حدوتة حنين

البارت ٤٥

البارت (٤٥) حدوتة حنين
.....................................
رجعت حنين البيت بعد فرح داليا وباسم وعدت الايام بينها وبين اياد وكل يوم بيعدى كانوا بيقربوا من بعضهم اكتر واكتر وبقوا مرتبطين ببعض جدا وفضلوا كدة لحد.لما جة ميعاد فرح بوسى ،، لكن بوسى معملتش فرح وعملت كتب كتاب وطلعت عالمطار وسافرت على طول مع عريسها ...
وطبعا بوسى سابت الشغل وبقيت حنين وداليا فى قسم المتابعة لوحدهم
كل يوم كان بيعدى على حنين كان خوفها بيزيد اكتر من انفصالها عن اياد لكن كانت بتثق فى وعد اياد ليها دايما...
ومرت الشهور بنفس الوضع ومافيش حل لموضوع الشقة خالص ولا حد من قرايب اياد عايز يشترى الشقة ولا ابو اياد موافق أن ابنة يبيع الشقة حتى لو اتجوز برة عين شمس...
📲📲📲📲📲📲📲
اياد.: الو
حنين : عامل أية النهاردة
اياد.: الحمدلله كان دور برد شديد
حنين : الف سلامة عليك
اياد.: حبيبى الله يسلمك
حنين : انا اتصلت اطمن عليك
اياد.: مالك يا حبيبى
حنين : ولا حاجة بس كنت قلقانة عليك
اياد : قولى مالك وانا هسمعك
حنين : خطوبتنا طولت اوى يا اياد ومافيش اى خطوة عملناها
اياد.: انا عارف وهتجنن اكتر منك بس بابا طالب حاجة صعبة وانا من الاول فهمتة الظروف وحاولت اقنعهم عندى انى ابيع الشقة لقيت الدنيا قامت عليا وفهموها بشكل تانى خالص ..فقولت اعدى شوية كدة وأتكلم تانى بس انا مش ناسى ولا مطنش والله
حنين : انا والله محرجة منك بس اكيد هيجى وقت وبابا يسألك يقولك وصلت لأية
اياد: وساعتها هكون صريح معاة وهقولة انا حاولت اعمل اية واتمنى يوافق على الإيجار ومن بكرة هجيب احلى شقة فى المعادى لكن كاش فى المعادى دة صعب
حنين : انا عارفة أن الشقق هنا غالية بس اكيد فى حل
اياد.: الحل فى ايد سيادة اللواء يا حبيبى يوافق على شقة عين شمس ياما ايجار عشان الدنيا تمشى
حنين : أية سيادة اللواء دى يا اياد
اياد.: طب اقول أية
حنين : ماهو انت دايما تقولى بابا
اياد : زعلان لانة صعبها عليا اوى
حنين : .....
