حدوتة حنين

البارت الثانى عشر

البارت الثاني عشر
.....................................
حنين قفلت مع اياد من غير ما تسمع اياد بيسلم عليها وجريت قعدت عالسرير وهى مش مصدقة أن كل دة كانت بتتكلم مع اياد وكانت أول المكالمة هتقفل لولا اسلام لحقها وخلاها تستنى اياد يرد عليها.....
عدت الايام وجة ميعاد امتحانات حنين وبقى كل تركيزها ف الامتحانات ومبتحاولش تدى لنفسها فرصة للتفكير فى اياد ومهما كانت الفرص متاحة للكلام معاة فى التليفون مكنتش بتتصل وبتقعد تذاكر ...
داليا : انا مرعوبة من المادة دية
بوسى : وانا كمان
داليا : هو انتى مش معانا ولا أية
حنين : سامعاكوا
داليا : والله طب كويس ،،انتى أية فقدتى الاحساس خلاص
حنين : يا بنتى اللى ذاكر ذاكر خلاص أما الخوف دة حاجة طبيعية
بوسى : حنين شكلك واثقة من نفسك فى المادة دى،، خليكى معايا ونبى
حنين : يا ناصحة انتى اكيد فى لجنة غيرى
بوسى : لية أن شاء الله؟؟!!
حنين : عشان اكيد اللجنة بالحروف الأبجدية وانتى قبلى اكيد
داليا : 😭😭 عالاقل انتوا الاتنين قبلى فى اللجان
بوسى : يااااارب ينطوا فى الاسماء من حرفى عند حنين
حنين : هههههههه طب بس بقى عشان مش بتفائل خالص بالضحك ال قبل الامتحان
داليا : عندك حق ولا انا كمان
بوسى : حنين هو انتى عرفتى ازاى تذاكرى
حنين : عادى وبعدين انا مش قلقانة غير من القر بتاعك دة
بوسى : هههه متخافيش بس بجد
عرفتى تذاكرى ازاى وانتى بتكلمى اياد
حنين : الله يخليكى يا بوسى بلاش السيرة دى دلوقتى عشان مش عاوزة مخى يتشتت وبعد الامتحان نتكلم
داليا : هههههههه جبانة
حنين : خلاص بقااااا
😬😬😬😬😬😬😬
دخلت حنين واصحابها يدوروا على اسمهم فى اللجان وكانت بوسى فى الصف التانى جنب حنين
داليا : يا محظوظين انتوا ازاى جنب بعض
حنين : انتى مش شايفة الصف طولة اد أية و والحرف بتاعها جة فى الصف جنبى
داليا : انا فى الصف اللى جنبكوا بس ورا 😭
حنين : متزعليش ان شاء الله الامتحان هيطلع سهل
بوسى : يارب بس ونبى يا حنين متحليش غير لما نتفق هنحل أية
حنين : خلاص ماشى بس مش عاوزة غباء ينزل وتبقى سريعة عشان محدش يسحب الورقة مننا
داليا : يا بختكوا 😭
حنين : يالا يالا اللجنة هتبتدى
بوسى : انا بطنى كركبت
حنين : امسكى نفسك
بوسى : هحاول بس مش ضامنة ،، الله يحرق دى مادة
حنين : هههههههه يا بنتى بس مش عاوزة اضحك قولتلك
😊😊😊😊😊😊😊
دخل المراقب وسلم نماذج الاجابات وبعدها ورقة الأسئلة ....
حنين : الحمدلله
بوسى : هنحل اول واحد ماشى
حنين :ماشى يالا
فى الجنب التانى داليا وكان رامز قريب منها ...
داليا : انت يا بنى ادم
رامز : .......
داليا : انت يا بنى
رامز : انا
داليا : اة ..ازيك
رامز : نعم،، انتى بتسلمى هنا
داليا : هتحل أنة سؤال
رامز : التانى
داليا : وانا كمان بس خليك معايا
رامز : أية الرقة دى ،،من امتى ؟
المراقب : لو لقيتك بتبص على ورقتها تانى هسحب الورقة منك انت فاهم
رامز : والله ما بصيت واسألها
داليا 🙄: معلش مركزة فى ورقتى ومخدتش بالى
رامز : بقي كدة
المراقب : مش هحذرك تانى
داليا : 🙄🙄
بوسى : حنين حنين
حنين : اممم
بوسى : انتى كل دة فى أول سؤال
حنين : اممم
بوسى : انا خلصتة هو انتى ذاكرتى من كتاب تانى ولا أية
حنين : ههههه
المراقب : بتضحكى على أية يا آنسة
حنين : حضرتك بتكلمنى
المراقب : ايوة ،،فى حاجة فى الأسئلة بتضحك
حنين : مش واخدة بالى معلش ،،هو حضرتك بتتكلم عن أية ؟
المراقب : ولا حاجة اتفضلى حلى عشان الوقت
حنين : ميرسى جدا لذوقك
المراقب : بلاش توتروا نفسكوا يا جماعة واهدوا عشان تعرفوا تحلوا
حنين : انا فعلا متوترة وحضرتك عندك حق
المراقب : ركزى واهدى
حنين : حاضر
فى الوقت اللى حنين كانت عمالة تتكلم مع المراقب كانت مايلة الورقة ناحية بوسى عشان بوسى تعرف تنتقل منها وفعلا المراقب مخدش بالة من حركة حنين ..
