البارت (٣٨ ) حدوتة حنين
...................................
الشاذلى خد اسرتة ونزلوا اتعشوا وكانت حنين فرحانة جدا وشكلها اتغير وبقيت تاكل وتضحك وكان الجو جميل بينهم اوى وبعدها كلهم رجعوا عالبيت ...
سما : ياااااة انا مش مصدقة أن كل دة حصل
حنين : ولا انا كمان يا سما
سما : طب هتكلمى اياد
حنين : انتى رأيك اية؟
سما : مش عارفة بس اكيد لما بابا هيقابلة بكرة هيجى يقولنا حصل أية واتفق معاة على أية
حنين : بس وحشنى اوى انت. متخيلة بقالى اد أية مكلمتوش
سما : معلش هانت خلاص وبكرة بابا يطمنا
حنين : طب هفتح الموبايل بكرة واشوف
سما : ماانتى لما تفتحى اكيد هيعرف
حنين : ماهو انا عيزاة يعرف
سما : بصى يا حنين مدام كلهم عرفوا اعملى اللى انتى عوزاة
حنين : ههههه امان يعنى كدة
سما : اصل مدام بابا هيقابلة يبقى خلاص وافق
حنين : يارب يارب
سما : رايحة فين
حنين : هطلع فوق واخد الكاسيت معايا
سما : والموبايل ؟؟
حنين : مش عوزاة يا رخمة
سما : ههههه ماشى اطلعى
🥰🥰🥰🥰🥰🥰🥰
طلعت حنين الشقة اللى فوق وشغلت الكاسيت وسرحت مع الاغانى وتخيلت لما تشوف اياد هتقولة أية ومعقولة خلاص هما ممكن يتخطبوا لبعض بعد كل العذاب دة وكانت فرحانة أن اياد مزهقش من تصرفات باباها لية وصمم وفضل متمسك بيها زى ما وعدها ..
جت اغنية لنانسى عجرم ساعتها وجت اغنية اخاصمك اة وفضلت حنين ترقص عليها وتتخيل أن اياد قاعد قدامها بيتفرج عليها وأغنية ورا اغنية لحد لما تعبت ونامت وهى عندها اشتياق لميعاد اياد مع الشاذلى بكرة ....
😴😴😴😴😴😴😴
الام : سما اختك فين
سما : فوق
الام : بتعمل ايه
سما : معرفش
الام : طلعت امتى انا صاحية من بدرى
سما : لما رجعنا امبارح يا ماما غيرت هدومها وخدت الكاسيت وطلعت
الام : هى الاغانى بتاعة امبارح دية كانت هى اللى مشغلاها ؟
سما : اة يا ماما وفى الغالب هتلاقيها كانت بترقص
الام : ههههه ترقص وتفرح بس اطلعى نادلها خليها تفطر احنا ما صدقنا بتاكل
سما : لاحظوا أن انا ف طب ولازم اذاكر وبسببكوا مرحتش النهاردة
الام : كلها شهر وتمتحنى وتخلصى
سما : لسة ٦ سنين يا ماما
الام : هيجروا هوا
سما : ماشى انا طالعة اهو
😴😴😴😴😴😴😴
سما : حنين حنين
حنين : مممم
سما : انتى أية اللى نايمك هنا
حنين : كسلت انزل
سما : طب قومى عشان ماما بتسأل عليكى
حنين : بابا نزل ؟
سما : بيلبس ونازل
حنين : طب لما ينزل انا هنزل عشان مكسوفة منة
سما : ههههه ماشى
😬😬😬😬😬😬😬
نزلت حنين بعدها بشوية وبقيت كل شوية تبص فى الساعة وكل ما الوقت يقرب تتوتر اكتر واكتر واول لما الساعة جت ٧ خدت بعضها وطلعت على الشقة فوق ...
🙈🙈🙈🙈🙈🙈🙈
فى شركة الشاذلى
.........................
