البارت( ٤٣) حدوتة حنين
......................................
اياد تانى يوم نزل عشان يقابل الشاذلى زى ما اتفقوا ...
اياد : السلام عليكم
الشاذلى : اهلا اهلا اتفضل
اياد.: مش هعطل حضرتك
الشاذلى : لا انا خلصت عشان نتكلم براحتنا وبعدين انا مبحبش اتكلم فى البيت
اياد: فهمت كدة واحترمت رغبة حضرتك
الشاذلى : هااا عايزنى فى أية
اياد.: بصراحة يا عمى انا وحنين داخلين على ٦ شهور ولسة محدش جة شاف الشقة لحد دلوقتى ولا حضرتك اتفقت معايا على حاجة وانا بعد اذنك زيى زى اى شاب اختار بنت الناس اللى تكمل معاة وعايز استقر واعمل أسرة
الشاذلى : كل الكلام دة كويس ،،اية المطلوب منى ؟
اياد : حضرتك اللى تقول أية المطلوب منى وانا انفذ
الشاذلى : وانا بحب الشاب اللى يكون راجل فى كلامة
اياد.: تحت امرك طبعا
الشاذلى : انت عارف ان انا اكيد عمرى ما هختلف معاك على اى حاجة فى عفش بنتى
اياد : ولا انا ممكن اختلف مع حضرتك لان دى كلها حاجات صغيرة وفى الاول والاخر دة حق حنين
الشاذلى. : عظيم الكلام دة
اياد.: أية طلبات حضرتك ودة طبعا مالوش علاقة بالشبكة يعنى هكمل على الحاجة اللى جبتها يعنى غوايش وسلسلة واسورة وحلق جنب الحاجة اللى جت ..
الشاذلى : انت عارف ان كل قرايبها شبكتهم سولتير
اياد : لا معرفش ولو كانت حنين فهمتنى كدة كنت أعمل حسابى عشان متبقاش اقل منهم
الشاذلى : كلامك عجبنى بس للاسف حنين عمرها ما كانت بتحب السولتير ودايما شيفاة حاجة فالصو وبتميل للدهب اكتر عشان كدة انا هسيب الشبكة دهب مافيش مشكلة مدام هتجيب شبكة محترمة تليق بينا
اياد.: انا بجيب قيمة حنين وقيمتى فى نفس الوقت واللى حضرتك تحب تغيرة انا معنديش مشكلة فية
الشاذلى : طيب دة من ناحية الشبكة خلاص والعفش ومتفقين
اياد: حضرتك حدد العفش اللى عليا وانا انفذ
الشاذلى : يعنى الأجهزة الكهربية والسفرة والصالون واوضة نوم واحنا علينا اوضة نوم والليفينج والمطبخ والانترية والمفارش واعتقد انا كدة محملتش عليك
اياد : بس انا الريسبيشن عندى مش هيستحمل انترية وصالون
الشاذلى : جينا بقى للنقطة الأساسية
اياد.: مش فاهم حضرتك
الشاذلى : انت شايف المستوى اللى حنين عايشة فية ومافيش اب يكون عايز يوجع بنتة وعشان كدة لما لقيتك مصمم عليها وافقت عالخطوبة لكن انا كأب ليا وجهة نظر تانية لو معملتهاش هتيجى حنين فى يوم من الايام وتحاسبنى وتقولى لية اتنازلت عن حقوقى
اياد : معلش يا عمى انا بردو مش فاهم
الشاذلى : يعنى أن بنتى تتجوز فى شقة عين شمس دة استحالة يحصل
اياد : استحالة !!! بس انا فهمت حضرتك من البداية ظروفى ووضعى وكنت صريح مع حضرتك من الاول
الشاذلى : بس اول مرة شوفتك قولتلى انك عاوز تخرج برة عين شمس
اياد : دة فعلا ومازلت طبعا بس الظروف دلوقتى غصب عنى
الشاذلى : انا مقتنع أن اللى مش هيحصل قبل الجواز عمرة ما هيحصل بعد الجواز وعشان كدة مدام رغبتك فى انك تخرج برة عين شمس ومحدش من أهل حنين هيوافق انها تنزل عن مستواها فالاحسن تشوف شقة فى المعادى
اياد : فى المعادى ازاى يا عمى !! يعنى حضرتك عارف الشقق وصلت لكام دلوقتى وانا شاب اذا كان معايا إمكانيات شوية فدة عشان الشقة موجودة لكن مين فى سنى يقدر يجيب شقة فى المعادى
الشاذلى : انت اقعد مع نفسك وفكر ولو عاوز تجيب شقة هتتصرف وتجيب
اياد: كدة ممكن اجيب بس ايجار جديد
الشاذلى : انت متخيل انى هقعد بنتى فى شقة ايجار هو انت عايز الناس تاكل وشى
اياد : العفو انا مش قصدى بس بفكر فى حل مع حضرتك بصوت عالى وعايز ارضى كل الأطراف
الشاذلى : انا مش مستعجل وخد وقتك سنة او اتنين براحتك بس المهم حنين متنزلش عن مستواها
اياد : يعنى لو قعدت فى شقة عين شمس هتنزل عن مستواها ؟
الشاذلى : يعنى انت شايف أية ؟
اياد : والله انا كل حاجة اتلغبطت قدامى ومش عارف اقول لحضرتك أية
الشاذلى : انا توقعت انك هتقولى كدة من نفسك
اياد.: ازاى بس يا عمى وانا مفهم حضرتك ظروفى
الشاذلى : اوعى تفتكر أن انا بعجزك لاااا مكنتش وافقت انك تدخل بيتى وتقعد مع بنتى لكن انا كمان هعمل كدة مع يوسف لما يجى يتجوز هخلية يجيب شقة جنب اهل مراتة عشان البنت تبقى قريبة من اهلها وانا ابنى راجل هيفضل رايح جاى علينا فى اى وقت
اياد : ممم
الشاذلى : فكر على أقل من مهلك ولما ترسى خالص نبقى نقعد ونتكلم فى الفرح وتفاصيلة ...