اياد.: انتى عارفة أن الشهر الجاى نبقى عدينا سنة ونص من ساعة ما عرفنا بعض
حنين : امم سنة ونص غيرت حياتى كلها
اياد : يعنى زعلانة ولا أية
حنين : ههههه لاة بالعكس
اياد.: عاملة أية فى الشغل مع داليا
حنين : الحمدلله هى بقيت غريبة شوية بس مش مشكلة
اياد.: عملت حاجة النهاردة
حنين : بعدين نبقى نتكلم ،،بس عارف انا اول لما اجهز فى شقتنا هسيب الشغل لان انا اصلا بنزل عشان اعرف اكلمك براحتى واشوفك
اياد.: سيبية من دلوقتى وانا هتصرف ومتحمليش على نفسك
حنين : لالا خلينى استنى شوية .. انت عارف انا كل حاجة مكان بروحة وكل شارع بمشى فية بفتكرك وانت ماشى معايا وبفتكر كل كلمة قولتهالى
اياد: وانا كمان مافيش شارع أو كافية أو سينما بعدى من قدامها إلا لما بفتكرك وانتى معايا
حنين : بعد ما نتجوز همشى تانى فى كل الاماكن دى
اياد : ان شاء الله ونفتكر كام مرة اتمنينا نبقى مع بعض
حنين : يارب بقي
اياد.: انا هكلم بابا تانى يمكن لما اقولة حاولت وملقتش حل يعذرنى
حنين : ماشى وطمنى
اياد.: حاضر
👍🏻👍🏻👍🏻👍🏻👍🏻👍🏻👍🏻
داليا : أية عملتى أية مع اياد
حنين : هيكلم بابا ويشوف
داليا : يارب يلاقى حل
حنين : انا تعبت
داليا : يعنى ندمانة على اختيارك ولا أية
حنين : انااا لا طبعا بالعكس اياد دة احلى حاجة فى حياتى
داليا : طول ما هو واثق كدة عمرة ما هيفكر يتجوزك
حنين : لية كدة يا داليا ما انتى كان باسم واثق انك بتحبية وبالرغم من كدة اتجوزك
داليا : لالالا هو حاول يشغلنى انتى ناسية ولا أية وبعد.كدة الاعجاب جة
حنين : ممم نسيت فعلا
داليا : هدخل اشوفة عشان كان عاوزنى وانشغلت بكلامى معاكى
حنين : خلاص ماشى
داليا : صحيح يا حنين هو اياد ماشفش البنطلون دة
حنين : شافة قبل كدة لية
اياد: ووافق تلبسية عادى كدة
حنين : لية يا داليا مالة
داليا : ضيق يا حنين اوى انتى مش واخدة بالك ولا أية
حنين : بس انا لابسة علية بلوزة طويلة اهى
داليا : دى طويلة عالعموم انا قولت الفت نظرك
حنين : ميرسى يا داليا
داليا : هشوف جوزى بقي
😊😊😊😊😊😊😊
حنين بدأت تحس أن داليا غيرانة منها على باسم وان فكرة أن باسم كان عاوز حنين فى الاول مش راضية تخرج من دماغها وصعب طبعا تقول لحنين سيبى الشغل لان ابو باسم صاحب ابو حنين ..دة غير أن لو حصل وام باسم جت الشركة بتسلم على حنين وتركز فى شكلها وتسلم على داليا ببرود وطبعا داليا كانت بتدايق ودة خلى الغيرة تزيد عندها ...
داليا : معرفش ملف شركة (...) راح فين
حنين : استنى اشوفة مش دة كان مع بوسى وكانت بتابعة وبعد كدة اتركن شوية
باسم : برافوا عليكى يا حنين تعرفى تجيبيهولى
داليا : ما انا سألتك قبل كدة
حنين : والله يا داليا مكنتش مركزة بس دلوقتى ركزت معاكى ومعرفش أن باسم سمع
داليا : البشمهندس باسم يا حنين عشان محدش يقول حاجة
حنين : فى أية يا داليا مالك انتى اتغيرتى كدة لية ،،فين داليا اختى وصاحبتى اللى مبتستحملش حد يزعلنى
داليا : انتى كمان اتغيرتى يا حنين وبقيتى بتعملى مواقف بحس منك فيها انك دايما عايزة تفكرينى انك انتى السبب اللى جابنى هنا
حنين : اناااا يا داليا والله انتى مفترية وانا مش ناقصة ولو فكرتى بعقلك شوية للواقع هتلاقى أن البشمهندس باسم دة بقى جوزك وانتى زوجة المدير يعنى الشركة بقيت شركتك وقولتلك الجواز قسمة ونصيب واللى بتقولية دة مالوش لازمه دلوقتى ولو عايزانى امشى يا داليا انا ممكن امشى ومتشوفيش وشى تانى
داليا : طب خلاص واعذرينى غصب عنى
حنين : انا يا داليا مخنوقة ومحتاجة اللى يخفف عنى مش يحمل عليا وانا ماليش حد اتكلم معاة براحتى غيرك انتى واياد ومعرفش غيركوا دة حتى بوسى سافرت وانشغلت فى حياتها ونسيتنا خالص ..
