيعة
اياد : اغنية أية اللى بتسمعيها
حنين : احممم
اياد.: دة اسم الأغنية هههههههه
حنين : ههههه لاة طبعا،،،الاغنية اسمها انا قلبى عشانة داب
اياد : مش عارفها بس هدور عليها واسمعها
حنين : اكيد تعرفها دى مغرقة ميلودى
اياد : ممكن اكون سمعتها
حنين : وانت بتحب أية
اياد : بحبك انتى
حنين : بجد
اياد: كل دة ومش مصدقة ،،طب اعملك أية تانى يا موسوسة
حنين : انا بحب اسمعها هههه أصلها بالنسبالى زى الفيتامين اللى هكمل بية لحد المادة الجاية
اياد : اكتر من كدة انا مش ضامن نفسى يالا قومى بتذكرتك الغريبة دى واركبى وارجعى البيت وذاكرى كويس مش عاوزين نذاكر بعد شهرين تانى
حنين : ههههه متخافش
اياد : قومى من قدامى دلوقتى
حنين : هزعل منك
اياد : وانا ميرضينيش زعلك
حنين : طب .....
اياد لمح المترو جاى وكان من جواة هيتجنن على حنين وفجأة مسك ايد حنين وخلاها تقوم وهو ضاغط على ايديها وبيشدها عشان تجرى وتلحق عربية السيدات وتقف قدامها قبل المترو ما يقف وفضل اياد ماسك ايديها وبيمد بسرعة قبل المترو ما يقف وفى وسط الزحمة اياد رفع ايد حنين وباسها من حضن ايديها وضغط عليها وركبها ولما حنين روحها راحت ف الحركة دى وبصتلة راح اياد غمزلها واتكسفت اكتر ...
ركب اياد عربة المترو اللى وراها وبقى بيحاول يشوف حنين من الباب اللى بين عربات المترو لكن معرفش واضطر يقف على باب المترو عشان يشوفها لما تنزل...
حنين نزلت فعلا فى المعادى واياد من غير تفكير نزل وراها بس مخلاهاش تشوفة وهى كانت واثقة أنة مشى مع المترو خلاص ...
حنين فضلت ماشية ف طريقها عادى واياد وراها بشوية ومشيوا شوية لحد لما حنين وصلت عند العمارة
طبعا اياد عرف الطريق واستغرب لية حنين مشيت كل الطريق دة ومركبتش تاكسى اسهل ليها وكان نفسة يسألها بس مرضيش يعرفها أنة ماشى وراها ....
🥰🥰🥰🥰🥰🥰🥰
طلعت حنين البيت وغيرت هدومها وكانت هتموت من الجوع وبقيت تاكل وهى بتتخيل اياد قدامها وبتفتكر ماسكة ايدة والبوسة القوية اللى ف حضن ايديها وكل ما تفتكر حركة اياد تبتسم وقلبها يتطنطط من الفرحة وفضلت تفتكر كل حاجة حصلت ف اليوم دة وكان فوق قمة السعادة ....
قامت حنين تنام بعد تعب اليوم وعشان تستريح عشان تقدر تذاكر لآخر مادة ...
😴😴😴😴😴😴😴
حنين نامت نومة اهل الكهف من غير ما تحس باى حاجة وفضلت نايمة حوالى ١٠ ساعات وهى عاملة حسابها على ساعتين بس وف البيت عندها سابوها لحد لما صحيت لوحدها....
سما : أية يا بنتى هو انتى بتشتغلى فى الفاعل
حنين : لية
سما : كل دة نوم
حنين : لية هى الساعة كام
سما : مش الموبايل جنبك وبعدين هو انتى عملاة ڤيبريشن
حنين 🙄 : اة لية
سما : اصل كذا مرة دخلت فسمعت صوت الزنة وقولت اكيد ظبطاة عشان يصحيكى فسيبتة ومرضيتش اشوفة واقفلة عشان تصحى
حنين 🙄 بينها وبين نفسها : انا مظبطش حاجة وقامت طلعت الموبايل من تحت المخدة فى الاخر ولقيت رقم اياد متصل اكتر من خمس مرات واضطرت ترد على سما
حنين : اة فعلا ظبطتة بس وقع بين المرتبة والسرير عشان كدة مسمعتوش
سما : طيب ماما بتقولك يالا قومى عشان تاكلى
حنين : مش جعانة دة الاكل متحركش من بطنى
سما : دة بابا جة وجايب حاجات حلوة معاة
حنين : بابا
سما : اة جايب معاة بيتزا وشيكولاتات كتييير ونوجة بالسودانى وفوندام
حنين : وبابا هياكل بيتزا
سما : ههههه لاة جابها لينا وطلب من ماما تحطلة اكل تانى هههههههه
حنين : اذا كانت ماما بتعمل غدا خضار عشانة اصلا
سما : بابا عندة مشكلة وهو أنة مبيحبش ياكل غير من ايد ماما حتى لو هتحطلة جبنة وخيار وبطيخ
حنين : على رأيك
سما : طب البيتزا اييية
حنين : هههه مضطرة اقوم دى نقطة ضعفى
سما : لالا خليكى بقى عشان الأكل فى بطنك متحركش
حنين : بس يا رخمة هاخد فوار واكمل عادى هههههههه
سما : هههههههه ماشى
حنين مسحت رقم اياد بس قبل ما تمسحة كانت بتشوف الاوقات اللى اتصل فيها واستنيت شوية بعد الاكل وقالت تجرب تتصل مرة واحدة لأن الوقت متأخر بس تشوف وقت مناسب عشان الكل موجود عندها فى البيت او تبعت رسالة على موبايل اياد عشان ميزعلش وتبقى تكلمة الصبح والوقت يكون مناسب .....
😍😍😍😍😍😍😍😍😍😍
لااااايك وكومنت لمتابعة حدوتة حنين
عشان نعرف أية اللى حصل بعد آخر مادة بين حنين واياد ...
تحياتى حنين الماضى 🤗