بوسى : خلصت يا حنين يالا السؤال الثالث وانا عارفاة
حنين : احممم ماشى
المراقب : فاضل ربع ساعة إللى بيكتب حاجة يقفل عشان الوقت ويراجع بسرعة
داليا : انت يا واد
رامز : 🤨🙄
داليا : رددد
رامز : عايزة أية
داليا : خلصت
رامز : مبروك
داليا : يا بنى انا بسألك انت خلصت
رامز : الحمدلله
داليا : وانا كمان
رامز : شاطرة
داليا : طب هات مسطرة
المراقب : وبعدين معاك انا مش قولتلك تبص فى ورقتك
رامز : والله هى اللى بتنادى عليا
داليا : هو انا هنادى عليك لية انا خلصت
المراقب : سلم ورقتك مش خلصت ولا لسة
رامز : خلصت اة بس لسة فاضل خمس دقائق
المراقب : اتفضل وانا مش هتحرك من جنبك لما اشوف اخرتها معاك
داليا : 🙄🙄
رامز : ياريت حضرتك تفضل واقف
حنين : كدة تمام عندك
بوسى : كدة تمام اووى يا قمر
حنين : يا ترى داليا عملت أية
بوسى : المراقب واقف عندها مش راضى يتحرك
المراقب : هنلم الورق خلاص
😌😌😌😌😌😌😌
حنين : الحمدلله اول امتحان عدا على خير
بوسى : ربنا يخليكى يا نونة كنت هضيع
داليا : اى خدمة
حنين : عملتى أية
داليا : الحمدلله
بوسى : هو انتى بتقولى اى خدمة على أية
رامز : عجبكوا كدة بسبب الأستاذة كانت الورقة هتتسحب منى
داليا : يعنى اخاف عليك ولا على صاحبتى
رامز : يعنى اية دة
داليا : بوسى مش مذاكرة كويس وحنين بتساعدها وكنت لازم اطلع صوت عشان المراقب يسيب المكان عندهم عشان حنين تعرف توريها الاجابات
رامز : نعممممم وانااا
داليا : اعملك أية مش انت اللى بترد
البنات : هههههههههههه
بوسى : حبيبتى يا دودو
حنين : يخربيت دماغك وانا اللى فاكرة نفسي ضحكت عالمراقب
رامز : تعالى يا عم اسمع واتفرج
اياد : ازيكوا
حنين بضربات قلب سريعة : الحمدلله
داليا : هههه حلو دة
بوسى : اة فعلا هههههههه
اياد : عملتوا أية
رامز : دووول شياطين
اياد : رامز عيب
داليا : خلى حنين بقى تحكيلك واحنا هنروح نجيب حاجة نشربها
رامز : وانا هقعد عند المدرج استحالة هقف معاهم فى مكان واحد
اياد : احسن أنهم مشيوا
حنين : .......
اياد : وحشتينى
حنين : وانت كمان
اياد : محبتش اجى قبل الامتحان عشان تركزى ومشغلكيش
حنين : ميرسي
اياد : عملتى أية
حنين : الحمدلله نفس الأسئلة من الملزمة بتاعتك
اياد : طب الحمدلله.. تعالى نقعد
حنين : انا مش هينفع أتأخر
اياد : متخافيش مش هأخرك،،بس اشوفك شوية واسمع صوتك دانا ماصدقت الامتحانات جت عشان اعرف اشوفك
حنين : طب وبعد الامتحانات
اياد : سيبى كل حاجة بوقتها
حنين : ماشى
اياد : أية الشياكة دى
حنين : بالعكس انت اللى شيك جدا
اياد : ما انا بقالى يومين بفكر ازاى اوصل لشياكتك
حنين : هههه انت مجامل جدا
اياد : والله ابدا بس انتى شيك بزيادة اوى
حنين : بالعكس بقى البنات كانت هتطلع عينيهم عليك من كتر شياكتك
اياد : طب وانتى أية ؟
حنين باحراج : ههه أية
اياد : انتى لسة محرجة منى
حنين : اممم ومش مصدقة اصلا
اياد : طب هتعملى أية لما تعدى الايام وتلاقى دبلتى فى ايدك
حنين : حاسة أن اليوم دة بعيد
اياد : الحلم كان بعيد بس انا هقربة أن شآء الله وانا قررت انك تبقى مراتى فاهمة
حنين : ياريت
اياد : ان شاء الله ..