داليا : طب أية اللى مزعلك
حنين : مش وقتة بقي لما تحسى بوجعى ابقى تعالى اسألينى وعالعموم انا بستأذن عشان امشى ساعة بدرى
داليا : خلاص انزلى وانا هبقى أبلغ باسم
حنين : هه هنزل حاضر ..سلااام
🙄🙄🙄🙄🙄🙄🙄
رجعت حنين البيت وهى مخنوقة وحسيت انها اكتر من كدة مش هتقدر تستحمل ومكسوفة تشتكى لاى حد من تصرفات داليا صاحبتها...
الشاذلى : فين حنين
الام : جوة
الشاذلى : طب ناديلها وتعالوا
الام : ماشى
حنين : نعم يا بابا
الشاذلى : عاملة أية فى شغلك
حنين : الحمدلله
الشاذلى : مم يعنى هتكملى شغل فى الشركة دى ولا عايزة مكان تانى
حنين : لية يا بابا بتقولى كدة
الشاذلى : انا بسألك لو عايزة مكان تانى اشوفلك
حنين : لو احتاجت اغيرة هقولك يا بابا
الشاذلى : ممم واياد
حنين : مالة
الشاذلى : عامل أية معاكى
حنين: اياد كويس معايا جدا
الشاذلى : كويس ازاى يعنى
حنين : يعنى مبيحاولش يزعلنى
الشاذلى : قالك أنة كلمنى النهاردة
حنين : لاة هو كلمك !!؟؟
الشاذلى : اة كلمنى
حنين : طب حصل حاجة بينكو
الشاذلى : أية بينكو دى هو انا هتخانق
حنين : اصل غريبة أنة مكلمنيش وقاللى
الشاذلى : لو هو بقى عايزك فعلا يعمل اللى قولتلة علية
حنين : يا بابا صعب يشترى شقة هنا وحضرتك مش موافق على ايجار
الشاذلى : انا كتبت الشقة اللى فوق باسمك ولو عايزة تتجوزى فيها مافيش مشكلة
حنين : 😳 باسمى
الام : كدة المشكلة اتحلت ويبقى عندكوا شقة هنا وشقة عند أهلة عشان لما تروحى هناك وتباتى متقعديش عند حد وتبقى شقتك مقفولة عليكى
حنين : يعنى يا بابا وافقت خلاص عالفرح
الشاذلى : انا كدة عملت اللى عليا ومحدش بيعمل كدة بس هخلى العفش كلة علية وبردو كدة انا ساعدتة ومعنديش مشكلة
حنين : وهو كمان مش هيبقى عندة مشكلة ..ميرسى يا بابا ..ياااااة اخيرااااا
😊😊😊😊😊😊😊
دخلت حنين وهى فرحانة تكلم اياد عشان تشوفوا رأية أية ويطبقوا الحلم الجميل اللى عاشوة مع بعض ...