اياد.: يعنى دة قرار حضرتك النهائي
الشاذلى : دة لمصلحتكوا انتوا الاتنين مافيش اب عاقل بخلى بنتة تنزل عن مستواها وتعيش فى عمارة عيلة كاملة وهى غيرهم فى كل حاجة زى ما انت شايف ومش معنى كدة انى بقلل منكوا استغفر الله لكن بنتى واخدة عالحياة المنفتحة شوية ودة مش موجود عندكوا ودى هتبقى بداية الخلافات بعد الجواز يبقى مالوش لازمه من الاول ونشوف بديل يناسبنا كلنا
اياد.: انا مش هعرف ارد على حضرتك دلوقتى وطبعا لازم ارجع لابويا وعمامى واخد رأيهم
الشاذلى : طبعا طبعا خد وقتك
اياد.: متشكر ..هستأذن
الشاذلى : مع السلامة
🤔🤔🤔🤔🤔🤔🤔
خرج اياد من عند الشاذلى وهو مش شايف قدامة ومش عارف هيعمل أية وطبعا حنين بعتت مسدچ " حبيبى لو خلصت كلمنى طمنى "
📱📱📱📱📱📱📱
حنين : الو
اياد.: أية يا حبيبى عاملة أية
حنين : لازم ابعت مسدچ عشان تتصل
اياد.: والله لسة نازل حالا
حنين : طب عملت أية طمنى
اياد.: اتفق معايا عالشبكة وعلى العفش
حنين : عنجد طب الحمدلله فرحتنى
اياد.: يعنى ربنا يسهل
حنين : انت ازاى مش فرحان
اياد : فرحان طبعا
حنين : طب هشوف الشقة امتى
اياد : ........
حنين : الو
اياد.: معاكى
حنين : بقولك هشوف الشقة امتى
اياد : مش عارف
حنين : يعنى اية مقولتلوش ولا نسيت
اياد : قولتلة
حنين : قالك أية
اياد.: قاللى حنين كدة هتنزل عن مستواها دة غير أن مافيش اب يخلى بنتة تعيش وسط اهل جوزها وخصوصا لما تبقى زى حنين
حنين : يعنى اية دة
اياد : يعنى عاوزنى اجيب شقة فى المعادى
حنين : وانت قولتلة أية
اياد : قولتلة اخد.شقة ايجار بس رفض وعايز تمليك
حنين : طب هتعمل ايه
اياد : لسة بفكر
حنين : قصدك تبيع شقتك
اياد : قولتلك قبل كدة مينفعش قصة البيع دى عشان مينفعش ادخل حد غريب وسط اهلى
حنين : طب مافيش حد من عمامك أو قرايبك يشترى الشقة واهو منكو فى بعض بردو
اياد : الموضوع مش بالسهولة دى
حنين : انا كان قلبى حاسس مش كنت لسة بقولك
اياد : أهدى وان شاء الله هحاول احلها
حنين : كدة ممكن يفسخ الخطوبة
اياد : بالعكس هو قالى خد وقتك سنة او اتنين براحتك
حنين : اااااية سنة او اتنين هنفضل كدة
اياد.: انا استغربتة بردو بس قولت كويس أنة مقالش هيفسخ الخطوبة ولا حددلى مدة معينة
حنين : انا مش مطمنة خالص
اياد : أهدى وريحى اعصابك وانا هتصرف
حنين : هتعمل ايه يعنى
اياد : متشغليش بالك وخليكى واثقة فيا
حنين : انا واثقة فيك بس مش واثقة فى الظروف اللى معكسانا فى كل خطوة
اياد : سيبينى افكر
حنين : اول لما توصل لحاجة قولى
اياد : حاضر ..هقفل دلوقتى عشان هركب العربية ومحتاج افكر مع نفسى شوية
حنين : خلاص ماشى وخلى بالك من نفسك
اياد : تصبحى على خير
حنين : أية دة مش هتكلمنى لما ترجع البيت
اياد : معلش يا حبيبى عايز افكر واشوف هعمل ايه
حنين : انا آسفة
اياد : بسسس يالا نامى ومتشغليش بالك بحاجة ولعلمك بابا عندة حق وانا مش زعلان
حنين : والله بحبك اووى
اياد.: وانا كمان بحبك اووى يالا بقى عشان اركب
حنين : باى
اياد.: مع السلامة
🤔🤔🤔🤔🤔🤔🤔
اياد فضل يمشى بالعربية وهو سرحان وعمال يفكر ازاى يحل موضوع الشقة دى وازاى يفاتح أهلة وهو واثق برفضهم أنهم يبيعوا الشقة وفضل اياد فى الشارع من الساعة ١١ لحد الساعة ٣ وهو بيلف فى الشارع وموصلش لأى حل غير أنة يتكلم مع أبوة واعمامة يمكن يكون عندهم حل ...