حنين : المرة اللى فاتت اخوك رد عليا واتحرجت
اياد : بس انقذك
حنين : بصراحة اة كنت هقفل خلاص
اياد : لية مكلمتنيش تانى
حنين : كنت خايفة معرفش اذاكر
اياد : معنى كدة مكنتيش بتفكرى فيا
حنين : كنت بهرب يا اياد بس قبل ما انام غصب عنى كنت بفتكر صوتك وكلامك
اياد : انا بقى بشتغل وكأنك قدامى وبنام وكأنك جنبى وباكل وانتى قاعدة معايا وكل حياتى حاسس انك محوطانى
حنين : بتضحك عليا
اياد : ههههه لية كل ما اصارحك بمشاعرى تقوليلى بضحك عليكى
حنين : عشان الراجل بطبعة عملى اكتر والبنات هما اللى عاطفيين
اياد : واحنا معندناش قلب يعنى
حنين : لاة عندكوا بس جامد شوية
اياد : تفتكرى لو حد بيحب واحدة زى القمر كدة تفتكرى ممكن يشتغل ويعيش حياتة من غير ما يفكر فيها ويتمنى قربة منها
حنين : ممم معرفش
اياد شد ايد حنين وحطها على قلبة : ودة كمان هيكدب
حنين : بس يا اياد مينفعش كدة
اياد : يبقى بلاش تستفزينى وتقوليلى حاسة بأية
حنين : طب سيب ايدى
اياد : اتكلمى الاول ومتخافيش محدش شايف حاجة
حنين : اقول أية
اياد : قولى حاسة بأية
حنين : قلبك بيدق بسرعة اووى
اياد : واية كمان
حنين : معرفش
اياد : يعنى ضربات قلبى دى اكيد بتجرى ورا بعضها من اشتياقها بيكى
حنين : وانا كمان على فكرة زيك
اياد بنظرة قوية: كان نفسى احس بقلبك زى ما خليتك تحسى بيا بس انا مش هعمل كدة دلوقتى ويكفى انى سامع دقاتة
حنين : وانا كمان حاسة بيك جدا وكان نفسى اشوفك عشان وحشتنى وعشان اعرف اذاكر المادة الجاية
اياد : مممم تاخدى باور يعنى
حنين : حاجة زى كدة ههههه
اياد : عندى استعداد الصبح وبالليل ومش هتعب ولا هزهق بالعكس دانا ما هصدق
حنين : انت عارف المشكلة فين
اياد : مشكلة أية
حنين : انى مصدقة كلامك هههههههه
اياد : ههههه ودى مشكلة
حنين : مش عارفة أية اللى مخلينى اصدقك
اياد : الاحساس الوحيد اللى صعب حد يكدبة وانتى حاسة بيا
حنين : ممم صح
اياد : يالا عشان تاكلى
حنين : تصدقنى لو قولتلك انى لما بشوفك أو اسمع صوتك أو حتى افتكرك ومهما كنت جعانة بحس ساعتها انى شبعت
اياد : ولا قصدك سديت نفسك ههههه
حنين : ههههه لا والله بتكلم بجد ،،بحس كأنى كلت خروف
اياد : تفتكرى الحب بيشبع
حنين : شكلة كدة
اياد غمز لحنين وفضل يبص على ملامح وشها وكأنة بياكل حنين بعينة ..
حنين : انا بتكسف كدة
اياد : طب اعمل ايه غصب عني
حنين : نفسي اعمل زيك ويبقى عندى الجرأة ابصلك زى انت ما بتبصلى
اياد : يااااريت عشان عينك تفضل قدامى عالطول بدل ماانا بحاول اسرق نظرة منها
حنين : انا لو قعدت كدة للسنة الجاية مش هحس بالوقت ولا هقوم بس انا لازم اقوم ..
حنين طلعت الموبايل تشوف الساعة كام لقت مامتها متصلة عشر مرات والبنات كمان ...
حنين : يااااخبر
اياد : فى أية
حنين : ماما اتصلت وانا كنت عاملة الموبايل سايلنت عشان الامتحان ونسيت اغيرة
اياد : خلاص كلميها وفهميها
حنين : هكلمها بس هقولها اتأخرت لية
اياد : قوليلها بجيب ملازم
حنين : هى فين الملازم دى
اياد : رامز راح يصورها وهيجيبها وانا متفق معاة بعد ساعة عند المدرج
حنين : هههه انت مش ممكن
اياد : هههه دة كلة عشان خاطرك انتى وبس ،،،اصحابك كدة شكلهم مشيوا ولا أية
حنين : مش عارفة هكلم ماما وبعدين اكلمهم واشوفهم...
اياد : كويس أن الموبايل معاكى النهاردة عشان اعرف اكلمك علية
حنين : وانا كمان عايزة رقمك احتياطى
اياد.: كلمى ماما طمنيها وهنتفق
حنين : حاضر
😍😍😍😍😍😍😍😍😍😍
لااااايك وكومنت لمتابعة حدوتة حنين⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩
تحياتى حنين الماضى 🤗