📱📱📱📱📱📱📱
اياد : الو
حنين : حبيبى عامل أية
اياد.: الحمدلله
حنين : كدة مقولتليش انك كلمت بابا
اياد.: ملقتش حاجة كويسة اقولهالك
حنين : لية بابا قاللى أنة حل مشكلة الشقة
اياد.: قصدك حب يصغرنى قدامكوا
حنين : لية بتقول كدة بالعكس
اياد.: حنين ترضى تتجوزى واحد يقولوا علية جوز الست
حنين : لية بتحسبها كدة
اياد : عشان هى كدة
حنين : انا مستغرباك انت منين كنت عايز اى حل ودلوقتى مضايق لما الحل بقى موجود
اياد: أنة حل دة ،، الحل انى الغى نفسى ورجولتى
حنين : طب ما انت كنت هتأجر شقة برة فانا شايفة هى هى
اياد : انتى كدة مش شايفة غير نفسك وبس ولغيتينى خالص واستغليتى انى بحبك وعايزة تضغطى عليا فى حاجة مافيش راجل يقبلها على نفسة
حنين : انااا يا اياد انااا
اياد : للاسف انا رفضت عرض سيادة اللواء لانى راجل يعنى مش معقول يبقى عندى شقتى واروح اتجوز فى شقة مراتى
حنين : اهو بدل ما يبقى عندنا شقة بقوا اتنين عندنا شوية وعندكوا شوية
اياد : انتى شايفة دى هتبقى عيشة يعنى الواحد بيتجوز عشان يستقر مش اتنقل هنا شوية وهنا شوية
حنين : انت كدة بتعقد الأمور وانا شايفة بابا بيحل
اياد.: على حساب كرامتى
حنين : بلاش تاخدها بالشكل دة ولو سألت اى حد عندك معتقدش هيفكر زيك كدة
اياد : دلوقتى تفكيرى مش عجبك ولعلمك انا قولتلهم ومحدش وافق وقالولى يوم ما تتخانق مع مراتك هتقولك اطلع برة من بيتى
حنين : هما قالوا كدة
اياد : تحبى تسمعى بودنك
حنين : انا مش مصدقة انك اياد اللى بيكلمنى
اياد.: الا كرامتى كراجل يا حنين
حنين : والحل دلوقتى
اياد.: للاسف كدة مش هنقدر نكمل مع بعض
حنين : أية اللى بتقولة دة بعد كل دة جاى تقول كدة دلوقتى
اياد.: انا اسف يا حنين وعارف انى وعدتك بس وعدتك على اساس انى اكون راجل مش جوز الست
حنين : انت كدة بتدمر كل حاجة بينا
اياد : مش بسببى يا حنين ..انا كنت اتمنى انك تكونى مراتى بس فعلا الظروف والواقع غير اللى احنا بنتمناة
حنين : انت عندك حق فعلا وكنت لازم اعيد حساباتى من الاول خالص وابص حواليا لما لقيتهم بيطلعوا وانا واقفة محلك سر
اياد : قولى كمان اللى جواكى عشان معتقدش هيبقى فية فرصة تانية تطلعية
حنين : ندمانة انى حبيتك وعرفتك وبرافوا عليك قدرت تعلقنى بيك طول الفترة دى وعارفة انى هتوجع شوية بس يكفى انى كسبت بابا وعرفت أنة اكتر واحد بيحبنى فى الدنيا
اياد.: انتى شايفة كدة ..انتى حرة
حنين : انا اللى مش عوزاك ومهما عملت عمرى ما هبصلك تانى ولا هحاول افتكرك ويارب يحصل لاختك زى ما عملت معايا وعمرى ما هسامحك على جرحك ليا ... انا بكرهك بكرهك عارف يعنى اية بكرهك
😭😭😭😭😭😭😭
حنين قفلت الموبايل وجة الشاذلى ومامتها وسما على صوتها وهى بتزعق
الشاذلى : فى أية فى أية
حنين : انا غبية يا بابا وحضرتك  كنت صح وكنت بحسب انك عاوز تتحكم فينا وخلاص
الام : بابا معندوش غيركوا يا حنين فى أية بس
الشاذلى : أهدى وقوليلى أية اللى حصل
حنين : 😭😭😭😭😭😭 اول مرة اقولك يا بابااا قلبى كل شوية حد يوجعة ويدوس علية بكل قسوة خلاااااص مش قادرة استحمل القسوة دى من وقت للتانى هو اناااا ايييية حيوانة مبحسش يااااااارب خدنى وخلصنى انا كرهت العيشة كلها
الشاذلى : بسسس بسسس أهدى وفهمينى
سما : أهدى يا حنين جسمك لونة اتغير
حنين جت عشان تتكلم معرفتش تحرك لسانها من الوجع وبقيت تقطع فى الكلام
الام : ينفع كدة ...بنتى بنتى اتصرف اعمل حاجة
الشاذلى : البسوا نروح المستشفى
سما : قومى يا حنين عشان خاطرى
حنين مقدرتش تقف على رجليها وكأنها مش حاسة بيهم ودة خلاهم ينهاروا اكتر والشاذلى شال بنتة ونزل جرى عالمستشفى
وطبعا كانت الحالة سيئة جدا وكلها راجعة للحالة النفسية زى الدكتور ما وصف فى التشخيص ...