اياد : من فضلك اقابل سيادة اللواء
الموظف : اقولة مين
الشاذلى : اياد
الموظف : حاضر وانا اسف والله على اللى حصل قبل كدة بس كان بيبقى مشغول فعلا
اياد : لالا مافيش مشكلة هو منتظرنى ياريت تبلغة
الموظف : حاضر ..اتفضل
اياد : متشكر
الموظف: الحمدلله اتفضل حضرتك
اياد بفرحة : متشكر جدا
اياد : السلام عليكم
الشاذلى : عليكم السلام اتفضل
اياد.: الف شكر
الشاذلى : صامد يعنى ههههه
اياد : انا مكنتش فاهم حاجة ومش عارف اوصل لحاجة وعارف أن كل حاجة فى ايد حضرتك عشان كدة مكنش قدامى غير انى اجى وافهم من حضرتك
الشاذلى : عايز تفهم أية ؟
اياد : لية حضرتك رفضتنى ؟
الشاذلى : انت تعرف أية اللى حصل؟
اياد : انا بصراحة كلمت صاحبتها داليا وقالتلى انها اتمنعت من النزول وان حضرتك رفضت الموضوع وان حنين مبتردش على حد
الشاذلى : وانت لما عرفت كدة لية كملت ومصمم تكلمنى !!؟؟
اياد.: انا كنت عاوز افهم أية المشكلة فيا يعنى حضرتك مطلبتش منى حاجة وانا رفضت يعنى محصلش حاجة غير انى عرفت نفسى لحضرتك
الشاذلى : ما انا قولتلك مين العريس اللى متقدم
اياد.: يعنى هى اتخطبت خلاص
الشاذلى : يعنى لو قولتلك اة هتعمل أية ؟
اياد : يعنى حضرتك ممكن تكون اتصلت بيا عشان تقولى حنين اتخطبت ماهو حضرتك كنت ممكن تقولى كدة فى الموبايل بدل الاحراج دة ولا عشان تقولى ابعد عنها ومتصلش تانى ؟؟
الشاذلى : واضح أن اعصابك مشدودة ومش هينفع الكلام هنا تعالى ننزل فى مكان تحت الشركة بيعمل قهوة حلوة تعالى ننزل ونتكلم
اياد.: زى ما حضرتك تحب ..انا مع حضرتك للصبح
الشاذلى : ههه طب يالا
🤔🤔🤔🤔🤔🤔🤔
اياد : يعنى حضرتك عارف اكيد انا جيت عشان تبلغنى بحاجة فممكن اعرف ؟
الشاذلى : انت من حوالى شهر جيت عشان تتقدم لحنين وانا مكنتش لسة رفضت بس لما رجعت البيت فهمت طبعا من طريقة كلام حنين انك على اتصال بيها وبتكلمها وطبعا انت مقولتيليش كدة ..
اياد.: انا معرفش حنين قالت لحضرتك أية بس كل اللى راعيتة ساعتها حضرتك وقدرت شعور حضرتك واحترمتة لان انا عندى اخت وممكن اتحط ف نفس الموقف ومينفعش مهما كان اللى هيتقدملها أن يقعد قدامى ببجاحة ويقولى انا بكلم اختك لان دة صعب وعشان كدة انا راعيت ربنا وراعيت حضرتك كأب وعايز اقول لحضرتك على حاجة الزمن دلوقتى يا سيادة اللواء اتغير مافيش شاب بيروح يخطب واحدة إلا لما يكون اتكلم معاها وواثق انها على خلق فعلا وانها تقدر تصونة فى غيابة وممكن الشاب يعمل اكتر من اختبار للبنت عشان يتأكد من قرارة قبل ما ياخد الخطوة دى وحنين مكنتش محتاج اعمل معاها اى اختبارات لأنها شخصية عنيدة وعندها كبرياء وكرامة مهما كانت رغبتها وانا حاولت طبعا اتكلم معاها بس كنت فاهم وعارف أن مافيش حاجه هتمشى الا برغبة وموافقة حضرتك ..
الشاذلى : ممم كويس
اياد : مش فاهم
الشاذلى : مازلت بتحاول تراعينى زى ما بتقول
اياد : قصد حضرتك أية ؟
الشاذلى : عمال تمدح فى حنين عشان ترضينى وتكسب حنين والموضوع ميبوظش كأنك بتحسس على الكلام وبحذر وانا مش عاوز كدة انا عاوز الحقيقة وهيكون احسن ...