😌😌😌😌😌😌😌
وصل اياد.البيت ودخل نام وتانى يوم راح الشغل وبعت مسدچ لحنين أنة مش هيعرف يجى البيت عندها لانة هيقعد مع أهلة عشان يلاقى حل وأنها متتصلش بية لحد ما يكلمها عشان يركز معاهم ...
اياد.: السلام عليكم
ابو اياد: عليكم السلام ورحمه الله وبركاته
ام اياد: مش المفروض تروح لخطيبتك
اياد : قولتلها مش هينفع النهاردة عشان كنت عاوز اتكلم معاكو
ابو اياد: خير
اياد.: انا قابلت ابو حنين امبارح عشان العفش والكلام ده
ابو اياد: كويس واتفقتوا يعنى
اياد : اة اتفقنا على كل حاجة ماعدا حاجة واحدة
ابو اياد: أية هى
اياد : الشقة
ابو اياد: مالها الشقة
اياد.: هو عايز بنتة تبقى جنبة فى المعادى
ابو اياد: تأجر لية وانت عندك شقة تمليك
اياد.: لااا يا حج هو رافض الإيجار طبعا وعايزنى اشترى شقة تمليك
ام اياد: تمليك ازاى
اياد.: يعنى هو فاكر انى لو بعت الشقة اللى هنا اقدر اشترى فى المعادى
ابو اياد: مقولتلوش لية مافيش حاجة اسمها ابيع شقتى لحد
اياد : هو مفرضش عليا حل بس واضح من كلامة
ابو اياد: وهتعمل أية
اياد : انا مش عارف عشان كدة قولت اتكلم معاك يمكن عندك حل
ام اياد: انا حاسة انة بيعجزك عشان يفسخ الخطوبة
اياد.: بالعكس هو قاللى خد وقتك
ابو اياد: ولو مقدرتش هتفضل معلق بنات الناس جنبك
اياد.: اعلق أية بس يا حج انا مش عارف افكر وجيت تساعدونى تروحى قايلنلى كدة
ابو اياد: انا ممكن اكلمة وافهمة لو خايف على بنتة ميخافش عشان هتبقى وسط اهلها
اياد : هو مش عجبة أن بنتة تسكن فى بيت عيلة وبيقولى عمارة عيلة مش بيت ودة هيسبب خلافات ومشاكل بعد كدة
ام اياد: ولا مشاكل ولا حاجة ما احنا سلايف وعايشين مع بعض اهو
اياد.: يا امى هو معاة حق ومش هنكدب على بعضنا واحنا عارفين خناقات السلايف وحنين هتبقى اصغر واحدة والغيرة هتشتغل دة غير انها غيرهم خالص
ام اياد: ماشى أية الحل دلوقتى
اياد.: والله ما عارف
ابو اياد: طب نتكلم كدة مع عمامك يمكن حد.يكون عندة حل
اياد.: بص يا حج انا فهمتك القصة ماشية ازاى وانت بقي اتكلم معاهم بس حاول تلاقيلى حل
ام اياد : ربنا يحلها من عندة
اياد : هدخل حاسس انى عاوز انام سنة
ام اياد: لو حنين اتصلت اصحيك
اياد.: مش هتتصل يا امى انا هقولها انى هنام
ام اياد: خلاص ماشى
اياد : يالا تصبحوا على خير
🤔🤔🤔🤔🤔🤔🤔
دخل اياد يغير هدومة وبعت مسدچ لحنين" حبيبى انا مرهق جدا وهنام "
حنين " الف سلامة عليك طب طمنى "
اياد." محتاج انام وهكلمك الصبح "
حنين لأول مرة بعد الخطوبة تزعل من اياد وتحس أنة بيهرب منها ...