اتحجزت حنين يومين فى المستشفى وبعدها خرجت وكانت ضايعة ومش مصدقة أن اياد مش جنبها ..
الشاذلى : حنين احنا هنسافر أية رأيك ونبعد شوية
حنين : ماليش نفس اخرج من البيت
الام : الدكتور قال لازم تساعدى نفسك عشان كدة غلط عليكى
سما : هنسافر ونعمل شوبينج زى ما كنا بنتمنى
حنين : مش عاوزة وماليش نفس اخرج من البيت
الشاذلى : طب اعملوا حسابكوا نخرج بالليل ولو بتحبى بابا فعلا متخلنيش ازعل من نفسى
حنين : انا عمرى ما حسيت انى بحبك كدة يا بابا غير دلوقتى وعرفت انك بتحبنى
الشاذلى : هو فى اب بيكرة بنتة بس انا مش عاوزك تفكرى أن انا السبب في اللى حصل انا لعلمك ضغطت على نفسى فى حاجات كتير عشان خاطرك وعشان مشوفكيش وانتى بتعيطى تانى
حنين : بالعكس يا بابا انا عمرى ما هزعل منك مهما عدا الوقت لأنك بتفكر احسن مننا كلنا ..
الام : 😭😭 انا معرفش لية نصيبنا كدة
الشاذلى : مالة نصيبنا هو فى حد عندة بنات حلوين زيك كدة ،،لعلمك يا حنين انتى وسما حسوا بنفسكوا جامد لان انتوا حاجة كبيرة وغالية ولازم تبصوا لفوق عشان انتوا تستاهلوا كدة
حنين : حبيبى يا بابا احنا شكلنا غاليين عندك انت بس
الام : لا يا قلب ماما متقوليش كدة
سما :😭😭 انا كرهت حاجة اسمها خطوبة وجواز ،،احنا من ساعة ماعرفناة واحنا كل شوية نكد وعياط ليييية يعنى
الشاذلى : دة نصيب ومتقلقيش يا حنين انا هعرف ارد علية كويس وبكرة تشوفى
حنين :😭😭😭 انا عايزة اوجعة يا بابا زى ما وجعنى وداس عليا فى عز ما كنت اتعلقت بية
الشاذلى : هاتى الدهب اللى جبهولك عشان اوزنة واشوف تمنة كام وابعت فلوسة فى ظرف مع عامل عندى
سما : ايوة يا بابا خلية يندم ندم عمرة
الشاذلى : المهم انا عايزك قوية وبلاش تضعفى وتلبسى وتضحكى وتاكلى وتشربى وتمارسى حياتك بشكل احسن من العادى ومهما طلبتى منى انا موافق ومعاكى للآخر ..
سما : تعالى ننزل النادى ونخرج مع أصحابنا
حنين : فين اصحابى دوول 😭😭 واحدة سافرت والتانية مش فاهماها
الشاذلى : سيبى الشغل دة وانا هوديكى مكان احسن منة بكتير ،،ولو شاطرة اوعى تضعفى وتكلمى اياد ولا يعرف اى حاجة من اللى حصلتلك ولا يعرف عنوان شغلك الجديد عشان ميحاولش يلعب بيكى تانى
حنين : بالعكس أنا متعمدة اكمل فى شغلى ولو هو راجل فعلا يبقى يحاول يكلمنى أو يقرب ...