اياد : حضرتك عاوزنى اقولك أن من ساعة لما عرفت أن حنين مبتردش على حد وانا حسيت انها ممكن تكون اضربت بسببى وأنها طلع عندها حق فى خوفها من انى اتقدم عشان حضرتك استحالة هتوافق وان حياتى وقفت طول الفترة اللى فاتت دى كلها ومش عارف اركز فى الرسالة بتاعتى ولا ف شغلى ولا حتى فى اى مشروع كنت ناوى اعملة وكأن عندى حالة وفاة لحد كان قريب منى وخلاص كدة الموت خدة منى ..
الشاذلى : حاجة غريبة والله يعنى انت كنت عامل كدة وهى كمان كانت نفس الحكاية وانا بصراحة كأب كنت شايف انك ممكن تكون بتضحك عليها بكلمتين وهى هبلة ووقعت
اياد : حنين صعب يضحك عليها بالعكس حنين عملت كذا اختبار ليا وكانت حريصة جدا قبل ما توافق عليا ..
الشاذلى : مين والدك
اياد : ابويا المهندس اسماعيل بيشتغل فى شركة خاصة وكان هو أكبر اخواتة هما ٥ ولاد وبنت وكلهم دخلوا واشتغلوا فى مراكز كويسة
بس ابويا كمل وصية جدى وهى أنة يجمعهم كلهم فى عمارة واحدة عشان نفضل مع بعض ..
الشاذلى : القرايب مع بعض بتبقى حاجة كويسة بس لو مافيش مشاكل
اياد : مافيش بيت عيلة مافيهوش مشاكل ومافيش بيت خالى من المشاكل بس كل الحكاية مين بيكبر المشاكل ومين بيلمها وعشان كدة احنا لينا كبير والكل بيرجعلة لما بيحصل خلاف ..
الشاذلى : تفتكر لو كانت حنين هتعيش فى شقتك فى عين شمس كانت حياتها وأسلوبها هتمشى مع المكان هناك ..
اياد : ليها شقتها ومقفولة عليها وانا عمرى ما هغصبها تتعامل مع حد هى مش عاوزاة وعندى كمان هما فاهمين كدة لان انا حاطط لنفسى سور مينفعش حد يتعداة غصب عنى
الشاذلى : يعنى لو اديتك حنين توعدنى انك تحافظ عليها
اياد بفرحة : والله وعد وهحطها جوة عنيا وابقى متشكر لحضرتك لأنك كدة رجعتلى نفس انى اعيش تانى
الشاذلى : مممم هى كمان من امبارح لانى كلمتك قدامها بعد ما كانت رافضة تاكل مرة واحدة فرحت واتنططت وبقت بتاكل كأنها بقالها سنة مكلتش ههههه
اياد : ههههه يعنى كانت قاعدة لما حضرتك كلمتنى
الشاذلى بترقب : اة لية ؟
اياد : مافيش انا بفهم من حضرتك ؟
الشاذلى : ولا مستغرب انها متصلتش بيك تبلغك ؟
اياد : لالا خالص
الشاذلى : عالعموم هى قافلة الموبايل بتاعها وانت دلوقتى هتروح وتتصل بيها وتشوفوا عاوزين أية
ولعلمك انا نبهت عليها متكلمكش واكدت عليها وهى سمعت كلامى
اياد.بفرحة : يعنى اكلمها اقولها أية ؟
الشاذلى : ههههه بتحرجنى يعنى
اياد : لا والله مش قصدى بس افهم من كدة أن حضرتك موافق عالخطوبة
الشاذلى : الف مبروك وعجبتنى انك مصمم على بنتى وعرفت انك هتحافظ عليها والخطوبة هنعملها بعد شهر تقريبا عشان اللى عندى يكونوا خلصوا امتحانات
اياد : انا متشكر جدا جدا لحضرتك والله يبارك فيك انا متشكر جدا
الشاذلى : عايز حنين ترجع تضحك وتفرح وتتنطط زى الاول وانت اكيد هتعرف تعمل كدة ..