سما : مالك يا نونة
حنين : مافيش مخنوقة ومش عاوزة اتكلم
سما : انتوا اتخانقتوا ولا أية
حنين : لاة بس بعت مسدچ ونام
سما : طب معلش سيبية يمكن تعبان فعلا
حنين : طب اسمع صوتة ويقفل
سما : بقيتى رومانسية اوى
حنين : بلاش رخامة انا مخنوقة خلقة
سما : اشغلك اغنية شذى انا قلبى عشانة داب
حنين : اة شغليها
سما شغلت الأغنية اللى كانت بتأثر فى حنين جدا وقت ماكانت بتبقى مضايقة وفعلا الأغنية غيرت من مود حنين ونامت وعملت الموبايل سايلنت عشان لو اياد اتصل متردش علية وتقولة انها كانت نايمة...
😴😴😴😴😴😴😴
صحيت حنين الضهر وبصت فى الموبايل لقيت اياد بعت مسدچ" صباح الخير يا حبيبى " بس حنين ادايقت اكتر ومردتش على المسدچ وحسيت ان اياد بيرضى نفسة بالمسدچ دى وانة مش عاوز يتصل ...
ولما تليفون البيت رن افتكرت حنين أن دة اياد.اللى بيتصل
☎☎☎☎☎☎☎
الام : الو
داليا: ازيك يا طنط
الام : اهلا يا داليا
داليا : حنين صاحية
الام : اة ثوانى
حنين : الو
داليا : نونة ازيك
حنين : الحمدلله وانتى
داليا : الحمدلله ،،بقولك انا حجزت الفستان وكنت عايزاكى تيجى معايا وانا بجيبة عشان محتارة بينة وبين واحد تانى
حنين : أية دة مبرررروك يا قلبى واخيراااا هههههههه
داليا : هههههههه اخيرااا هدخل القفص الذهبي والموضوع دة فى الجد
حنين : فرحتينى والله ياااااة طبعا هاجى معاكى شوفى امتى
داليا : ينفع النهاردة
حنين : طبعا ينفع
داليا : خلاص نتقابل فى مكانا وعربية الشركة فاكراها
حنين : اة
داليا : باسم هيبعتهالى عشان منتبهدلش فى المواصلات والتاكسيات
حنين : خلاص اتفقنا الساعة ٥ كويس
داليا : اة كويس
حنين : مبروووك يا دودو والبنت بوسى فين
داليا : مش هينفع تيجى عشان خطيبها رجع امبارح
حنين : ماشى انا معاكى متقلقيش
داليا : عقبال فرحك يا حنين
حنين : ان شاء الله
🥰🥰🥰🥰🥰🥰🥰
حنين قفلت مع داليا وهى فرحانة جدا بجواز داليا وباسم وقامت تحضر لبسها عشان تبقى جاهزة ومتتأخرش بس فكرت هل تقول لاياد ولا لاة
وفى الاخر عملت زية وبعتت مسدچ" انا نازلة مع داليا عشان هنشترى حاجات "
اياد اتصل بحنين بعد المسدچ
☎☎☎☎☎☎☎
حنين : الو
اياد.: صباح الخير
حنين : صباح الخير
اياد.: نازلة فين
حنين : داليا هتجيب فستانها وهنزل معاها
اياد : هتنزلى الساعة كام
حنين : ٥
اياد : مالك فى أية
حنين : ولا حاجة ،،معلش هقفل عشان لازم اخلص حاجة قبل ما انزل
اياد : حاجة أية دى
حنين : حاجات بنات انت متعرفهاش
اياد : طب عرفينى
حنين : مينفعش
اياد.: انتى زعلانة منى
حنين : بعدين نتكلم ممكن
اياد.: تبقى زعلانة
حنين : يالا باى بقي دلوقتى
اياد.: مع السلامة وهبقى اكلمك اطمن عليكى
حنين : ان شاء الله باى
😌😌😌😌😌😌😌
حنين حسيت انها ردت اعتبارها بعد المكالمة دى وقالت بينها وبين نفسها لازم تبعد شوية وبلاش تضغط على اياد وهو لو عايزها هيتصل ويجى يشوفها من غير هى ما تطلب ولا تلح علية ...
😍😍😍😍😍😍😍😍😍
لااااايك وكومنت لمتابعة حدوتة حنين
عشان نعرف اياد عمل أية مع حنين ووصلوا لأية ؟؟
تحياتى حنين الماضى 🤗