الشاذلى : انا عارف ان الموضوع هياخد وقت ومحدش فينا هيضغط عليكى ...
حنين : متقلقش عليا يا بابا
😭😭😭😭😭😭😭
عدت الايام والشهور وحنين واياد خلاص كل واحد فيهم راح لحالة وبقيت حنين بتتعمد تهتم بنفسها عشان تحس انها عايشة وبقى عندها حب أنها تسمع كلمة حلوة من اى حد لكن رجعت زى ما كانت ايام الجامعة مبتديش ثقة لحد وقررت أن جوازها هيكون عن طريق باباها بسسس وأنها هتوافق على اللى عايزة وبسس ...
باسم : حنين ماشاءالله عليكى النهاردة
حنين : ميرسى يا بشمهندس انا هاجى أية جنب داليا
باسم : داليا اتغيرت يا حنين بعد الجواز وبقى كل اللى يهمها انها تخرج وخلاص
حنين : طبيعى انها تخرج معاك وتكون مبسوطة
داليا : خير فى حاجة ولا اية يا دنچوان باسم ولا حنيت لما عرفت انها فسخت الخطوبة
حنين : داليااااا
باسم : انتى اكيد اتجننتى ،،اتفضلى عالبيت ولولا انك حامل انا كان ليا تصرف تانى
داليا : كنت هتطلقنى طبعا وهى دلوقتى مش هيبقى عندها مانع توافق على العريس اللى ابوها كان جايبة
حنين : انتى للاسف بقيتى سيئة حتى فى كلامك
داليا : يالا يالا سمعية كمان
حنين : بعد اذنك يا باشمهندس وانا آسفة مش هقدر اجى الشغل تانى وحتى مرتبى اللى المفروض اخدة مش عاوزاة
باسم : استنى يا حنين دة شغل هنا مش ملاهى
داليا : طبعا مش قادر على بعدها وهى كل يوم طقم جديد وميك اب وبرفانات بصراحة طلعت ناصحة
باسم : بقولك امشى ومتخليش صوتى يعلا اكتر من كدة
حنين : 😭😭 للاسف كنت فاكراكى صاحبتى الوحيدة اللى ممكن تقف جنبى فى وجعى واجى اترمى عليكى واشتكيلك وبدل ما تهونى عليا لاة انتى كمان دوستى عليا ..😭😭 انا مش عارفة انا غلط ولا انتوا اللى غلط 😭😭 أية اللى عملتة معاكى عشان تعاملينى كدة ،،ربنا يسامحك يا داليا ولحد هنا انا مش عاوزة اعرفك تانى ولا أحب اتعامل معاكى
باسم : معلش يا حنين هى عصبية من الحمل
داليا : ياريت تبقى تراضينى كدة زيها
حنين : مافيش فايدة ... انتى خرجتى من حياتى للابد زى التانى بالضبط وشكرا يا باشمهندس ولو سمحت متكلمش بابا فى حاجة عشان انا مش هرجع هنا تانى
داليا : حنين انا آسفة
حنين : مش عاوزة اعرفك تانى فاهمة ومتحاوليش تكلمينى
🏃‍♀🏃‍♀🏃‍♀🏃‍♀🏃‍♀🏃‍♀🏃‍♀
جريت حنين ونزلت الشارع وهى منهارة من العياط وحاسة أن الدنيا بتسود قدام عينيها كل شوية وهى بتحاول تقاوم باى شكل وكان نفسها تسافر وتسيب البلد خالص كنوع من الهروب من كل حاجة ومن كل شارع ومن كل مكان كان لية ذكرى عندها سواء مع اياد أو مع داليا وبوسى أصحابها ...
😔😔😔😔😔😔😔😔😔😔
لااااايك وكومنت لمتابعة حدوتة حنين
عشان نعرف أية اللى حصل مع حنين .
تحياتى حنين الماضى 🤗