اياد : انا بس اكلمها ممكن ؟
الشاذلى : استنى دقيقة
☎☎☎☎☎☎☎
سما : الو
الشاذلى : أية يا سما عاملة أية ؟
سما : الحمدلله يا بابا
الشاذلى : ماما فين ؟
سما : بتصلى حضرتك عاوزها
الشاذلى : شوفيها كدة وخليها تكلمنى
سما : حاضر يا بابا ثوانى
🏃♀🏃♀🏃♀🏃♀🏃♀🏃♀🏃♀
سما : ماما ماما خلصى بسرعة ولا اقولك سلمى وابقى كملى بسرعة يا ماما
الام : السلام عليكم ورحمه الله وبركاته السلام عليكم ورحمه الله وبركاته... فى أية ؟
سما : بابا عايزك عالتليفون
الام : لية أية اللى حصل ؟
الام : الو
الشاذلى : هااا عاملين ايه؟
الام : الحمدلله فى أية؟
الشاذلى : حنين فين ؟
الام : فوق
الشاذلى : خليها تفتح الموبايل عشان اياد يكلمها والخطوبة اول شهر ٧ لما العيال تخلص امتحانات
الام بفرحة : الحمدلله اخيرا والله بصلى وبدعيلها
الشاذلى. : يالا بس عشان هو هيكلمها دلوقتى
الام : القردة اللى هنا طلعت جرى تقولها ههههه
الشاذلى : ماشى ..
🥰🥰🥰🥰🥰🥰🥰
اياد : انا متشكر لحضرتك جدا وان شاء الله هكلم حضرتك عشان نتفق
الشاذلى : ان شاء الله مع السلامة
🥰🥰🥰🥰🥰🥰
سما : حنين حنين حنين الحقى
حنين : اوعى تقولى بابا اتخانق مع اياد ونبى
سما : استنى استنى بابا اتصل وكلم ماما وقالها خلى حنين تفتح الموبايل عشان اياد يكلمها والخطوبة اول شهر ٧ بعد الامتحانات
حنين : اااااااة قلبى يا سما مش مصدقة احلفى
سما : انا جبت الموبايل افتحية يالا
حنين : ايدى بتترعش
سما : يالا يالا واخيرا عندنا فرح زى الناس هههههههه
حنين فتحت الموبايل
📱📱📱📱📱📱📱
اياد وصلتلة رسالة أن الموبايل اتفتح واتصل فورا
حنين بدموع : الو
اياد : ......
حنين : الوووو
اياد : ربنا يسامحك على كل لحظة خلتينى اعيشها بعيد عنك
حنين : 😢حقك عليا والله انا كنت بموت ومكنتش عارفة اكلمك اقولك أية
اياد : ازاى هونت عليكى
حنين : مكنتش والله عاوزة ازود جرحك
اياد : انا وعدتك مش هسيبك وهتبقى مراتى وكنت فاكر انك واثقة فيا
حنين : معلش بس خوفى كان مسيطر عليا
اياد : ......
حنين : رحت فين ولية ساكت ؟
اياد : مش مصدق انك بتكلمينى وبسمع صوتك دلوقتى
حنين : والله العظيم ولا انا كمان ..
اياد بوجع : وحشتينى
حنين : وانت كمان
اياد : بقيتى خطيبتى خلاص وكل اللى جاى شكليات
حنين : يعنى كدة خلاص
اياد : اة مش بابا وافق يبقى خلاص
حنين : انا مش مصدقة
اياد : فاكرة يوم النتيجة ويوم الباخرة
حنين : ممم طبعا
اياد : نفسى اعيشة تانى واعيش اكتر منة
حنين : وانا كمان
اياد : انتى سهرانة
حنين : اااة
اياد : ادينى ساعة واكلمك عشان مش عارف اتكلم ف الشارع كدة
حنين : هستناك
اياد : بحبك
حنين : وانا كمان بحبك اووى
😍😍😍😍😍😍😍
سما : 🙄 حنين انا هنا هو انتى نسيتى
حنين : أية دة محستش بيكى خالص
سما : هههههههه ماشى خلاص مدام بابا عارف أنة بيكلمك
حنين : هههههههه واخيراااا اوووووووو
سما : عندنا فرح وهلبس فستان وابقى اخت العروسة ويا دبلة الخطوبة عقبالنا كلنا
الام : هههههههه مبرووووك هههههههه هتجننوا خلاص
حنين : ماما اضربينى هو بابا دة حقيقى ولا كدة وكدة
الام : هههههههه فكرى بقى فى فستانك والكوافير عشان شهر مش كفاية على فكرة
حنين : انا اقعد بس واستوعب وبعد كدة افكر
كلهم : هههههههه
😍😍😍😍😍😍😍😍😍😍
لااااايك وكومنت لمتابعة حدوتة حنين
عشان نعرف ترتيبات خطوبة حنين واياد ...
تحياتى حنين الماضى 🤗
